{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Judges, Chapter 3 — 31 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Judges",
      "slug": "judges",
      "testament": "OT",
      "order": 7,
      "totalChapters": 21
    },
    "chapter": 3,
    "verseCount": 31,
    "navigation": {
      "htmlUrl": "https://latinprayer.org/latin/judges/3/",
      "bookIndex": "https://latinprayer.org/latin/judges/index.json",
      "bookHtmlUrl": "https://latinprayer.org/latin/judges/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/judges/2.json",
      "previousChapterHtmlUrl": "https://latinprayer.org/latin/judges/2/",
      "nextChapter": "https://latinprayer.org/latin/judges/4.json",
      "nextChapterHtmlUrl": "https://latinprayer.org/latin/judges/4/"
    },
    "crossReferences": {
      "english": "https://latinprayer.org/bible/judges/3.json",
      "englishHtmlUrl": "https://latinprayer.org/bible/judges/3/",
      "german": "https://latinprayer.org/bibel/judges/3.json",
      "germanHtmlUrl": "https://latinprayer.org/bibel/richter/3/"
    }
  },
  "citation": "Judges 3 (Clementine Vulgate)",
  "verses": [
    {
      "verse": 1,
      "text": "Hæ sunt gentes quas Dominus dereliquit, ut erudiret in eis Israëlem, et omnes qui non noverant bella Chananæorum :",
      "citation": "Judges 3:1 (Clementine Vulgate)"
    },
    {
      "verse": 2,
      "text": "ut postea discerent filii eorum certare cum hostibus, et habere consuetudinem præliandi :",
      "citation": "Judges 3:2 (Clementine Vulgate)"
    },
    {
      "verse": 3,
      "text": "quinque satrapas Philisthinorum, omnemque Chananæum, et Sidonium, atque Hevæum, qui habitabat in monte Libano, de monte Baal Hermon usque ad introitum Emath.",
      "citation": "Judges 3:3 (Clementine Vulgate)"
    },
    {
      "verse": 4,
      "text": "Dimisitque eos, ut in ipsis experiretur Israëlem, utrum audiret mandata Domini quæ præceperat patribus eorum per manum Moysi, an non.",
      "citation": "Judges 3:4 (Clementine Vulgate)"
    },
    {
      "verse": 5,
      "text": "Itaque filii Israël habitaverunt in medio Chananæi, et Hethæi, et Amorrhæi, et Pherezæi, et Hevæi, et Jebusæi :",
      "citation": "Judges 3:5 (Clementine Vulgate)"
    },
    {
      "verse": 6,
      "text": "et duxerunt uxores filias eorum, ipsique filias suas filiis eorum tradiderunt, et servierunt diis eorum.",
      "citation": "Judges 3:6 (Clementine Vulgate)"
    },
    {
      "verse": 7,
      "text": "Feceruntque malum in conspectu Domini, et obliti sunt Dei sui, servientes Baalim et Astaroth.",
      "citation": "Judges 3:7 (Clementine Vulgate)"
    },
    {
      "verse": 8,
      "text": "Iratusque contra Israël Dominus, tradidit eos in manus Chusan Rasathaim regis Mesopotamiæ, servieruntque ei octo annis.",
      "citation": "Judges 3:8 (Clementine Vulgate)"
    },
    {
      "verse": 9,
      "text": "Et clamaverunt ad Dominum, qui suscitavit eis salvatorem, et liberavit eos, Othoniel videlicet filium Cenez, fratrem Caleb minorem :",
      "citation": "Judges 3:9 (Clementine Vulgate)"
    },
    {
      "verse": 10,
      "text": "fuitque in eo spiritus Domini, et judicavit Israël. Egressusque est ad pugnam, et tradidit Dominus in manus ejus Chusan Rasathaim regem Syriæ, et oppressit eum.",
      "citation": "Judges 3:10 (Clementine Vulgate)"
    },
    {
      "verse": 11,
      "text": "Quievitque terra quadraginta annis, et mortuus est Othoniel filius Cenez.",
      "citation": "Judges 3:11 (Clementine Vulgate)"
    },
    {
      "verse": 12,
      "text": "Addiderunt autem filii Israël facere malum in conspectu Domini : qui confortavit adversum eos Eglon regem Moab, quia fecerunt malum in conspectu ejus.",
      "citation": "Judges 3:12 (Clementine Vulgate)"
    },
    {
      "verse": 13,
      "text": "Et copulavit ei filios Ammon, et Amalec : abiitque et percussit Israël, atque possedit urbem palmarum.",
      "citation": "Judges 3:13 (Clementine Vulgate)"
    },
    {
      "verse": 14,
      "text": "Servieruntque filii Israël Eglon regi Moab decem et octo annis.",
