{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "John, Chapter 18 — 40 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "John",
      "slug": "john",
      "testament": "NT",
      "order": 50,
      "totalChapters": 21
    },
    "chapter": 18,
    "verseCount": 40,
    "navigation": {
      "htmlUrl": "https://latinprayer.org/latin/john/18/",
      "bookIndex": "https://latinprayer.org/latin/john/index.json",
      "bookHtmlUrl": "https://latinprayer.org/latin/john/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/john/17.json",
      "previousChapterHtmlUrl": "https://latinprayer.org/latin/john/17/",
      "nextChapter": "https://latinprayer.org/latin/john/19.json",
      "nextChapterHtmlUrl": "https://latinprayer.org/latin/john/19/"
    },
    "crossReferences": {
      "english": "https://latinprayer.org/bible/john/18.json",
      "englishHtmlUrl": "https://latinprayer.org/bible/john/18/",
      "german": "https://latinprayer.org/bibel/john/18.json",
      "germanHtmlUrl": "https://latinprayer.org/bibel/johannes/18/"
    }
  },
  "citation": "John 18 (Clementine Vulgate)",
  "verses": [
    {
      "verse": 1,
      "text": "Hæc cum dixisset Jesus, egressus est cum discipulis suis trans torrentem Cedron, ubi erat hortus, in quem introivit ipse, et discipuli ejus.",
      "citation": "John 18:1 (Clementine Vulgate)"
    },
    {
      "verse": 2,
      "text": "Sciebat autem et Judas, qui tradebat eum, locum : quia frequenter Jesus convenerat illuc cum discipulis suis.",
      "citation": "John 18:2 (Clementine Vulgate)"
    },
    {
      "verse": 3,
      "text": "Judas ergo cum accepisset cohortem, et a pontificibus et pharisæis ministros, venit illuc cum laternis, et facibus, et armis.",
      "citation": "John 18:3 (Clementine Vulgate)"
    },
    {
      "verse": 4,
      "text": "Jesus itaque sciens omnia quæ ventura erant super eum, processit, et dixit eis : Quem quæritis ?",
      "citation": "John 18:4 (Clementine Vulgate)"
    },
    {
      "verse": 5,
      "text": "Responderunt ei : Jesum Nazarenum. Dicit eis Jesus : Ego sum. Stabat autem et Judas, qui tradebat eum, cum ipsis.",
      "citation": "John 18:5 (Clementine Vulgate)"
    },
    {
      "verse": 6,
      "text": "Ut ergo dixit eis : Ego sum : abierunt retrorsum, et ceciderunt in terram.",
      "citation": "John 18:6 (Clementine Vulgate)"
    },
    {
      "verse": 7,
      "text": "Iterum ergo interrogavit eos : Quem quæritis ? Illi autem dixerunt : Jesum Nazarenum.",
      "citation": "John 18:7 (Clementine Vulgate)"
    },
    {
      "verse": 8,
      "text": "Respondit Jesus : Dixi vobis, quia ego sum : si ergo me quæritis, sinite hos abire.",
      "citation": "John 18:8 (Clementine Vulgate)"
    },
    {
      "verse": 9,
      "text": "Ut impleretur sermo, quem dixit : Quia quos dedisti mihi, non perdidi ex eis quemquam.",
      "citation": "John 18:9 (Clementine Vulgate)"
    },
    {
      "verse": 10,
      "text": "Simon ergo Petrus habens gladium eduxit eum : et percussit pontificis servum, et abscidit auriculam ejus dexteram. Erat autem nomen servo Malchus.",
      "citation": "John 18:10 (Clementine Vulgate)"
    },
    {
      "verse": 11,
      "text": "Dixit ergo Jesus Petro : Mitte gladium tuum in vaginam. Calicem, quem dedit mihi Pater, non bibam illum ?",
      "citation": "John 18:11 (Clementine Vulgate)"
    },
    {
      "verse": 12,
      "text": "Cohors ergo, et tribunus, et ministri Judæorum comprehenderunt Jesum, et ligaverunt eum.",
      "citation": "John 18:12 (Clementine Vulgate)"
    },
    {
      "verse": 13,
      "text": "Et adduxerunt eum ad Annam primum : erat enim socer Caiphæ, qui erat pontifex anni illius.",
      "citation": "John 18:13 (Clementine Vulgate)"
    },
    {
      "verse": 14,
      "text": "Erat autem Caiphas, qui consilium dederat Judæis : Quia expedit unum hominem mori pro populo.",
      "citation": "John 18:14 (Clementine Vulgate)"
    },
    {
      "verse": 15,
      "text": "Sequebatur autem Jesum Simon Petrus, et alius discipulus. Discipulus autem ille erat notus pontifici, et introivit cum Jesu in atrium pontificis.",
      "citation": "John 18:15 (Clementine Vulgate)"
    },
    {
      "verse": 16,
      "text": "Petrus autem stabat ad ostium foris. Exivit ergo discipulus alius, qui erat notus pontifici, et dixit ostiariæ : et introduxit Petrum.",
      "citation": "John 18:16 (Clementine Vulgate)"
    },
    {
      "verse": 17,
      "text": "Dicit ergo Petro ancilla ostiaria : Numquid et tu ex discipulis es hominis istius ? Dicit ille : Non sum.",
      "citation": "John 18:17 (Clementine Vulgate)"
    },
    {
      "verse": 18,
      "text": "Stabant autem servi et ministri ad prunas, quia frigus erat, et calefaciebant se : erat autem cum eis et Petrus stans, et calefaciens se.",
