{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Jeremias, Chapter 49 — 39 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Jeremias",
      "slug": "jeremias",
      "testament": "OT",
      "order": 28,
      "totalChapters": 52
    },
    "chapter": 49,
    "verseCount": 39,
    "navigation": {
      "htmlUrl": "https://latinprayer.org/latin/jeremias/49/",
      "bookIndex": "https://latinprayer.org/latin/jeremias/index.json",
      "bookHtmlUrl": "https://latinprayer.org/latin/jeremias/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/jeremias/48.json",
      "previousChapterHtmlUrl": "https://latinprayer.org/latin/jeremias/48/",
      "nextChapter": "https://latinprayer.org/latin/jeremias/50.json",
      "nextChapterHtmlUrl": "https://latinprayer.org/latin/jeremias/50/"
    },
    "crossReferences": {
      "english": "https://latinprayer.org/bible/jeremias/49.json",
      "englishHtmlUrl": "https://latinprayer.org/bible/jeremias/49/",
      "german": "https://latinprayer.org/bibel/jeremias/49.json",
      "germanHtmlUrl": "https://latinprayer.org/bibel/jeremia/49/"
    }
  },
  "citation": "Jeremias 49 (Clementine Vulgate)",
  "verses": [
    {
      "verse": 1,
      "text": "Ad filios Ammon. Hæc dicit Dominus : Numquid non filii sunt Israël, aut hæres non est ei ? cur igitur hæreditate possedit Melchom Gad, et populus ejus in urbibus ejus habitavit ?",
      "citation": "Jeremias 49:1 (Clementine Vulgate)"
    },
    {
      "verse": 2,
      "text": "Ideo ecce dies veniunt, dicit Dominus, et auditum faciam super Rabbath filiorum Ammon fremitum prælii, et erit in tumultum dissipata, filiæque ejus igni succendentur, et possidebit Israël possessores suos, ait Dominus.",
      "citation": "Jeremias 49:2 (Clementine Vulgate)"
    },
    {
      "verse": 3,
      "text": "Ulula, Hesebon, quoniam vastata est Hai ; clamate, filiæ Rabbath : accingite vos ciliciis, plangite et circuite per sepes, quoniam Melchom in transmigrationem ducetur, sacerdotes ejus et principes ejus simul.",
      "citation": "Jeremias 49:3 (Clementine Vulgate)"
    },
    {
      "verse": 4,
      "text": "Quid gloriaris in vallibus ? defluxit vallis tua, filia delicata, quæ confidebas in thesauris tuis, et dicebas : Quis veniet ad me ?",
      "citation": "Jeremias 49:4 (Clementine Vulgate)"
    },
    {
      "verse": 5,
      "text": "Ecce ego inducam super te terrorem, ait Dominus Deus exercituum, ab omnibus qui sunt in circuitu tuo : et dispergemini singuli a conspectu vestro, nec erit qui congreget fugientes.",
      "citation": "Jeremias 49:5 (Clementine Vulgate)"
    },
    {
      "verse": 6,
      "text": "Et post hæc reverti faciam captivos filiorum Ammon, ait Dominus.",
      "citation": "Jeremias 49:6 (Clementine Vulgate)"
    },
    {
      "verse": 7,
      "text": "Ad Idumæam. Hæc dicit Dominus exercituum : Numquid non ultra est sapientia in Theman ? periit consilium a filiis ; inutilis facta est sapientia eorum.",
      "citation": "Jeremias 49:7 (Clementine Vulgate)"
    },
    {
      "verse": 8,
      "text": "Fugite, et terga vertite ; descendite in voraginem, habitatores Dedan : quoniam perditionem Esau adduxi super eum, tempus visitationis ejus.",
      "citation": "Jeremias 49:8 (Clementine Vulgate)"
    },
    {
      "verse": 9,
      "text": "Si vindemiatores venissent super te, non reliquissent racemum : si fures in nocte rapuissent quod sufficeret sibi.",
      "citation": "Jeremias 49:9 (Clementine Vulgate)"
    },
    {
      "verse": 10,
