{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Judges, Chapter 6 — 40 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Judges",
      "slug": "judges",
      "testament": "OT",
      "order": 7,
      "totalChapters": 21
    },
    "chapter": 6,
    "verseCount": 40,
    "navigation": {
      "htmlUrl": "https://latinprayer.org/latin/judges/6/",
      "bookIndex": "https://latinprayer.org/latin/judges/index.json",
      "bookHtmlUrl": "https://latinprayer.org/latin/judges/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/judges/5.json",
      "previousChapterHtmlUrl": "https://latinprayer.org/latin/judges/5/",
      "nextChapter": "https://latinprayer.org/latin/judges/7.json",
      "nextChapterHtmlUrl": "https://latinprayer.org/latin/judges/7/"
    },
    "crossReferences": {
      "english": "https://latinprayer.org/bible/judges/6.json",
      "englishHtmlUrl": "https://latinprayer.org/bible/judges/6/",
      "german": "https://latinprayer.org/bibel/judges/6.json",
      "germanHtmlUrl": "https://latinprayer.org/bibel/richter/6/"
    }
  },
  "citation": "Judges 6 (Clementine Vulgate)",
  "verses": [
    {
      "verse": 1,
      "text": "Fecerunt autem filii Israël malum in conspectu Domini : qui tradidit illos in manu Madian septem annis,",
      "citation": "Judges 6:1 (Clementine Vulgate)"
    },
    {
      "verse": 2,
      "text": "et oppressi sunt valde ab eis. Feceruntque sibi antra et speluncas in montibus, et munitissima ad repugnandum loca.",
      "citation": "Judges 6:2 (Clementine Vulgate)"
    },
    {
      "verse": 3,
      "text": "Cumque sevisset Israël, ascendebat Madian et Amalec, ceterique orientalium nationum :",
      "citation": "Judges 6:3 (Clementine Vulgate)"
    },
    {
      "verse": 4,
      "text": "et apud eos figentes tentoria, sicut erant in herbis cuncta vastabant usque ad introitum Gazæ : nihilque omnino ad vitam pertinens relinquebant in Israël, non oves, non boves, non asinos.",
      "citation": "Judges 6:4 (Clementine Vulgate)"
    },
    {
      "verse": 5,
      "text": "Ipsi enim et universi greges eorum veniebant cum tabernaculis suis, et instar locustarum universa complebant, innumera multitudo hominum et camelorum, quidquid tetigerant devastantes.",
      "citation": "Judges 6:5 (Clementine Vulgate)"
    },
    {
      "verse": 6,
      "text": "Humiliatusque est Israël valde in conspectu Madian.",
      "citation": "Judges 6:6 (Clementine Vulgate)"
    },
    {
      "verse": 7,
      "text": "Et clamavit ad Dominum postulans auxilium contra Madianitas.",
      "citation": "Judges 6:7 (Clementine Vulgate)"
    },
    {
      "verse": 8,
      "text": "Qui misit ad eos virum prophetam, et locutus est : Hæc dicit Dominus Deus Israël : Ego vos feci conscendere de Ægypto, et eduxi vos de domo servitutis,",
      "citation": "Judges 6:8 (Clementine Vulgate)"
    },
    {
      "verse": 9,
      "text": "et liberavi de manu Ægyptiorum, et omnium inimicorum qui affligebant vos : ejecique eos ad introitum vestrum, et tradidi vobis terram eorum.",
      "citation": "Judges 6:9 (Clementine Vulgate)"
    },
    {
      "verse": 10,
      "text": "Et dixi : Ego Dominus Deus vester : ne timeatis deos Amorrhæorum, in quorum terra habitatis. Et noluistis audire vocem meam.",
      "citation": "Judges 6:10 (Clementine Vulgate)"
    },
    {
      "verse": 11,
      "text": "Venit autem angelus Domini, et sedit sub quercu, quæ erat in Ephra, et pertinebat ad Joas patrem familiæ Ezri. Cumque Gedeon filius ejus excuteret atque purgaret frumenta in torculari, ut fugeret Madian,",