      "citation": "John 18:18 (Clementine Vulgate)"
    },
    {
      "verse": 19,
      "text": "Pontifex ergo interrogavit Jesum de discipulis suis, et de doctrina ejus.",
      "citation": "John 18:19 (Clementine Vulgate)"
    },
    {
      "verse": 20,
      "text": "Respondit ei Jesus : Ego palam locutus sum mundo : ego semper docui in synagoga, et in templo, quo omnes Judæi conveniunt, et in occulto locutus sum nihil.",
      "citation": "John 18:20 (Clementine Vulgate)"
    },
    {
      "verse": 21,
      "text": "Quid me interrogas ? interroga eos qui audierunt quid locutus sim ipsis : ecce hi sciunt quæ dixerim ego.",
      "citation": "John 18:21 (Clementine Vulgate)"
    },
    {
      "verse": 22,
      "text": "Hæc autem cum dixisset, unus assistens ministrorum dedit alapam Jesu, dicens : Sic respondes pontifici ?",
      "citation": "John 18:22 (Clementine Vulgate)"
    },
    {
      "verse": 23,
      "text": "Respondit ei Jesus : Si male locutus sum, testimonium perhibe de malo : si autem bene, quid me cædis ?",
      "citation": "John 18:23 (Clementine Vulgate)"
    },
    {
      "verse": 24,
      "text": "Et misit eum Annas ligatum ad Caipham pontificem.",
      "citation": "John 18:24 (Clementine Vulgate)"
    },
    {
      "verse": 25,
      "text": "Erat autem Simon Petrus stans, et calefaciens se. Dixerunt ergo ei : Numquid et tu ex discipulis ejus es ? Negavit ille, et dixit : Non sum.",
      "citation": "John 18:25 (Clementine Vulgate)"
    },
    {
      "verse": 26,
      "text": "Dicit ei unus ex servis pontificis, cognatus ejus, cujus abscidit Petrus auriculam : Nonne ego te vidi in horto cum illo ?",
      "citation": "John 18:26 (Clementine Vulgate)"
    },
    {
      "verse": 27,
      "text": "Iterum ergo negavit Petrus : et statim gallus cantavit.",
      "citation": "John 18:27 (Clementine Vulgate)"
    },
    {
      "verse": 28,
      "text": "Adducunt ergo Jesum a Caipha in prætorium. Erat autem mane : et ipsi non introierunt in prætorium, ut non contaminarentur, sed ut manducarent Pascha.",
      "citation": "John 18:28 (Clementine Vulgate)"
    },
    {
      "verse": 29,
      "text": "Exivit ergo Pilatus ad eos foras, et dixit : Quam accusationem affertis adversus hominem hunc ?",
      "citation": "John 18:29 (Clementine Vulgate)"
    },
    {
      "verse": 30,
      "text": "Responderunt, et dixerunt ei : Si non esset hic malefactor, non tibi tradidissemus eum.",
      "citation": "John 18:30 (Clementine Vulgate)"
    },
    {
      "verse": 31,
      "text": "Dixit ergo eis Pilatus : Accipite eum vos, et secundum legem vestram judicate eum. Dixerunt ergo ei Judæi : Nobis non licet interficere quemquam.",
      "citation": "John 18:31 (Clementine Vulgate)"
    },
    {
      "verse": 32,
      "text": "Ut sermo Jesu impleretur, quem dixit, significans qua morte esset moriturus.",
      "citation": "John 18:32 (Clementine Vulgate)"
    },
    {
      "verse": 33,
      "text": "Introivit ergo iterum in prætorium Pilatus : et vocavit Jesum, et dixit ei : Tu es rex Judæorum ?",
      "citation": "John 18:33 (Clementine Vulgate)"
    },
    {
      "verse": 34,
      "text": "Respondit Jesus : A temetipso hoc dicis, an alii dixerunt tibi de me ?",
      "citation": "John 18:34 (Clementine Vulgate)"
    },
    {
      "verse": 35,
      "text": "Respondit Pilatus : Numquid ego Judæus sum ? gens tua et pontifices tradiderunt te mihi : quid fecisti ?",
      "citation": "John 18:35 (Clementine Vulgate)"
    },
    {
      "verse": 36,
      "text": "Respondit Jesus : Regnum meum non est de hoc mundo. Si ex hoc mundo esset regnum meum, ministri mei utique decertarent ut non traderer Judæis : nunc autem regnum meum non est hinc.",
      "citation": "John 18:36 (Clementine Vulgate)"
    },
    {
      "verse": 37,
      "text": "Dixit itaque ei Pilatus : Ergo rex es tu ? Respondit Jesus : Tu dicis quia rex sum ego. Ego in hoc natus sum, et ad hoc veni in mundum, ut testimonium perhibeam veritati : omnis qui est ex veritate, audit vocem meam.",
      "citation": "John 18:37 (Clementine Vulgate)"
    },
    {
      "verse": 38,
      "text": "Dicit ei Pilatus : Quid est veritas ? Et cum hoc dixisset, iterum exivit ad Judæos, et dicit eis : Ego nullam invenio in eo causam.",
      "citation": "John 18:38 (Clementine Vulgate)"
    },
    {
      "verse": 39,
      "text": "Est autem consuetudo vobis ut unum dimittam vobis in Pascha : vultis ergo dimittam vobis regem Judæorum ?",
      "citation": "John 18:39 (Clementine Vulgate)"
    },
    {
      "verse": 40,
      "text": "Clamaverunt ergo rursum omnes, dicentes : Non hunc, sed Barabbam. Erat autem Barabbas latro.",
      "citation": "John 18:40 (Clementine Vulgate)"
    }
  ]
}