{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Jeremias, Chapter 51 — 64 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Jeremias",
      "slug": "jeremias",
      "testament": "OT",
      "order": 28,
      "totalChapters": 52
    },
    "chapter": 51,
    "verseCount": 64,
    "navigation": {
      "htmlUrl": "https://latinprayer.org/latin/jeremias/51/",
      "bookIndex": "https://latinprayer.org/latin/jeremias/index.json",
      "bookHtmlUrl": "https://latinprayer.org/latin/jeremias/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/jeremias/50.json",
      "previousChapterHtmlUrl": "https://latinprayer.org/latin/jeremias/50/",
      "nextChapter": "https://latinprayer.org/latin/jeremias/52.json",
      "nextChapterHtmlUrl": "https://latinprayer.org/latin/jeremias/52/"
    },
    "crossReferences": {
      "english": "https://latinprayer.org/bible/jeremias/51.json",
      "englishHtmlUrl": "https://latinprayer.org/bible/jeremias/51/",
      "german": "https://latinprayer.org/bibel/jeremias/51.json",
      "germanHtmlUrl": "https://latinprayer.org/bibel/jeremia/51/"
    }
  },
  "citation": "Jeremias 51 (Clementine Vulgate)",
  "verses": [
    {
      "verse": 1,
      "text": "Hæc dicit Dominus : Ecce ego suscitabo super Babylonem et super habitatores ejus, qui cor suum levaverunt contra me, quasi ventum pestilentem :",
      "citation": "Jeremias 51:1 (Clementine Vulgate)"
    },
    {
      "verse": 2,
      "text": "et mittam in Babylonem ventilatores, et ventilabunt eam et demolientur terram ejus, quoniam venerunt super eam undique in die afflictionis ejus.",
      "citation": "Jeremias 51:2 (Clementine Vulgate)"
    },
    {
      "verse": 3,
      "text": "Non tendat qui tendit arcum suum, et non ascendat loricatus : nolite parcere juvenibus ejus ; interficite omnem militiam ejus.",
      "citation": "Jeremias 51:3 (Clementine Vulgate)"
    },
    {
      "verse": 4,
      "text": "Et cadent interfecti in terra Chaldæorum, et vulnerati in regionibus ejus.",
      "citation": "Jeremias 51:4 (Clementine Vulgate)"
    },
    {
      "verse": 5,
      "text": "Quoniam non fuit viduatus Israël et Juda a Deo suo, Domino exercituum, terra autem eorum repleta est delicto a Sancto Israël.",
      "citation": "Jeremias 51:5 (Clementine Vulgate)"
    },
    {
      "verse": 6,
      "text": "Fugite de medio Babylonis, et salvet unusquisque animam suam : nolite tacere super iniquitatem ejus, quoniam tempus ultionis est a Domino : vicissitudinem ipse retribuet ei.",
      "citation": "Jeremias 51:6 (Clementine Vulgate)"
    },
    {
      "verse": 7,
      "text": "Calix aureus Babylon in manu Domini, inebrians omnem terram : de vino ejus biberunt gentes, et ideo commotæ sunt.",
      "citation": "Jeremias 51:7 (Clementine Vulgate)"
    },
    {
      "verse": 8,
      "text": "Subito cecidit Babylon, et contrita est. Ululate super eam : tollite resinam ad dolorem ejus, si forte sanetur.",
      "citation": "Jeremias 51:8 (Clementine Vulgate)"
    },
    {
      "verse": 9,
      "text": "Curavimus Babylonem, et non est sanata : derelinquamus eam, et eamus unusquisque in terram suam : quoniam pervenit usque ad cælos judicium ejus, et elevatum est usque ad nubes.",
      "citation": "Jeremias 51:9 (Clementine Vulgate)"
    },
    {
      "verse": 10,
      "text": "Protulit Dominus justitias nostras : venite, et narremus in Sion opus Domini Dei nostri.",
      "citation": "Jeremias 51:10 (Clementine Vulgate)"
    },
    {
      "verse": 11,
      "text": "Acuite sagittas, implete pharetras : suscitavit Dominus spiritum regum Medorum : et contra Babylonem mens ejus est ut perdat eam, quoniam ultio Domini est, ultio templi sui.",
      "citation": "Jeremias 51:11 (Clementine Vulgate)"
    },
    {
      "verse": 12,
      "text": "Super muros Babylonis levate signum, augete custodiam, levate custodes, præparate insidias : quia cogitavit Dominus, et fecit quæcumque locutus est contra habitatores Babylonis.",
      "citation": "Jeremias 51:12 (Clementine Vulgate)"
    },