      "citation": "Judges 3:14 (Clementine Vulgate)"
    },
    {
      "verse": 15,
      "text": "Et postea clamaverunt ad Dominum, qui suscitavit eis salvatorem vocabulo Aod, filium Gera, filii Jemini, qui utraque manu pro dextera utebatur. Miseruntque filii Israël per illum munera Eglon regi Moab.",
      "citation": "Judges 3:15 (Clementine Vulgate)"
    },
    {
      "verse": 16,
      "text": "Qui fecit sibi gladium ancipitem, habentem in medio capulum longitudinis palmæ manus, et accinctus est eo subter sagum in dextro femore.",
      "citation": "Judges 3:16 (Clementine Vulgate)"
    },
    {
      "verse": 17,
      "text": "Obtulitque munera Eglon regi Moab. Erat autem Eglon crassus nimis.",
      "citation": "Judges 3:17 (Clementine Vulgate)"
    },
    {
      "verse": 18,
      "text": "Cumque obtulisset ei munera, prosecutus est socios, qui cum eo venerant.",
      "citation": "Judges 3:18 (Clementine Vulgate)"
    },
    {
      "verse": 19,
      "text": "Et reversus de Galgalis, ubi erant idola, dixit ad regem : Verbum secretum habeo ad te, o rex. Et ille imperavit silentium : egressisque omnibus qui circa eum erant,",
      "citation": "Judges 3:19 (Clementine Vulgate)"
    },
    {
      "verse": 20,
      "text": "ingressus est Aod ad eum : sedebat autem in æstivo cœnaculo solus : dixitque : Verbum Dei habeo ad te. Qui statim surrexit de throno.",
      "citation": "Judges 3:20 (Clementine Vulgate)"
    },
    {
      "verse": 21,
      "text": "Extenditque Aod sinistram manum, et tulit sicam de dextro femore suo, infixitque eam in ventre ejus",
      "citation": "Judges 3:21 (Clementine Vulgate)"
    },
    {
      "verse": 22,
      "text": "tam valide, ut capulus sequeretur ferrum in vulnere, ac pinguissimo adipe stringeretur. Nec eduxit gladium, sed ita ut percusserat, reliquit in corpore : statimque per secreta naturæ alvi stercora proruperunt.",
      "citation": "Judges 3:22 (Clementine Vulgate)"
    },
    {
      "verse": 23,
      "text": "Aod autem clausis diligentissime ostiis cœnaculi, et obfirmatis sera,",
      "citation": "Judges 3:23 (Clementine Vulgate)"
    },
    {
      "verse": 24,
      "text": "per posticum egressus est. Servique regis ingressi viderunt clausas fores cœnaculi, atque dixerunt : Forsitan purgat alvum in æstivo cubiculo.",
      "citation": "Judges 3:24 (Clementine Vulgate)"
    },
    {
      "verse": 25,
      "text": "Expectantesque diu donec erubescerent, et videntes quod nullus aperiret, tulerunt clavem : et aperientes invenerunt dominum suum in terra jacentem mortuum.",
      "citation": "Judges 3:25 (Clementine Vulgate)"
    },
    {
      "verse": 26,
      "text": "Aod autem, dum illi turbarentur, effugit, et pertransiit locum idolorum, unde reversus fuerat. Venitque in Seirath :",
      "citation": "Judges 3:26 (Clementine Vulgate)"
    },
    {
      "verse": 27,
      "text": "et statim insonuit buccina in monte Ephraim, descenderuntque cum eo filii Israël, ipso in fronte gradiente.",
      "citation": "Judges 3:27 (Clementine Vulgate)"
    },
    {
      "verse": 28,
      "text": "Qui dixit ad eos : Sequimini me : tradidit enim Dominus inimicos nostros Moabitas in manus nostras. Descenderuntque post eum, et occupaverunt vada Jordanis quæ transmittunt in Moab : et non dimiserunt transire quemquam :",
      "citation": "Judges 3:28 (Clementine Vulgate)"
    },
    {
      "verse": 29,
      "text": "sed percusserunt Moabitas in tempore illo, circiter decem millia, omnes robustos et fortes viros. Nullus eorum evadere potuit.",
      "citation": "Judges 3:29 (Clementine Vulgate)"
    },
    {
      "verse": 30,
      "text": "Humiliatusque est Moab in die illo sub manu Israël : et quievit terra octoginta annis.",
      "citation": "Judges 3:30 (Clementine Vulgate)"
    },
    {
      "verse": 31,
      "text": "Post hunc fuit Samgar filius Anath, qui percussit de Philisthiim sexcentos viros vomere : et ipse quoque defendit Israël.",
      "citation": "Judges 3:31 (Clementine Vulgate)"
    }
  ]
}