{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Josue, Chapter 6 — 27 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Josue",
      "slug": "josue",
      "testament": "OT",
      "order": 6,
      "totalChapters": 24
    },
    "chapter": 6,
    "verseCount": 27,
    "navigation": {
      "htmlUrl": "https://latinprayer.org/latin/josue/6/",
      "bookIndex": "https://latinprayer.org/latin/josue/index.json",
      "bookHtmlUrl": "https://latinprayer.org/latin/josue/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/josue/5.json",
      "previousChapterHtmlUrl": "https://latinprayer.org/latin/josue/5/",
      "nextChapter": "https://latinprayer.org/latin/josue/7.json",
      "nextChapterHtmlUrl": "https://latinprayer.org/latin/josue/7/"
    },
    "crossReferences": {
      "english": "https://latinprayer.org/bible/josue/6.json",
      "englishHtmlUrl": "https://latinprayer.org/bible/josue/6/",
      "german": "https://latinprayer.org/bibel/josue/6.json",
      "germanHtmlUrl": "https://latinprayer.org/bibel/josua/6/"
    }
  },
  "citation": "Josue 6 (Clementine Vulgate)",
  "verses": [
    {
      "verse": 1,
      "text": "Jericho autem clausa erat atque munita, timore filiorum Israël, et nullus egredi audebat aut ingredi.",
      "citation": "Josue 6:1 (Clementine Vulgate)"
    },
    {
      "verse": 2,
      "text": "Dixitque Dominus ad Josue : Ecce dedi in manu tua Jericho, et regem ejus, omnesque fortes viros.",
      "citation": "Josue 6:2 (Clementine Vulgate)"
    },
    {
      "verse": 3,
      "text": "Circuite urbem cuncti bellatores semel per diem : sic facietis sex diebus.",
      "citation": "Josue 6:3 (Clementine Vulgate)"
    },
    {
      "verse": 4,
      "text": "Septimo autem die, sacerdotes tollant septem buccinas, quarum usus est in jubilæo, et præcedant arcam fœderis : septiesque circuibitis civitatem, et sacerdotes clangent buccinis.",
      "citation": "Josue 6:4 (Clementine Vulgate)"
    },
    {
      "verse": 5,
      "text": "Cumque insonuerit vox tubæ longior atque concisior, et in auribus vestris increpuerit, conclamabit omnis populus vociferatione maxima, et muri funditus corruent civitatis, ingredienturque singuli per locum contra quem steterint.",
      "citation": "Josue 6:5 (Clementine Vulgate)"
    },
    {
      "verse": 6,
      "text": "Vocavit ergo Josue filius Nun sacerdotes, et dixit ad eos : Tollite arcam fœderis : et septem alii sacerdotes tollant septem jubilæorum buccinas, et incedant ante arcam Domini.",
      "citation": "Josue 6:6 (Clementine Vulgate)"
    },
    {
      "verse": 7,
      "text": "Ad populum quoque ait : Ite, et circuite civitatem, armati, præcedentes arcam Domini.",
      "citation": "Josue 6:7 (Clementine Vulgate)"
    },
    {
      "verse": 8,
      "text": "Cumque Josue verba finisset, et septem sacerdotes septem buccinis clangerent ante arcam fœderis Domini,",
      "citation": "Josue 6:8 (Clementine Vulgate)"
    },
    {
      "verse": 9,
      "text": "omnisque præcederet armatus exercitus, reliquum vulgus arcam sequebatur, ac buccinis omnia concrepabant.",
      "citation": "Josue 6:9 (Clementine Vulgate)"
    },
    {
      "verse": 10,
      "text": "Præceperat autem Josue populo, dicens : Non clamabitis, nec audietur vox vestra, neque ullus sermo ex ore vestro egredietur, donec veniat dies in quo dicam vobis : Clamate, et vociferamini.",
      "citation": "Josue 6:10 (Clementine Vulgate)"
    },
    {
      "verse": 11,
      "text": "Circuivit ergo arca Domini civitatem semel per diem, et reversa in castra mansit ibi.",
      "citation": "Josue 6:11 (Clementine Vulgate)"
    },
    {
      "verse": 12,
      "text": "Igitur Josue de nocte consurgente, tulerunt sacerdotes arcam Domini,",
      "citation": "Josue 6:12 (Clementine Vulgate)"
    },
    {
      "verse": 13,
