{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Job, Chapter 31 — 40 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Job",
      "slug": "job",
      "testament": "OT",
      "order": 20,
      "totalChapters": 42
    },
    "chapter": 31,
    "verseCount": 40,
    "navigation": {
      "htmlUrl": "https://latinprayer.org/latin/job/31/",
      "bookIndex": "https://latinprayer.org/latin/job/index.json",
      "bookHtmlUrl": "https://latinprayer.org/latin/job/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/job/30.json",
      "previousChapterHtmlUrl": "https://latinprayer.org/latin/job/30/",
      "nextChapter": "https://latinprayer.org/latin/job/32.json",
      "nextChapterHtmlUrl": "https://latinprayer.org/latin/job/32/"
    },
    "crossReferences": {
      "english": "https://latinprayer.org/bible/job/31.json",
      "englishHtmlUrl": "https://latinprayer.org/bible/job/31/",
      "german": "https://latinprayer.org/bibel/job/31.json",
      "germanHtmlUrl": "https://latinprayer.org/bibel/hiob/31/"
    }
  },
  "citation": "Job 31 (Clementine Vulgate)",
  "verses": [
    {
      "verse": 1,
      "text": "Pepigi fœdus cum oculis meis, ut ne cogitarem quidem de virgine.",
      "citation": "Job 31:1 (Clementine Vulgate)"
    },
    {
      "verse": 2,
      "text": "Quam enim partem haberet in me Deus desuper, et hæreditatem Omnipotens de excelsis ?",
      "citation": "Job 31:2 (Clementine Vulgate)"
    },
    {
      "verse": 3,
      "text": "Numquid non perditio est iniquo, et alienatio operantibus injustitiam ?",
      "citation": "Job 31:3 (Clementine Vulgate)"
    },
    {
      "verse": 4,
      "text": "Nonne ipse considerat vias meas, et cunctos gressus meos dinumerat ?",
      "citation": "Job 31:4 (Clementine Vulgate)"
    },
    {
      "verse": 5,
      "text": "Si ambulavi in vanitate, et festinavit in dolo pes meus,",
      "citation": "Job 31:5 (Clementine Vulgate)"
    },
    {
      "verse": 6,
      "text": "appendat me in statera justa, et sciat Deus simplicitatem meam.",
      "citation": "Job 31:6 (Clementine Vulgate)"
    },
    {
      "verse": 7,
      "text": "Si declinavit gressus meus de via, et si secutum est oculos meos cor meum, et si manibus meis adhæsit macula,",
      "citation": "Job 31:7 (Clementine Vulgate)"
    },
    {
      "verse": 8,
      "text": "seram, et alius comedat, et progenies mea eradicetur.",
      "citation": "Job 31:8 (Clementine Vulgate)"
    },
    {
      "verse": 9,
      "text": "Si deceptum est cor meum super muliere, et si ad ostium amici mei insidiatus sum,",
      "citation": "Job 31:9 (Clementine Vulgate)"
    },
    {
      "verse": 10,
      "text": "scortum alterius sit uxor mea, et super illam incurventur alii.",
      "citation": "Job 31:10 (Clementine Vulgate)"
    },
    {
      "verse": 11,
      "text": "Hoc enim nefas est, et iniquitas maxima.",
      "citation": "Job 31:11 (Clementine Vulgate)"
    },
    {
      "verse": 12,
      "text": "Ignis est usque ad perditionem devorans, et omnia eradicans genimina.",
      "citation": "Job 31:12 (Clementine Vulgate)"
    },
    {
      "verse": 13,
      "text": "Si contempsi subire judicium cum servo meo et ancilla mea, cum disceptarent adversum me :",
      "citation": "Job 31:13 (Clementine Vulgate)"
    },
    {
      "verse": 14,
      "text": "quid enim faciam cum surrexerit ad judicandum Deus ? et cum quæsierit, quid respondebo illi ?",
      "citation": "Job 31:14 (Clementine Vulgate)"
    },
    {
      "verse": 15,
      "text": "Numquid non in utero fecit me, qui et illum operatus est, et formavit me in vulva unus ?",
      "citation": "Job 31:15 (Clementine Vulgate)"
    },
    {
      "verse": 16,
      "text": "Si negavi quod volebant pauperibus, et oculos viduæ expectare feci ;",
      "citation": "Job 31:16 (Clementine Vulgate)"
    },
    {
      "verse": 17,
      "text": "si comedi buccellam meam solus, et non comedit pupillus ex ea",
      "citation": "Job 31:17 (Clementine Vulgate)"
    },
    {
      "verse": 18,
