{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Jeremias, Chapter 52 — 34 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Jeremias",
      "slug": "jeremias",
      "testament": "OT",
      "order": 28,
      "totalChapters": 52
    },
    "chapter": 52,
    "verseCount": 34,
    "navigation": {
      "htmlUrl": "https://latinprayer.org/latin/jeremias/52/",
      "bookIndex": "https://latinprayer.org/latin/jeremias/index.json",
      "bookHtmlUrl": "https://latinprayer.org/latin/jeremias/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/jeremias/51.json",
      "previousChapterHtmlUrl": "https://latinprayer.org/latin/jeremias/51/",
      "nextChapter": null,
      "nextChapterHtmlUrl": null
    },
    "crossReferences": {
      "english": "https://latinprayer.org/bible/jeremias/52.json",
      "englishHtmlUrl": "https://latinprayer.org/bible/jeremias/52/",
      "german": "https://latinprayer.org/bibel/jeremias/52.json",
      "germanHtmlUrl": "https://latinprayer.org/bibel/jeremia/52/"
    }
  },
  "citation": "Jeremias 52 (Clementine Vulgate)",
  "verses": [
    {
      "verse": 1,
      "text": "Filius viginti et unius anni erat Sedecias cum regnare cœpisset, et undecim annis regnavit in Jerusalem. Et nomen matris ejus Amital filia Jeremiæ de Lobna.",
      "citation": "Jeremias 52:1 (Clementine Vulgate)"
    },
    {
      "verse": 2,
      "text": "Et fecit malum in oculis Domini, juxta omnia quæ fecerat Joakim,",
      "citation": "Jeremias 52:2 (Clementine Vulgate)"
    },
    {
      "verse": 3,
      "text": "quoniam furor Domini erat in Jerusalem et in Juda, usquequo projiceret eos a facie sua : et recessit Sedecias a rege Babylonis.",
      "citation": "Jeremias 52:3 (Clementine Vulgate)"
    },
    {
      "verse": 4,
      "text": "Factum est autem in anno nono regni ejus, in mense decimo, decima mensis, venit Nabuchodonosor rex Babylonis, ipse et omnis exercitus ejus, adversus Jerusalem : et obsederunt eam, et ædificaverunt contra eam munitiones in circuitu.",
      "citation": "Jeremias 52:4 (Clementine Vulgate)"
    },
    {
      "verse": 5,
      "text": "Et fuit civitas obsessa usque ad undecimum annum regis Sedeciæ.",
      "citation": "Jeremias 52:5 (Clementine Vulgate)"
    },
    {
      "verse": 6,
      "text": "Mense autem quarto, nona mensis, obtinuit fames civitatem, et non erant alimenta populo terræ.",
      "citation": "Jeremias 52:6 (Clementine Vulgate)"
    },
    {
      "verse": 7,
      "text": "Et dirupta est civitas, et omnes viri bellatores ejus fugerunt, exieruntque de civitate nocte, per viam portæ quæ est inter duos muros, et ducit ad hortum regis, Chaldæis obsidentibus urbem in gyro, et abierunt per viam quæ ducit in eremum.",
      "citation": "Jeremias 52:7 (Clementine Vulgate)"
    },
    {
      "verse": 8,
      "text": "Persecutus est autem Chadæorum exercitus regem, et apprehenderunt Sedeciam in deserto quod est juxta Jericho : et omnis comitatus ejus diffugit ab eo.",
      "citation": "Jeremias 52:8 (Clementine Vulgate)"
    },
    {
      "verse": 9,
      "text": "Cumque comprehendissent regem, adduxerunt eum ad regem Babylonis in Reblatha, quæ est in terra Emath, et locutus est ad eum judicia.",
      "citation": "Jeremias 52:9 (Clementine Vulgate)"
    },
    {
      "verse": 10,
      "text": "Et jugulavit rex Babylonis filios Sedeciæ in oculis ejus, sed et omnes principes Juda occidit in Reblatha.",
      "citation": "Jeremias 52:10 (Clementine Vulgate)"
    },
    {
      "verse": 11,
      "text": "Et oculos Sedeciæ eruit, et vinxit eum compedibus, et adduxit eum rex Babylonis in Babylonem, et posuit eum in domo carceris usque ad diem mortis ejus.",
      "citation": "Jeremias 52:11 (Clementine Vulgate)"
    },
    {
      "verse": 12,
      "text": "In mense autem quinto, decima mensis, ipse est annus nonusdecimus Nabuchodonosor regis Babylonis, venit Nabuzardan princeps militiæ, qui stabat coram rege Babylonis, in Jerusalem,",
      "citation": "Jeremias 52:12 (Clementine Vulgate)"
    },
    {
      "verse": 13,
      "text": "et incendit domum Domini, et domum regis, et omnes domos Jerusalem : et omnem domum magnam igni combussit :",
      "citation": "Jeremias 52:13 (Clementine Vulgate)"
    },
    {
      "verse": 14,
      "text": "et totum murum Jerusalem per circuitum destruxit cunctus exercitus Chaldæorum qui erat cum magistro militiæ.",
      "citation": "Jeremias 52:14 (Clementine Vulgate)"
    },
    {
      "verse": 15,
      "text": "De pauperibus autem populi, et de reliquo vulgo quod remanserat in civitate, et de perfugis qui transfugerant ad regem Babylonis, et ceteros de multitudine transtulit Nabuzardan princeps militiæ.",
      "citation": "Jeremias 52:15 (Clementine Vulgate)"
