{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "John, Chapter 11 — 56 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "John",
      "slug": "john",
      "testament": "NT",
      "order": 50,
      "totalChapters": 21
    },
    "chapter": 11,
    "verseCount": 56,
    "navigation": {
      "htmlUrl": "https://latinprayer.org/latin/john/11/",
      "bookIndex": "https://latinprayer.org/latin/john/index.json",
      "bookHtmlUrl": "https://latinprayer.org/latin/john/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/john/10.json",
      "previousChapterHtmlUrl": "https://latinprayer.org/latin/john/10/",
      "nextChapter": "https://latinprayer.org/latin/john/12.json",
      "nextChapterHtmlUrl": "https://latinprayer.org/latin/john/12/"
    },
    "crossReferences": {
      "english": "https://latinprayer.org/bible/john/11.json",
      "englishHtmlUrl": "https://latinprayer.org/bible/john/11/",
      "german": "https://latinprayer.org/bibel/john/11.json",
      "germanHtmlUrl": "https://latinprayer.org/bibel/johannes/11/"
    }
  },
  "citation": "John 11 (Clementine Vulgate)",
  "verses": [
    {
      "verse": 1,
      "text": "Erat autem quidam languens Lazarus a Bethania, de castello Mariæ et Marthæ sororis ejus.",
      "citation": "John 11:1 (Clementine Vulgate)"
    },
    {
      "verse": 2,
      "text": "(Maria autem erat quæ unxit Dominum unguento, et extersit pedes ejus capillis suis : cujus frater Lazarus infirmabatur.)",
      "citation": "John 11:2 (Clementine Vulgate)"
    },
    {
      "verse": 3,
      "text": "Miserunt ergo sorores ejus ad eum dicentes : Domine, ecce quem amas infirmatur.",
      "citation": "John 11:3 (Clementine Vulgate)"
    },
    {
      "verse": 4,
      "text": "Audiens autem Jesus dixit eis : Infirmitas hæc non est ad mortem, sed pro gloria Dei, ut glorificetur Filius Dei per eam.",
      "citation": "John 11:4 (Clementine Vulgate)"
    },
    {
      "verse": 5,
      "text": "Diligebat autem Jesus Martham, et sororem ejus Mariam, et Lazarum.",
      "citation": "John 11:5 (Clementine Vulgate)"
    },
    {
      "verse": 6,
      "text": "Ut ergo audivit quia infirmabatur, tunc quidem mansit in eodem loco duobus diebus ;",
      "citation": "John 11:6 (Clementine Vulgate)"
    },
    {
      "verse": 7,
      "text": "deinde post hæc dixit discipulis suis : Eamus in Judæam iterum.",
      "citation": "John 11:7 (Clementine Vulgate)"
    },
    {
      "verse": 8,
      "text": "Dicunt ei discipuli : Rabbi, nunc quærebant te Judæi lapidare, et iterum vadis illuc ?",
      "citation": "John 11:8 (Clementine Vulgate)"
    },
    {
      "verse": 9,
      "text": "Respondit Jesus : Nonne duodecim sunt horæ diei ? Si quis ambulaverit in die, non offendit, quia lucem hujus mundi videt :",
      "citation": "John 11:9 (Clementine Vulgate)"
    },
    {
      "verse": 10,
      "text": "si autem ambulaverit in nocte, offendit, quia lux non est in eo.",
      "citation": "John 11:10 (Clementine Vulgate)"
    },
    {
      "verse": 11,
      "text": "Hæc ait, et post hæc dixit eis : Lazarus amicus noster dormit : sed vado ut a somno excitem eum.",
      "citation": "John 11:11 (Clementine Vulgate)"
    },
    {
      "verse": 12,
      "text": "Dixerunt ergo discipuli ejus : Domine, si dormit, salvus erit.",
      "citation": "John 11:12 (Clementine Vulgate)"
    },
    {
      "verse": 13,
      "text": "Dixerat autem Jesus de morte ejus : illi autem putaverunt quia de dormitione somni diceret.",
      "citation": "John 11:13 (Clementine Vulgate)"
    },
    {
      "verse": 14,
      "text": "Tunc ergo Jesus dixit eis manifeste : Lazarus mortuus est :",
      "citation": "John 11:14 (Clementine Vulgate)"
    },
    {
      "verse": 15,
      "text": "et gaudeo propter vos, ut credatis, quoniam non eram ibi, sed eamus ad eum.",
      "citation": "John 11:15 (Clementine Vulgate)"
    },
    {
      "verse": 16,
      "text": "Dixit ergo Thomas, qui dicitur Didymus, ad condiscipulos : Eamus et nos, ut moriamur cum eo.",
