{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Judges, Chapter 19 — 30 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Judges",
      "slug": "judges",
      "testament": "OT",
      "order": 7,
      "totalChapters": 21
    },
    "chapter": 19,
    "verseCount": 30,
    "navigation": {
      "htmlUrl": "https://latinprayer.org/latin/judges/19/",
      "bookIndex": "https://latinprayer.org/latin/judges/index.json",
      "bookHtmlUrl": "https://latinprayer.org/latin/judges/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/judges/18.json",
      "previousChapterHtmlUrl": "https://latinprayer.org/latin/judges/18/",
      "nextChapter": "https://latinprayer.org/latin/judges/20.json",
      "nextChapterHtmlUrl": "https://latinprayer.org/latin/judges/20/"
    },
    "crossReferences": {
      "english": "https://latinprayer.org/bible/judges/19.json",
      "englishHtmlUrl": "https://latinprayer.org/bible/judges/19/",
      "german": "https://latinprayer.org/bibel/judges/19.json",
      "germanHtmlUrl": "https://latinprayer.org/bibel/richter/19/"
    }
  },
  "citation": "Judges 19 (Clementine Vulgate)",
  "verses": [
    {
      "verse": 1,
      "text": "Fuit quidam vir Levites habitans in latere montis Ephraim, qui accepit uxorem de Bethlehem Juda :",
      "citation": "Judges 19:1 (Clementine Vulgate)"
    },
    {
      "verse": 2,
      "text": "quæ reliquit eum, et reversa est in domum patris sui in Bethlehem, mansitque apud eum quatuor mensibus.",
      "citation": "Judges 19:2 (Clementine Vulgate)"
    },
    {
      "verse": 3,
      "text": "Secutusque est eam vir suus, volens reconciliari ei, atque blandiri, et secum reducere, habens in comitatu puerum et duos asinos : quæ suscepit eum, et introduxit in domum patris sui. Quod cum audisset socer ejus, eumque vidisset, occurrit ei lætus,",
      "citation": "Judges 19:3 (Clementine Vulgate)"
    },
    {
      "verse": 4,
      "text": "et amplexatus est hominem. Mansitque gener in domo soceri tribus diebus, comedens cum eo et bibens familiariter.",
      "citation": "Judges 19:4 (Clementine Vulgate)"
    },
    {
      "verse": 5,
      "text": "Die autem quarto de nocte consurgens, proficisci voluit : quem tenuit socer, et ait ad eum : Gusta prius pauxillum panis, et conforta stomachum, et sic proficisceris.",
      "citation": "Judges 19:5 (Clementine Vulgate)"
    },
    {
      "verse": 6,
      "text": "Sederuntque simul, ac comederunt et biberunt. Dixitque pater puellæ ad generum suum : Quæso te ut hodie hic maneas, pariterque lætemur.",
      "citation": "Judges 19:6 (Clementine Vulgate)"
    },
    {
      "verse": 7,
      "text": "At ille consurgens, cœpit velle proficisci. Et nihilominus obnixe eum socer tenuit, et apud se fecit manere.",
      "citation": "Judges 19:7 (Clementine Vulgate)"
    },
    {
      "verse": 8,
      "text": "Mane autem facto, parabat Levites iter. Cui socer rursum : Oro te, inquit, ut paululum cibi capias, et assumptis viribus donec increscat dies, postea proficiscaris. Comederunt ergo simul.",
      "citation": "Judges 19:8 (Clementine Vulgate)"
    },
    {
      "verse": 9,
      "text": "Surrexitque adolescens, ut pergeret cum uxore sua et puero. Cui rursum locutus est socer : Considera quod dies ad occasum declivior sit, et propinquat ad vesperum : mane apud me etiam hodie, et duc lætum diem, et cras proficisceris ut vadas in domum tuam.",
      "citation": "Judges 19:9 (Clementine Vulgate)"
    },
    {
      "verse": 10,
      "text": "Noluit gener acquiescere sermonibus ejus : sed statim perrexit, et venit contra Jebus, quæ altero nomine vocatur Jerusalem, ducens secum duos asinos onustos, et concubinam.",
      "citation": "Judges 19:10 (Clementine Vulgate)"
    },
    {
      "verse": 11,
      "text": "Jamque erant juxta Jebus, et dies mutabatur in noctem : dixitque puer ad dominum suum : Veni, obsecro : declinemus ad urbem Jebusæorum, et maneamus in ea.",
      "citation": "Judges 19:11 (Clementine Vulgate)"
    },
    {
      "verse": 12,
      "text": "Cui respondit dominus : Non ingrediar oppidum gentis alienæ, quæ non est de filiis Israël : sed transibo usque Gabaa,",
      "citation": "Judges 19:12 (Clementine Vulgate)"
    },
    {
      "verse": 13,
      "text": "et cum illuc pervenero, manebimus in ea, aut certe in urbe Rama.",
      "citation": "Judges 19:13 (Clementine Vulgate)"
    },
    {
      "verse": 14,
