{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Judith, Chapter 7 — 25 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Judith",
      "slug": "judith",
      "testament": "OT",
      "order": 18,
      "totalChapters": 16
    },
    "chapter": 7,
    "verseCount": 25,
    "navigation": {
      "htmlUrl": "https://latinprayer.org/latin/judith/7/",
      "bookIndex": "https://latinprayer.org/latin/judith/index.json",
      "bookHtmlUrl": "https://latinprayer.org/latin/judith/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/judith/6.json",
      "previousChapterHtmlUrl": "https://latinprayer.org/latin/judith/6/",
      "nextChapter": "https://latinprayer.org/latin/judith/8.json",
      "nextChapterHtmlUrl": "https://latinprayer.org/latin/judith/8/"
    },
    "crossReferences": {
      "english": "https://latinprayer.org/bible/judith/7.json",
      "englishHtmlUrl": "https://latinprayer.org/bible/judith/7/",
      "german": "https://latinprayer.org/bibel/judith/7.json",
      "germanHtmlUrl": "https://latinprayer.org/bibel/judith/7/"
    }
  },
  "citation": "Judith 7 (Clementine Vulgate)",
  "verses": [
    {
      "verse": 1,
      "text": "Holofernes autem altera die præcepit exercitibus suis ut ascenderent contra Bethuliam.",
      "citation": "Judith 7:1 (Clementine Vulgate)"
    },
    {
      "verse": 2,
      "text": "Erant autem pedites bellatorum centum viginti millia, et equites viginti duo millia, præter præparationes virorum illorum quos occupaverat captivitas, et abducti fuerant de provinciis et urbibus universæ juventutis.",
      "citation": "Judith 7:2 (Clementine Vulgate)"
    },
    {
      "verse": 3,
      "text": "Omnes paraverunt se pariter ad pugnam contra filios Israël, et venerunt per crepidinem montis usque ad apicem, qui respicit super Dothain, a loco qui dicitur Belma usque ad Chelmon, qui est contra Esdrelon.",
      "citation": "Judith 7:3 (Clementine Vulgate)"
    },
    {
      "verse": 4,
      "text": "Filii autem Israël, ut viderunt multitudinem illorum, prostraverunt se super terram, mittentes cinerem super capita sua, unanimes orantes ut Deus Israël misericordiam suam ostenderet super populum suum.",
      "citation": "Judith 7:4 (Clementine Vulgate)"
    },
    {
      "verse": 5,
      "text": "Et assumentes arma sua bellica, sederunt per loca quæ ad angusti itineris tramitem dirigunt inter montosa, et erant custodientes ea tota die et nocte.",
      "citation": "Judith 7:5 (Clementine Vulgate)"
    },
    {
      "verse": 6,
      "text": "Porro Holofernes, dum circuit per gyrum, reperit quod fons qui influebat, aquæductum illorum a parte australi extra civitatem dirigeret : et incidi præcepit aquæductum illorum.",
      "citation": "Judith 7:6 (Clementine Vulgate)"
    },
    {
      "verse": 7,
      "text": "Erant tamen non longe a muris fontes, ex quibus furtim videbantur haurire aquam ad refocillandum potius quam ad potandum.",
      "citation": "Judith 7:7 (Clementine Vulgate)"
    },
    {
      "verse": 8,
      "text": "Sed filii Ammon et Moab accesserunt ad Holofernem, dicentes : Filii Israël non in lancea nec in sagitta confidunt, sed montes defendunt illos, et muniunt illos colles in præcipitio constituti.",
      "citation": "Judith 7:8 (Clementine Vulgate)"
    },
    {
      "verse": 9,
      "text": "Ut ergo sine congressione pugnæ possis superare eos, pone custodes fontium, ut non hauriant aquam ex eis, et sine gladio interficies eos, vel certe fatigati tradent civitatem suam, quam putant in montibus positam superari non posse.",
      "citation": "Judith 7:9 (Clementine Vulgate)"
    },
    {
