{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Judith, Chapter 13 — 31 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Judith",
      "slug": "judith",
      "testament": "OT",
      "order": 18,
      "totalChapters": 16
    },
    "chapter": 13,
    "verseCount": 31,
    "navigation": {
      "htmlUrl": "https://latinprayer.org/latin/judith/13/",
      "bookIndex": "https://latinprayer.org/latin/judith/index.json",
      "bookHtmlUrl": "https://latinprayer.org/latin/judith/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/judith/12.json",
      "previousChapterHtmlUrl": "https://latinprayer.org/latin/judith/12/",
      "nextChapter": "https://latinprayer.org/latin/judith/14.json",
      "nextChapterHtmlUrl": "https://latinprayer.org/latin/judith/14/"
    },
    "crossReferences": {
      "english": "https://latinprayer.org/bible/judith/13.json",
      "englishHtmlUrl": "https://latinprayer.org/bible/judith/13/",
      "german": "https://latinprayer.org/bibel/judith/13.json",
      "germanHtmlUrl": "https://latinprayer.org/bibel/judith/13/"
    }
  },
  "citation": "Judith 13 (Clementine Vulgate)",
  "verses": [
    {
      "verse": 1,
      "text": "Ut autem sero factum est, festinaverunt servi illius ad hospitia sua, et conclusit Vagao ostia cubiculi, et abiit.",
      "citation": "Judith 13:1 (Clementine Vulgate)"
    },
    {
      "verse": 2,
      "text": "Erant autem omnes fatigati a vino,",
      "citation": "Judith 13:2 (Clementine Vulgate)"
    },
    {
      "verse": 3,
      "text": "eratque Judith sola in cubiculo.",
      "citation": "Judith 13:3 (Clementine Vulgate)"
    },
    {
      "verse": 4,
      "text": "Porro Holofernes jacebat in lecto, nimia ebrietate sopitus.",
      "citation": "Judith 13:4 (Clementine Vulgate)"
    },
    {
      "verse": 5,
      "text": "Dixitque Judith puellæ suæ ut staret foris ante cubiculum, et observaret.",
      "citation": "Judith 13:5 (Clementine Vulgate)"
    },
    {
      "verse": 6,
      "text": "Stetitque Judith ante lectum, orans cum lacrimis, et labiorum motu in silentio,",
      "citation": "Judith 13:6 (Clementine Vulgate)"
    },
    {
      "verse": 7,
      "text": "dicens : Confirma me, Domine Deus Israël, et respice in hac hora ad opera manuum mearum, ut, sicut promisisti, Jerusalem civitatem tuam erigas : et hoc quod credens per te posse fieri cogitavi, perficiam.",
      "citation": "Judith 13:7 (Clementine Vulgate)"
    },
    {
      "verse": 8,
      "text": "Et cum hæc dixisset, accessit ad columnam quæ erat ad caput lectuli ejus, et pugionem ejus, qui in ea ligatus pendebat, exsolvit.",
      "citation": "Judith 13:8 (Clementine Vulgate)"
    },
    {
      "verse": 9,
      "text": "Cumque evaginasset illum, apprehendit comam capitis ejus, et ait : Confirma me, Domine Deus, in hac hora.",
      "citation": "Judith 13:9 (Clementine Vulgate)"
    },
    {
      "verse": 10,
      "text": "Et percussit bis in cervicem ejus, et abscidit caput ejus, et abstulit conopeum ejus a columnis, et evolvit corpus ejus truncum.",
      "citation": "Judith 13:10 (Clementine Vulgate)"
    },
    {
      "verse": 11,
      "text": "Et post pusillum exivit, et tradidit caput Holofernis ancillæ suæ, et jussit ut mitteret illud in peram suam.",
      "citation": "Judith 13:11 (Clementine Vulgate)"
    },
    {
      "verse": 12,
      "text": "Et exierunt duæ, secundum consuetudinem suam, quasi ad orationem, et transierunt castra, et gyrantes vallem, venerunt ad portam civitatis.",
      "citation": "Judith 13:12 (Clementine Vulgate)"
    },
    {
      "verse": 13,
      "text": "Et dixit Judith a longe custodibus murorum : Aperite portas, quoniam nobiscum est Deus, qui fecit virtutem in Israël.",
      "citation": "Judith 13:13 (Clementine Vulgate)"
    },
    {
      "verse": 14,
      "text": "Et factum est cum audissent viri vocem ejus, vocaverunt presbyteros civitatis.",
      "citation": "Judith 13:14 (Clementine Vulgate)"
    },
    {
      "verse": 15,
      "text": "Et concurrerunt ad eam omnes, a minimo usque ad maximum : quoniam sperabant eam jam non esse venturam.",