      "text": "Transierunt ergo Jebus, et cœptum carpebant iter, occubuitque eis sol juxta Gabaa, quæ est in tribu Benjamin :",
      "citation": "Judges 19:14 (Clementine Vulgate)"
    },
    {
      "verse": 15,
      "text": "diverteruntque ad eam, ut manerent ibi. Quo cum intrassent, sedebant in platea civitatis, et nullus eos recipere voluit hospitio.",
      "citation": "Judges 19:15 (Clementine Vulgate)"
    },
    {
      "verse": 16,
      "text": "Et ecce, apparuit homo senex, revertens de agro et de opere suo vesperi, qui et ipse de monte erat Ephraim, et peregrinus habitabat in Gabaa : homines autem regionis illius erant filii Jemini.",
      "citation": "Judges 19:16 (Clementine Vulgate)"
    },
    {
      "verse": 17,
      "text": "Elevatisque oculis, vidit senex sedentem hominem cum sarcinulis suis in platea civitatis, et dixit ad eum : Unde venis ? et quo vadis ?",
      "citation": "Judges 19:17 (Clementine Vulgate)"
    },
    {
      "verse": 18,
      "text": "Qui respondit ei : Profecti sumus de Bethlehem Juda, et pergimus ad locum nostrum, qui est in latere montis Ephraim, unde ieramus in Bethlehem : et nunc vadimus ad domum Dei, nullusque sub tectum suum nos vult recipere,",
      "citation": "Judges 19:18 (Clementine Vulgate)"
    },
    {
      "verse": 19,
      "text": "habentes paleas et fœnum in asinorum pabulum, et panem ac vinum in meos et ancillæ tuæ usus, et pueri qui mecum est : nulla re indigemus nisi hospitio.",
      "citation": "Judges 19:19 (Clementine Vulgate)"
    },
    {
      "verse": 20,
      "text": "Cui respondit senex : Pax tecum sit, ego præbebo omnia quæ necessaria sunt : tantum, quæso, ne in platea maneas.",
      "citation": "Judges 19:20 (Clementine Vulgate)"
    },
    {
      "verse": 21,
      "text": "Introduxitque eum in domum suam, et pabulum asinis præbuit : ac postquam laverunt pedes suos, recepit eos in convivium.",
      "citation": "Judges 19:21 (Clementine Vulgate)"
    },
    {
      "verse": 22,
      "text": "Illis epulantibus, et post laborem itineris cibo et potu reficientibus corpora, venerunt viri civitatis illius, filii Belial (id est, absque jugo), et circumdantes domum senis, fores pulsare cœperunt, clamantes ad dominum domus atque dicentes : Educ virum, qui ingressus est domum tuam, ut abutamur eo.",
      "citation": "Judges 19:22 (Clementine Vulgate)"
    },
    {
      "verse": 23,
      "text": "Egressusque est ad eos senex, et ait : Nolite, fratres, nolite facere malum hoc, quia ingressus est homo hospitium meum : et cessate ab hac stultitia.",
      "citation": "Judges 19:23 (Clementine Vulgate)"
    },
    {
      "verse": 24,
      "text": "Habeo filiam virginem, et hic homo habet concubinam : educam eas ad vos, ut humilietis eas, et vestram libidinem compleatis : tantum, obsecro, ne scelus hoc contra naturam operemini in virum.",
      "citation": "Judges 19:24 (Clementine Vulgate)"
    },
    {
      "verse": 25,
      "text": "Nolebant acquiescere sermonibus illius : quod cernens homo, eduxit ad eos concubinam suam, et eis tradidit illudendam : qua cum tota nocte abusi essent, dimiserunt eam mane.",
      "citation": "Judges 19:25 (Clementine Vulgate)"
    },
    {
      "verse": 26,
      "text": "At mulier, recedentibus tenebris, venit ad ostium domus, ubi manebat dominus suus, et ibi corruit.",
      "citation": "Judges 19:26 (Clementine Vulgate)"
    },
    {
      "verse": 27,
      "text": "Mane facto, surrexit homo, et aperuit ostium, ut cœptam expleret viam : et ecce concubina ejus jacebat ante ostium sparsis in limine manibus.",
      "citation": "Judges 19:27 (Clementine Vulgate)"
    },
    {
      "verse": 28,
      "text": "Cui ille, putans eam quiescere, loquebatur : Surge, et ambulemus. Qua nihil respondente, intelligens quod erat mortua, tulit eam, et imposuit asino, reversusque est in domum suam.",
      "citation": "Judges 19:28 (Clementine Vulgate)"
    },
    {
      "verse": 29,
      "text": "Quam cum esset ingressus, arripuit gladium, et cadaver uxoris cum ossibus suis in duodecim partes ac frustra concidens, misit in omnes terminos Israël.",
      "citation": "Judges 19:29 (Clementine Vulgate)"
    },
    {
      "verse": 30,
      "text": "Quod cum vidissent singuli, conclamabant : Numquam res talis facta est in Israël, ex eo die quo ascenderunt patres nostri de Ægypto usque in præsens tempus : ferte sententiam, et in commune decernite quid facto opus sit.",
      "citation": "Judges 19:30 (Clementine Vulgate)"
    }
  ]
}