{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Jeremias, Chapter 50 — 46 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Jeremias",
      "slug": "jeremias",
      "testament": "OT",
      "order": 28,
      "totalChapters": 52
    },
    "chapter": 50,
    "verseCount": 46,
    "navigation": {
      "htmlUrl": "https://latinprayer.org/latin/jeremias/50/",
      "bookIndex": "https://latinprayer.org/latin/jeremias/index.json",
      "bookHtmlUrl": "https://latinprayer.org/latin/jeremias/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/jeremias/49.json",
      "previousChapterHtmlUrl": "https://latinprayer.org/latin/jeremias/49/",
      "nextChapter": "https://latinprayer.org/latin/jeremias/51.json",
      "nextChapterHtmlUrl": "https://latinprayer.org/latin/jeremias/51/"
    },
    "crossReferences": {
      "english": "https://latinprayer.org/bible/jeremias/50.json",
      "englishHtmlUrl": "https://latinprayer.org/bible/jeremias/50/",
      "german": "https://latinprayer.org/bibel/jeremias/50.json",
      "germanHtmlUrl": "https://latinprayer.org/bibel/jeremia/50/"
    }
  },
  "citation": "Jeremias 50 (Clementine Vulgate)",
  "verses": [
    {
      "verse": 1,
      "text": "Verbum quod locutus est Dominus de Babylone et de terra Chaldæorum, in manu Jeremiæ prophetæ.",
      "citation": "Jeremias 50:1 (Clementine Vulgate)"
    },
    {
      "verse": 2,
      "text": "Annuntiate in gentibus, et auditum facite : levate signum, prædicate, et nolite celare : dicite : Capta est Babylon, confusus est Bel, victus est Merodach, confusa sunt sculptilia ejus, superata sunt idola eorum.",
      "citation": "Jeremias 50:2 (Clementine Vulgate)"
    },
    {
      "verse": 3,
      "text": "Quoniam ascendit contra eam gens ab aquilone, quæ ponet terram ejus in solitudinem, et non erit qui habitet in ea ab homine usque ad pecus : et moti sunt, et abierunt.",
      "citation": "Jeremias 50:3 (Clementine Vulgate)"
    },
    {
      "verse": 4,
      "text": "In diebus illis, et in tempore illo, ait Dominus, venient filii Israël ipsi et filii Juda simul : ambulantes et flentes properabunt, et Dominum Deum suum quærent :",
      "citation": "Jeremias 50:4 (Clementine Vulgate)"
    },
    {
      "verse": 5,
      "text": "in Sion interrogabunt viam, huc facies eorum : venient, et apponentur ad Dominum fœdere sempiterno, quod nulla oblivione delebitur.",
      "citation": "Jeremias 50:5 (Clementine Vulgate)"
    },
    {
      "verse": 6,
      "text": "Grex perditus factus est populus meus : pastores eorum seduxerunt eos, feceruntque vagari in montibus : de monte in collem transierunt ; obliti sunt cubilis sui.",
      "citation": "Jeremias 50:6 (Clementine Vulgate)"
    },
    {
      "verse": 7,
      "text": "Omnes qui invenerunt comederunt eos, et hostes eorum dixerunt : Non peccavimus : pro eo quod peccaverunt Domino decori justitiæ, et exspectationi patrum eorum Domino.",
      "citation": "Jeremias 50:7 (Clementine Vulgate)"
    },
    {
      "verse": 8,
      "text": "Recedite de medio Babylonis, et de terra Chaldæorum egredimini, et estote quasi hædi ante gregem.",
      "citation": "Jeremias 50:8 (Clementine Vulgate)"
    },
    {
      "verse": 9,
      "text": "Quoniam ecce ego suscito, et adducam in Babylonem congregationem gentium magnarum de terra aquilonis, et præparabuntur adversus eam, et inde capietur : sagitta ejus quasi viri fortis interfectoris : non revertetur vacua.",
      "citation": "Jeremias 50:9 (Clementine Vulgate)"
    },
    {
      "verse": 10,
      "text": "Et erit Chaldæa in prædam : omnes vastantes eam replebuntur, ait Dominus.",
      "citation": "Jeremias 50:10 (Clementine Vulgate)"
    },
    {
      "verse": 11,
      "text": "Quoniam exsultatis, et magna loquimini, diripientes hæreditatem meam : quoniam effusi estis sicut vituli super herbam, et mugistis sicut tauri :",
      "citation": "Jeremias 50:11 (Clementine Vulgate)"
    },
    {
      "verse": 12,
      "text": "confusa est mater vestra nimis, et adæquata pulveri, quæ genuit vos : ecce novissima erit in gentibus, deserta, invia, et arens.",
      "citation": "Jeremias 50:12 (Clementine Vulgate)"