      "text": "et septem ex eis septem buccinas, quarum in jubilæo usus est : præcedebantque arcam Domini ambulantes atque clangentes : et armatus populus ibat ante eos, vulgus autem reliquum sequebatur arcam, et buccinis personabat.",
      "citation": "Josue 6:13 (Clementine Vulgate)"
    },
    {
      "verse": 14,
      "text": "Circuieruntque civitatem secundo die semel, et reversi sunt in castra. Sic fecerunt sex diebus.",
      "citation": "Josue 6:14 (Clementine Vulgate)"
    },
    {
      "verse": 15,
      "text": "Dies autem septimo, diluculo consurgentes, circuierunt urbem, sicut dispositum erat, septies.",
      "citation": "Josue 6:15 (Clementine Vulgate)"
    },
    {
      "verse": 16,
      "text": "Cumque septimo circuitu clangerent buccinis sacerdotes, dixit Josue ad omnem Israël : Vociferamini : tradidit enim vobis Dominus civitatem.",
      "citation": "Josue 6:16 (Clementine Vulgate)"
    },
    {
      "verse": 17,
      "text": "Sitque civitas hæc anathema, et omnia quæ in ea sunt, Domino : sola Rahab meretrix vivat, cum universis qui cum ea in domo sunt : abscondit enim nuntios quos direximus.",
      "citation": "Josue 6:17 (Clementine Vulgate)"
    },
    {
      "verse": 18,
      "text": "Vos autem cavete ne de his, quæ præcepta sunt, quippiam contingatis, et sitis prævaricationis rei, et omnia castra Israël sub peccato sint atque turbentur.",
      "citation": "Josue 6:18 (Clementine Vulgate)"
    },
    {
      "verse": 19,
      "text": "Quidquid autem auri et argenti fuerit, et vasorum æneorum ac ferri, Domino consecretur, repositum in thesauris ejus.",
      "citation": "Josue 6:19 (Clementine Vulgate)"
    },
    {
      "verse": 20,
      "text": "Igitur omni populo vociferante, et clangentibus tubis, postquam in aures multitudinis vox sonitusque increpuit, muri illico corruerunt : et ascendit unusquisque per locum qui contra se erat : ceperuntque civitatem,",
      "citation": "Josue 6:20 (Clementine Vulgate)"
    },
    {
      "verse": 21,
      "text": "et interfecerunt omnia quæ erant in ea, a viro usque ad mulierem, ab infante usque ad senem. Boves quoque et oves et asinos in ore gladii percusserunt.",
      "citation": "Josue 6:21 (Clementine Vulgate)"
    },
    {
      "verse": 22,
      "text": "Duobus autem viris, qui exploratores missi fuerant, dixit Josue : Ingredimini domum mulieris meretricis, et producite eam, et omnia quæ illius sunt, sicut illi juramento firmastis.",
      "citation": "Josue 6:22 (Clementine Vulgate)"
    },
    {
      "verse": 23,
      "text": "Ingressique juvenes eduxerunt Rahab, et parentes ejus, fratres quoque, et cunctam supellectilem ac cognationem illius, et extra castra Israël manere fecerunt.",
      "citation": "Josue 6:23 (Clementine Vulgate)"
    },
    {
      "verse": 24,
      "text": "Urbem autem, et omnia quæ erant in ea, succenderunt, absque auro et argento, et vasis æneis, ac ferro, quæ in ærarium Domini consecrarunt.",
      "citation": "Josue 6:24 (Clementine Vulgate)"
    },
    {
      "verse": 25,
      "text": "Rahab vero meretricem, et domum patris ejus, et omnia quæ habebat, fecit Josue vivere, et habitaverunt in medio Israël, usque in præsentem diem : eo quod absconderit nuntios, quos miserat ut explorarent Jericho. In tempore illo, imprecatus est Josue, dicens :",
      "citation": "Josue 6:25 (Clementine Vulgate)"
    },
    {
      "verse": 26,
      "text": "Maledictus vir coram Domino, qui suscitaverit et ædificaverit civitatem Jericho. In primogenito suo fundamenta illius jaciat, et in novissimo liberorum ponat portas ejus.",
      "citation": "Josue 6:26 (Clementine Vulgate)"
    },
    {
      "verse": 27,
      "text": "Fuit ergo Dominus cum Josue, et nomen ejus vulgatum est in omni terra.",
      "citation": "Josue 6:27 (Clementine Vulgate)"
    }
  ]
}