      "citation": "John 11:16 (Clementine Vulgate)"
    },
    {
      "verse": 17,
      "text": "Venit itaque Jesus : et invenit eum quatuor dies jam in monumento habentem.",
      "citation": "John 11:17 (Clementine Vulgate)"
    },
    {
      "verse": 18,
      "text": "(Erat autem Bethania juxta Jerosolymam quasi stadiis quindecim.)",
      "citation": "John 11:18 (Clementine Vulgate)"
    },
    {
      "verse": 19,
      "text": "Multi autem ex Judæis venerant ad Martham et Mariam, ut consolarentur eas de fratre suo.",
      "citation": "John 11:19 (Clementine Vulgate)"
    },
    {
      "verse": 20,
      "text": "Martha ergo ut audivit quia Jesus venit, occurrit illi : Maria autem domi sedebat.",
      "citation": "John 11:20 (Clementine Vulgate)"
    },
    {
      "verse": 21,
      "text": "Dixit ergo Martha ad Jesum : Domine, si fuisses hic, frater meus non fuisset mortuus :",
      "citation": "John 11:21 (Clementine Vulgate)"
    },
    {
      "verse": 22,
      "text": "sed et nunc scio quia quæcumque poposceris a Deo, dabit tibi Deus.",
      "citation": "John 11:22 (Clementine Vulgate)"
    },
    {
      "verse": 23,
      "text": "Dicit illi Jesus : Resurget frater tuus.",
      "citation": "John 11:23 (Clementine Vulgate)"
    },
    {
      "verse": 24,
      "text": "Dicit ei Martha : Scio quia resurget in resurrectione in novissimo die.",
      "citation": "John 11:24 (Clementine Vulgate)"
    },
    {
      "verse": 25,
      "text": "Dixit ei Jesus : Ego sum resurrectio et vita : qui credit in me, etiam si mortuus fuerit, vivet :",
      "citation": "John 11:25 (Clementine Vulgate)"
    },
    {
      "verse": 26,
      "text": "et omnis qui vivit et credit in me, non morietur in æternum. Credis hoc ?",
      "citation": "John 11:26 (Clementine Vulgate)"
    },
    {
      "verse": 27,
      "text": "Ait illi : Utique Domine, ego credidi quia tu es Christus, Filius Dei vivi, qui in hunc mundum venisti.",
      "citation": "John 11:27 (Clementine Vulgate)"
    },
    {
      "verse": 28,
      "text": "Et cum hæc dixisset, abiit, et vocavit Mariam sororem suam silentio, dicens : Magister adest, et vocat te.",
      "citation": "John 11:28 (Clementine Vulgate)"
    },
    {
      "verse": 29,
      "text": "Illa ut audivit, surgit cito, et venit ad eum ;",
      "citation": "John 11:29 (Clementine Vulgate)"
    },
    {
      "verse": 30,
      "text": "nondum enim venerat Jesus in castellum : sed erat adhuc in illo loco, ubi occurrerat ei Martha.",
      "citation": "John 11:30 (Clementine Vulgate)"
    },
    {
      "verse": 31,
      "text": "Judæi ergo, qui erant cum ea in domo, et consolabantur eam, cum vidissent Mariam quia cito surrexit, et exiit, secuti sunt eam dicentes : Quia vadit ad monumentum, ut ploret ibi.",
      "citation": "John 11:31 (Clementine Vulgate)"
    },
    {
      "verse": 32,
      "text": "Maria ergo, cum venisset ubi erat Jesus, videns eum, cecidit ad pedes ejus, et dicit ei : Domine, si fuisses hic, non esset mortuus frater meus.",
      "citation": "John 11:32 (Clementine Vulgate)"
    },
    {
      "verse": 33,
      "text": "Jesus ergo, ut vidit eam plorantem, et Judæos, qui venerant cum ea, plorantes, infremuit spiritu, et turbavit seipsum,",
      "citation": "John 11:33 (Clementine Vulgate)"
    },
    {
      "verse": 34,
      "text": "et dixit : Ubi posuistis eum ? Dicunt ei : Domine, veni, et vide.",
      "citation": "John 11:34 (Clementine Vulgate)"
    },
    {
      "verse": 35,
      "text": "Et lacrimatus est Jesus.",
      "citation": "John 11:35 (Clementine Vulgate)"
    },
    {
      "verse": 36,
      "text": "Dixerunt ergo Judæi : Ecce quomodo amabat eum.",
      "citation": "John 11:36 (Clementine Vulgate)"
    },
    {
      "verse": 37,
      "text": "Quidam autem ex ipsis dixerunt : Non poterat hic, qui aperuit oculos cæci nati, facere ut hic non moreretur ?",
      "citation": "John 11:37 (Clementine Vulgate)"
    },
    {
      "verse": 38,
