{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "John, Chapter 4 — 54 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "John",
      "slug": "john",
      "testament": "NT",
      "order": 50,
      "totalChapters": 21
    },
    "chapter": 4,
    "verseCount": 54,
    "navigation": {
      "htmlUrl": "https://latinprayer.org/latin/john/4/",
      "bookIndex": "https://latinprayer.org/latin/john/index.json",
      "bookHtmlUrl": "https://latinprayer.org/latin/john/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/john/3.json",
      "previousChapterHtmlUrl": "https://latinprayer.org/latin/john/3/",
      "nextChapter": "https://latinprayer.org/latin/john/5.json",
      "nextChapterHtmlUrl": "https://latinprayer.org/latin/john/5/"
    },
    "crossReferences": {
      "english": "https://latinprayer.org/bible/john/4.json",
      "englishHtmlUrl": "https://latinprayer.org/bible/john/4/",
      "german": "https://latinprayer.org/bibel/john/4.json",
      "germanHtmlUrl": "https://latinprayer.org/bibel/johannes/4/"
    }
  },
  "citation": "John 4 (Clementine Vulgate)",
  "verses": [
    {
      "verse": 1,
      "text": "Ut ergo cognovit Jesus quia audierunt pharisæi quod Jesus plures discipulos facit, et baptizat, quam Joannes",
      "citation": "John 4:1 (Clementine Vulgate)"
    },
    {
      "verse": 2,
      "text": "(quamquam Jesus non baptizaret, sed discipuli ejus),",
      "citation": "John 4:2 (Clementine Vulgate)"
    },
    {
      "verse": 3,
      "text": "reliquit Judæam, et abiit iterum in Galilæam.",
      "citation": "John 4:3 (Clementine Vulgate)"
    },
    {
      "verse": 4,
      "text": "Oportebat autem eum transire per Samariam.",
      "citation": "John 4:4 (Clementine Vulgate)"
    },
    {
      "verse": 5,
      "text": "Venit ergo in civitatem Samariæ, quæ dicitur Sichar, juxta prædium quod dedit Jacob Joseph filio suo.",
      "citation": "John 4:5 (Clementine Vulgate)"
    },
    {
      "verse": 6,
      "text": "Erat autem ibi fons Jacob. Jesus ergo fatigatus ex itinere, sedebat sic supra fontem. Hora erat quasi sexta.",
      "citation": "John 4:6 (Clementine Vulgate)"
    },
    {
      "verse": 7,
      "text": "Venit mulier de Samaria haurire aquam. Dicit ei Jesus : Da mihi bibere.",
      "citation": "John 4:7 (Clementine Vulgate)"
    },
    {
      "verse": 8,
      "text": "(Discipuli enim ejus abierant in civitatem ut cibos emerent.)",
      "citation": "John 4:8 (Clementine Vulgate)"
    },
    {
      "verse": 9,
      "text": "Dicit ergo ei mulier illa Samaritana : Quomodo tu, Judæus cum sis, bibere a me poscis, quæ sum mulier Samaritana ? non enim coutuntur Judæi Samaritanis.",
      "citation": "John 4:9 (Clementine Vulgate)"
    },
    {
      "verse": 10,
      "text": "Respondit Jesus, et dixit ei : Si scires donum Dei, et quis est qui dicit tibi : Da mihi bibere, tu forsitan petisses ab eo, et dedisset tibi aquam vivam.",
      "citation": "John 4:10 (Clementine Vulgate)"
    },
    {
      "verse": 11,
      "text": "Dicit ei mulier : Domine, neque in quo haurias habes, et puteus altus est : unde ergo habes aquam vivam ?",
      "citation": "John 4:11 (Clementine Vulgate)"
    },
    {
      "verse": 12,
      "text": "Numquid tu major es patre nostro Jacob, qui dedit nobis puteum, et ipse ex eo bibit, et filii ejus, et pecora ejus ?",
      "citation": "John 4:12 (Clementine Vulgate)"
    },
    {
      "verse": 13,
      "text": "Respondit Jesus, et dixit ei : Omnis qui bibit ex aqua hac, sitiet iterum ; qui autem biberit ex aqua quam ego dabo ei, non sitiet in æternum :",
      "citation": "John 4:13 (Clementine Vulgate)"
    },
    {
      "verse": 14,
      "text": "sed aqua quam ego dabo ei, fiet in eo fons aquæ salientis in vitam æternam.",
      "citation": "John 4:14 (Clementine Vulgate)"
    },
    {
      "verse": 15,