    },
    {
      "verse": 13,
      "text": "Ab ira Domini non habitabitur, sed redigetur tota in solitudinem : omnis qui transibit per Babylonem stupebit, et sibilabit super universis plagis ejus.",
      "citation": "Jeremias 50:13 (Clementine Vulgate)"
    },
    {
      "verse": 14,
      "text": "Præparamini contra Babylonem per circuitum, omnes qui tenditis arcum : debellate eam, non parcatis jaculis, quia Domino peccavit.",
      "citation": "Jeremias 50:14 (Clementine Vulgate)"
    },
    {
      "verse": 15,
      "text": "Clamate adversus eam, ubique dedit manum : ceciderunt fundamenta ejus, destructi sunt muri ejus, quoniam ultio Domini est : ultionem accipite de ea : sicut fecit, facite ei.",
      "citation": "Jeremias 50:15 (Clementine Vulgate)"
    },
    {
      "verse": 16,
      "text": "Disperdite satorem de Babylone, et tenentem falcem in tempore messis : a facie gladii columbæ unusquisque ad populum suum convertetur, et singuli ad terram suam fugient.",
      "citation": "Jeremias 50:16 (Clementine Vulgate)"
    },
    {
      "verse": 17,
      "text": "Grex dispersus Israël : leones ejecerunt eum. Primus comedit eum rex Assur : iste novissimus exossavit eum Nabuchodonosor rex Babylonis.",
      "citation": "Jeremias 50:17 (Clementine Vulgate)"
    },
    {
      "verse": 18,
      "text": "Propterea hæc dicit Dominus exercituum, Deus Israël : Ecce ego visitabo regem Babylonis et terram ejus, sicut visitavi regem Assur :",
      "citation": "Jeremias 50:18 (Clementine Vulgate)"
    },
    {
      "verse": 19,
      "text": "et reducam Israël ad habitaculum suum : et pascetur Carmelum et Basan, et in monte Ephraim et Galaad saturabitur anima ejus.",
      "citation": "Jeremias 50:19 (Clementine Vulgate)"
    },
    {
      "verse": 20,
      "text": "In diebus illis, et in tempore illo, ait Dominus, quæretur iniquitas Israël, et non erit, et peccatum Juda, et non invenietur : quoniam propitius ero eis quos reliquero.",
      "citation": "Jeremias 50:20 (Clementine Vulgate)"
    },
    {
      "verse": 21,
      "text": "Super terram dominantium ascende, et super habitatores ejus visita : dissipa, et interfice quæ post eos sunt, ait Dominus, et fac juxta omnia quæ præcepi tibi.",
      "citation": "Jeremias 50:21 (Clementine Vulgate)"
    },
    {
      "verse": 22,
      "text": "Vox belli in terra, et contritio magna.",
      "citation": "Jeremias 50:22 (Clementine Vulgate)"
    },
    {
      "verse": 23,
      "text": "Quomodo confractus est et contritus malleus universæ terræ ? quomodo versa est in desertum Babylon in gentibus ?",
      "citation": "Jeremias 50:23 (Clementine Vulgate)"
    },
    {
      "verse": 24,
      "text": "Illaqueavi te, et capta es, Babylon, et nesciebas : inventa es et apprehensa, quoniam Dominum provocasti.",
      "citation": "Jeremias 50:24 (Clementine Vulgate)"
    },
    {
      "verse": 25,
      "text": "Aperuit Dominus thesaurum suum, et protulit vasa iræ suæ, quoniam opus est Domino Deo exercituum, in terra Chaldæorum.",
      "citation": "Jeremias 50:25 (Clementine Vulgate)"
    },
    {
      "verse": 26,
      "text": "Venite ad eam ab extremis finibus ; aperite ut exeant qui conculcent eam : tollite de via lapides, et redigite in acervos : et interficite eam, nec sit quidquam reliquum.",
      "citation": "Jeremias 50:26 (Clementine Vulgate)"
    },
    {
      "verse": 27,
      "text": "Dissipate universos fortes ejus : descendant in occisionem : væ eis, quia venit dies eorum, tempus visitationis eorum !",
      "citation": "Jeremias 50:27 (Clementine Vulgate)"
    },
    {
      "verse": 28,
      "text": "Vox fugientium, et eorum qui evaserunt de terra Babylonis, ut annuntient in Sion ultionem Domini Dei nostri, ultionem templi ejus.",
      "citation": "Jeremias 50:28 (Clementine Vulgate)"
    },
    {
      "verse": 29,
      "text": "Annuntiate in Babylonem plurimis, omnibus qui tendunt arcum : consistite adversus eam per gyrum, et nullus evadat : reddite ei secundum opus suum : juxta omnia quæ fecit, facite illi, quia contra Dominum erecta est, adversum Sanctum Israël.",
      "citation": "Jeremias 50:29 (Clementine Vulgate)"
