{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Josue, Chapter 3 — 17 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Josue",
      "slug": "josue",
      "testament": "OT",
      "order": 6,
      "totalChapters": 24
    },
    "chapter": 3,
    "verseCount": 17,
    "navigation": {
      "htmlUrl": "https://latinprayer.org/latin/josue/3/",
      "bookIndex": "https://latinprayer.org/latin/josue/index.json",
      "bookHtmlUrl": "https://latinprayer.org/latin/josue/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/josue/2.json",
      "previousChapterHtmlUrl": "https://latinprayer.org/latin/josue/2/",
      "nextChapter": "https://latinprayer.org/latin/josue/4.json",
      "nextChapterHtmlUrl": "https://latinprayer.org/latin/josue/4/"
    },
    "crossReferences": {
      "english": "https://latinprayer.org/bible/josue/3.json",
      "englishHtmlUrl": "https://latinprayer.org/bible/josue/3/",
      "german": "https://latinprayer.org/bibel/josue/3.json",
      "germanHtmlUrl": "https://latinprayer.org/bibel/josua/3/"
    }
  },
  "citation": "Josue 3 (Clementine Vulgate)",
  "verses": [
    {
      "verse": 1,
      "text": "Igitur Josue de nocte consurgens movit castra : egredientesque de Setim, venerunt ad Jordanem ipse et omnes filii Israël, et morati sunt ibi tres dies.",
      "citation": "Josue 3:1 (Clementine Vulgate)"
    },
    {
      "verse": 2,
      "text": "Quibus evolutis transierunt præcones per castrorum medium,",
      "citation": "Josue 3:2 (Clementine Vulgate)"
    },
    {
      "verse": 3,
      "text": "et clamare cœperunt : Quando videritis arcam fœderis Domini Dei vestri, et sacerdotes stirpis Leviticæ portantes eam, vos quoque consurgite, et sequimini præcedentes :",
      "citation": "Josue 3:3 (Clementine Vulgate)"
    },
    {
      "verse": 4,
      "text": "sitque inter vos et arcam spatium cubitorum duum millium : ut procul videre possitis, et nosse per quam viam ingrediamini : quia prius non ambulastis per eam : et cavete ne appropinquetis ad arcam.",
      "citation": "Josue 3:4 (Clementine Vulgate)"
    },
    {
      "verse": 5,
      "text": "Dixitque Josue ad populum : Sanctificamini : cras enim faciet Dominus inter vos mirabilia.",
      "citation": "Josue 3:5 (Clementine Vulgate)"
    },
    {
      "verse": 6,
      "text": "Et ait ad sacerdotes : Tollite arcam fœderis, et præcedite populum. Qui jussa complentes, tulerunt, et ambulaverunt ante eos.",
      "citation": "Josue 3:6 (Clementine Vulgate)"
    },
    {
      "verse": 7,
      "text": "Dixitque Dominus ad Josue : Hodie incipiam exaltare te coram omni Israël : ut sciant quod sicut cum Moyse fui, ita et tecum sim.",
      "citation": "Josue 3:7 (Clementine Vulgate)"
    },
    {
      "verse": 8,
      "text": "Tu autem præcipe sacerdotibus, qui portant arcam fœderis, et dic eis : Cum ingressi fueritis partem aquæ Jordanis, state in ea.",
      "citation": "Josue 3:8 (Clementine Vulgate)"
    },
    {
      "verse": 9,
      "text": "Dixitque Josue ad filios Israël : Accedite huc, et audite verbum Domini Dei vestri.",
      "citation": "Josue 3:9 (Clementine Vulgate)"
    },
    {
      "verse": 10,
      "text": "Et rursum : In hoc, inquit, scietis quod Dominus Deus vivens in medio vestri est, et disperdet in conspectu vestro Chananæum et Hethæum, Hevæum et Pherezæum, Gergesæum quoque et Jebusæum, et Amorrhæum.",
      "citation": "Josue 3:10 (Clementine Vulgate)"
    },
    {
      "verse": 11,
      "text": "Ecce arca fœderis Domini omnis terræ antecedet vos per Jordanem.",
      "citation": "Josue 3:11 (Clementine Vulgate)"
    },
    {
      "verse": 12,
      "text": "Parate duodecim viros de tribubus Israël, singulos per singulas tribus.",
      "citation": "Josue 3:12 (Clementine Vulgate)"
    },
    {
      "verse": 13,
      "text": "Et cum posuerint vestigia pedum suorum sacerdotes qui portant arcam Domini Dei universæ terræ in aquis Jordanis, aquæ quæ inferiores sunt, decurrent atque deficient : quæ autem desuper veniunt, in una mole consistent.",
      "citation": "Josue 3:13 (Clementine Vulgate)"
    },
    {
      "verse": 14,
      "text": "Igitur egressus est populus de tabernaculis suis, ut transiret Jordanem : et sacerdotes, qui portabant arcam fœderis, pergebant ante eum.",
      "citation": "Josue 3:14 (Clementine Vulgate)"
    },
    {
      "verse": 15,
      "text": "Ingressisque eis Jordanem, et pedibus eorum in parte aquæ tinctis (Jordanis autem ripas alvei sui tempore messis impleverat),",
      "citation": "Josue 3:15 (Clementine Vulgate)"
    },
    {
      "verse": 16,
      "text": "steterunt aquæ descendentes in loco uno, et ad instar montis intumescentes apparebant procul, ab urbe quæ vocatur Adom usque ad locum Sarthan : quæ autem inferiores erant, in mare Solitudinis (quod nunc vocatur Mortuum) descenderunt, usquequo omnino deficerent.",
      "citation": "Josue 3:16 (Clementine Vulgate)"
    },
    {
      "verse": 17,
      "text": "Populus autem incedebat contra Jericho : et sacerdotes qui portabant arcam fœderis Domini, stabant super siccam humum in medio Jordanis accincti, omnisque populus per arentem alveum transibat.",
      "citation": "Josue 3:17 (Clementine Vulgate)"
    }
  ]
}