{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Judith, Chapter 12 — 20 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Judith",
      "slug": "judith",
      "testament": "OT",
      "order": 18,
      "totalChapters": 16
    },
    "chapter": 12,
    "verseCount": 20,
    "navigation": {
      "htmlUrl": "https://latinprayer.org/latin/judith/12/",
      "bookIndex": "https://latinprayer.org/latin/judith/index.json",
      "bookHtmlUrl": "https://latinprayer.org/latin/judith/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/judith/11.json",
      "previousChapterHtmlUrl": "https://latinprayer.org/latin/judith/11/",
      "nextChapter": "https://latinprayer.org/latin/judith/13.json",
      "nextChapterHtmlUrl": "https://latinprayer.org/latin/judith/13/"
    },
    "crossReferences": {
      "english": "https://latinprayer.org/bible/judith/12.json",
      "englishHtmlUrl": "https://latinprayer.org/bible/judith/12/",
      "german": "https://latinprayer.org/bibel/judith/12.json",
      "germanHtmlUrl": "https://latinprayer.org/bibel/judith/12/"
    }
  },
  "citation": "Judith 12 (Clementine Vulgate)",
  "verses": [
    {
      "verse": 1,
      "text": "Tunc jussit eam introire ubi repositi erant thesauri ejus, et jussit illic manere eam, et constituit quid daretur illi de convivio suo.",
      "citation": "Judith 12:1 (Clementine Vulgate)"
    },
    {
      "verse": 2,
      "text": "Cui respondit Judith, et dixit : Nunc non potero manducare ex his quæ mihi præcipis tribui, ne veniat super me offensio : ex his autem quæ mihi detuli, manducabo.",
      "citation": "Judith 12:2 (Clementine Vulgate)"
    },
    {
      "verse": 3,
      "text": "Cui Holofernes ait : Si defecerint tibi ista, quæ tecum detulisti, quid faciemus tibi ?",
      "citation": "Judith 12:3 (Clementine Vulgate)"
    },
    {
      "verse": 4,
      "text": "Et dixit Judith : Vivit anima tua, domine meus, quoniam non expendet omnia hæc ancilla tua, donec faciat Deus in manu mea hæc quæ cogitavi. Et induxerunt illam servi ejus in tabernaculum quod præceperat.",
      "citation": "Judith 12:4 (Clementine Vulgate)"
    },
    {
      "verse": 5,
      "text": "Et petiit dum introiret, ut daretur ei copia nocte et ante lucem egrediendi foras ad orationem, et deprecandi Dominum.",
      "citation": "Judith 12:5 (Clementine Vulgate)"
    },
    {
      "verse": 6,
      "text": "Et præcepit cubiculariis suis ut sicut placeret illi, exiret et introiret ad adorandum Deum suum per triduum :",
      "citation": "Judith 12:6 (Clementine Vulgate)"
    },
    {
      "verse": 7,
      "text": "et exibat noctibus in vallem Bethuliæ, et baptizabat se in fonte aquæ.",
      "citation": "Judith 12:7 (Clementine Vulgate)"
    },
    {
      "verse": 8,
      "text": "Et ut ascendebat, orabat Dominum Deum Israël ut dirigeret viam ejus ad liberationem populi sui.",
      "citation": "Judith 12:8 (Clementine Vulgate)"
    },
    {
      "verse": 9,
      "text": "Et introiens, munda manebat in tabernaculo usque dum acciperet escam suam in vespere.",
      "citation": "Judith 12:9 (Clementine Vulgate)"
    },
    {
      "verse": 10,
      "text": "Et factum est, in quarto die Holofernes fecit cœnam servis suis, et dixit ad Vagao eunuchum suum : Vade, et suade Hebræam illam ut sponte consentiat habitare mecum.",
      "citation": "Judith 12:10 (Clementine Vulgate)"
    },
    {
      "verse": 11,
      "text": "Fœdum est enim apud Assyrios, si femina irrideat virum agendo ut immunis ab eo transeat.",
      "citation": "Judith 12:11 (Clementine Vulgate)"
    },
    {
      "verse": 12,
      "text": "Tunc introivit Vagao ad Judith, et dixit : Non vereatur bona puella introire ad dominum meum, ut honorificetur ante faciem ejus, ut manducet cum eo, et bibat vinum in jucunditate.",
      "citation": "Judith 12:12 (Clementine Vulgate)"
    },
    {
      "verse": 13,
      "text": "Cui Judith respondit : Quæ ego sum, ut contradicam domino meo ?",
      "citation": "Judith 12:13 (Clementine Vulgate)"
    },
    {
      "verse": 14,
      "text": "omne quod erit ante oculos ejus bonum et optimum, faciam. Quidquid autem illi placuerit, hoc mihi erit optimum omnibus diebus vitæ meæ.",
      "citation": "Judith 12:14 (Clementine Vulgate)"
    },
    {
      "verse": 15,
      "text": "Et surrexit, et ornavit se vestimento suo, et ingressa stetit ante faciem ejus.",
      "citation": "Judith 12:15 (Clementine Vulgate)"
    },
    {
      "verse": 16,
      "text": "Cor autem Holofernes concussum est : erat enim ardens in concupiscentia ejus.",
      "citation": "Judith 12:16 (Clementine Vulgate)"
    },
    {
      "verse": 17,
      "text": "Et dixit ad eam Holofernes : Bibe nunc, et accumbe in jucunditate, quoniam invenisti gratiam coram me.",
      "citation": "Judith 12:17 (Clementine Vulgate)"
    },
    {
      "verse": 18,
      "text": "Et dixit Judith : Bibam, domine, quoniam magnificata est anima mea hodie præ omnibus diebus meis.",
      "citation": "Judith 12:18 (Clementine Vulgate)"
    },
    {
      "verse": 19,
      "text": "Et accepit, et manducavit et bibit coram ipso ea quæ paraverat illi ancilla ejus.",
      "citation": "Judith 12:19 (Clementine Vulgate)"
    },
    {
      "verse": 20,
      "text": "Et jucundus factus est Holofernes ad eam, bibitque vinum multum nimis, quantum numquam biberat in vita sua.",
      "citation": "Judith 12:20 (Clementine Vulgate)"
    }
  ]
}