      "citation": "Judith 13:15 (Clementine Vulgate)"
    },
    {
      "verse": 16,
      "text": "Et accendentes luminaria, congyraverunt circa eam universi : illa autem ascendens in eminentiorem locum, jussit fieri silentium. Cumque omnes tacuissent,",
      "citation": "Judith 13:16 (Clementine Vulgate)"
    },
    {
      "verse": 17,
      "text": "dixit Judith : Laudate Dominum Deum nostrum, qui non deseruit sperantes in se,",
      "citation": "Judith 13:17 (Clementine Vulgate)"
    },
    {
      "verse": 18,
      "text": "et in me ancilla sua adimplevit misericordiam suam, quam promisit domui Israël : et interfecit in manu mea hostem populi sui hac nocte.",
      "citation": "Judith 13:18 (Clementine Vulgate)"
    },
    {
      "verse": 19,
      "text": "Et proferens de pera caput Holofernis, ostendit illis, dicens : Ecce caput Holofernis principis militiæ Assyriorum, et ecce conopeum illius, in quo recumbebat in ebrietate sua, ubi per manum feminæ percussit illum Dominus Deus noster.",
      "citation": "Judith 13:19 (Clementine Vulgate)"
    },
    {
      "verse": 20,
      "text": "Vivit autem ipse Dominus, quoniam custodivit me angelus ejus et hinc euntem, et ibi commorantem, et inde huc revertentem, et non permisit me Dominus ancillam suam coinquinari, sed sine pollutione peccati revocavit me vobis gaudentem in victoria sua, in evasione mea, et in liberatione vestra.",
      "citation": "Judith 13:20 (Clementine Vulgate)"
    },
    {
      "verse": 21,
      "text": "Confitemini illi omnes, quoniam bonus, quoniam in sæculum misericordia ejus.",
      "citation": "Judith 13:21 (Clementine Vulgate)"
    },
    {
      "verse": 22,
      "text": "Universi autem adorantes Dominum, dixerunt ad eam : Benedixit te Dominus in virtute sua, quia per te ad nihilum redegit inimicos nostros.",
      "citation": "Judith 13:22 (Clementine Vulgate)"
    },
    {
      "verse": 23,
      "text": "Porro Ozias princeps populi Israël dixit ad eam : Benedicta es tu, filia, a Domino Deo excelso præ omnibus mulieribus super terram.",
      "citation": "Judith 13:23 (Clementine Vulgate)"
    },
    {
      "verse": 24,
      "text": "Benedictus Dominus, qui creavit cælum et terram, qui te direxit in vulnera capitis principis inimicorum nostrorum :",
      "citation": "Judith 13:24 (Clementine Vulgate)"
    },
    {
      "verse": 25,
      "text": "quia hodie nomen tuum ita magnificavit, ut non recedat laus tua de ore hominum qui memores fuerint virtutis Domini in æternum, pro quibus non pepercisti animæ tuæ propter angustias et tribulationem generis tui, sed subvenisti ruinæ ante conspectum Dei nostri.",
      "citation": "Judith 13:25 (Clementine Vulgate)"
    },
    {
      "verse": 26,
      "text": "Et dixit omnis populus : Fiat, fiat.",
      "citation": "Judith 13:26 (Clementine Vulgate)"
    },
    {
      "verse": 27,
      "text": "Porro Achior vocatus venit, et dixit ei Judith : Deus Israël, cui tu testimonium dedisti quod ulciscatur se de inimicis suis, ipse caput omnium incredulorum incidit hac nocte in manu mea.",
      "citation": "Judith 13:27 (Clementine Vulgate)"
    },
    {
      "verse": 28,
      "text": "Et ut probes quia ita est, ecce caput Holofernis, qui in contemptu superbiæ suæ Deum Israël contempsit, et tibi interitum minabatur, dicens : Cum captus fuerit populus Israël, gladio perforari præcipiam latera tua.",
      "citation": "Judith 13:28 (Clementine Vulgate)"
    },
    {
      "verse": 29,
      "text": "Videns autem Achior caput Holofernis, angustiatus præ pavore cecidit in faciem suam super terram, et æstuavit anima ejus.",
      "citation": "Judith 13:29 (Clementine Vulgate)"
    },
    {
      "verse": 30,
      "text": "Postea vero quam resumpto spiritu recreatus est, procidit ad pedes ejus, et adoravit eam, et dixit :",
      "citation": "Judith 13:30 (Clementine Vulgate)"
    },
    {
      "verse": 31,
      "text": "Benedicta tu a Deo tuo in omni tabernaculo Jacob, quoniam in omni gente quæ audierit nomen tuum, magnificabitur super te Deus Israël.",
      "citation": "Judith 13:31 (Clementine Vulgate)"
    }
  ]
}