{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Josue, Chapter 22 — 34 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Josue",
      "slug": "josue",
      "testament": "OT",
      "order": 6,
      "totalChapters": 24
    },
    "chapter": 22,
    "verseCount": 34,
    "navigation": {
      "htmlUrl": "https://latinprayer.org/latin/josue/22/",
      "bookIndex": "https://latinprayer.org/latin/josue/index.json",
      "bookHtmlUrl": "https://latinprayer.org/latin/josue/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/josue/21.json",
      "previousChapterHtmlUrl": "https://latinprayer.org/latin/josue/21/",
      "nextChapter": "https://latinprayer.org/latin/josue/23.json",
      "nextChapterHtmlUrl": "https://latinprayer.org/latin/josue/23/"
    },
    "crossReferences": {
      "english": "https://latinprayer.org/bible/josue/22.json",
      "englishHtmlUrl": "https://latinprayer.org/bible/josue/22/",
      "german": "https://latinprayer.org/bibel/josue/22.json",
      "germanHtmlUrl": "https://latinprayer.org/bibel/josua/22/"
    }
  },
  "citation": "Josue 22 (Clementine Vulgate)",
  "verses": [
    {
      "verse": 1,
      "text": "Eodem tempore vocavit Josue Rubenitas, et Gaditas, et dimidiam tribum Manasse,",
      "citation": "Josue 22:1 (Clementine Vulgate)"
    },
    {
      "verse": 2,
      "text": "dixitque ad eos : Fecistis omnia quæ præcepit vobis Moyses famulus Domini : mihi quoque in omnibus obedistis,",
      "citation": "Josue 22:2 (Clementine Vulgate)"
    },
    {
      "verse": 3,
      "text": "nec reliquistis fratres vestros longo tempore, usque in præsentem diem, custodientes imperium Domini Dei vestri.",
      "citation": "Josue 22:3 (Clementine Vulgate)"
    },
    {
      "verse": 4,
      "text": "Quia igitur dedit Dominus Deus vester fratribus vestris quietem et pacem, sicut pollicitus est : revertimini, et ite in tabernacula vestra, et in terram possessionis, quam tradidit vobis Moyses famulus Domini trans Jordanem :",
      "citation": "Josue 22:4 (Clementine Vulgate)"
    },
    {
      "verse": 5,
      "text": "ita dumtaxat ut custodiatis attente, et opere compleatis mandatum et legem quam præcepit vobis Moyses famulus Domini, ut diligatis Dominum Deum vestrum, et ambuletis in omnibus viis ejus, et observetis mandata illius, adhæreatisque ei, ac serviatis in omni corde, et in omni anima vestra.",
      "citation": "Josue 22:5 (Clementine Vulgate)"
    },
    {
      "verse": 6,
      "text": "Benedixitque eis Josue, et dimisit eos. Qui reversi sunt in tabernacula sua.",
      "citation": "Josue 22:6 (Clementine Vulgate)"
    },
    {
      "verse": 7,
      "text": "Dimidiæ autem tribui Manasse possessionem Moyses dederat in Basan : et idcirco mediæ, quæ superfuit, dedit Josue sortem inter ceteros fratres suos trans Jordanem ad occidentalem plagam. Cumque dimitteret eos in tabernacula sua, et benedixisset eis,",
      "citation": "Josue 22:7 (Clementine Vulgate)"
    },
    {
      "verse": 8,
      "text": "dixit ad eos : In multa substantia atque divitiis revertimini ad sedes vestras, cum argento et auro, ære ac ferro, et veste multiplici : dividite prædam hostium cum fratribus vestris.",
      "citation": "Josue 22:8 (Clementine Vulgate)"
    },
    {
      "verse": 9,
      "text": "Reversique sunt, et abierunt filii Ruben, et filii Gad, et dimidia tribus Manasse, a filiis Israël de Silo, quæ sita est in Chanaan, ut intrarent Galaad terram possessionis suæ, quam obtinuerant juxta imperium Domini in manu Moysi.",
      "citation": "Josue 22:9 (Clementine Vulgate)"
    },
    {
      "verse": 10,
      "text": "Cumque venissent ad tumulos Jordanis in terram Chanaan, ædificaverunt juxta Jordanem altare infinitæ magnitudinis.",
      "citation": "Josue 22:10 (Clementine Vulgate)"
    },
    {
      "verse": 11,
      "text": "Quod cum audissent filii Israël, et ad eos certi nuntii detulissent, ædificasse filios Ruben, et Gad, et dimidiæ tribus Manasse, altare in terra Chanaan, super Jordanis tumulos, contra filios Israël :",
      "citation": "Josue 22:11 (Clementine Vulgate)"
    },
    {
      "verse": 12,
      "text": "convenerunt omnes in Silo, ut ascenderent, et dimicarent contra eos.",
      "citation": "Josue 22:12 (Clementine Vulgate)"
    },
    {
      "verse": 13,
      "text": "Et interim miserunt ad illos in terram Galaad Phinees filium Eleazari sacerdotis,",
      "citation": "Josue 22:13 (Clementine Vulgate)"
    },
    {
      "verse": 14,
      "text": "et decem principes cum eo, singulos de singulis tribubus.",
      "citation": "Josue 22:14 (Clementine Vulgate)"
    },
    {
      "verse": 15,
      "text": "Qui venerunt ad filios Ruben, et Gad, et dimidiæ tribus Manasse in terram Galaad, dixeruntque ad eos :",
      "citation": "Josue 22:15 (Clementine Vulgate)"
    },
    {
      "verse": 16,
