{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Judges, Chapter 11 — 40 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Judges",
      "slug": "judges",
      "testament": "OT",
      "order": 7,
      "totalChapters": 21
    },
    "chapter": 11,
    "verseCount": 40,
    "navigation": {
      "htmlUrl": "https://latinprayer.org/latin/judges/11/",
      "bookIndex": "https://latinprayer.org/latin/judges/index.json",
      "bookHtmlUrl": "https://latinprayer.org/latin/judges/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/judges/10.json",
      "previousChapterHtmlUrl": "https://latinprayer.org/latin/judges/10/",
      "nextChapter": "https://latinprayer.org/latin/judges/12.json",
      "nextChapterHtmlUrl": "https://latinprayer.org/latin/judges/12/"
    },
    "crossReferences": {
      "english": "https://latinprayer.org/bible/judges/11.json",
      "englishHtmlUrl": "https://latinprayer.org/bible/judges/11/",
      "german": "https://latinprayer.org/bibel/judges/11.json",
      "germanHtmlUrl": "https://latinprayer.org/bibel/richter/11/"
    }
  },
  "citation": "Judges 11 (Clementine Vulgate)",
  "verses": [
    {
      "verse": 1,
      "text": "Fuit illo tempore Jephte Galaadites vir fortissimus atque pugnator, filius mulieris meretricis, qui natus est de Galaad.",
      "citation": "Judges 11:1 (Clementine Vulgate)"
    },
    {
      "verse": 2,
      "text": "Habuit autem Galaad uxorem, de qua suscepit filios : qui postquam creverant, ejecerunt Jephte, dicentes : Hæres in domo patris nostri esse non poteris, quia de altera matre natus es.",
      "citation": "Judges 11:2 (Clementine Vulgate)"
    },
    {
      "verse": 3,
      "text": "Quos ille fugiens atque devitans, habitavit in terra Tob : congregatique sunt ad eum viri inopes, et latrocinantes, et quasi principem sequebantur.",
      "citation": "Judges 11:3 (Clementine Vulgate)"
    },
    {
      "verse": 4,
      "text": "In illis diebus pugnabant filii Ammon contra Israël.",
      "citation": "Judges 11:4 (Clementine Vulgate)"
    },
    {
      "verse": 5,
      "text": "Quibus acriter instantibus perrexerunt majores natu de Galaad, ut tollerent in auxilium sui Jephte de terra Tob :",
      "citation": "Judges 11:5 (Clementine Vulgate)"
    },
    {
      "verse": 6,
      "text": "dixeruntque ad eum : Veni et esto princeps noster, et pugna contra filios Ammon.",
      "citation": "Judges 11:6 (Clementine Vulgate)"
    },
    {
      "verse": 7,
      "text": "Quibus ille respondit : Nonne vos estis, qui odistis me, et ejecistis de domo patris mei ? et nunc venistis ad me necessitate compulsi.",
      "citation": "Judges 11:7 (Clementine Vulgate)"
    },
    {
      "verse": 8,
      "text": "Dixeruntque principes Galaad ad Jephte : Ob hanc igitur causam nunc ad te venimus, ut proficiscaris nobiscum, et pugnes contra filios Ammon, sisque dux omnium qui habitant in Galaad.",
      "citation": "Judges 11:8 (Clementine Vulgate)"
    },
    {
      "verse": 9,
      "text": "Jephte quoque dixit eis : Si vere venistis ad me, ut pugnem pro vobis contra filios Ammon, tradideritque eos Dominus in manus meas, ego ero vester princeps ?",
      "citation": "Judges 11:9 (Clementine Vulgate)"
    },
    {
      "verse": 10,
      "text": "Qui responderunt ei : Dominus, qui hæc audit, ipse mediator ac testis est quod nostra promissa faciemus.",
      "citation": "Judges 11:10 (Clementine Vulgate)"
    },
    {
      "verse": 11,
      "text": "Abiit itaque Jephte cum principibus Galaad, fecitque eum omnis populus principem sui. Locutusque est Jephte omnes sermones suos coram Domino in Maspha.",
