{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Jeremias, Chapter 48 — 47 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Jeremias",
      "slug": "jeremias",
      "testament": "OT",
      "order": 28,
      "totalChapters": 52
    },
    "chapter": 48,
    "verseCount": 47,
    "navigation": {
      "htmlUrl": "https://latinprayer.org/latin/jeremias/48/",
      "bookIndex": "https://latinprayer.org/latin/jeremias/index.json",
      "bookHtmlUrl": "https://latinprayer.org/latin/jeremias/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/jeremias/47.json",
      "previousChapterHtmlUrl": "https://latinprayer.org/latin/jeremias/47/",
      "nextChapter": "https://latinprayer.org/latin/jeremias/49.json",
      "nextChapterHtmlUrl": "https://latinprayer.org/latin/jeremias/49/"
    },
    "crossReferences": {
      "english": "https://latinprayer.org/bible/jeremias/48.json",
      "englishHtmlUrl": "https://latinprayer.org/bible/jeremias/48/",
      "german": "https://latinprayer.org/bibel/jeremias/48.json",
      "germanHtmlUrl": "https://latinprayer.org/bibel/jeremia/48/"
    }
  },
  "citation": "Jeremias 48 (Clementine Vulgate)",
  "verses": [
    {
      "verse": 1,
      "text": "Ad Moab. Hæc dicit Dominus exercituum, Deus Israël : Væ super Nabo, quoniam vastata est, et confusa ! capta est Cariathaim, confusa est fortis, et tremuit.",
      "citation": "Jeremias 48:1 (Clementine Vulgate)"
    },
    {
      "verse": 2,
      "text": "Non est ultra exsultatio in Moab contra Hesebon : cogitaverunt malum : Venite, et disperdamus eam de gente. Ergo silens conticesces, sequeturque te gladius.",
      "citation": "Jeremias 48:2 (Clementine Vulgate)"
    },
    {
      "verse": 3,
      "text": "Vox clamoris de Oronaim, vastitas et contritio magna.",
      "citation": "Jeremias 48:3 (Clementine Vulgate)"
    },
    {
      "verse": 4,
      "text": "Contrita est Moab : annuntiate clamorem parvulis ejus.",
      "citation": "Jeremias 48:4 (Clementine Vulgate)"
    },
    {
      "verse": 5,
      "text": "Per ascensum enim Luith plorans ascendet in fletu, quoniam in descensu Oronaim hostes ululatum contritionis audierunt.",
      "citation": "Jeremias 48:5 (Clementine Vulgate)"
    },
    {
      "verse": 6,
      "text": "Fugite, salvate animas vestras, et eritis quasi myricæ in deserto :",
      "citation": "Jeremias 48:6 (Clementine Vulgate)"
    },
    {
      "verse": 7,
      "text": "pro eo enim quod habuisti fiduciam in munitionibus tuis et in thesauris tuis, tu quoque capieris : et ibit Chamos in transmigrationem, sacerdotes ejus et principes ejus simul.",
      "citation": "Jeremias 48:7 (Clementine Vulgate)"
    },
    {
      "verse": 8,
      "text": "Et veniet prædo ad omnem urbem, et urbs nulla salvabitur : et peribunt valles, et dissipabuntur campestria, quoniam dixit Dominus :",
      "citation": "Jeremias 48:8 (Clementine Vulgate)"
    },
    {
      "verse": 9,
      "text": "Date florem Moab, quia florens egredietur : et civitates ejus desertæ erunt, et inhabitabiles.",
      "citation": "Jeremias 48:9 (Clementine Vulgate)"
    },
    {
      "verse": 10,
      "text": "Maledictus qui facit opus Domini fraudulenter, et maledictus qui prohibet gladium suum a sanguine.",
      "citation": "Jeremias 48:10 (Clementine Vulgate)"
    },
    {
      "verse": 11,
      "text": "Fertilis fuit Moab ab adolescentia sua, et requievit in fæcibus suis : nec transfusus est de vase in vas, et in transmigrationem non abiit : idcirco permansit gustus ejus in eo, et odor ejus non est immutatus.",
      "citation": "Jeremias 48:11 (Clementine Vulgate)"
    },
    {
      "verse": 12,
      "text": "Propterea ecce dies veniunt, dicit Dominus, et mittam ei ordinatores et stratores laguncularum : et sternent eum, et vasa ejus exhaurient, et lagunculas eorum collident.",