    {
      "verse": 13,
      "text": "Quæ habitas super aquas multas, locuples in thesauris : venit finis tuus, pedalis præcisionis tuæ.",
      "citation": "Jeremias 51:13 (Clementine Vulgate)"
    },
    {
      "verse": 14,
      "text": "Juravit Dominus exercituum per animam suam : Quoniam replebo te hominibus quasi brucho, et super te celeuma cantabitur.",
      "citation": "Jeremias 51:14 (Clementine Vulgate)"
    },
    {
      "verse": 15,
      "text": "Qui fecit terram in fortitudine sua, præparavit orbem in sapientia sua, et prudentia sua extendit cælos.",
      "citation": "Jeremias 51:15 (Clementine Vulgate)"
    },
    {
      "verse": 16,
      "text": "Dante eo vocem, multiplicantur aquæ in cælo : qui levat nubes ab extremo terræ, fulgura in pluviam fecit, et produxit ventum de thesauris suis.",
      "citation": "Jeremias 51:16 (Clementine Vulgate)"
    },
    {
      "verse": 17,
      "text": "Stultus factus est omnis homo a scientia ; confusus est omnis conflator in sculptili : quia mendax est conflatio eorum, nec est spiritus in eis.",
      "citation": "Jeremias 51:17 (Clementine Vulgate)"
    },
    {
      "verse": 18,
      "text": "Vana sunt opera, et risu digna : in tempore visitationis suæ peribunt.",
      "citation": "Jeremias 51:18 (Clementine Vulgate)"
    },
    {
      "verse": 19,
      "text": "Non sicut hæc, pars Jacob, quia qui fecit omnia ipse est : et Israël sceptrum hæreditatis ejus : Dominus exercituum nomen ejus.",
      "citation": "Jeremias 51:19 (Clementine Vulgate)"
    },
    {
      "verse": 20,
      "text": "Collidis tu mihi vasa belli : et ego collidam in te gentes, et disperdam in te regna :",
      "citation": "Jeremias 51:20 (Clementine Vulgate)"
    },
    {
      "verse": 21,
      "text": "et collidam in te equum et equitem ejus : et collidam in te currum et ascensorem ejus :",
      "citation": "Jeremias 51:21 (Clementine Vulgate)"
    },
    {
      "verse": 22,
      "text": "et collidam in te virum et mulierem : et collidam in te senem et puerum : et collidam in te juvenem et virginem :",
      "citation": "Jeremias 51:22 (Clementine Vulgate)"
    },
    {
      "verse": 23,
      "text": "et collidam in te pastorem et gregem ejus : et collidam in te agricolam et jugales ejus : et collidam in te duces et magistratus :",
      "citation": "Jeremias 51:23 (Clementine Vulgate)"
    },
    {
      "verse": 24,
      "text": "et reddam Babyloni, et cunctis habitatoribus Chaldææ, omne malum suum quod fecerunt in Sion, in oculis vestris, ait Dominus.",
      "citation": "Jeremias 51:24 (Clementine Vulgate)"
    },
    {
      "verse": 25,
      "text": "Ecce ego ad te, mons pestifer, ait Dominus, qui corrumpis universam terram : et extendam manum meam super te, et evolvam te de petris, et dabo te in montem combustionis :",
      "citation": "Jeremias 51:25 (Clementine Vulgate)"
    },
    {
      "verse": 26,
      "text": "et non tollent de te lapidem in angulum, et lapidem in fundamenta : sed perditus in æternum eris, ait Dominus.",
      "citation": "Jeremias 51:26 (Clementine Vulgate)"
    },
    {
      "verse": 27,
      "text": "Levate signum in terra, clangite buccina in gentibus, sanctificate super eam gentes, annuntiate contra illam regibus Ararat, Menni, et Ascenez : numerate contra eam Taphsar, adducite equum quasi bruchum aculeatum.",
      "citation": "Jeremias 51:27 (Clementine Vulgate)"
    },
    {
      "verse": 28,
      "text": "Sanctificate contra eam gentes, reges Mediæ, duces ejus, et universos magistratus ejus, cunctamque terram potestatis ejus.",
      "citation": "Jeremias 51:28 (Clementine Vulgate)"
    },
    {
      "verse": 29,
      "text": "Et commovebitur terra et conturbabitur, quia evigilabit contra Babylonem cogitatio Domini, ut ponat terram Babylonis desertam et inhabitabilem.",
      "citation": "Jeremias 51:29 (Clementine Vulgate)"
    },
    {
      "verse": 30,
      "text": "Cessaverunt fortes Babylonis a prælio ; habitaverunt in præsidiis : devoratum est robur eorum, et facti sunt quasi mulieres : incensa sunt tabernacula ejus, contriti sunt vectes ejus.",