    },
    {
      "verse": 30,
      "text": "Idcirco cadent juvenes ejus in plateis ejus, et omnes viri bellatores ejus conticescent in die illa, ait Dominus.",
      "citation": "Jeremias 50:30 (Clementine Vulgate)"
    },
    {
      "verse": 31,
      "text": "Ecce ego ad te, superbe ! dicit Dominus Deus exercituum : quia venit dies tuus, tempus visitationis tuæ.",
      "citation": "Jeremias 50:31 (Clementine Vulgate)"
    },
    {
      "verse": 32,
      "text": "Et cadet superbus, et corruet, et non erit qui suscitet eum : et succendam ignem in urbibus ejus, et devorabit omnia in circuitu ejus.",
      "citation": "Jeremias 50:32 (Clementine Vulgate)"
    },
    {
      "verse": 33,
      "text": "Hæc dicit Dominus exercituum : Calumniam sustinent filii Israël, et filii Juda simul : omnes qui ceperunt eos, tenent : nolunt dimittere eos.",
      "citation": "Jeremias 50:33 (Clementine Vulgate)"
    },
    {
      "verse": 34,
      "text": "Redemptor eorum fortis, Dominus exercituum nomen ejus : judicio defendet causam eorum, ut exterreat terram, et commoveat habitatores Babylonis.",
      "citation": "Jeremias 50:34 (Clementine Vulgate)"
    },
    {
      "verse": 35,
      "text": "Gladius ad Chaldæos, ait Dominus, et ad habitatores Babylonis, et ad principes, et ad sapientes ejus.",
      "citation": "Jeremias 50:35 (Clementine Vulgate)"
    },
    {
      "verse": 36,
      "text": "Gladius ad divinos ejus, qui stulti erunt : gladius ad fortes illius, qui timebunt.",
      "citation": "Jeremias 50:36 (Clementine Vulgate)"
    },
    {
      "verse": 37,
      "text": "Gladius ad equos ejus, et ad currus ejus, et ad omne vulgus quod est in medio ejus : et erunt quasi mulieres : gladius ad thesauros ejus, qui diripientur.",
      "citation": "Jeremias 50:37 (Clementine Vulgate)"
    },
    {
      "verse": 38,
      "text": "Siccitas super aquas ejus erit, et arescent, quia terra sculptilium est, et in portentis gloriantur.",
      "citation": "Jeremias 50:38 (Clementine Vulgate)"
    },
    {
      "verse": 39,
      "text": "Propterea habitabunt dracones cum faunis ficariis, et habitabunt in ea struthiones : et non inhabitabitur ultra usque in sempiternum, nec exstruetur usque ad generationem et generationem.",
      "citation": "Jeremias 50:39 (Clementine Vulgate)"
    },
    {
      "verse": 40,
      "text": "Sicut subvertit Dominus Sodomam et Gomorrham, et vicinas ejus, ait Dominus, non habitabit ibi vir, et non incolet eam filius hominis.",
      "citation": "Jeremias 50:40 (Clementine Vulgate)"
    },
    {
      "verse": 41,
      "text": "Ecce populus venit ab aquilone, et gens magna, et reges multi consurgent a finibus terræ.",
      "citation": "Jeremias 50:41 (Clementine Vulgate)"
    },
    {
      "verse": 42,
      "text": "Arcum et scutum apprehendent : crudeles sunt, et immisericordes : vox eorum quasi mare sonabit, et super equos ascendent, sicut vir paratus ad prælium contra te, filia Babylon.",
      "citation": "Jeremias 50:42 (Clementine Vulgate)"
    },
    {
      "verse": 43,
      "text": "Audivit rex Babylonis famam eorum, et dissolutæ sunt manus ejus : angustia apprehendit eum, dolor quasi parturientem.",
      "citation": "Jeremias 50:43 (Clementine Vulgate)"
    },
    {
      "verse": 44,
      "text": "Ecce quasi leo ascendet, de superbia Jordanis ad pulchritudinem robustam, quia subito currere faciam eum ad illam. Et quis erit electus, quem præponam ei ? quis est enim similis mei ? et quis sustinebit me ? et quis est iste pastor, qui resistat vultui meo ?",
      "citation": "Jeremias 50:44 (Clementine Vulgate)"
    },
    {
      "verse": 45,
      "text": "Propterea audite consilium Domini quod mente concepit adversum Babylonem, et cogitationes ejus quas cogitavit super terram Chaldæorum : nisi detraxerint eos parvuli gregum, nisi dissipatum fuerit cum ipsis habitaculum eorum.",
      "citation": "Jeremias 50:45 (Clementine Vulgate)"
    },
    {
      "verse": 46,
      "text": "A voce captivitatis Babylonis commota est terra, et clamor inter gentes auditus est.",
      "citation": "Jeremias 50:46 (Clementine Vulgate)"
    }
  ]
}