{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Josue, Chapter 10 — 43 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Josue",
      "slug": "josue",
      "testament": "OT",
      "order": 6,
      "totalChapters": 24
    },
    "chapter": 10,
    "verseCount": 43,
    "navigation": {
      "htmlUrl": "https://latinprayer.org/latin/josue/10/",
      "bookIndex": "https://latinprayer.org/latin/josue/index.json",
      "bookHtmlUrl": "https://latinprayer.org/latin/josue/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/josue/9.json",
      "previousChapterHtmlUrl": "https://latinprayer.org/latin/josue/9/",
      "nextChapter": "https://latinprayer.org/latin/josue/11.json",
      "nextChapterHtmlUrl": "https://latinprayer.org/latin/josue/11/"
    },
    "crossReferences": {
      "english": "https://latinprayer.org/bible/josue/10.json",
      "englishHtmlUrl": "https://latinprayer.org/bible/josue/10/",
      "german": "https://latinprayer.org/bibel/josue/10.json",
      "germanHtmlUrl": "https://latinprayer.org/bibel/josua/10/"
    }
  },
  "citation": "Josue 10 (Clementine Vulgate)",
  "verses": [
    {
      "verse": 1,
      "text": "Quæ cum audisset Adonisedec rex Jerusalem, quod scilicet cepisset Josue Hai, et subvertisset eam (sicut enim fecerat Jericho et regi ejus, sic fecit Hai et regi illius), et quod transfugissent Gabaonitæ ad Israël, et essent fœderati eorum,",
      "citation": "Josue 10:1 (Clementine Vulgate)"
    },
    {
      "verse": 2,
      "text": "timuit valde. Urbs enim magna erat Gabaon, et una civitatum regalium, et major oppido Hai, omnesque bellatores ejus fortissimi.",
      "citation": "Josue 10:2 (Clementine Vulgate)"
    },
    {
      "verse": 3,
      "text": "Misit ergo Adonisedec rex Jerusalem ad Oham regem Hebron, et ad Pharam regem Jerimoth, ad Japhia quoque regem Lachis, et ad Dabir regem Eglon, dicens :",
      "citation": "Josue 10:3 (Clementine Vulgate)"
    },
    {
      "verse": 4,
      "text": "Ad me ascendite, et ferte præsidium, ut expugnemus Gabaon, quare transfugerit ad Josue, et ad filios Israël.",
      "citation": "Josue 10:4 (Clementine Vulgate)"
    },
    {
      "verse": 5,
      "text": "Congregati igitur ascenderunt quinque reges Amorrhæorum : rex Jerusalem, rex Hebron, rex Jerimoth, rex Lachis, rex Eglon, simul cum exercitibus suis : et castrametati sunt circa Gabaon, oppugnantes eam.",
      "citation": "Josue 10:5 (Clementine Vulgate)"
    },
    {
      "verse": 6,
      "text": "Habitatores autem Gabaon urbis obsessæ miserunt ad Josue, qui tunc morabatur in castris apud Galgalam, et dixerunt ei : Ne retrahas manus tuas ab auxilio servorum tuorum : ascende cito, et libera nos, ferque præsidium : convenerunt enim adversum nos omnes reges Amorrhæorum, qui habitant in montanis.",
      "citation": "Josue 10:6 (Clementine Vulgate)"
    },
    {
      "verse": 7,
      "text": "Ascenditque Josue de Galgalis, et omnis exercitus bellatorum cum eo, viri fortissimi.",
      "citation": "Josue 10:7 (Clementine Vulgate)"
    },
    {
      "verse": 8,
      "text": "Dixitque Dominus ad Josue : Ne timeas eos : in manus enim tuas tradidi illos : nullus ex eis tibi resistere poterit.",
      "citation": "Josue 10:8 (Clementine Vulgate)"
    },
    {
      "verse": 9,
      "text": "Irruit itaque Josue super eos repente, tota nocte ascendens de Galgalis.",
      "citation": "Josue 10:9 (Clementine Vulgate)"
    },
    {
      "verse": 10,
      "text": "Et conturbavit eos Dominus a facie Israël : contrivitque plaga magna in Gabaon, ac persecutus est eos per viam ascensus Bethoron, et percussit usque Azeca et Maceda.",
      "citation": "Josue 10:10 (Clementine Vulgate)"
    },
    {
      "verse": 11,
      "text": "Cumque fugerent filios Israël, et essent in descensu Bethoron, Dominus misit super eos lapides magnos de cælo usque ad Azeca : et mortui sunt multo plures lapidibus grandinis, quam quos gladio percusserant filii Israël.",
