{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Judges, Chapter 8 — 35 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Judges",
      "slug": "judges",
      "testament": "OT",
      "order": 7,
      "totalChapters": 21
    },
    "chapter": 8,
    "verseCount": 35,
    "navigation": {
      "htmlUrl": "https://latinprayer.org/latin/judges/8/",
      "bookIndex": "https://latinprayer.org/latin/judges/index.json",
      "bookHtmlUrl": "https://latinprayer.org/latin/judges/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/judges/7.json",
      "previousChapterHtmlUrl": "https://latinprayer.org/latin/judges/7/",
      "nextChapter": "https://latinprayer.org/latin/judges/9.json",
      "nextChapterHtmlUrl": "https://latinprayer.org/latin/judges/9/"
    },
    "crossReferences": {
      "english": "https://latinprayer.org/bible/judges/8.json",
      "englishHtmlUrl": "https://latinprayer.org/bible/judges/8/",
      "german": "https://latinprayer.org/bibel/judges/8.json",
      "germanHtmlUrl": "https://latinprayer.org/bibel/richter/8/"
    }
  },
  "citation": "Judges 8 (Clementine Vulgate)",
  "verses": [
    {
      "verse": 1,
      "text": "Dixeruntque ad eum viri Ephraim : Quid est hoc quod facere voluisti, ut nos non vocares, cum ad pugnam pergeres contra Madian ? jurgantes fortiter, et prope vim inferentes.",
      "citation": "Judges 8:1 (Clementine Vulgate)"
    },
    {
      "verse": 2,
      "text": "Quibus ille respondit : Quod enim tale facere potui, quale vos fecistis ? nonne melior est racemus Ephraim, vindemiis Abiezer ?",
      "citation": "Judges 8:2 (Clementine Vulgate)"
    },
    {
      "verse": 3,
      "text": "In manus vestras Dominus tradidit principes Madian, Oreb et Zeb : quid tale facere potui, quale vos fecistis ? Quod cum locutus esset, requievit spiritus eorum, quo tumebant contra eum.",
      "citation": "Judges 8:3 (Clementine Vulgate)"
    },
    {
      "verse": 4,
      "text": "Cumque venisset Gedeon ad Jordanem, transivit eum cum trecentis viris, qui secum erant : et præ lassitudine, fugientes persequi non poterant.",
      "citation": "Judges 8:4 (Clementine Vulgate)"
    },
    {
      "verse": 5,
      "text": "Dixitque ad viros Soccoth : Date, obsecro, panes populo qui mecum est, quia valde defecerunt : ut possimus persequi Zebee et Salmana reges Madian.",
      "citation": "Judges 8:5 (Clementine Vulgate)"
    },
    {
      "verse": 6,
      "text": "Responderunt principes Soccoth : Forsitan palmæ manuum Zebee et Salmana in manu tua sunt, et idcirco postulas ut demus exercitui tuo panes.",
      "citation": "Judges 8:6 (Clementine Vulgate)"
    },
    {
      "verse": 7,
      "text": "Quibus ille ait : Cum ergo tradiderit Dominus Zebee et Salmana in manus meas, conteram carnes vestras cum spinis tribulisque deserti.",
      "citation": "Judges 8:7 (Clementine Vulgate)"
    },
    {
      "verse": 8,
      "text": "Et inde conscendens, venit in Phanuel : locutusque est ad viros loci illius similia. Cui et illi responderunt, sicut responderant viri Soccoth.",
      "citation": "Judges 8:8 (Clementine Vulgate)"
    },
    {
      "verse": 9,
      "text": "Dixit itaque et eis : Cum reversus fuero victor in pace, destruam turrim hanc.",
      "citation": "Judges 8:9 (Clementine Vulgate)"
    },
    {
      "verse": 10,
      "text": "Zebee autem et Salmana requiescebant cum omni exercitu suo. Quindecim enim millia viri remanserant ex omnibus turmis orientalium populorum, cæsis centum viginti millibus bellatorum educentium gladium.",
      "citation": "Judges 8:10 (Clementine Vulgate)"
    },
    {
      "verse": 11,
      "text": "Ascendensque Gedeon per viam eorum, qui in tabernaculis morabantur, ad orientalem partem Nobe et Jegbaa, percussit castra hostium, qui securi erant, et nihil adversi suspicabantur.",
      "citation": "Judges 8:11 (Clementine Vulgate)"
    },
    {
      "verse": 12,
      "text": "Fugeruntque Zebee et Salmana, quos persequens Gedeon comprehendit, turbato omni exercitu eorum.",
      "citation": "Judges 8:12 (Clementine Vulgate)"
    },
    {
      "verse": 13,
      "text": "Revertensque de bello ante solis ortum,",
      "citation": "Judges 8:13 (Clementine Vulgate)"
    },
    {
      "verse": 14,
      "text": "apprehendit puerum de viris Soccoth : interrogavitque eum nomina principum et seniorum Soccoth, et descripsit septuaginta septem viros.",
      "citation": "Judges 8:14 (Clementine Vulgate)"
    },
    {
      "verse": 15,
      "text": "Venitque ad Soccoth, et dixit eis : En Zebee et Salmana, super quibus exprobrastis mihi, dicentes : Forsitan manus Zebee et Salmana in manibus tuis sunt, et idcirco postulas ut demus viris, qui lassi sunt et defecerunt, panes.",
