{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Judith, Chapter 10 — 20 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Judith",
      "slug": "judith",
      "testament": "OT",
      "order": 18,
      "totalChapters": 16
    },
    "chapter": 10,
    "verseCount": 20,
    "navigation": {
      "htmlUrl": "https://latinprayer.org/latin/judith/10/",
      "bookIndex": "https://latinprayer.org/latin/judith/index.json",
      "bookHtmlUrl": "https://latinprayer.org/latin/judith/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/judith/9.json",
      "previousChapterHtmlUrl": "https://latinprayer.org/latin/judith/9/",
      "nextChapter": "https://latinprayer.org/latin/judith/11.json",
      "nextChapterHtmlUrl": "https://latinprayer.org/latin/judith/11/"
    },
    "crossReferences": {
      "english": "https://latinprayer.org/bible/judith/10.json",
      "englishHtmlUrl": "https://latinprayer.org/bible/judith/10/",
      "german": "https://latinprayer.org/bibel/judith/10.json",
      "germanHtmlUrl": "https://latinprayer.org/bibel/judith/10/"
    }
  },
  "citation": "Judith 10 (Clementine Vulgate)",
  "verses": [
    {
      "verse": 1,
      "text": "Factum est autem, cum cessasset clamare ad Dominum, surrexit de loco in quo jacuerat prostrata ad Dominum.",
      "citation": "Judith 10:1 (Clementine Vulgate)"
    },
    {
      "verse": 2,
      "text": "Vocavitque abram suam, et descendens in domum suam, abstulit a se cilicium, et exuit se vestimentis viduitatis suæ,",
      "citation": "Judith 10:2 (Clementine Vulgate)"
    },
    {
      "verse": 3,
      "text": "et lavit corpus suum, et unxit se myro optimo, et discriminavit crinem capitis sui, et imposuit mitram super caput suum, et induit se vestimentis jucunditatis suæ, induitque sandalia pedibus suis, assumpsitque dextraliola, et lilia, et inaures, et annulos, et omnibus ornamentis suis ornavit se.",
      "citation": "Judith 10:3 (Clementine Vulgate)"
    },
    {
      "verse": 4,
      "text": "Cui etiam Dominus contulit splendorem : quoniam omnis ista compositio non ex libidine, sed ex virtute pendebat : et ideo Dominus hanc in illam pulchritudinem ampliavit, ut incomparabili decore omnium oculis appareret.",
      "citation": "Judith 10:4 (Clementine Vulgate)"
    },
    {
      "verse": 5,
      "text": "Imposuit itaque abræ suæ ascoperam vini, et vas olei, et polentam, et palathas, et panes, et caseum, et profecta est.",
      "citation": "Judith 10:5 (Clementine Vulgate)"
    },
    {
      "verse": 6,
      "text": "Cumque venissent ad portam civitatis, invenerunt expectantem Oziam et presbyteros civitatis.",
      "citation": "Judith 10:6 (Clementine Vulgate)"
    },
    {
      "verse": 7,
      "text": "Qui cum vidissent eam, stupentes mirati sunt nimis pulchritudinem ejus.",
      "citation": "Judith 10:7 (Clementine Vulgate)"
    },
    {
      "verse": 8,
      "text": "Nihil tamen interrogantes eam, dimiserunt transire, dicentes : Deus patrum nostrorum det tibi gratiam, et omne consilium tui cordis sua virtute corroboret, ut glorietur super te Jerusalem, et sit nomen tuum in numero sanctorum et justorum.",
      "citation": "Judith 10:8 (Clementine Vulgate)"
    },
    {
      "verse": 9,
      "text": "Et dixerunt hi qui illic erant omnes una voce : Fiat, fiat.",
      "citation": "Judith 10:9 (Clementine Vulgate)"
    },
    {
      "verse": 10,
      "text": "Judith vero orans Dominum, transivit per portas, ipsa et abra ejus.",
      "citation": "Judith 10:10 (Clementine Vulgate)"
    },
    {
      "verse": 11,
      "text": "Factum est autem cum descenderet montem, circa ortum diei, occurrerunt ei exploratores Assyriorum, et tenuerunt eam, dicentes : Unde venis ? aut quo vadis ?",
      "citation": "Judith 10:11 (Clementine Vulgate)"
    },
    {
      "verse": 12,
      "text": "Quæ respondit : Filia sum Hebræorum, ideo ego fugi a facie eorum, quoniam futurum agnovi quod dentur vobis in deprædationem, pro eo quod contemnentes vos, noluerunt ultro tradere seipsos ut invenirent misericordiam in conspectu vestro.",
      "citation": "Judith 10:12 (Clementine Vulgate)"
    },
    {
      "verse": 13,
      "text": "Hac de causa cogitavi mecum, dicens : Vadam ad faciem principis Holofernis, ut indicem illi secreta illorum, et ostendam illi quo aditu possit obtinere eos, ita ut non cadat vir unus de exercitu ejus.",
      "citation": "Judith 10:13 (Clementine Vulgate)"
    },
    {
      "verse": 14,
      "text": "Et cum audissent viri illi verba ejus, considerabant faciem ejus, et erat in oculis eorum stupor, quoniam pulchritudinem ejus mirabantur nimis.",
      "citation": "Judith 10:14 (Clementine Vulgate)"
    },
    {
      "verse": 15,
      "text": "Et dixerunt ad eam : Conservasti animam tuam, eo quod tale reperisti consilium, ut descenderes ad dominum nostrum.",
      "citation": "Judith 10:15 (Clementine Vulgate)"
    },
    {
      "verse": 16,
      "text": "Hoc autem scias, quoniam cum steteris in conspectu ejus, bene tibi faciet, et eris gratissima in corde ejus. Duxeruntque illam ad tabernaculum Holofernis, annuntiantes eam.",
      "citation": "Judith 10:16 (Clementine Vulgate)"
    },
    {
      "verse": 17,
      "text": "Cumque intrasset ante faciem ejus, statim captus est in suis oculis Holofernes.",
      "citation": "Judith 10:17 (Clementine Vulgate)"
    },
    {
      "verse": 18,
      "text": "Dixeruntque ad eum satellites ejus : Quis contemnat populum Hebræorum, qui tam decoras mulieres habent, ut non pro his merito pugnare contra eos debeamus ?",
      "citation": "Judith 10:18 (Clementine Vulgate)"
    },
    {
      "verse": 19,
      "text": "Videns itaque Judith Holofernem sedentem in conopeo, quod erat ex purpura, et auro, et smaragdo, et lapidibus pretiosis intextum,",
      "citation": "Judith 10:19 (Clementine Vulgate)"
    },
    {
      "verse": 20,
      "text": "et cum in faciem ejus intendisset, adoravit eum, prosternens se super terram. Et elevaverunt eam servi Holofernis, jubente domino suo.",
      "citation": "Judith 10:20 (Clementine Vulgate)"
    }
  ]
}