{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Judges, Chapter 16 — 31 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Judges",
      "slug": "judges",
      "testament": "OT",
      "order": 7,
      "totalChapters": 21
    },
    "chapter": 16,
    "verseCount": 31,
    "navigation": {
      "htmlUrl": "https://latinprayer.org/latin/judges/16/",
      "bookIndex": "https://latinprayer.org/latin/judges/index.json",
      "bookHtmlUrl": "https://latinprayer.org/latin/judges/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/judges/15.json",
      "previousChapterHtmlUrl": "https://latinprayer.org/latin/judges/15/",
      "nextChapter": "https://latinprayer.org/latin/judges/17.json",
      "nextChapterHtmlUrl": "https://latinprayer.org/latin/judges/17/"
    },
    "crossReferences": {
      "english": "https://latinprayer.org/bible/judges/16.json",
      "englishHtmlUrl": "https://latinprayer.org/bible/judges/16/",
      "german": "https://latinprayer.org/bibel/judges/16.json",
      "germanHtmlUrl": "https://latinprayer.org/bibel/richter/16/"
    }
  },
  "citation": "Judges 16 (Clementine Vulgate)",
  "verses": [
    {
      "verse": 1,
      "text": "Abiit quoque in Gazam, et vidit ibi mulierem meretricem, ingressusque est ad eam.",
      "citation": "Judges 16:1 (Clementine Vulgate)"
    },
    {
      "verse": 2,
      "text": "Quod cum audissent Philisthiim, et percrebruisset apud eos intrasse urbem Samson, circumdederunt eum, positis in porta civitatis custodibus : et ibi tota nocte cum silentio præstolantes, ut facto mane exeuntem occiderent.",
      "citation": "Judges 16:2 (Clementine Vulgate)"
    },
    {
      "verse": 3,
      "text": "Dormivit autem Samson usque ad medium noctem : et inde consurgens, apprehendit ambas portæ fores cum postibus suis et sera, impositasque humeris suis portavit ad verticem montis, qui respicit Hebron.",
      "citation": "Judges 16:3 (Clementine Vulgate)"
    },
    {
      "verse": 4,
      "text": "Post hæc amavit mulierem, quæ habitabat in valle Sorec, et vocabatur Dalila.",
      "citation": "Judges 16:4 (Clementine Vulgate)"
    },
    {
      "verse": 5,
      "text": "Veneruntque ad eam principes Philisthinorum, atque dixerunt : Decipe eum, et disce ab illo, in quo habeat tantam fortitudinem, et quomodo eum superare valeamus, et vinctum affligere : quod si feceris, dabimus tibi singuli mille et centum argenteos.",
      "citation": "Judges 16:5 (Clementine Vulgate)"
    },
    {
      "verse": 6,
      "text": "Locuta est ergo Dalila ad Samson : Dic mihi, obsecro, in quo sit tua maxima fortitudo, et quid sit quo ligatus erumpere nequeas ?",
      "citation": "Judges 16:6 (Clementine Vulgate)"
    },
    {
      "verse": 7,
      "text": "Cui respondit Samson : Si septem nerviceis funibus necdum siccis, et adhuc humentibus, ligatus fuero, infirmus ero ut ceteri homines.",
      "citation": "Judges 16:7 (Clementine Vulgate)"
    },
    {
      "verse": 8,
      "text": "Attuleruntque ad eam satrapæ Philisthinorum septem funes, ut dixerat : quibus vinxit eum,",
      "citation": "Judges 16:8 (Clementine Vulgate)"
    },
    {
      "verse": 9,
      "text": "latentibus apud se insidiis, et in cubiculo finem rei expectantibus : clamavitque ad eum : Philisthiim super te, Samson. Qui rupit vincula, quomodo si rumpat quis filum de stuppæ tortum putamine, cum odorem ignis acceperit : et non est cognitum in quo esset fortitudo ejus.",
      "citation": "Judges 16:9 (Clementine Vulgate)"
    },
    {
      "verse": 10,
      "text": "Dixitque ad eum Dalila : Ecce illusisti mihi, et falsum locutus es : saltem nunc indica mihi quo ligari debeas.",
      "citation": "Judges 16:10 (Clementine Vulgate)"
    },
    {
      "verse": 11,
      "text": "Cui ille respondit : Si ligatus fuero novis funibus, qui numquam fuerunt in opere, infirmus ero, et aliorum hominum similis.",
      "citation": "Judges 16:11 (Clementine Vulgate)"
    },
    {
      "verse": 12,
      "text": "Quibus rursum Dalila vinxit eum, et clamavit : Philisthiim super te, Samson : in cubiculo insidiis præparatis. Qui ita rupit vincula quasi fila telarum.",
      "citation": "Judges 16:12 (Clementine Vulgate)"
    },
    {
      "verse": 13,
      "text": "Dixitque Dalila rursum ad eum : Usquequo decipis me, et falsum loqueris ? ostende quo vinciri debeas. Cui respondit Samson : Si septem crines capitis mei cum licio plexueris, et clavum his circumligatum terræ fixeris, infirmus ero.",
      "citation": "Judges 16:13 (Clementine Vulgate)"
    },
    {
      "verse": 14,
      "text": "Quod cum fecisset Dalila, dixit ad eum : Philisthiim super te, Samson. Qui consurgens de somno extraxit clavum cum crinibus et licio.",