      "citation": "Jeremias 51:30 (Clementine Vulgate)"
    },
    {
      "verse": 31,
      "text": "Currens obviam currenti veniet, et nuntius obvius nuntianti, ut annuntiet regi Babylonis quia capta est civitas ejus a summo usque ad summum.",
      "citation": "Jeremias 51:31 (Clementine Vulgate)"
    },
    {
      "verse": 32,
      "text": "Et vada præoccupata sunt, et paludes incensæ sunt igni, et viri bellatores conturbati sunt.",
      "citation": "Jeremias 51:32 (Clementine Vulgate)"
    },
    {
      "verse": 33,
      "text": "Quia hæc dicit Dominus exercituum, Deus Israël : Filia Babylonis quasi area, tempus trituræ ejus : adhuc modicum, et veniet tempus messionis ejus.",
      "citation": "Jeremias 51:33 (Clementine Vulgate)"
    },
    {
      "verse": 34,
      "text": "Comedit me, devoravit me Nabuchodonosor rex Babylonis : reddidit me quasi vas inane, absorbuit me quasi draco, replevit ventrem suum teneritudine mea, et ejecit me.",
      "citation": "Jeremias 51:34 (Clementine Vulgate)"
    },
    {
      "verse": 35,
      "text": "Iniquitas adversum me et caro mea super Babylonem, dicit habitatio Sion : et sanguis meus super habitatores Chaldææ, dicit Jerusalem.",
      "citation": "Jeremias 51:35 (Clementine Vulgate)"
    },
    {
      "verse": 36,
      "text": "Propterea hæc dicit Dominus : Ecce ego judicabo causam tuam, et ulciscar ultionem tuam : et desertum faciam mare ejus, et siccabo venam ejus.",
      "citation": "Jeremias 51:36 (Clementine Vulgate)"
    },
    {
      "verse": 37,
      "text": "Et erit Babylon in tumulos, habitatio draconum, stupor et sibilus, eo quod non sit habitator.",
      "citation": "Jeremias 51:37 (Clementine Vulgate)"
    },
    {
      "verse": 38,
      "text": "Simul ut leones rugient ; excutient comas veluti catuli leonum.",
      "citation": "Jeremias 51:38 (Clementine Vulgate)"
    },
    {
      "verse": 39,
      "text": "In calore eorum ponam potus eorum, et inebriabo eos ut sopiantur, et dormiant somnum sempiternum, et non consurgant, dicit Dominus.",
      "citation": "Jeremias 51:39 (Clementine Vulgate)"
    },
    {
      "verse": 40,
      "text": "Deducam eos quasi agnos ad victimam, et quasi arietes cum hædis.",
      "citation": "Jeremias 51:40 (Clementine Vulgate)"
    },
    {
      "verse": 41,
      "text": "Quomodo capta est Sesach, et comprehensa est inclyta universæ terræ ! quomodo facta est in stuporem Babylon inter gentes !",
      "citation": "Jeremias 51:41 (Clementine Vulgate)"
    },
    {
      "verse": 42,
      "text": "Ascendit super Babylonem mare : multitudine fluctuum ejus operta est.",
      "citation": "Jeremias 51:42 (Clementine Vulgate)"
    },
    {
      "verse": 43,
      "text": "Factæ sunt civitates ejus in stuporem, terra inhabitabilis et deserta, terra in qua nullus habitet, nec transeat per eam filius hominis.",
      "citation": "Jeremias 51:43 (Clementine Vulgate)"
    },
    {
      "verse": 44,
      "text": "Et visitabo super Bel in Babylone, et ejiciam quod absorbuerat de ore ejus : et non confluent ad eum ultra gentes, siquidem et murus Babylonis corruet.",
      "citation": "Jeremias 51:44 (Clementine Vulgate)"
    },
    {
      "verse": 45,
      "text": "Egredimini de medio ejus, populus meus, ut salvet unusquisque animam suam ab ira furoris Domini,",
      "citation": "Jeremias 51:45 (Clementine Vulgate)"
    },
    {
      "verse": 46,
      "text": "et ne forte mollescat cor vestrum, et timeatis auditum qui audietur in terra : et veniet in anno auditio, et post hunc annum auditio, et iniquitas in terra, et dominator super dominatorem.",
      "citation": "Jeremias 51:46 (Clementine Vulgate)"
    },
    {
      "verse": 47,
      "text": "Propterea ecce dies veniunt, et visitabo super sculptilia Babylonis, et omnis terra ejus confundetur, et universi interfecti ejus cadent in medio ejus.",
      "citation": "Jeremias 51:47 (Clementine Vulgate)"
    },
    {
      "verse": 48,
