{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Judith, Chapter 4 — 17 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Judith",
      "slug": "judith",
      "testament": "OT",
      "order": 18,
      "totalChapters": 16
    },
    "chapter": 4,
    "verseCount": 17,
    "navigation": {
      "htmlUrl": "https://latinprayer.org/latin/judith/4/",
      "bookIndex": "https://latinprayer.org/latin/judith/index.json",
      "bookHtmlUrl": "https://latinprayer.org/latin/judith/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/judith/3.json",
      "previousChapterHtmlUrl": "https://latinprayer.org/latin/judith/3/",
      "nextChapter": "https://latinprayer.org/latin/judith/5.json",
      "nextChapterHtmlUrl": "https://latinprayer.org/latin/judith/5/"
    },
    "crossReferences": {
      "english": "https://latinprayer.org/bible/judith/4.json",
      "englishHtmlUrl": "https://latinprayer.org/bible/judith/4/",
      "german": "https://latinprayer.org/bibel/judith/4.json",
      "germanHtmlUrl": "https://latinprayer.org/bibel/judith/4/"
    }
  },
  "citation": "Judith 4 (Clementine Vulgate)",
  "verses": [
    {
      "verse": 1,
      "text": "Tunc audientes hæc filii Israël qui habitabant in terra Juda, timuerunt valde a facie ejus.",
      "citation": "Judith 4:1 (Clementine Vulgate)"
    },
    {
      "verse": 2,
      "text": "Tremor et horror invasit sensus eorum, ne hoc faceret Jerusalem et templo Domini, quod fecerat ceteris civitatibus et templis earum.",
      "citation": "Judith 4:2 (Clementine Vulgate)"
    },
    {
      "verse": 3,
      "text": "Et miserunt in omnem Samariam per circuitum usque Jericho, et præoccupaverunt omnes vertices montium :",
      "citation": "Judith 4:3 (Clementine Vulgate)"
    },
    {
      "verse": 4,
      "text": "et muris circumdederunt vicos suos, et congregaverunt frumenta in præparationem pugnæ.",
      "citation": "Judith 4:4 (Clementine Vulgate)"
    },
    {
      "verse": 5,
      "text": "Sacerdos etiam Eliachim scripsit ad universos qui erant contra Esdrelon, quæ est contra faciem campi magni juxta Dothain, et universos per quos viæ transitus esse poterat,",
      "citation": "Judith 4:5 (Clementine Vulgate)"
    },
    {
      "verse": 6,
      "text": "ut obtinerent ascensus montium, per quos via esse poterat ad Jerusalem, et illic custodirent ubi angustum iter esse poterat inter montes.",
      "citation": "Judith 4:6 (Clementine Vulgate)"
    },
    {
      "verse": 7,
      "text": "Et fecerunt filii Israël secundum quod constituerat eis sacerdos Domini Eliachim.",
      "citation": "Judith 4:7 (Clementine Vulgate)"
    },
    {
      "verse": 8,
      "text": "Et clamavit omnis populus ad Dominum instantia magna, et humiliaverunt animas suas in jejuniis et orationibus, ipsi et mulieres eorum.",
      "citation": "Judith 4:8 (Clementine Vulgate)"
    },
    {
      "verse": 9,
      "text": "Et induerunt se sacerdotes ciliciis, et infantes prostraverunt contra faciem templi Domini, et altare Domini operuerunt cilicio :",
      "citation": "Judith 4:9 (Clementine Vulgate)"
    },
    {
      "verse": 10,
      "text": "et clamaverunt ad Dominum Deum Israël unanimiter ne darentur in prædam infantes eorum, et uxores eorum in divisionem, et civitates eorum in exterminium, et sancta eorum in pollutionem, et fierent opprobrium gentibus.",
      "citation": "Judith 4:10 (Clementine Vulgate)"
    },
    {
      "verse": 11,
      "text": "Tunc Eliachim sacerdos Domini magnus circuivit omnem Israël, allocutusque est eos,",
      "citation": "Judith 4:11 (Clementine Vulgate)"
    },
    {
      "verse": 12,
      "text": "dicens : Scitote quoniam exaudiet Dominus preces vestras, si manentes permanseritis in jejuniis et orationibus in conspectu Domini.",
      "citation": "Judith 4:12 (Clementine Vulgate)"
    },
    {
      "verse": 13,
      "text": "Memores estote Moysi servi Domini, qui Amalec confidentem in virtute sua, et in potentia sua, et in exercitu suo, et in clypeis suis, et in curribus suis, et in equitibus suis, non ferro pugnando, sed precibus sanctis orando dejecit :",
      "citation": "Judith 4:13 (Clementine Vulgate)"
    },
    {
      "verse": 14,
      "text": "sic erunt universi hostes Israël, si perseveraveritis in hoc opere quod cœpistis.",
      "citation": "Judith 4:14 (Clementine Vulgate)"
    },
    {
      "verse": 15,
      "text": "Ad hanc igitur exhortationem ejus deprecantes Dominum, permanebant in conspectu Domini,",
      "citation": "Judith 4:15 (Clementine Vulgate)"
    },
    {
      "verse": 16,
      "text": "ita ut etiam hi qui offerebant Domino holocausta, præcincti ciliciis offerrent sacrificia Domino, et erat cinis super capita eorum.",
      "citation": "Judith 4:16 (Clementine Vulgate)"
    },
    {
      "verse": 17,
      "text": "Et ex toto corde suo omnes orabant Deum, ut visitaret populum suum Israël.",
      "citation": "Judith 4:17 (Clementine Vulgate)"
    }
  ]
}