      "citation": "Judges 16:14 (Clementine Vulgate)"
    },
    {
      "verse": 15,
      "text": "Dixitque ad eum Dalila : Quomodo dicis quod amas me, cum animus tuus non sit mecum ? Per tres vices mentitus es mihi, et noluisti dicere in quo sit maxima fortitudo tua.",
      "citation": "Judges 16:15 (Clementine Vulgate)"
    },
    {
      "verse": 16,
      "text": "Cumque molesta esset ei, et per multos dies jugiter adhæreret, spatium ad quietem non tribuens, defecit anima ejus, et ad mortem usque lassata est.",
      "citation": "Judges 16:16 (Clementine Vulgate)"
    },
    {
      "verse": 17,
      "text": "Tunc aperiens veritatem rei, dixit ad eam : Ferrum numquam ascendit super caput meum, quia nazaræus, id est, consecratus Deo, sum de utero matris meæ : si rasum fuerit caput meum, recedet a me fortitudo mea, et deficiam, eroque sicut ceteri homines.",
      "citation": "Judges 16:17 (Clementine Vulgate)"
    },
    {
      "verse": 18,
      "text": "Vidensque illa quod confessus ei esset omnem animum suum, misit ad principes Philisthinorum ac mandavit : Ascende adhuc semel, quia nunc mihi aperuit cor suum. Qui ascenderunt assumpta pecunia, quam promiserant.",
      "citation": "Judges 16:18 (Clementine Vulgate)"
    },
    {
      "verse": 19,
      "text": "At illa dormire eum fecit super genua sua, et in sinu suo reclinare caput. Vocavitque tonsorem, et rasit septem crines ejus, et cœpit abigere eum, et a se repellere : statim enim ab eo fortitudo discessit.",
      "citation": "Judges 16:19 (Clementine Vulgate)"
    },
    {
      "verse": 20,
      "text": "Dixitque : Philisthiim super te, Samson. Qui de somno consurgens, dixit in animo suo : Egrediar sicut ante feci, et me excutiam : nesciens quod recessisset ab eo Dominus.",
      "citation": "Judges 16:20 (Clementine Vulgate)"
    },
    {
      "verse": 21,
      "text": "Quem cum apprehendissent Philisthiim, statim eruerunt oculos ejus, et duxerunt Gazam vinctum catenis, et clausum in carcere molere fecerunt.",
      "citation": "Judges 16:21 (Clementine Vulgate)"
    },
    {
      "verse": 22,
      "text": "Jamque capilli ejus renasci cœperunt.",
      "citation": "Judges 16:22 (Clementine Vulgate)"
    },
    {
      "verse": 23,
      "text": "Et principes Philisthinorum convenerunt in unum ut immolarent hostias magnificas Dagon deo suo, et epularentur, dicentes : Tradidit deus noster inimicum nostrum Samson in manus nostras.",
      "citation": "Judges 16:23 (Clementine Vulgate)"
    },
    {
      "verse": 24,
      "text": "Quod etiam populus videns, laudabat deum suum, eademque dicebat : Tradidit deus noster adversarium nostrum in manus nostras, qui delevit terram nostram, et occidit plurimos.",
      "citation": "Judges 16:24 (Clementine Vulgate)"
    },
    {
      "verse": 25,
      "text": "Lætantesque per convivia, sumptis jam epulis, præceperunt ut vocaretur Samson, et ante eos luderet. Qui adductus de carcere ludebat ante eos, feceruntque eum stare inter duas columnas.",
      "citation": "Judges 16:25 (Clementine Vulgate)"
    },
    {
      "verse": 26,
      "text": "Qui dixit puero regenti gressus suos : Dimitte me, ut tangam columnas, quibus omnis imminet domus, et recliner super eas, et paululum requiescam.",
      "citation": "Judges 16:26 (Clementine Vulgate)"
    },
    {
      "verse": 27,
      "text": "Domus autem erat plena virorum ac mulierum, et erant ibi omnes principes Philisthinorum, ac de tecto et solario circiter tria millia utriusque sexus spectantes ludentem Samson.",
      "citation": "Judges 16:27 (Clementine Vulgate)"
    },
    {
      "verse": 28,
      "text": "At ille invocato Domino ait : Domine Deus, memento mei, et redde mihi nunc fortitudinem pristinam, Deus meus, ut ulciscar me de hostibus meis, et pro amissione duorum luminum unam ultionem recipiam.",
      "citation": "Judges 16:28 (Clementine Vulgate)"
    },
    {
      "verse": 29,
      "text": "Et apprehendens ambas columnas quibus innitebatur domus, alteramque earum dextera et alteram læva tenens,",
      "citation": "Judges 16:29 (Clementine Vulgate)"
    },
    {
      "verse": 30,
      "text": "ait : Moriatur anima mea cum Philisthiim. Concussisque fortiter columnis, cecidit domus super omnes principes, et ceteram multitudinem quæ ibi erat : multoque plures interfecit moriens, quam ante vivus occiderat.",
      "citation": "Judges 16:30 (Clementine Vulgate)"
    },
    {
      "verse": 31,
      "text": "Descendentes autem fratres ejus et universa cognatio, tulerunt corpus ejus, et sepelierunt inter Saraa et Esthaol in sepulchro patris sui Manue : judicavitque Israël viginti annis.",
      "citation": "Judges 16:31 (Clementine Vulgate)"
    }
  ]
}