      "citation": "Josue 10:11 (Clementine Vulgate)"
    },
    {
      "verse": 12,
      "text": "Tunc locutus est Josue Domino, in die qua tradidit Amorrhæum in conspectu filiorum Israël, dixitque coram eis : Sol, contra Gabaon ne movearis, et luna contra vallem Ajalon.",
      "citation": "Josue 10:12 (Clementine Vulgate)"
    },
    {
      "verse": 13,
      "text": "Steteruntque sol et luna, donec ulcisceretur se gens de inimicis suis. Nonne scriptum est hoc in libro justorum ? Stetit itaque sol in medio cæli, et non festinavit occumbere spatio unius diei.",
      "citation": "Josue 10:13 (Clementine Vulgate)"
    },
    {
      "verse": 14,
      "text": "Non fuit antea nec postea tam longa dies, obediente Domino voci hominis, et pugnante pro Israël.",
      "citation": "Josue 10:14 (Clementine Vulgate)"
    },
    {
      "verse": 15,
      "text": "Reversusque est Josue cum omni Israël in castra Galgalæ.",
      "citation": "Josue 10:15 (Clementine Vulgate)"
    },
    {
      "verse": 16,
      "text": "Fugerant enim quinque reges et se absconderant in spelunca urbis Maceda.",
      "citation": "Josue 10:16 (Clementine Vulgate)"
    },
    {
      "verse": 17,
      "text": "Nuntiatumque est Josue quod inventi essent quinque reges latentes in spelunca urbis Maceda.",
      "citation": "Josue 10:17 (Clementine Vulgate)"
    },
    {
      "verse": 18,
      "text": "Qui præcepit sociis, et ait : Volvite saxa ingentia ad os speluncæ, et ponite viros industrios, qui clausos custodiant :",
      "citation": "Josue 10:18 (Clementine Vulgate)"
    },
    {
      "verse": 19,
      "text": "vos autem nolite stare, sed persequimini hostes, et extremos quosque fugientium cædite : nec dimittatis eos urbium suarum intrare præsidia, quos tradidit Dominus Deus in manus vestras.",
      "citation": "Josue 10:19 (Clementine Vulgate)"
    },
    {
      "verse": 20,
      "text": "Cæsis ergo adversariis plaga magna, et usque ad internecionem pene consumptis, hi qui Israël effugere potuerunt, ingressi sunt civitates munitas.",
      "citation": "Josue 10:20 (Clementine Vulgate)"
    },
    {
      "verse": 21,
      "text": "Reversusque est omnis exercitus ad Josue in Maceda, ubi tunc erant castra, sani et integro numero : nullusque contra filios Israël mutire ausus est.",
      "citation": "Josue 10:21 (Clementine Vulgate)"
    },
    {
      "verse": 22,
      "text": "Præcepitque Josue, dicens : Aperite os speluncæ, et producite ad me quinque reges, qui in ea latitant.",
      "citation": "Josue 10:22 (Clementine Vulgate)"
    },
    {
      "verse": 23,
      "text": "Feceruntque ministri ut sibi fuerat imperatum : et eduxerunt ad eum quinque reges de spelunca, regem Jerusalem, regem Hebron, regem Jerimoth, regem Lachis, regem Eglon.",
      "citation": "Josue 10:23 (Clementine Vulgate)"
    },
    {
      "verse": 24,
      "text": "Cumque educti essent ad eum, vocavit omnes viros Israël, et ait ad principes exercitus qui secum erant : Ite, et ponite pedes super colla regum istorum. Qui cum perrexissent, et subjectorum colla pedibus calcarent,",
      "citation": "Josue 10:24 (Clementine Vulgate)"
    },
    {
      "verse": 25,
      "text": "rursum ait ad eos : Nolite timere, nec paveatis : confortamini, et estote robusti : sic enim faciet Dominus cunctis hostibus vestris, adversum quos dimicatis.",
      "citation": "Josue 10:25 (Clementine Vulgate)"
    },
    {
      "verse": 26,
      "text": "Percussitque Josue, et interfecit eos, atque suspendit super quinque stipites : fueruntque suspensi usque ad vesperum.",
      "citation": "Josue 10:26 (Clementine Vulgate)"
    },
    {
      "verse": 27,
      "text": "Cumque occumberet sol, præcepit sociis ut deponerent eos de patibulis. Qui depositos projecerunt in speluncam in qua latuerant, et posuerunt super os ejus saxa ingentia, quæ permanent usque in præsens.",