      "text": "Dicit ad eum mulier : Domine, da mihi hanc aquam, ut non sitiam, neque veniam huc haurire.",
      "citation": "John 4:15 (Clementine Vulgate)"
    },
    {
      "verse": 16,
      "text": "Dicit ei Jesus : Vade, voca virum tuum, et veni huc.",
      "citation": "John 4:16 (Clementine Vulgate)"
    },
    {
      "verse": 17,
      "text": "Respondit mulier, et dixit : Non habeo virum. Dicit ei Jesus : Bene dixisti, quia non habeo virum ;",
      "citation": "John 4:17 (Clementine Vulgate)"
    },
    {
      "verse": 18,
      "text": "quinque enim viros habuisti, et nunc, quem habes, non est tuus vir : hoc vere dixisti.",
      "citation": "John 4:18 (Clementine Vulgate)"
    },
    {
      "verse": 19,
      "text": "Dicit ei mulier : Domine, video quia propheta es tu.",
      "citation": "John 4:19 (Clementine Vulgate)"
    },
    {
      "verse": 20,
      "text": "Patres nostri in monte hoc adoraverunt, et vos dicitis, quia Jerosolymis est locus ubi adorare oportet.",
      "citation": "John 4:20 (Clementine Vulgate)"
    },
    {
      "verse": 21,
      "text": "Dicit ei Jesus : Mulier, crede mihi, quia venit hora, quando neque in monte hoc, neque in Jerosolymis adorabitis Patrem.",
      "citation": "John 4:21 (Clementine Vulgate)"
    },
    {
      "verse": 22,
      "text": "Vos adoratis quod nescitis : nos adoramus quod scimus, quia salus ex Judæis est.",
      "citation": "John 4:22 (Clementine Vulgate)"
    },
    {
      "verse": 23,
      "text": "Sed venit hora, et nunc est, quando veri adoratores adorabunt Patrem in spiritu et veritate. Nam et Pater tales quærit, qui adorent eum.",
      "citation": "John 4:23 (Clementine Vulgate)"
    },
    {
      "verse": 24,
      "text": "Spiritus est Deus : et eos qui adorant eum, in spiritu et veritate oportet adorare.",
      "citation": "John 4:24 (Clementine Vulgate)"
    },
    {
      "verse": 25,
      "text": "Dicit ei mulier : Scio quia Messias venit (qui dicitur Christus) : cum ergo venerit ille, nobis annuntiabit omnia.",
      "citation": "John 4:25 (Clementine Vulgate)"
    },
    {
      "verse": 26,
      "text": "Dicit ei Jesus : Ego sum, qui loquor tecum.",
      "citation": "John 4:26 (Clementine Vulgate)"
    },
    {
      "verse": 27,
      "text": "Et continuo venerunt discipuli ejus, et mirabantur quia cum muliere loquebatur. Nemo tamen dixit : Quid quæris ? aut, Quid loqueris cum ea ?",
      "citation": "John 4:27 (Clementine Vulgate)"
    },
    {
      "verse": 28,
      "text": "Reliquit ergo hydriam suam mulier, et abiit in civitatem, et dicit illis hominibus :",
      "citation": "John 4:28 (Clementine Vulgate)"
    },
    {
      "verse": 29,
      "text": "Venite, et videte hominem qui dixit mihi omnia quæcumque feci : numquid ipse est Christus ?",
      "citation": "John 4:29 (Clementine Vulgate)"
    },
    {
      "verse": 30,
      "text": "Exierunt ergo de civitate et veniebant ad eum.",
      "citation": "John 4:30 (Clementine Vulgate)"
    },
    {
      "verse": 31,
      "text": "Interea rogabant eum discipuli, dicentes : Rabbi, manduca.",
      "citation": "John 4:31 (Clementine Vulgate)"
    },
    {
      "verse": 32,
      "text": "Ille autem dicit eis : Ego cibum habeo manducare, quem vos nescitis.",
      "citation": "John 4:32 (Clementine Vulgate)"
    },
    {
      "verse": 33,
      "text": "Dicebant ergo discipuli ad invicem : Numquid aliquis attulit ei manducare ?",
      "citation": "John 4:33 (Clementine Vulgate)"
    },
    {
      "verse": 34,
      "text": "Dicit eis Jesus : Meus cibus est ut faciam voluntatem ejus qui misit me, ut perficiam opus ejus.",
      "citation": "John 4:34 (Clementine Vulgate)"
    },
    {
      "verse": 35,
      "text": "Nonne vos dicitis quod adhuc quatuor menses sunt, et messis venit ? Ecce dico vobis : levate oculos vestros, et videte regiones, quia albæ sunt jam ad messem.",