      "text": "(quia ab infantia mea crevit mecum miseratio, et de utero matris meæ egressa est mecum) ;",
      "citation": "Job 31:18 (Clementine Vulgate)"
    },
    {
      "verse": 19,
      "text": "si despexi pereuntem, eo quod non habuerit indumentum, et absque operimento pauperem ;",
      "citation": "Job 31:19 (Clementine Vulgate)"
    },
    {
      "verse": 20,
      "text": "si non benedixerunt mihi latera ejus, et de velleribus ovium mearum calefactus est ;",
      "citation": "Job 31:20 (Clementine Vulgate)"
    },
    {
      "verse": 21,
      "text": "si levavi super pupillum manum meam, etiam cum viderem me in porta superiorem :",
      "citation": "Job 31:21 (Clementine Vulgate)"
    },
    {
      "verse": 22,
      "text": "humerus meus a junctura sua cadat, et brachium meum cum suis ossibus confringatur.",
      "citation": "Job 31:22 (Clementine Vulgate)"
    },
    {
      "verse": 23,
      "text": "Semper enim quasi tumentes super me fluctus timui Deum, et pondus ejus ferre non potui.",
      "citation": "Job 31:23 (Clementine Vulgate)"
    },
    {
      "verse": 24,
      "text": "Si putavi aurum robur meum, et obrizo dixi : Fiducia mea ;",
      "citation": "Job 31:24 (Clementine Vulgate)"
    },
    {
      "verse": 25,
      "text": "si lætatus sum super multis divitiis meis, et quia plurima reperit manus mea ;",
      "citation": "Job 31:25 (Clementine Vulgate)"
    },
    {
      "verse": 26,
      "text": "si vidi solem cum fulgeret, et lunam incedentem clare,",
      "citation": "Job 31:26 (Clementine Vulgate)"
    },
    {
      "verse": 27,
      "text": "et lætatum est in abscondito cor meum, et osculatus sum manum meam ore meo :",
      "citation": "Job 31:27 (Clementine Vulgate)"
    },
    {
      "verse": 28,
      "text": "quæ est iniquitas maxima, et negatio contra Deum altissimum.",
      "citation": "Job 31:28 (Clementine Vulgate)"
    },
    {
      "verse": 29,
      "text": "Si gavisus sum ad ruinam ejus qui me oderat, et exsultavi quod invenisset eum malum :",
      "citation": "Job 31:29 (Clementine Vulgate)"
    },
    {
      "verse": 30,
      "text": "non enim dedi ad peccandum guttur meum, ut expeterem maledicens animam ejus.",
      "citation": "Job 31:30 (Clementine Vulgate)"
    },
    {
      "verse": 31,
      "text": "Si non dixerunt viri tabernaculi mei : Quis det de carnibus ejus, ut saturemur ?",
      "citation": "Job 31:31 (Clementine Vulgate)"
    },
    {
      "verse": 32,
      "text": "foris non mansit peregrinus : ostium meum viatori patuit.",
      "citation": "Job 31:32 (Clementine Vulgate)"
    },
    {
      "verse": 33,
      "text": "Si abscondi quasi homo peccatum meum, et celavi in sinu meo iniquitatem meam ;",
      "citation": "Job 31:33 (Clementine Vulgate)"
    },
    {
      "verse": 34,
      "text": "si expavi ad multitudinem nimiam, et despectio propinquorum terruit me : et non magis tacui, nec egressus sum ostium.",
      "citation": "Job 31:34 (Clementine Vulgate)"
    },
    {
      "verse": 35,
      "text": "Quis mihi tribuat auditorem, ut desiderium meum audiat Omnipotens, et librum scribat ipse qui judicat,",
      "citation": "Job 31:35 (Clementine Vulgate)"
    },
    {
      "verse": 36,
      "text": "ut in humero meo portem illum, et circumdem illum quasi coronam mihi ?",
      "citation": "Job 31:36 (Clementine Vulgate)"
    },
    {
      "verse": 37,
      "text": "Per singulos gradus meos pronuntiabo illum, et quasi principi offeram eum.",
      "citation": "Job 31:37 (Clementine Vulgate)"
    },
    {
      "verse": 38,
      "text": "Si adversum me terra mea clamat, et cum ipsa sulci ejus deflent :",
      "citation": "Job 31:38 (Clementine Vulgate)"
    },
    {
      "verse": 39,
      "text": "si fructus ejus comedi absque pecunia, et animam agricolarum ejus afflixi :",
      "citation": "Job 31:39 (Clementine Vulgate)"
    },
    {
      "verse": 40,
      "text": "pro frumento oriatur mihi tribulus, et pro hordeo spina. Finita sunt verba Job.",
      "citation": "Job 31:40 (Clementine Vulgate)"
    }
  ]
}