      "citation": "Jeremias 48:12 (Clementine Vulgate)"
    },
    {
      "verse": 13,
      "text": "Et confundetur Moab a Chamos sicut confusa est domus Israël a Bethel, in qua habebat fiduciam.",
      "citation": "Jeremias 48:13 (Clementine Vulgate)"
    },
    {
      "verse": 14,
      "text": "Quomodo dicitis : Fortes sumus, et viri robusti ad præliandum ?",
      "citation": "Jeremias 48:14 (Clementine Vulgate)"
    },
    {
      "verse": 15,
      "text": "Vastata est Moab, et civitates illius succiderunt, et electi juvenes ejus descenderunt in occisionem, ait Rex : Dominus exercituum nomen ejus.",
      "citation": "Jeremias 48:15 (Clementine Vulgate)"
    },
    {
      "verse": 16,
      "text": "Prope est interitus Moab ut veniat, et malum ejus velociter accurret nimis.",
      "citation": "Jeremias 48:16 (Clementine Vulgate)"
    },
    {
      "verse": 17,
      "text": "Consolamini eum, omnes qui estis in circuitu ejus : et universi qui scitis nomen ejus, dicite : Quomodo confracta est virga fortis, baculus gloriosus ?",
      "citation": "Jeremias 48:17 (Clementine Vulgate)"
    },
    {
      "verse": 18,
      "text": "Descende de gloria, et sede in siti, habitatio filiæ Dibon, quoniam vastator Moab ascendit ad te : dissipavit munitiones tuas.",
      "citation": "Jeremias 48:18 (Clementine Vulgate)"
    },
    {
      "verse": 19,
      "text": "In via sta, et prospice, habitatio Aroër : interroga fugientem, et ei qui evasit dic : Quid accidit ?",
      "citation": "Jeremias 48:19 (Clementine Vulgate)"
    },
    {
      "verse": 20,
      "text": "Confusus est Moab, quoniam victus est. Ululate, et clamate : annuntiate in Arnon, quoniam vastata est Moab,",
      "citation": "Jeremias 48:20 (Clementine Vulgate)"
    },
    {
      "verse": 21,
      "text": "et judicium venit ad terram campestrem, super Helon, et super Jasa, et super Mephaath,",
      "citation": "Jeremias 48:21 (Clementine Vulgate)"
    },
    {
      "verse": 22,
      "text": "et super Dibon, et super Nabo, et super domum Deblathaim,",
      "citation": "Jeremias 48:22 (Clementine Vulgate)"
    },
    {
      "verse": 23,
      "text": "et super Cariathaim, et super Bethgamul, et super Bethmaon,",
      "citation": "Jeremias 48:23 (Clementine Vulgate)"
    },
    {
      "verse": 24,
      "text": "et super Carioth, et super Bosra, et super omnes civitates terræ Moab, quæ longe et quæ prope sunt.",
      "citation": "Jeremias 48:24 (Clementine Vulgate)"
    },
    {
      "verse": 25,
      "text": "Abscissum est cornu Moab, et brachium ejus contritum est, ait Dominus.",
      "citation": "Jeremias 48:25 (Clementine Vulgate)"
    },
    {
      "verse": 26,
      "text": "Inebriate eum, quoniam contra Dominum erectus est : et allidet manum Moab in vomitu suo, et erit in derisum etiam ipse.",
      "citation": "Jeremias 48:26 (Clementine Vulgate)"
    },
    {
      "verse": 27,
      "text": "Fuit enim in derisum tibi Israël : quasi inter fures reperisses eum : propter verba ergo tua quæ adversum illum locutus es, captivus duceris.",
      "citation": "Jeremias 48:27 (Clementine Vulgate)"
    },
    {
      "verse": 28,
      "text": "Relinquite civitates, et habitate in petra, habitatores Moab : et estote quasi columba nidificans in summo ore foraminis.",
      "citation": "Jeremias 48:28 (Clementine Vulgate)"
    },
    {
      "verse": 29,
      "text": "Audivimus superbiam Moab : superbus est valde : sublimitatem ejus, et arrogantiam, et superbiam, et altitudinem cordis ejus.",
      "citation": "Jeremias 48:29 (Clementine Vulgate)"
    },
    {
      "verse": 30,
      "text": "Ego scio, ait Dominus, jactantiam ejus, et quod non sit juxta eam virtus ejus, nec juxta quod poterat conata sit facere.",
      "citation": "Jeremias 48:30 (Clementine Vulgate)"