      "text": "Et laudabunt super Babylonem cæli et terra, et omnia quæ in eis sunt : quia ab aquilone venient ei prædones, ait Dominus.",
      "citation": "Jeremias 51:48 (Clementine Vulgate)"
    },
    {
      "verse": 49,
      "text": "Et quomodo fecit Babylon, ut caderent occisi in Israël, sic de Babylone cadent occisi in universa terra.",
      "citation": "Jeremias 51:49 (Clementine Vulgate)"
    },
    {
      "verse": 50,
      "text": "Qui fugistis gladium, venite, nolite stare : recordamini procul Domini, et Jerusalem ascendat super cor vestrum.",
      "citation": "Jeremias 51:50 (Clementine Vulgate)"
    },
    {
      "verse": 51,
      "text": "Confusi sumus, quoniam audivimus opprobrium : operuit ignominia facies nostras, quia venerunt alieni super sanctificationem domus Domini.",
      "citation": "Jeremias 51:51 (Clementine Vulgate)"
    },
    {
      "verse": 52,
      "text": "Propterea ecce dies veniunt, ait Dominus, et visitabo super sculptilia ejus, et in omni terra ejus mugiet vulneratus.",
      "citation": "Jeremias 51:52 (Clementine Vulgate)"
    },
    {
      "verse": 53,
      "text": "Si ascenderit Babylon in cælum, et firmaverit in excelso robur suum, a me venient vastatores ejus, ait Dominus.",
      "citation": "Jeremias 51:53 (Clementine Vulgate)"
    },
    {
      "verse": 54,
      "text": "Vox clamoris de Babylone, et contritio magna de terra Chaldæorum :",
      "citation": "Jeremias 51:54 (Clementine Vulgate)"
    },
    {
      "verse": 55,
      "text": "quoniam vastavit Dominus Babylonem, et perdidit ex ea vocem magnam : et sonabunt fluctus eorum quasi aquæ multæ ; dedit sonitum vox eorum :",
      "citation": "Jeremias 51:55 (Clementine Vulgate)"
    },
    {
      "verse": 56,
      "text": "quia venit super eam, id est super Babylonem, prædo, et apprehensi sunt fortes ejus, et emarcuit arcus eorum, quia fortis ultor Dominus reddens retribuet.",
      "citation": "Jeremias 51:56 (Clementine Vulgate)"
    },
    {
      "verse": 57,
      "text": "Et inebriabo principes ejus, et sapientes ejus, et duces ejus, et magistratus ejus, et fortes ejus : et dormient somnum sempiternum, et non expergiscentur, ait Rex (Dominus exercituum nomen ejus).",
      "citation": "Jeremias 51:57 (Clementine Vulgate)"
    },
    {
      "verse": 58,
      "text": "Hæc dicit Dominus exercituum : Murus Babylonis ille latissimus suffossione suffodietur, et portæ ejus excelsæ igni comburentur, et labores populorum ad nihilum, et gentium in ignem erunt, et disperibunt.",
      "citation": "Jeremias 51:58 (Clementine Vulgate)"
    },
    {
      "verse": 59,
      "text": "Verbum quod præcepit Jeremias propheta Saraiæ filio Neriæ filii Maasiæ, cum pergeret cum Sedecia rege in Babylonem, in anno quarto regni ejus : Saraias autem erat princeps prophetiæ.",
      "citation": "Jeremias 51:59 (Clementine Vulgate)"
    },
    {
      "verse": 60,
      "text": "Et scripsit Jeremias omne malum quod venturum erat super Babylonem, in libro uno : omnia verba hæc quæ scripta sunt contra Babylonem.",
      "citation": "Jeremias 51:60 (Clementine Vulgate)"
    },
    {
      "verse": 61,
      "text": "Et dixit Jeremias ad Saraiam : Cum veneris in Babylonem, et videris, et legeris omnia verba hæc,",
      "citation": "Jeremias 51:61 (Clementine Vulgate)"
    },
    {
      "verse": 62,
      "text": "dices : Domine, tu locutus es contra locum istum, ut disperderes eum, ne sit qui in eo habitet, ab homine usque ad pecus, et ut sit perpetua solitudo.",
      "citation": "Jeremias 51:62 (Clementine Vulgate)"
    },
    {
      "verse": 63,
      "text": "Cumque compleveris legere librum istum, ligabis ad eum lapidem, et projicies illum in medium Euphraten,",
      "citation": "Jeremias 51:63 (Clementine Vulgate)"
    },
    {
      "verse": 64,
      "text": "et dices : Sic submergetur Babylon, et non consurget a facie afflictionis quam ego adduco super eam, et dissolvetur. Hucusque verba Jeremiæ.",
      "citation": "Jeremias 51:64 (Clementine Vulgate)"
    }
  ]
}