      "citation": "Judges 6:11 (Clementine Vulgate)"
    },
    {
      "verse": 12,
      "text": "apparuit ei angelus Domini, et ait : Dominus tecum, virorum fortissime.",
      "citation": "Judges 6:12 (Clementine Vulgate)"
    },
    {
      "verse": 13,
      "text": "Dixitque ei Gedeon : Obsecro, mi domine, si Dominus nobiscum est, cur apprehenderunt nos hæc omnia ? ubi sunt mirabilia ejus, quæ narraverunt patres nostri, atque dixerunt : De Ægypto eduxit nos Dominus ? nunc autem dereliquit nos Dominus, et tradidit in manu Madian.",
      "citation": "Judges 6:13 (Clementine Vulgate)"
    },
    {
      "verse": 14,
      "text": "Respexitque ad eum Dominus, et ait : Vade in hac fortitudine tua, et liberabis Israël de manu Madian : scito quod miserim te.",
      "citation": "Judges 6:14 (Clementine Vulgate)"
    },
    {
      "verse": 15,
      "text": "Qui respondens ait : Obsecro, mi domine, in quo liberabo Israël ? ecce familia mea infima est in Manasse, et ego minimus in domo patris mei.",
      "citation": "Judges 6:15 (Clementine Vulgate)"
    },
    {
      "verse": 16,
      "text": "Dixitque ei Dominus : Ego ero tecum : et percuties Madian quasi unum virum.",
      "citation": "Judges 6:16 (Clementine Vulgate)"
    },
    {
      "verse": 17,
      "text": "Et ille : Si inveni, inquit, gratiam coram te, da mihi signum quod tu sis qui loqueris ad me :",
      "citation": "Judges 6:17 (Clementine Vulgate)"
    },
    {
      "verse": 18,
      "text": "nec recedas hinc, donec revertar ad te, portans sacrificium, et offerens tibi. Qui respondit : Ego præstolabor adventum tuum.",
      "citation": "Judges 6:18 (Clementine Vulgate)"
    },
    {
      "verse": 19,
      "text": "Ingressus est itaque Gedeon, et coxit hædum, et de farinæ modio azymos panes : carnesque ponens in canistro, et jus carnium mittens in ollam, tulit omnia sub quercu, et obtulit ei.",
      "citation": "Judges 6:19 (Clementine Vulgate)"
    },
    {
      "verse": 20,
      "text": "Cui dixit angelus Domini : Tolle carnes et azymos panes, et pone supra petram illam, et jus desuper funde. Cumque fecisset ita,",
      "citation": "Judges 6:20 (Clementine Vulgate)"
    },
    {
      "verse": 21,
      "text": "extendit angelus Domini summitatem virgæ, quam tenebat in manu, et tetigit carnes et panes azymos : ascenditque ignis de petra, et carnes azymosque panes consumpsit : angelus autem Domini evanuit ex oculis ejus.",
      "citation": "Judges 6:21 (Clementine Vulgate)"
    },
    {
      "verse": 22,
      "text": "Vidensque Gedeon quod esset angelus Domini, ait : Heu mi Domine Deus : quia vidi angelum Domini facie ad faciem.",
      "citation": "Judges 6:22 (Clementine Vulgate)"
    },
    {
      "verse": 23,
      "text": "Dixitque ei Dominus : Pax tecum : ne timeas, non morieris.",
      "citation": "Judges 6:23 (Clementine Vulgate)"
    },
    {
      "verse": 24,
      "text": "Ædificavit ergo ibi Gedeon altare Domino, vocavitque illud, Domini pax, usque in præsentem diem. Cumque adhuc esset in Ephra, quæ est familiæ Ezri,",
      "citation": "Judges 6:24 (Clementine Vulgate)"
    },
    {
      "verse": 25,
      "text": "nocte illa dixit Dominus ad eum : Tolle taurum patris tui, et alterum taurum annorum septem, destruesque aram Baal, quæ est patris tui, et nemus, quod circa aram est, succide.",
      "citation": "Judges 6:25 (Clementine Vulgate)"
    },
    {
      "verse": 26,