    },
    {
      "verse": 31,
      "text": "Ideo super Moab ejulabo, et ad Moab universam clamabo, ad viros muri fictilis lamentantes :",
      "citation": "Jeremias 48:31 (Clementine Vulgate)"
    },
    {
      "verse": 32,
      "text": "de planctu Jazer plorabo tibi, vinea Sabama. Propagines tuæ transierunt mare ; usque ad mare Jazer pervenerunt : super messem tuam et vindemiam tuam prædo irruit.",
      "citation": "Jeremias 48:32 (Clementine Vulgate)"
    },
    {
      "verse": 33,
      "text": "Ablata est lætitia et exsultatio de Carmelo et de terra Moab, et vinum de torcularibus sustuli : nequaquam calcator uvæ solitum celeuma cantabit.",
      "citation": "Jeremias 48:33 (Clementine Vulgate)"
    },
    {
      "verse": 34,
      "text": "De clamore Hesebon usque Eleale et Jasa, dederunt vocem suam ; a Segor usque ad Oronaim, vitula conternante : aquæ quoque Nemrim pessimæ erunt.",
      "citation": "Jeremias 48:34 (Clementine Vulgate)"
    },
    {
      "verse": 35,
      "text": "Et auferam de Moab, ait Dominus, offerentem in excelsis, et sacrificantem diis ejus.",
      "citation": "Jeremias 48:35 (Clementine Vulgate)"
    },
    {
      "verse": 36,
      "text": "Propterea cor meum ad Moab quasi tibiæ resonabit, et cor meum ad viros muri fictilis dabit sonitum tibiarum : quia plus fecit quam potuit, idcirco perierunt.",
      "citation": "Jeremias 48:36 (Clementine Vulgate)"
    },
    {
      "verse": 37,
      "text": "Omne enim caput calvitium, et omnis barba rasa erit : in cunctis manibus colligatio, et super omne dorsum cilicium :",
      "citation": "Jeremias 48:37 (Clementine Vulgate)"
    },
    {
      "verse": 38,
      "text": "super omnia tecta Moab, et in plateis ejus, omnis planctus : quoniam contrivi Moab sicut vas inutile, ait Dominus.",
      "citation": "Jeremias 48:38 (Clementine Vulgate)"
    },
    {
      "verse": 39,
      "text": "Quomodo victa est, et ululaverunt ? quomodo dejecit cervicem Moab, et confusus est ? eritque Moab in derisum, et in exemplum omnibus in circuitu suo.",
      "citation": "Jeremias 48:39 (Clementine Vulgate)"
    },
    {
      "verse": 40,
      "text": "Hæc dicit Dominus : Ecce quasi aquila volabit, et extendet alas suas ad Moab.",
      "citation": "Jeremias 48:40 (Clementine Vulgate)"
    },
    {
      "verse": 41,
      "text": "Capta est Carioth, et munitiones comprehensæ sunt : et erit cor fortium Moab in die illa sicut cor mulieris parturientis,",
      "citation": "Jeremias 48:41 (Clementine Vulgate)"
    },
    {
      "verse": 42,
      "text": "et cessabit Moab esse populus, quoniam contra Dominum gloriatus est.",
      "citation": "Jeremias 48:42 (Clementine Vulgate)"
    },
    {
      "verse": 43,
      "text": "Pavor, et fovea, et laqueus super te, o habitator Moab, dicit Dominus.",
      "citation": "Jeremias 48:43 (Clementine Vulgate)"
    },
    {
      "verse": 44,
      "text": "Qui fugerit a facie pavoris cadet in foveam, et qui conscenderit de fovea capietur laqueo : adducam enim super Moab annum visitationis eorum, ait Dominus.",
      "citation": "Jeremias 48:44 (Clementine Vulgate)"
    },
    {
      "verse": 45,
      "text": "In umbra Hesebon steterunt de laqueo fugientes, quia ignis egressus est de Hesebon, et flamma de medio Seon : et devorabit partem Moab, et verticem filiorum tumultus.",
      "citation": "Jeremias 48:45 (Clementine Vulgate)"
    },
    {
      "verse": 46,
      "text": "Væ tibi, Moab : periisti, popule Chamos, quia comprehensi sunt filii tui et filiæ tuæ in captivitatem.",
      "citation": "Jeremias 48:46 (Clementine Vulgate)"
    },
    {
      "verse": 47,
      "text": "Et convertam captivitatem Moab in novissimis diebus, ait Dominus. Hucusque judicia Moab.",
      "citation": "Jeremias 48:47 (Clementine Vulgate)"
    }
  ]
}