{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Judges, Chapter 13 — 25 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Judges",
      "slug": "judges",
      "testament": "OT",
      "order": 7,
      "totalChapters": 21
    },
    "chapter": 13,
    "verseCount": 25,
    "navigation": {
      "htmlUrl": "https://latinprayer.org/latin/judges/13/",
      "bookIndex": "https://latinprayer.org/latin/judges/index.json",
      "bookHtmlUrl": "https://latinprayer.org/latin/judges/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/judges/12.json",
      "previousChapterHtmlUrl": "https://latinprayer.org/latin/judges/12/",
      "nextChapter": "https://latinprayer.org/latin/judges/14.json",
      "nextChapterHtmlUrl": "https://latinprayer.org/latin/judges/14/"
    },
    "crossReferences": {
      "english": "https://latinprayer.org/bible/judges/13.json",
      "englishHtmlUrl": "https://latinprayer.org/bible/judges/13/",
      "german": "https://latinprayer.org/bibel/judges/13.json",
      "germanHtmlUrl": "https://latinprayer.org/bibel/richter/13/"
    }
  },
  "citation": "Judges 13 (Clementine Vulgate)",
  "verses": [
    {
      "verse": 1,
      "text": "Rursumque filii Israël fecerunt malum in conspectu Domini : qui tradidit eos in manus Philisthinorum quadraginta annis.",
      "citation": "Judges 13:1 (Clementine Vulgate)"
    },
    {
      "verse": 2,
      "text": "Erat autem quidam vir de Saraa, et de stirpe Dan, nomine Manue, habens uxorem sterilem.",
      "citation": "Judges 13:2 (Clementine Vulgate)"
    },
    {
      "verse": 3,
      "text": "Cui apparuit angelus Domini, et dixit ad eam : Sterilis es et absque liberis : sed concipies, et paries filium.",
      "citation": "Judges 13:3 (Clementine Vulgate)"
    },
    {
      "verse": 4,
      "text": "Cave ergo ne bibas vinum ac siceram, nec immundum quidquam comedas :",
      "citation": "Judges 13:4 (Clementine Vulgate)"
    },
    {
      "verse": 5,
      "text": "quia concipies, et paries filium, cujus non tanget caput novacula : erit enim nazaræus Dei ab infantia sua et ex matris utero, et ipse incipiet liberare Israël de manu Philisthinorum.",
      "citation": "Judges 13:5 (Clementine Vulgate)"
    },
    {
      "verse": 6,
      "text": "Quæ cum venisset ad maritum suum, dixit ei : Vir Dei venit ad me, habens vultum angelicum, terribilis nimis. Quem cum interrogassem quis esset, et unde venisset, et quo nomine vocaretur, noluit mihi dicere :",
      "citation": "Judges 13:6 (Clementine Vulgate)"
    },
    {
      "verse": 7,
      "text": "sed hoc respondit : Ecce concipies et paries filium : cave ne vinum bibas, nec siceram, et ne aliquo vescaris immundo : erit enim puer nazaræus Dei ab infantia sua, ex utero matris suæ usque ad diem mortis suæ.",
      "citation": "Judges 13:7 (Clementine Vulgate)"
    },
    {
      "verse": 8,
      "text": "Oravit itaque Manue Dominum, et ait : Obsecro, Domine, ut vir Dei, quem misisti, veniat iterum, et doceat nos quid debeamus facere de puero, qui nasciturus est.",
      "citation": "Judges 13:8 (Clementine Vulgate)"
    },
    {
      "verse": 9,
      "text": "Exaudivitque Dominus deprecantem Manue, et apparuit rursum angelus Dei uxori ejus sedenti in agro : Manue autem maritus ejus non erat cum ea. Quæ cum vidisset angelum,",
      "citation": "Judges 13:9 (Clementine Vulgate)"
    },
    {
      "verse": 10,