      "citation": "Judges 11:11 (Clementine Vulgate)"
    },
    {
      "verse": 12,
      "text": "Et misit nuntios ad regem filiorum Ammon, qui ex persona sua dicerent : Quid mihi et tibi est, quia venisti contra me, ut vastares terram meam ?",
      "citation": "Judges 11:12 (Clementine Vulgate)"
    },
    {
      "verse": 13,
      "text": "Quibus ille respondit : Quia tulit Israël terram meam, quando ascendit de Ægypto, a finibus Arnon usque Jaboc atque Jordanem : nunc ergo cum pace redde mihi eam.",
      "citation": "Judges 11:13 (Clementine Vulgate)"
    },
    {
      "verse": 14,
      "text": "Per quos rursum mandavit Jephte, et imperavit eis ut dicerent regi Ammon :",
      "citation": "Judges 11:14 (Clementine Vulgate)"
    },
    {
      "verse": 15,
      "text": "Hæc dicit Jephte : Non tulit Israël terram Moab, nec terram filiorum Ammon :",
      "citation": "Judges 11:15 (Clementine Vulgate)"
    },
    {
      "verse": 16,
      "text": "sed quando de Ægypto conscenderunt, ambulavit per solitudinem usque ad mare Rubrum, et venit in Cades.",
      "citation": "Judges 11:16 (Clementine Vulgate)"
    },
    {
      "verse": 17,
      "text": "Misitque nuntios ad regem Edom, dicens : Dimitte me ut transeam per terram tuam. Qui noluit acquiescere precibus ejus. Misit quoque ad regem Moab, qui et ipse transitum præbere contempsit. Mansit itaque in Cades,",
      "citation": "Judges 11:17 (Clementine Vulgate)"
    },
    {
      "verse": 18,
      "text": "et circuivit ex latere terram Edom et terram Moab : venitque contra orientalem plagam terræ Moab, et castrametatus est trans Arnon : nec voluit intrare terminos Moab. (Arnon quippe confinium est terræ Moab.)",
      "citation": "Judges 11:18 (Clementine Vulgate)"
    },
    {
      "verse": 19,
      "text": "Misit itaque Israël nuntios ad Sehon regem Amorrhæorum, qui habitabat in Hesebon, et dixerunt ei : Dimitte ut transeam per terram tuam usque ad fluvium.",
      "citation": "Judges 11:19 (Clementine Vulgate)"
    },
    {
      "verse": 20,
      "text": "Qui et ipse Israël verba despiciens, non dimisit eum transire per terminos suos : sed infinita multitudine congregata, egressus est contra eum in Jasa, et fortiter resistebat.",
      "citation": "Judges 11:20 (Clementine Vulgate)"
    },
    {
      "verse": 21,
      "text": "Tradiditque eum Dominus in manus Israël cum omni exercitu suo : qui percussit eum, et possedit omnem terram Amorrhæi habitatoris regionis illius,",
      "citation": "Judges 11:21 (Clementine Vulgate)"
    },
    {
      "verse": 22,
      "text": "et universos fines ejus, de Arnon usque Jaboc, et de solitudine usque ad Jordanem.",
      "citation": "Judges 11:22 (Clementine Vulgate)"
    },
    {
      "verse": 23,
      "text": "Dominus ergo Deus Israël subvertit Amorrhæum, pugnante contra illum populo suo Israël, et tu nunc vis possidere terram ejus ?",
      "citation": "Judges 11:23 (Clementine Vulgate)"
    },
    {
      "verse": 24,
      "text": "nonne ea quæ possidet Chamos deus tuus, tibi jure debentur ? quæ autem Dominus Deus noster victor obtinuit, in nostram cedent possessionem :",
      "citation": "Judges 11:24 (Clementine Vulgate)"
    },
    {
      "verse": 25,
      "text": "nisi forte melior es Balac filio Sephor rege Moab ; aut docere potes, quod jurgatus sit contra Israël, et pugnaverit contra eum,",
      "citation": "Judges 11:25 (Clementine Vulgate)"
    },
    {
      "verse": 26,