      "citation": "Judges 8:15 (Clementine Vulgate)"
    },
    {
      "verse": 16,
      "text": "Tulit ergo seniores civitatis et spinas deserti ac tribulos, et contrivit cum eis atque comminuit viros Soccoth.",
      "citation": "Judges 8:16 (Clementine Vulgate)"
    },
    {
      "verse": 17,
      "text": "Turrim quoque Phanuel subvertit, occisis habitatoribus civitatis.",
      "citation": "Judges 8:17 (Clementine Vulgate)"
    },
    {
      "verse": 18,
      "text": "Dixitque ad Zebee et Salmana : Quales fuerunt viri, quos occidistis in Thabor ? Qui responderunt : Similes tui, et unus ex eis quasi filius regis.",
      "citation": "Judges 8:18 (Clementine Vulgate)"
    },
    {
      "verse": 19,
      "text": "Quibus ille respondit : Fratres mei fuerunt, filii matris meæ. Vivit Dominus, quia si servassetis eos, non vos occiderem.",
      "citation": "Judges 8:19 (Clementine Vulgate)"
    },
    {
      "verse": 20,
      "text": "Dixitque Jether primogenito suo : Surge, et interfice eos. Qui non eduxit gladium : timebat enim, quia adhuc puer erat.",
      "citation": "Judges 8:20 (Clementine Vulgate)"
    },
    {
      "verse": 21,
      "text": "Dixeruntque Zebee et Salmana : Tu surge, et irrue in nos : quia juxta ætatem robur est hominis. Surrexit Gedeon, et interfecit Zebee et Salmana : et tulit ornamenta ac bullas quibus colla regalium camelorum decorari solent.",
      "citation": "Judges 8:21 (Clementine Vulgate)"
    },
    {
      "verse": 22,
      "text": "Dixeruntque omnes viri Israël ad Gedeon : Dominare nostri tu, et filius tuus, et filius filii tui : quia liberasti nos de manu Madian.",
      "citation": "Judges 8:22 (Clementine Vulgate)"
    },
    {
      "verse": 23,
      "text": "Quibus ille ait : Non dominabor vestri, nec dominabitur in vos filius meus, sed dominabitur vobis Dominus.",
      "citation": "Judges 8:23 (Clementine Vulgate)"
    },
    {
      "verse": 24,
      "text": "Dixitque ad eos : Unam petitionem postulo a vobis : date mihi inaures ex præda vestra. Inaures enim aureas Ismaëlitæ habere consueverant.",
      "citation": "Judges 8:24 (Clementine Vulgate)"
    },
    {
      "verse": 25,
      "text": "Qui responderunt : Libentissime dabimus. Expandentesque super terram pallium, projecerunt in eo inaures de præda :",
      "citation": "Judges 8:25 (Clementine Vulgate)"
    },
    {
      "verse": 26,
      "text": "et fuit pondus postulatarum inaurium, mille septingenti auri sicli, absque ornamentis, et monilibus, et veste purpurea, quibus reges Madian uti soliti erant, et præter torques aureas camelorum.",
      "citation": "Judges 8:26 (Clementine Vulgate)"
    },
    {
      "verse": 27,
      "text": "Fecitque ex eo Gedeon ephod, et posuit illud in civitate sua Ephra. Fornicatusque est omnis Israël in eo, et factum est Gedeoni et omni domui ejus in ruinam.",
      "citation": "Judges 8:27 (Clementine Vulgate)"
    },
    {
      "verse": 28,
      "text": "Humiliatus est autem Madian coram filiis Israël, nec potuerunt ultra cervices elevare : sed quievit terra per quadraginta annos, quibus Gedeon præfuit.",
      "citation": "Judges 8:28 (Clementine Vulgate)"
    },
    {
      "verse": 29,
      "text": "Abiit itaque Jerobaal filius Joas, et habitavit in domo sua :",
      "citation": "Judges 8:29 (Clementine Vulgate)"
    },
    {
      "verse": 30,
      "text": "habuitque septuaginta filios, qui egressi sunt de femore ejus : eo quod plures haberet uxores.",
      "citation": "Judges 8:30 (Clementine Vulgate)"
    },
    {
      "verse": 31,
      "text": "Concubina autem illius, quam habebat in Sichem, genuit ei filium nomine Abimelech.",
      "citation": "Judges 8:31 (Clementine Vulgate)"
    },
    {
      "verse": 32,
      "text": "Mortuusque est Gedeon filius Joas in senectute bona, et sepultus est in sepulchro Joas patris sui in Ephra de familia Ezri.",
      "citation": "Judges 8:32 (Clementine Vulgate)"
    },
    {
      "verse": 33,
      "text": "Postquam autem mortuus est Gedeon, aversi sunt filii Israël, et fornicati sunt cum Baalim. Percusseruntque cum Baal fœdus, ut esset eis in deum :",
      "citation": "Judges 8:33 (Clementine Vulgate)"
    },
    {
      "verse": 34,
      "text": "nec recordati sunt Domini Dei sui, qui eruit eos de manibus inimicorum suorum omnium per circuitum :",
      "citation": "Judges 8:34 (Clementine Vulgate)"
    },
    {
      "verse": 35,
      "text": "nec fecerunt misericordiam cum domo Jerobaal Gedeon, juxta omnia bona quæ fecerat Israëli.",
      "citation": "Judges 8:35 (Clementine Vulgate)"
    }
  ]
}