      "text": "Hæc mandat omnis populus Domini : Quæ est ista transgressio ? cur reliquistis Dominum Deum Israël, ædificantes altare sacrilegum, et a cultu illius recedentes ?",
      "citation": "Josue 22:16 (Clementine Vulgate)"
    },
    {
      "verse": 17,
      "text": "an parum vobis est quod peccastis in Beelphegor, et usque in præsentem diem macula hujus sceleris in nobis permanet, multique de populo corruerunt ?",
      "citation": "Josue 22:17 (Clementine Vulgate)"
    },
    {
      "verse": 18,
      "text": "Et vos hodie reliquistis Dominum, et cras in universum Israël ira ejus desæviet.",
      "citation": "Josue 22:18 (Clementine Vulgate)"
    },
    {
      "verse": 19,
      "text": "Quod si putatis immundam esse terram possessionis vestræ, transite ad terram, in qua tabernaculum Domini est, et habitate inter nos : tantum ut a Domino et a nostro consortio non recedatis, ædificato altari præter altare Domini Dei nostri.",
      "citation": "Josue 22:19 (Clementine Vulgate)"
    },
    {
      "verse": 20,
      "text": "Nonne Achan filius Zare præteriit mandatum Domini, et super omnem populum Israël ira ejus incubuit ? et ille erat unus homo, atque utinam solum periisset in scelere suo.",
      "citation": "Josue 22:20 (Clementine Vulgate)"
    },
    {
      "verse": 21,
      "text": "Responderuntque filii Ruben et Gad, et dimidia tribus Manasse, principibus legationis Israël :",
      "citation": "Josue 22:21 (Clementine Vulgate)"
    },
    {
      "verse": 22,
      "text": "Fortissimus Deus Dominus, fortissimus Deus Dominus, ipse novit, et Israël simul intelliget : si prævaricationis animo hoc altare construximus, non custodiat nos, sed puniat nos in præsenti :",
      "citation": "Josue 22:22 (Clementine Vulgate)"
    },
    {
      "verse": 23,
      "text": "et si ea mente fecimus ut holocausta, et sacrificium, et pacificas victimas super eo imponeremus, ipse quærat et judicet :",
      "citation": "Josue 22:23 (Clementine Vulgate)"
    },
    {
      "verse": 24,
      "text": "et non ea magis cogitatione atque tractatu, ut diceremus : Cras dicent filii vestri filiis nostris : Quid vobis et Domino Deo Israël ?",
      "citation": "Josue 22:24 (Clementine Vulgate)"
    },
    {
      "verse": 25,
      "text": "terminum posuit Dominus inter nos et vos, o filii Ruben, et filii Gad, Jordanem fluvium, et idcirco partem non habetis in Domino : et per hanc occasionem avertent filii vestri filios nostros a timore Domini. Putavimus itaque melius,",
      "citation": "Josue 22:25 (Clementine Vulgate)"
    },
    {
      "verse": 26,
      "text": "et diximus : Exstruamus nobis altare, non in holocausta, neque ad victimas offerendas,",
      "citation": "Josue 22:26 (Clementine Vulgate)"
    },
    {
      "verse": 27,
      "text": "sed in testimonium inter nos et vos, et sobolem nostram vestramque progeniem, ut serviamus Domino, et juris nostri sit offerre et holocausta, et victimas, et pacificas hostias : et nequaquam dicant cras filii vestri filiis nostris : Non est vobis pars in Domino.",
      "citation": "Josue 22:27 (Clementine Vulgate)"
    },
    {
      "verse": 28,
      "text": "Quod si voluerint dicere, respondebunt eis : Ecce altare Domini, quod fecerunt patres nostri, non in holocausta, neque in sacrificium, sed in testimonium nostrum ac vestrum.",
      "citation": "Josue 22:28 (Clementine Vulgate)"
    },
    {
      "verse": 29,
      "text": "Absit a nobis hoc scelus, ut recedamus a Domino, et ejus vestigia relinquamus, exstructo altari ad holocausta, et sacrificia, et victimas offerendas, præter altare Domini Dei nostri, quod exstructum est ante tabernaculum ejus.",
      "citation": "Josue 22:29 (Clementine Vulgate)"
    },
    {
      "verse": 30,
      "text": "Quibus auditis, Phinees sacerdos, et principes legationis Israël, qui erant cum eo, placati sunt : et verba filiorum Ruben, et Gad, et dimidiæ tribus Manasse, libentissime susceperunt.",
      "citation": "Josue 22:30 (Clementine Vulgate)"
    },
    {
      "verse": 31,
      "text": "Dixitque Phinees filius Eleazari sacerdos ad eos : Nunc scimus quod nobiscum sit Dominus, quoniam alieni estis a prævaricatione hac, et liberastis filios Israël de manu Domini.",
      "citation": "Josue 22:31 (Clementine Vulgate)"
    },
    {
      "verse": 32,
      "text": "Reversusque est cum principibus a filiis Ruben et Gad de terra Galaad, finium Chanaan, ad filios Israël, et retulit eis.",
      "citation": "Josue 22:32 (Clementine Vulgate)"
    },
    {
      "verse": 33,
      "text": "Placuitque sermo cunctis audientibus. Et laudaverunt Deum filii Israël, et nequaquam ultra dixerunt, ut ascenderent contra eos, atque pugnarent, et delerent terram possessionis eorum.",
      "citation": "Josue 22:33 (Clementine Vulgate)"
    },
    {
      "verse": 34,
      "text": "Vocaveruntque filii Ruben, et filii Gad, altare quod exstruxerant, Testimonium nostrum, quod Dominus ipse sit Deus.",
      "citation": "Josue 22:34 (Clementine Vulgate)"
    }
  ]
}