      "text": "Ego vero discooperui Esau : revelavi abscondita ejus, et celari non poterit : vastatum est semen ejus, et fratres ejus, et vicini ejus, et non erit.",
      "citation": "Jeremias 49:10 (Clementine Vulgate)"
    },
    {
      "verse": 11,
      "text": "Relinque pupillos tuos : ego faciam eos vivere : et viduæ tuæ in me sperabunt.",
      "citation": "Jeremias 49:11 (Clementine Vulgate)"
    },
    {
      "verse": 12,
      "text": "Quia hæc dicit Dominus : Ecce quibus non erat judicium ut biberent calicem, bibentes bibent : et tu, quasi innocens relinqueris ? non eris innocens, sed bibens bibes.",
      "citation": "Jeremias 49:12 (Clementine Vulgate)"
    },
    {
      "verse": 13,
      "text": "Quia per memetipsum juravi, dicit Dominus, quod in solitudinem, et in opprobrium, et in desertum, et in maledictionem erit Bosra, et omnes civitates ejus erunt in solitudines sempiternas.",
      "citation": "Jeremias 49:13 (Clementine Vulgate)"
    },
    {
      "verse": 14,
      "text": "Auditum audivi a Domino, et legatus ad gentes missus est : Congregamini, et venite contra eam, et consurgamus in prælium.",
      "citation": "Jeremias 49:14 (Clementine Vulgate)"
    },
    {
      "verse": 15,
      "text": "Ecce enim parvulum dedi te in gentibus, contemptibilem inter homines.",
      "citation": "Jeremias 49:15 (Clementine Vulgate)"
    },
    {
      "verse": 16,
      "text": "Arrogantia tua decepit te, et superbia cordis tui, qui habitas in cavernis petræ, et apprehendere niteris altitudinem collis : cum exaltaveris quasi aquila nidum tuum, inde detraham te, dicit Dominus.",
      "citation": "Jeremias 49:16 (Clementine Vulgate)"
    },
    {
      "verse": 17,
      "text": "Et erit Idumæa deserta : omnis qui transibit per eam stupebit, et sibilabit super omnes plagas ejus.",
      "citation": "Jeremias 49:17 (Clementine Vulgate)"
    },
    {
      "verse": 18,
      "text": "Sicut subversa est Sodoma et Gomorrha, et vicinæ ejus, ait Dominus : non habitabit ibi vir, et non incolet eam filius hominis.",
      "citation": "Jeremias 49:18 (Clementine Vulgate)"
    },
    {
      "verse": 19,
      "text": "Ecce quasi leo ascendet de superbia Jordanis ad pulchritudinem robustam, quia subito currere faciam eum ad illam. Et quis erit electus, quem præponam ei ? quis enim similis mei ? et quis sustinebit me ? et quis est iste pastor, qui resistat vultui meo ?",
      "citation": "Jeremias 49:19 (Clementine Vulgate)"
    },
    {
      "verse": 20,
      "text": "Propterea audite consilium Domini quod iniit de Edom, et cogitationes ejus quas cogitavit de habitatoribus Theman : si non dejecerint eos parvuli gregis, nisi dissipaverint cum eis habitaculum eorum.",
      "citation": "Jeremias 49:20 (Clementine Vulgate)"
    },
    {
      "verse": 21,
      "text": "A voce ruinæ eorum commota est terra ; clamor in mari Rubro auditus est vocis ejus.",
      "citation": "Jeremias 49:21 (Clementine Vulgate)"
    },
    {
      "verse": 22,
      "text": "Ecce quasi aquila ascendet, et avolabit, et expandet alas suas super Bosran : et erit cor fortium Idumææ in die illa quasi cor mulieris parturientis.",
      "citation": "Jeremias 49:22 (Clementine Vulgate)"
    },
    {
      "verse": 23,
      "text": "Ad Damascum. Confusa est Emath et Arphad, quia auditum pessimum audierunt : turbati sunt in mari ; præ sollicitudine quiescere non potuit.",
      "citation": "Jeremias 49:23 (Clementine Vulgate)"
    },
    {
      "verse": 24,
      "text": "Dissoluta est Damascus, versa est in fugam : tremor apprehendit eam, angustia et dolores tenuerunt eam quasi parturientem.",