      "text": "Et ædificabis altare Domino Deo tuo in summitate petræ hujus, super quam ante sacrificium posuisti : tollesque taurum secundum, et offeres holocaustum super struem lignorum, quæ de nemore succideris.",
      "citation": "Judges 6:26 (Clementine Vulgate)"
    },
    {
      "verse": 27,
      "text": "Assumptis ergo Gedeon decem viris de servis suis, fecit sicut præceperat ei Dominus. Timens autem domum patris sui, et homines illius civitatis, per diem noluit id facere, sed omnia nocte complevit.",
      "citation": "Judges 6:27 (Clementine Vulgate)"
    },
    {
      "verse": 28,
      "text": "Cumque surrexissent viri oppidi ejus mane, viderunt destructam aram Baal, lucumque succisum, et taurum alterum impositum super altare, quod tunc ædificatum erat.",
      "citation": "Judges 6:28 (Clementine Vulgate)"
    },
    {
      "verse": 29,
      "text": "Dixeruntque ad invicem : Quis hoc fecit ? Cumque perquirerent auctorem facti, dictum est : Gedeon filius Joas fecit hæc omnia.",
      "citation": "Judges 6:29 (Clementine Vulgate)"
    },
    {
      "verse": 30,
      "text": "Et dixerunt ad Joas : Produc filium tuum huc, ut moriatur : quia destruxit aram Baal, et succidit nemus.",
      "citation": "Judges 6:30 (Clementine Vulgate)"
    },
    {
      "verse": 31,
      "text": "Quibus ille respondit : Numquid ultores estis Baal, ut pugnetis pro eo ? qui adversarius est ejus, moriatur antequam lux crastina veniat : si deus est, vindicet se de eo, qui suffodit aram ejus.",
      "citation": "Judges 6:31 (Clementine Vulgate)"
    },
    {
      "verse": 32,
      "text": "Ex illo die vocatus est Gedeon Jerobaal, eo quod dixisset Joas : Ulciscatur se de eo Baal, qui suffodit aram ejus.",
      "citation": "Judges 6:32 (Clementine Vulgate)"
    },
    {
      "verse": 33,
      "text": "Igitur omnis Madian, et Amalec, et orientales populi, congregati sunt simul : et transeuntes Jordanem, castrametati sunt in valle Jezraël.",
      "citation": "Judges 6:33 (Clementine Vulgate)"
    },
    {
      "verse": 34,
      "text": "Spiritus autem Domini induit Gedeon, qui clangens buccina convocavit domum Abiezer, ut sequeretur se.",
      "citation": "Judges 6:34 (Clementine Vulgate)"
    },
    {
      "verse": 35,
      "text": "Misitque nuntios in universum Manassen, qui et ipse secutus est eum : et alios nuntios in Aser et Zabulon et Nephthali, qui occurrerunt ei.",
      "citation": "Judges 6:35 (Clementine Vulgate)"
    },
    {
      "verse": 36,
      "text": "Dixitque Gedeon ad Deum : Si salvum facis per manum meam Israël, sicut locutus es,",
      "citation": "Judges 6:36 (Clementine Vulgate)"
    },
    {
      "verse": 37,
      "text": "ponam hoc vellus lanæ in area : si ros in solo vellere fuerit, et in omni terra siccitas, sciam quod per manum meam, sicut locutus es, liberabis Israël.",
      "citation": "Judges 6:37 (Clementine Vulgate)"
    },
    {
      "verse": 38,
      "text": "Factumque est ita. Et de nocte consurgens expresso vellere, concham rore implevit.",
      "citation": "Judges 6:38 (Clementine Vulgate)"
    },
    {
      "verse": 39,
      "text": "Dixitque rursus ad Deum : Ne irascatur furor tuus contra me si adhuc semel tentavero, signum quærens in vellere. Oro ut solum vellus siccum sit, et omnis terra rore madens.",
      "citation": "Judges 6:39 (Clementine Vulgate)"
    },
    {
      "verse": 40,
      "text": "Fecitque Deus nocte illa ut postulaverat : et fuit siccitas in solo vellere, et ros in omni terra.",
      "citation": "Judges 6:40 (Clementine Vulgate)"
    }
  ]
}