      "text": "festinavit, et cucurrit ad virum suum : nuntiavitque ei, dicens : Ecce apparuit mihi vir, quem ante videram.",
      "citation": "Judges 13:10 (Clementine Vulgate)"
    },
    {
      "verse": 11,
      "text": "Qui surrexit, et secutus est uxorem suam : veniensque ad virum, dixit ei : Tu es qui locutus es mulieri ? Et ille respondit : Ego sum.",
      "citation": "Judges 13:11 (Clementine Vulgate)"
    },
    {
      "verse": 12,
      "text": "Cui Manue : Quando, inquit, sermo tuus fuerit expletus, quid vis ut faciat puer ? aut a quo se observare debebit ?",
      "citation": "Judges 13:12 (Clementine Vulgate)"
    },
    {
      "verse": 13,
      "text": "Dixitque angelus Domini ad Manue : Ab omnibus, quæ locutus sum uxori tuæ, abstineat se,",
      "citation": "Judges 13:13 (Clementine Vulgate)"
    },
    {
      "verse": 14,
      "text": "et quidquid ex vinea nascitur, non comedat : vinum et siceram non bibat ; nullo vescatur immundo : et quod ei præcepi, impleat atque custodiat.",
      "citation": "Judges 13:14 (Clementine Vulgate)"
    },
    {
      "verse": 15,
      "text": "Dixitque Manue ad angelum Domini : Obsecro te ut acquiescas precibus meis, et faciamus tibi hædum de capris.",
      "citation": "Judges 13:15 (Clementine Vulgate)"
    },
    {
      "verse": 16,
      "text": "Cui respondit angelus : Si me cogis, non comedam panes tuos : si autem vis holocaustum facere, offer illud Domino. Et nesciebat Manue quod angelus Domini esset.",
      "citation": "Judges 13:16 (Clementine Vulgate)"
    },
    {
      "verse": 17,
      "text": "Dixitque ad eum : Quod est tibi nomen, ut, si sermo tuus fuerit expletus, honoremus te ?",
      "citation": "Judges 13:17 (Clementine Vulgate)"
    },
    {
      "verse": 18,
      "text": "Cui ille respondit : Cur quæris nomen meum, quod est mirabile ?",
      "citation": "Judges 13:18 (Clementine Vulgate)"
    },
    {
      "verse": 19,
      "text": "Tulit itaque Manue hædum de capris, et libamenta, et posuit super petram, offerens Domino, qui facit mirabilia : ipse autem et uxor ejus intuebantur.",
      "citation": "Judges 13:19 (Clementine Vulgate)"
    },
    {
      "verse": 20,
      "text": "Cumque ascenderet flamma altaris in cælum, angelus Domini pariter in flamma ascendit. Quod cum vidissent Manue et uxor ejus, proni ceciderunt in terram,",
      "citation": "Judges 13:20 (Clementine Vulgate)"
    },
    {
      "verse": 21,
      "text": "et ultra eis non apparuit angelus Domini. Statimque intellexit Manue angelum Domini esse,",
      "citation": "Judges 13:21 (Clementine Vulgate)"
    },
    {
      "verse": 22,
      "text": "et dixit ad uxorem suam : Morte moriemur, quia vidimus Deum.",
      "citation": "Judges 13:22 (Clementine Vulgate)"
    },
    {
      "verse": 23,
      "text": "Cui respondit mulier : Si Dominus nos vellet occidere, de manibus nostris holocaustum et libamenta non suscepisset, nec ostendisset nobis hæc omnia, neque ea quæ sunt ventura dixisset.",
      "citation": "Judges 13:23 (Clementine Vulgate)"
    },
    {
      "verse": 24,
      "text": "Peperit itaque filium, et vocavit nomen ejus Samson. Crevitque puer, et benedixit ei Dominus.",
      "citation": "Judges 13:24 (Clementine Vulgate)"
    },
    {
      "verse": 25,
      "text": "Cœpitque spiritus Domini esse cum eo in castris Dan inter Saraa et Esthaol.",
      "citation": "Judges 13:25 (Clementine Vulgate)"
    }
  ]
}