      "citation": "Jeremias 49:24 (Clementine Vulgate)"
    },
    {
      "verse": 25,
      "text": "Quomodo dereliquerunt civitatem laudabilem, urbem lætitiæ ?",
      "citation": "Jeremias 49:25 (Clementine Vulgate)"
    },
    {
      "verse": 26,
      "text": "Ideo cadent juvenes ejus in plateis ejus, et omnes viri prælii conticescent in die illa, ait Dominus exercituum.",
      "citation": "Jeremias 49:26 (Clementine Vulgate)"
    },
    {
      "verse": 27,
      "text": "Et succendam ignem in muro Damasci, et devorabit mœnia Benadad.",
      "citation": "Jeremias 49:27 (Clementine Vulgate)"
    },
    {
      "verse": 28,
      "text": "Ad Cedar, et ad regna Asor, quæ percussit Nabuchodonosor rex Babylonis. Hæc dicit Dominus : Surgite, et ascendite ad Cedar, et vastate filios orientis.",
      "citation": "Jeremias 49:28 (Clementine Vulgate)"
    },
    {
      "verse": 29,
      "text": "Tabernacula eorum, et greges eorum capient : pelles eorum, et omnia vasa eorum, et camelos eorum tollent sibi, et vocabunt super eos formidinem in circuitu.",
      "citation": "Jeremias 49:29 (Clementine Vulgate)"
    },
    {
      "verse": 30,
      "text": "Fugite, abite vehementer, in voraginibus sedete, qui habitatis Asor, ait Dominus : iniit enim contra vos Nabuchodonosor rex Babylonis consilium, et cogitavit adversum vos cogitationes.",
      "citation": "Jeremias 49:30 (Clementine Vulgate)"
    },
    {
      "verse": 31,
      "text": "Consurgite, et ascendite ad gentem quietam, et habitantem confidenter, ait Dominus : non ostia, nec vectes eis : soli habitant.",
      "citation": "Jeremias 49:31 (Clementine Vulgate)"
    },
    {
      "verse": 32,
      "text": "Et erunt cameli eorum in direptionem, et multitudo jumentorum in prædam : et dispergam eos in omnem ventum, qui sunt attonsi in comam, et ex omni confinio eorum adducam interitum super eos, ait Dominus.",
      "citation": "Jeremias 49:32 (Clementine Vulgate)"
    },
    {
      "verse": 33,
      "text": "Et erit Asor in habitaculum draconum, deserta usque in æternum : non manebit ibi vir, nec incolet eam filius hominis.",
      "citation": "Jeremias 49:33 (Clementine Vulgate)"
    },
    {
      "verse": 34,
      "text": "Quod facum est verbum Domini ad Jeremiam prophetam adversus Ælam, in principio regni Sedeciæ regis Juda, dicens :",
      "citation": "Jeremias 49:34 (Clementine Vulgate)"
    },
    {
      "verse": 35,
      "text": "Hæc dicit Dominus exercituum : Ecce ego confringam arcum Ælam, et summam fortitudinem eorum :",
      "citation": "Jeremias 49:35 (Clementine Vulgate)"
    },
    {
      "verse": 36,
      "text": "et inducam super Ælam quatuor ventos a quatuor plagis cæli, et ventilabo eos in omnes ventos istos, et non erit gens ad quam non perveniant profugi Ælam.",
      "citation": "Jeremias 49:36 (Clementine Vulgate)"
    },
    {
      "verse": 37,
      "text": "Et pavere faciam Ælam coram inimicis suis, et in conspectu quærentium animam eorum : et adducam super eos malum, iram furoris mei, dicit Dominus, et mittam post eos gladium donec consumam eos.",
      "citation": "Jeremias 49:37 (Clementine Vulgate)"
    },
    {
      "verse": 38,
      "text": "Et ponam solium meum in Ælam, et perdam inde reges et principes, ait Dominus.",
      "citation": "Jeremias 49:38 (Clementine Vulgate)"
    },
    {
      "verse": 39,
      "text": "In novissimis autem diebus reverti faciam captivos Ælam, dicit Dominus.",
      "citation": "Jeremias 49:39 (Clementine Vulgate)"
    }
  ]
}