      "citation": "Josue 10:27 (Clementine Vulgate)"
    },
    {
      "verse": 28,
      "text": "Eodem quoque die, Macedam cepit Josue, et percussit eam in ore gladii, regemque illius interfecit, et omnes habitatores ejus : non dimisit in ea saltem parvas reliquias. Fecitque regi Maceda sicut fecerat regi Jericho.",
      "citation": "Josue 10:28 (Clementine Vulgate)"
    },
    {
      "verse": 29,
      "text": "Transivit autem cum omni Israël de Maceda in Lebna, et pugnabat contra eam :",
      "citation": "Josue 10:29 (Clementine Vulgate)"
    },
    {
      "verse": 30,
      "text": "quam tradidit Dominus cum rege suo in manus Israël : percusseruntque urbem in ore gladii, et omnes habitatores ejus : non dimiserunt in ea ullas reliquias. Feceruntque regi Lebna sicut fecerant regi Jericho.",
      "citation": "Josue 10:30 (Clementine Vulgate)"
    },
    {
      "verse": 31,
      "text": "De Lebna transivit in Lachis cum omni Israël : et exercitu per gyrum disposito, oppugnabat eam.",
      "citation": "Josue 10:31 (Clementine Vulgate)"
    },
    {
      "verse": 32,
      "text": "Tradiditque Dominus Lachis in manus Israël, et cepit eam die altero, atque percussit in ore gladii, omnemque animam quæ fuerat in ea, sicut fecerat Lebna.",
      "citation": "Josue 10:32 (Clementine Vulgate)"
    },
    {
      "verse": 33,
      "text": "Eo tempore ascendit Horam rex Gazer, ut auxiliaretur Lachis : quem percussit Josue cum omni populo ejus usque ad internecionem.",
      "citation": "Josue 10:33 (Clementine Vulgate)"
    },
    {
      "verse": 34,
      "text": "Transivitque de Lachis in Eglon, et circumdedit,",
      "citation": "Josue 10:34 (Clementine Vulgate)"
    },
    {
      "verse": 35,
      "text": "atque expugnavit eam eadem die : percussitque in ore gladii omnes animas quæ erant in ea, juxta omnia quæ fecerat Lachis.",
      "citation": "Josue 10:35 (Clementine Vulgate)"
    },
    {
      "verse": 36,
      "text": "Ascendit quoque cum omni Israël de Eglon in Hebron, et pugnavit contra eam :",
      "citation": "Josue 10:36 (Clementine Vulgate)"
    },
    {
      "verse": 37,
      "text": "cepit eam, et percussit in ore gladii, regem quoque ejus, et omnia oppida regionis illius, universasque animas quæ in ea fuerant commoratæ : non reliquit in ea ullas reliquias : sicut fecerat Eglon, sic fecit et Hebron, cuncta quæ in ea reperit consumens gladio.",
      "citation": "Josue 10:37 (Clementine Vulgate)"
    },
    {
      "verse": 38,
      "text": "Inde reversus in Dabir,",
      "citation": "Josue 10:38 (Clementine Vulgate)"
    },
    {
      "verse": 39,
      "text": "cepit eam atque vastavit : regem quoque ejus atque omnia per circuitum oppida percussit in ore gladii : non dimisit in ea ullas reliquias : sicut fecerat Hebron et Lebna et regibus earum, sic fecit Dabir et regi illius.",
      "citation": "Josue 10:39 (Clementine Vulgate)"
    },
    {
      "verse": 40,
      "text": "Percussit itaque Josue omnem terram montanam et meridianam atque campestrem, et Asedoth, cum regibus suis : non dimisit in ea ullas reliquias, sed omne quod spirare poterat interfecit, sicut præceperat ei Dominus Deus Israël,",
      "citation": "Josue 10:40 (Clementine Vulgate)"
    },
    {
      "verse": 41,
      "text": "a Cadesbarne usque Gazam. Omnem terram Gosen usque Gabaon,",
      "citation": "Josue 10:41 (Clementine Vulgate)"
    },
    {
      "verse": 42,
      "text": "universosque reges, et regiones eorum uno impetu cepit atque vastavit : Dominus enim Deus Israël pugnavit pro eo.",
      "citation": "Josue 10:42 (Clementine Vulgate)"
    },
    {
      "verse": 43,
      "text": "Reversusque est cum omni Israël ad locum castrorum in Galgala.",
      "citation": "Josue 10:43 (Clementine Vulgate)"
    }
  ]
}