      "verse": 10,
      "text": "Et placuerunt verba hæc coram Holoferne et coram satellitibus ejus, et constituit per gyrum centenarios per singulos fontes.",
      "citation": "Judith 7:10 (Clementine Vulgate)"
    },
    {
      "verse": 11,
      "text": "Cumque ista custodia per dies viginti fuisset expleta, defecerunt cisternæ et collectiones aquarum omnibus habitantibus Bethuliam, ita ut non esset intra civitatem unde satiarentur vel una die, quoniam ad mensuram dabatur populis aqua quotidie.",
      "citation": "Judith 7:11 (Clementine Vulgate)"
    },
    {
      "verse": 12,
      "text": "Tunc ad Oziam congregati omnes viri feminæque, juvenes et parvuli, omnes simul una voce",
      "citation": "Judith 7:12 (Clementine Vulgate)"
    },
    {
      "verse": 13,
      "text": "dixerunt : Judicet Deus inter nos et te, quoniam fecisti in nos mala, nolens loqui pacifice cum Assyriis, et propter hoc vendidit nos Deus in manibus eorum.",
      "citation": "Judith 7:13 (Clementine Vulgate)"
    },
    {
      "verse": 14,
      "text": "Et ideo non est qui adjuvet, cum prosternamur ante oculos eorum in siti, et perditione magna.",
      "citation": "Judith 7:14 (Clementine Vulgate)"
    },
    {
      "verse": 15,
      "text": "Et nunc congregate universos qui in civitate sunt, ut sponte tradamus nos omnes populo Holofernis.",
      "citation": "Judith 7:15 (Clementine Vulgate)"
    },
    {
      "verse": 16,
      "text": "Melius est enim ut captivi benedicamus Dominum viventes, quam moriamur, et simus opprobrium omni carni, cum viderimus uxores nostras et infantes nostros mori ante oculos nostros.",
      "citation": "Judith 7:16 (Clementine Vulgate)"
    },
    {
      "verse": 17,
      "text": "Contestamur hodie cælum et terram, et Deum patrum nostrorum, qui ulciscitur nos secundum peccata nostra, ut jam tradatis civitatem in manu militiæ Holofernis, et sit finis noster brevis in ore gladii, qui longior efficitur in ariditate sitis.",
      "citation": "Judith 7:17 (Clementine Vulgate)"
    },
    {
      "verse": 18,
      "text": "Et cum hæc dixissent, factus est fletus et ululatus magnus in ecclesia ab omnibus, et per multas horas una voce clamaverunt ad Deum, dicentes :",
      "citation": "Judith 7:18 (Clementine Vulgate)"
    },
    {
      "verse": 19,
      "text": "Peccavimus cum patribus nostris : injuste egimus, iniquitatem fecimus.",
      "citation": "Judith 7:19 (Clementine Vulgate)"
    },
    {
      "verse": 20,
      "text": "Tu, quia pius es, miserere nostri, aut in tuo flagello vindica iniquitates nostras, et noli tradere confitentes te populo qui ignorat te,",
      "citation": "Judith 7:20 (Clementine Vulgate)"
    },
    {
      "verse": 21,
      "text": "ut non dicant inter gentes : Ubi est Deus eorum ?",
      "citation": "Judith 7:21 (Clementine Vulgate)"
    },
    {
      "verse": 22,
      "text": "Et cum fatigati ex his clamoribus et his fletibus lassati siluissent,",
      "citation": "Judith 7:22 (Clementine Vulgate)"
    },
    {
      "verse": 23,
      "text": "exsurgens Ozias infusus lacrimis, dixit : Æquo animo estote, fratres, et hos quinque dies expectemus a Domino misericordiam.",
      "citation": "Judith 7:23 (Clementine Vulgate)"
    },
    {
      "verse": 24,
      "text": "Forsitan enim indignationem suam abscindet, et dabit gloriam nomini suo.",
      "citation": "Judith 7:24 (Clementine Vulgate)"
    },
    {
      "verse": 25,
      "text": "Si autem transactis quinque diebus non venerit adjutorium, faciemus hæc verba quæ locuti estis.",
      "citation": "Judith 7:25 (Clementine Vulgate)"
    }
  ]
}