    },
    {
      "verse": 16,
      "text": "De pauperibus vero terræ reliquit Nabuzardan princeps militiæ vinitores et agricolas.",
      "citation": "Jeremias 52:16 (Clementine Vulgate)"
    },
    {
      "verse": 17,
      "text": "Columnas quoque æreas quæ erant in domo Domini, et bases, et mare æneum quod erat in domo Domini, confregerunt Chaldæi, et tulerunt omne æs eorum in Babylonem,",
      "citation": "Jeremias 52:17 (Clementine Vulgate)"
    },
    {
      "verse": 18,
      "text": "et lebetes, et creagras, et psalteria, et phialas, et mortariola, et omnia vasa ærea quæ in ministerio fuerant, tulerunt :",
      "citation": "Jeremias 52:18 (Clementine Vulgate)"
    },
    {
      "verse": 19,
      "text": "et hydrias, et thymiamateria, et urceos, et pelves, et candelabra, et mortaria, et cyathos, quotquot aurea, aurea, et quotquot argentea, argentea, tulit magister militiæ :",
      "citation": "Jeremias 52:19 (Clementine Vulgate)"
    },
    {
      "verse": 20,
      "text": "et columnas duas, et mare unum, et vitulos duodecim æreos qui erant sub basibus quas fecerat rex Salomon in domo Domini. Non erat pondus æris omnium horum vasorum.",
      "citation": "Jeremias 52:20 (Clementine Vulgate)"
    },
    {
      "verse": 21,
      "text": "De columnis autem decem et octo cubiti altitudinis erant in columna una, et funiculus duodecim cubitorum circuibat eam : porro grossitudo ejus quatuor digitorum, et intrinsecus cava erat.",
      "citation": "Jeremias 52:21 (Clementine Vulgate)"
    },
    {
      "verse": 22,
      "text": "Et capitella super utramque ærea : altitudo capitelli unius quinque cubitorum, et retiacula et malogranata super coronam in circuitu, omnia ærea : similiter columnæ secundæ, et malogranata.",
      "citation": "Jeremias 52:22 (Clementine Vulgate)"
    },
    {
      "verse": 23,
      "text": "Et fuerunt malogranata nonaginta sex dependentia : et omnia malogranata centum, retiaculis circumdabantur.",
      "citation": "Jeremias 52:23 (Clementine Vulgate)"
    },
    {
      "verse": 24,
      "text": "Et tulit magister militiæ Saraiam sacerdotem primum, et Sophoniam sacerdotem secundum, et tres custodes vestibuli :",
      "citation": "Jeremias 52:24 (Clementine Vulgate)"
    },
    {
      "verse": 25,
      "text": "et de civitate tulit eunuchum unum, qui erat præpositus super viros bellatores : et septem viros de his qui videbant faciem regis, qui inventi sunt in civitate : et scribam principem militum, qui probabat tyrones : et sexaginta viros de populo terræ, qui inventi sunt in medio civitatis.",
      "citation": "Jeremias 52:25 (Clementine Vulgate)"
    },
    {
      "verse": 26,
      "text": "Tulit autem eos Nabuzardan magister militiæ, et duxit eos ad regem Babylonis in Reblatha :",
      "citation": "Jeremias 52:26 (Clementine Vulgate)"
    },
    {
      "verse": 27,
      "text": "et percussit eos rex Babylonis, et interfecit eos in Reblatha in terra Emath : et translatus est Juda de terra sua.",
      "citation": "Jeremias 52:27 (Clementine Vulgate)"
    },
    {
      "verse": 28,
      "text": "Iste est populus quem transtulit Nabuchodonosor : in anno septimo, Judæos tria millia et viginti tres :",
      "citation": "Jeremias 52:28 (Clementine Vulgate)"
    },
    {
      "verse": 29,
      "text": "in anno octavodecimo Nabuchodonosor, de Jerusalem animas octingentas triginta duas :",
      "citation": "Jeremias 52:29 (Clementine Vulgate)"
    },
    {
      "verse": 30,
      "text": "in anno vigesimo tertio Nabuchodonosor, transtulit Nabuzardan magister militiæ animas Judæorum septingentas quadraginta quinque. Omnes ergo animæ, quatuor millia sexcentæ.",
      "citation": "Jeremias 52:30 (Clementine Vulgate)"
    },
    {
      "verse": 31,
      "text": "Et factum est in trigesimo septimo anno transmigrationis Joachin regis Juda, duodecimo mense, vigesima quinta mensis, elevavit Evilmerodach rex Babylonis, ipso anno regni sui, caput Joachin regis Juda, et eduxit eum de domo carceris.",
      "citation": "Jeremias 52:31 (Clementine Vulgate)"
    },
    {
      "verse": 32,
      "text": "Et locutus est cum eo bona, et posuit thronum ejus super thronos regum qui erant post se in Babylone.",
      "citation": "Jeremias 52:32 (Clementine Vulgate)"
    },
    {
      "verse": 33,
      "text": "Et mutavit vestimenta carceris ejus, et comedebat panem coram eo semper cunctis diebus vitæ suæ.",
      "citation": "Jeremias 52:33 (Clementine Vulgate)"
    },
    {
      "verse": 34,
      "text": "Et cibaria ejus, cibaria perpetua dabantur ei a rege Babylonis, statuta per singulos dies, usque ad diem mortis suæ, cunctis diebus vitæ ejus.",
      "citation": "Jeremias 52:34 (Clementine Vulgate)"
    }
  ]
}