      "citation": "John 4:35 (Clementine Vulgate)"
    },
    {
      "verse": 36,
      "text": "Et qui metit, mercedem accipit, et congregat fructum in vitam æternam : ut et qui seminat, simul gaudeat, et qui metit.",
      "citation": "John 4:36 (Clementine Vulgate)"
    },
    {
      "verse": 37,
      "text": "In hoc enim est verbum verum : quia alius est qui seminat, et alius est qui metit.",
      "citation": "John 4:37 (Clementine Vulgate)"
    },
    {
      "verse": 38,
      "text": "Ego misi vos metere quod vos non laborastis : alii laboraverunt, et vos in labores eorum introistis.",
      "citation": "John 4:38 (Clementine Vulgate)"
    },
    {
      "verse": 39,
      "text": "Ex civitate autem illa multi crediderunt in eum Samaritanorum, propter verbum mulieris testimonium perhibentis : Quia dixit mihi omnia quæcumque feci.",
      "citation": "John 4:39 (Clementine Vulgate)"
    },
    {
      "verse": 40,
      "text": "Cum venissent ergo ad illum Samaritani, rogaverunt eum ut ibi maneret. Et mansit ibi duos dies.",
      "citation": "John 4:40 (Clementine Vulgate)"
    },
    {
      "verse": 41,
      "text": "Et multo plures crediderunt in eum propter sermonem ejus.",
      "citation": "John 4:41 (Clementine Vulgate)"
    },
    {
      "verse": 42,
      "text": "Et mulieri dicebant : Quia jam non propter tuam loquelam credimus : ipsi enim audivimus, et scimus quia hic est vere Salvator mundi.",
      "citation": "John 4:42 (Clementine Vulgate)"
    },
    {
      "verse": 43,
      "text": "Post duos autem dies exiit inde, et abiit in Galilæam.",
      "citation": "John 4:43 (Clementine Vulgate)"
    },
    {
      "verse": 44,
      "text": "Ipse enim Jesus testimonium perhibuit, quia propheta in sua patria honorem non habet.",
      "citation": "John 4:44 (Clementine Vulgate)"
    },
    {
      "verse": 45,
      "text": "Cum ergo venisset in Galilæam, exceperunt eum Galilæi, cum omnia vidissent quæ fecerat Jerosolymis in die festo : et ipsi enim venerant ad diem festum.",
      "citation": "John 4:45 (Clementine Vulgate)"
    },
    {
      "verse": 46,
      "text": "Venit ergo iterum in Cana Galilææ, ubi fecit aquam vinum. Et erat quidam regulus, cujus filius infirmabatur Capharnaum.",
      "citation": "John 4:46 (Clementine Vulgate)"
    },
    {
      "verse": 47,
      "text": "Hic cum audisset quia Jesus adveniret a Judæa in Galilæam, abiit ad eum, et rogabat eum ut descenderet, et sanaret filium ejus : incipiebat enim mori.",
      "citation": "John 4:47 (Clementine Vulgate)"
    },
    {
      "verse": 48,
      "text": "Dixit ergo Jesus ad eum : Nisi signa et prodigia videritis, non creditis.",
      "citation": "John 4:48 (Clementine Vulgate)"
    },
    {
      "verse": 49,
      "text": "Dicit ad eum regulus : Domine, descende priusquam moriatur filius meus.",
      "citation": "John 4:49 (Clementine Vulgate)"
    },
    {
      "verse": 50,
      "text": "Dicit ei Jesus : Vade, filius tuus vivit. Credidit homo sermoni quem dixit ei Jesus, et ibat.",
      "citation": "John 4:50 (Clementine Vulgate)"
    },
    {
      "verse": 51,
      "text": "Jam autem eo descendente, servi occurrerunt ei, et nuntiaverunt dicentes, quia filius ejus viveret.",
      "citation": "John 4:51 (Clementine Vulgate)"
    },
    {
      "verse": 52,
      "text": "Interrogabat ergo horam ab eis in qua melius habuerit. Et dixerunt ei : Quia heri hora septima reliquit eum febris.",
      "citation": "John 4:52 (Clementine Vulgate)"
    },
    {
      "verse": 53,
      "text": "Cognovit ergo pater, quia illa hora erat in qua dixit ei Jesus : Filius tuus vivit ; et credidit ipse et domus ejus tota.",
      "citation": "John 4:53 (Clementine Vulgate)"
    },
    {
      "verse": 54,
      "text": "Hoc iterum secundum signum fecit Jesus, cum venisset a Judæa in Galilæam.",
      "citation": "John 4:54 (Clementine Vulgate)"
    }
  ]
}