      "text": "quando habitavit in Hesebon et viculis ejus, et in Aroër et villis illius, vel in cunctis civitatibus juxta Jordanem, per trecentos annos. Quare tanto tempore nihil super hac repetitione tentastis ?",
      "citation": "Judges 11:26 (Clementine Vulgate)"
    },
    {
      "verse": 27,
      "text": "Igitur non ego pecco in te, sed tu contra me male agis, indicens mihi bella non justa. Judicet Dominus arbiter hujus diei inter Israël, et inter filios Ammon.",
      "citation": "Judges 11:27 (Clementine Vulgate)"
    },
    {
      "verse": 28,
      "text": "Noluitque acquiescere rex filiorum Ammon verbis Jephte, quæ per nuntios mandaverat.",
      "citation": "Judges 11:28 (Clementine Vulgate)"
    },
    {
      "verse": 29,
      "text": "Factus est ergo super Jephte spiritus Domini, et circuiens Galaad et Manasse, Maspha quoque Galaad, et inde transiens ad filios Ammon,",
      "citation": "Judges 11:29 (Clementine Vulgate)"
    },
    {
      "verse": 30,
      "text": "votum vovit Domino, dicens : Si tradideris filios Ammon in manus meas,",
      "citation": "Judges 11:30 (Clementine Vulgate)"
    },
    {
      "verse": 31,
      "text": "quicumque primus fuerit egressus de foribus domus meæ, mihique occurrerit revertenti cum pace a filiis Ammon, eum holocaustum offeram Domino.",
      "citation": "Judges 11:31 (Clementine Vulgate)"
    },
    {
      "verse": 32,
      "text": "Transivitque Jephte ad filios Ammon, ut pugnaret contra eos : quos tradidit Dominus in manus ejus.",
      "citation": "Judges 11:32 (Clementine Vulgate)"
    },
    {
      "verse": 33,
      "text": "Percussitque ab Aroër usque dum venias in Mennith, viginti civitates, et usque ad Abel, quæ est vineis consita, plaga magna nimis : humiliatique sunt filii Ammon a filiis Israël.",
      "citation": "Judges 11:33 (Clementine Vulgate)"
    },
    {
      "verse": 34,
      "text": "Revertente autem Jephte in Maspha domum suam, occurrit ei unigenita filia sua cum tympanis et choris : non enim habebat alios liberos.",
      "citation": "Judges 11:34 (Clementine Vulgate)"
    },
    {
      "verse": 35,
      "text": "Qua visa, scidit vestimenta sua, et ait : Heu me, filia mea ! decepisti me, et ipsa decepta es : aperui enim os meum ad Dominum, et aliud facere non potero.",
      "citation": "Judges 11:35 (Clementine Vulgate)"
    },
    {
      "verse": 36,
      "text": "Cui illa respondit : Pater mi, si aperuisti os tuum ad Dominum, fac mihi quodcumque pollicitus es, concessa tibi ultione atque victoria de hostibus tuis.",
      "citation": "Judges 11:36 (Clementine Vulgate)"
    },
    {
      "verse": 37,
      "text": "Dixitque ad patrem : Hoc solum mihi præsta quod deprecor : dimitte me ut duobus mensibus circumeam montes, et plangam virginitatem meam cum sodalibus meis.",
      "citation": "Judges 11:37 (Clementine Vulgate)"
    },
    {
      "verse": 38,
      "text": "Cui ille respondit : Vade. Et dimisit eam duobus mensibus. Cumque abiisset cum sociis ac sodalibus suis, flebat virginitatem suam in montibus.",
      "citation": "Judges 11:38 (Clementine Vulgate)"
    },
    {
      "verse": 39,
      "text": "Expletisque duobus mensibus, reversa est ad patrem suum, et fecit ei sicut voverat, quæ ignorabat virum. Exinde mos increbruit in Israël, et consuetudo servata est,",
      "citation": "Judges 11:39 (Clementine Vulgate)"
    },
    {
      "verse": 40,
      "text": "ut post anni circulum conveniant in unum filiæ Israël, et plangant filiam Jephte Galaaditæ diebus quatuor.",
      "citation": "Judges 11:40 (Clementine Vulgate)"
    }
  ]
}