{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Jeremias, Chapter 40 — 16 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Jeremias",
      "slug": "jeremias",
      "testament": "OT",
      "order": 28,
      "totalChapters": 52
    },
    "chapter": 40,
    "verseCount": 16,
    "navigation": {
      "htmlUrl": "https://latinprayer.org/latin/jeremias/40/",
      "bookIndex": "https://latinprayer.org/latin/jeremias/index.json",
      "bookHtmlUrl": "https://latinprayer.org/latin/jeremias/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/jeremias/39.json",
      "previousChapterHtmlUrl": "https://latinprayer.org/latin/jeremias/39/",
      "nextChapter": "https://latinprayer.org/latin/jeremias/41.json",
      "nextChapterHtmlUrl": "https://latinprayer.org/latin/jeremias/41/"
    },
    "crossReferences": {
      "english": "https://latinprayer.org/bible/jeremias/40.json",
      "englishHtmlUrl": "https://latinprayer.org/bible/jeremias/40/",
      "german": "https://latinprayer.org/bibel/jeremias/40.json",
      "germanHtmlUrl": "https://latinprayer.org/bibel/jeremia/40/"
    }
  },
  "citation": "Jeremias 40 (Clementine Vulgate)",
  "verses": [
    {
      "verse": 1,
      "text": "Sermo qui factus est ad Jeremiam a Domino, postquam dimissus est a Nabuzardan magistro militiæ de Rama, quando tulit eum vinctum catenis in medio omnium qui migrabant de Jerusalem et Juda, et ducebantur in Babylonem.",
      "citation": "Jeremias 40:1 (Clementine Vulgate)"
    },
    {
      "verse": 2,
      "text": "Tollens ergo princeps militiæ Jeremiam, dixit ad eum : Dominus Deus tuus locutus est malum hoc super locum istum :",
      "citation": "Jeremias 40:2 (Clementine Vulgate)"
    },
    {
      "verse": 3,
      "text": "et adduxit, et fecit Dominus sicut locutus est, quia peccastis Domino, et non audistis vocem ejus : et factus est vobis sermo hic.",
      "citation": "Jeremias 40:3 (Clementine Vulgate)"
    },
    {
      "verse": 4,
      "text": "Nunc ergo ecce solvi te hodie de catenis quæ sunt in manibus tuis : si placet tibi ut venias mecum in Babylonem, veni, et ponam oculos meos super te : si autem displicet tibi venire mecum in Babylonem, reside : ecce omnis terra in conspectu tuo est : quod elegeris, et quo placuerit tibi ut vadas, illuc perge :",
      "citation": "Jeremias 40:4 (Clementine Vulgate)"
    },
    {
      "verse": 5,
      "text": "et mecum noli venire, sed habita apud Godoliam filium Ahicam filii Saphan, quem præposuit rex Babylonis civitatibus Juda : habita ergo cum eo in medio populi : vel quocumque placuerit tibi ut vadas, vade. Dedit quoque ei magister militiæ cibaria et munuscula, et dimisit eum.",
      "citation": "Jeremias 40:5 (Clementine Vulgate)"
    },
    {
      "verse": 6,
      "text": "Venit autem Jeremias ad Godoliam filium Ahicam in Masphath, et habitavit cum eo in medio populi qui relictus fuerat in terra.",
      "citation": "Jeremias 40:6 (Clementine Vulgate)"
    },
    {
      "verse": 7,
      "text": "Cumque audissent omnes principes exercitus, qui dispersi fuerant per regiones, ipsi et socii eorum, quod præfecisset rex Babylonis Godoliam filium Ahicam terræ, et quod commendasset ei viros, et mulieres, et parvulos, et de pauperibus terræ, qui non fuerant translati in Babylonem,",
      "citation": "Jeremias 40:7 (Clementine Vulgate)"
    },
    {
      "verse": 8,
      "text": "venerunt ad Godoliam in Masphath, et Ismahel filius Nathaniæ, et Johanan et Jonathan filii Caree, et Sareas filius Thanehumeth, et filii Ophi, qui erant de Netophathi, et Jezonias filius Maachathi, ipsi et viri eorum.",
      "citation": "Jeremias 40:8 (Clementine Vulgate)"
    },
    {
      "verse": 9,
      "text": "Et juravit eis Godolias filius Ahicam filii Saphan, et comitibus eorum, dicens : Nolite timere servire Chaldæis : habitate in terra, et servite regi Babylonis, et bene erit vobis.",
      "citation": "Jeremias 40:9 (Clementine Vulgate)"
    },
    {
      "verse": 10,
      "text": "Ecce ego habito in Masphath, ut respondeam præcepto Chaldæorum qui mittuntur ad nos : vos autem colligite vindemiam, et messem, et oleum, et condite in vasis vestris, et manete in urbibus vestris quas tenetis.",
      "citation": "Jeremias 40:10 (Clementine Vulgate)"
    },
    {
      "verse": 11,
      "text": "Sed et omnes Judæi qui erant in Moab, et in filiis Ammon, et in Idumæa, et in universis regionibus, audito quod dedisset rex Babylonis reliquias in Judæa, et quod præposuisset super eos Godoliam filium Ahicam filii Saphan,",
      "citation": "Jeremias 40:11 (Clementine Vulgate)"
    },
    {
      "verse": 12,
      "text": "reversi sunt, inquam, omnes Judæi de universis locis ad quæ profugerant, et venerunt in terram Juda ad Godoliam in Masphath, et collegerunt vinum et messem multam nimis.",
      "citation": "Jeremias 40:12 (Clementine Vulgate)"
    },
    {
      "verse": 13,
      "text": "Johanan autem filius Caree, et omnes principes exercitus qui dispersi fuerant in regionibus, venerunt ad Godoliam in Masphath,",
      "citation": "Jeremias 40:13 (Clementine Vulgate)"
    },
    {
      "verse": 14,
      "text": "et dixerunt ei : Scito quod Baalis, rex filiorum Ammon, misit Ismahel filium Nathaniæ percutere animam tuam. Et non credidit eis Godolias filius Ahicam.",
      "citation": "Jeremias 40:14 (Clementine Vulgate)"
    },
    {
      "verse": 15,
      "text": "Johanan autem filius Caree dixit ad Godoliam seorsum in Masphath, loquens : Ibo, et percutiam Ismahel filium Nathaniæ, nullo sciente, ne interficiat animam tuam, et dissipentur omnes Judæi qui congregati sunt ad te, et peribunt reliquiæ Juda.",
      "citation": "Jeremias 40:15 (Clementine Vulgate)"
    },
    {
      "verse": 16,
      "text": "Et ait Godolias filius Ahicam ad Johanan filium Caree : Noli facere verbum hoc : falsum enim tu loqueris de Ismahel.",
      "citation": "Jeremias 40:16 (Clementine Vulgate)"
    }
  ]
}