      "text": "Jesus ergo rursum fremens in semetipso, venit ad monumentum. Erat autem spelunca, et lapis superpositus erat ei.",
      "citation": "John 11:38 (Clementine Vulgate)"
    },
    {
      "verse": 39,
      "text": "Ait Jesus : Tollite lapidem. Dicit ei Martha, soror ejus qui mortuus fuerat : Domine, jam fœtet, quatriduanus est enim.",
      "citation": "John 11:39 (Clementine Vulgate)"
    },
    {
      "verse": 40,
      "text": "Dicit ei Jesus : Nonne dixi tibi quoniam si credideris, videbis gloriam Dei ?",
      "citation": "John 11:40 (Clementine Vulgate)"
    },
    {
      "verse": 41,
      "text": "Tulerunt ergo lapidem : Jesus autem, elevatis sursum oculis, dixit : Pater, gratias ago tibi quoniam audisti me.",
      "citation": "John 11:41 (Clementine Vulgate)"
    },
    {
      "verse": 42,
      "text": "Ego autem sciebam quia semper me audis, sed propter populum qui circumstat, dixi : ut credant quia tu me misisti.",
      "citation": "John 11:42 (Clementine Vulgate)"
    },
    {
      "verse": 43,
      "text": "Hæc cum dixisset, voce magna clamavit : Lazare, veni foras.",
      "citation": "John 11:43 (Clementine Vulgate)"
    },
    {
      "verse": 44,
      "text": "Et statim prodiit qui fuerat mortuus, ligatus pedes, et manus institis, et facies illius sudario erat ligata. Dixit eis Jesus : Solvite eum et sinite abire.",
      "citation": "John 11:44 (Clementine Vulgate)"
    },
    {
      "verse": 45,
      "text": "Multi ergo ex Judæis, qui venerant ad Mariam, et Martham, et viderant quæ fecit Jesus, crediderunt in eum.",
      "citation": "John 11:45 (Clementine Vulgate)"
    },
    {
      "verse": 46,
      "text": "Quidam autem ex ipsis abierunt ad pharisæos, et dixerunt eis quæ fecit Jesus.",
      "citation": "John 11:46 (Clementine Vulgate)"
    },
    {
      "verse": 47,
      "text": "Collegerunt ergo pontifices et pharisæi concilium, et dicebant : Quid facimus, quia hic homo multa signa facit ?",
      "citation": "John 11:47 (Clementine Vulgate)"
    },
    {
      "verse": 48,
      "text": "Si dimittimus eum sic, omnes credent in eum, et venient Romani, et tollent nostrum locum, et gentem.",
      "citation": "John 11:48 (Clementine Vulgate)"
    },
    {
      "verse": 49,
      "text": "Unus autem ex ipsis, Caiphas nomine, cum esset pontifex anni illius, dixit eis : Vos nescitis quidquam,",
      "citation": "John 11:49 (Clementine Vulgate)"
    },
    {
      "verse": 50,
      "text": "nec cogitatis quia expedit vobis ut unus moriatur homo pro populo, et non tota gens pereat.",
      "citation": "John 11:50 (Clementine Vulgate)"
    },
    {
      "verse": 51,
      "text": "Hoc autem a semetipso non dixit : sed cum esset pontifex anni illius, prophetavit, quod Jesus moriturus erat pro gente,",
      "citation": "John 11:51 (Clementine Vulgate)"
    },
    {
      "verse": 52,
      "text": "et non tantum pro gente, sed ut filios Dei, qui erant dispersi, congregaret in unum.",
      "citation": "John 11:52 (Clementine Vulgate)"
    },
    {
      "verse": 53,
      "text": "Ab illo ergo die cogitaverunt ut interficerent eum.",
      "citation": "John 11:53 (Clementine Vulgate)"
    },
    {
      "verse": 54,
      "text": "Jesus ergo jam non in palam ambulabat apud Judæos, sed abiit in regionem juxta desertum, in civitatem quæ dicitur Ephrem, et ibi morabatur cum discipulis suis.",
      "citation": "John 11:54 (Clementine Vulgate)"
    },
    {
      "verse": 55,
      "text": "Proximum autem erat Pascha Judæorum, et ascenderunt multi Jerosolymam de regione ante Pascha, ut sanctificarent seipsos.",
      "citation": "John 11:55 (Clementine Vulgate)"
    },
    {
      "verse": 56,
      "text": "Quærebant ergo Jesum, et colloquebantur ad invicem, in templo stantes : Quid putatis, quia non venit ad diem festum ? Dederant autem pontifices et pharisæi mandatum ut si quis cognoverit ubi sit, indicet, ut apprehendant eum.",
      "citation": "John 11:56 (Clementine Vulgate)"
    }
  ]
}