{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Jeremias, Chapter 43 — 13 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Jeremias",
      "slug": "jeremias",
      "testament": "OT",
      "order": 28,
      "totalChapters": 52
    },
    "chapter": 43,
    "verseCount": 13,
    "navigation": {
      "htmlUrl": "https://latinprayer.org/latin/jeremias/43/",
      "bookIndex": "https://latinprayer.org/latin/jeremias/index.json",
      "bookHtmlUrl": "https://latinprayer.org/latin/jeremias/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/jeremias/42.json",
      "previousChapterHtmlUrl": "https://latinprayer.org/latin/jeremias/42/",
      "nextChapter": "https://latinprayer.org/latin/jeremias/44.json",
      "nextChapterHtmlUrl": "https://latinprayer.org/latin/jeremias/44/"
    },
    "crossReferences": {
      "english": "https://latinprayer.org/bible/jeremias/43.json",
      "englishHtmlUrl": "https://latinprayer.org/bible/jeremias/43/",
      "german": "https://latinprayer.org/bibel/jeremias/43.json",
      "germanHtmlUrl": "https://latinprayer.org/bibel/jeremia/43/"
    }
  },
  "citation": "Jeremias 43 (Clementine Vulgate)",
  "verses": [
    {
      "verse": 1,
      "text": "Factum est autem, cum complesset Jeremias loquens ad populum universos sermones Domini Dei eorum, pro quibus miserat eum Dominus Deus eorum ad illos, omnia verba hæc,",
      "citation": "Jeremias 43:1 (Clementine Vulgate)"
    },
    {
      "verse": 2,
      "text": "dixit Azarias filius Osaiæ, et Johanan filius Caree, et omnes viri superbi, dicentes ad Jeremiam : Mendacium tu loqueris : non misit te Dominus Deus noster, dicens : Ne ingrediamini Ægyptum ut habitetis illuc.",
      "citation": "Jeremias 43:2 (Clementine Vulgate)"
    },
    {
      "verse": 3,
      "text": "Sed Baruch filius Neriæ incitat te adversum nos, ut tradat nos in manus Chaldæorum, ut interficiat nos, et traduci faciat in Babylonem.",
      "citation": "Jeremias 43:3 (Clementine Vulgate)"
    },
    {
      "verse": 4,
      "text": "Et non audivit Johanan filius Caree, et omnes principes bellatorum, et universus populus, vocem Domini, ut manerent in terra Juda.",
      "citation": "Jeremias 43:4 (Clementine Vulgate)"
    },
    {
      "verse": 5,
      "text": "Sed tollens Johanan filius Caree, et universi principes bellatorum, universos reliquiarum Juda, qui reversi fuerant de cunctis gentibus ad quas fuerant ante dispersi, ut habitarent in terra Juda,",
      "citation": "Jeremias 43:5 (Clementine Vulgate)"
    },
    {
      "verse": 6,
      "text": "viros, et mulieres, et parvulos, et filias regis, et omnem animam quam reliquerat Nabuzardan princeps militiæ cum Godolia filio Ahicam filii Saphan, et Jeremiam prophetam, et Baruch filium Neriæ :",
      "citation": "Jeremias 43:6 (Clementine Vulgate)"
    },
    {
      "verse": 7,
      "text": "et ingressi sunt terram Ægypti, quia non obedierunt voci Domini, et venerunt usque ad Taphnis.",
      "citation": "Jeremias 43:7 (Clementine Vulgate)"
    },
    {
      "verse": 8,
      "text": "Et factus est sermo Domini ad Jeremiam in Taphnis, dicens :",
      "citation": "Jeremias 43:8 (Clementine Vulgate)"
    },
    {
      "verse": 9,
      "text": "Sume lapides grandes in manu tua, et abscondes eos in crypta quæ est sub muro latericio in porta domus Pharaonis in Taphnis, cernentibus viris Judæis :",
      "citation": "Jeremias 43:9 (Clementine Vulgate)"
    },
    {
      "verse": 10,
      "text": "et dices ad eos : Hæc dicit Dominus exercituum, Deus Israël : Ecce ego mittam et assumam Nabuchodonosor regem Babylonis, servum meum : et ponam thronum ejus super lapides istos quos abscondi, et statuet solium suum super eos :",
      "citation": "Jeremias 43:10 (Clementine Vulgate)"
    },
    {
      "verse": 11,
      "text": "veniensque percutiet terram Ægypti, quos in mortem, in mortem, et quos in captivitatem, in captivitatem, et quos in gladium, in gladium :",
      "citation": "Jeremias 43:11 (Clementine Vulgate)"
    },
    {
      "verse": 12,
      "text": "et succendet ignem in delubris deorum Ægypti, et comburet ea, et captivos ducet illos, et amicietur terra Ægypti sicut amicitur pastor pallio suo, et egredietur inde in pace :",
      "citation": "Jeremias 43:12 (Clementine Vulgate)"
    },
    {
      "verse": 13,
      "text": "et conteret statuas domus solis quæ sunt in terra Ægypti, et delubra deorum Ægypti comburet igni.",
      "citation": "Jeremias 43:13 (Clementine Vulgate)"
    }
  ]
}