{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Judith, Chapter 8 — 34 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Judith",
      "slug": "judith",
      "testament": "OT",
      "order": 18,
      "totalChapters": 16
    },
    "chapter": 8,
    "verseCount": 34,
    "navigation": {
      "htmlUrl": "https://latinprayer.org/latin/judith/8/",
      "bookIndex": "https://latinprayer.org/latin/judith/index.json",
      "bookHtmlUrl": "https://latinprayer.org/latin/judith/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/judith/7.json",
      "previousChapterHtmlUrl": "https://latinprayer.org/latin/judith/7/",
      "nextChapter": "https://latinprayer.org/latin/judith/9.json",
      "nextChapterHtmlUrl": "https://latinprayer.org/latin/judith/9/"
    },
    "crossReferences": {
      "english": "https://latinprayer.org/bible/judith/8.json",
      "englishHtmlUrl": "https://latinprayer.org/bible/judith/8/",
      "german": "https://latinprayer.org/bibel/judith/8.json",
      "germanHtmlUrl": "https://latinprayer.org/bibel/judith/8/"
    }
  },
  "citation": "Judith 8 (Clementine Vulgate)",
  "verses": [
    {
      "verse": 1,
      "text": "Et factum est cum audisset hæc verba Judith vidua, quæ erat filia Merari filii Idox filii Joseph filii Oziæ filii Elai filii Jamnor filii Gedeon filii Raphaim filii Achitob filii Melchiæ filii Enan filii Nathaniæ filii Salathiel filii Simeon filii Ruben,",
      "citation": "Judith 8:1 (Clementine Vulgate)"
    },
    {
      "verse": 2,
      "text": "et vir ejus fuit Manasses, qui mortuus est in diebus messis hordeaceæ :",
      "citation": "Judith 8:2 (Clementine Vulgate)"
    },
    {
      "verse": 3,
      "text": "instabat enim super alligantes manipulos in campo, et venit æstus super caput ejus, et mortuus est in Bethulia civitate sua, et sepultus est illic cum patribus suis.",
      "citation": "Judith 8:3 (Clementine Vulgate)"
    },
    {
      "verse": 4,
      "text": "Erat autem Judith relicta ejus vidua jam annis tribus et mensibus sex.",
      "citation": "Judith 8:4 (Clementine Vulgate)"
    },
    {
      "verse": 5,
      "text": "Et in superioribus domus suæ fecit sibi secretum cubiculum, in quo cum puellis suis clausa morabatur,",
      "citation": "Judith 8:5 (Clementine Vulgate)"
    },
    {
      "verse": 6,
      "text": "et habens super lumbos suos cilicium, jejunabat omnibus diebus vitæ suæ, præter sabbata et neomenias et festa domus Israël.",
      "citation": "Judith 8:6 (Clementine Vulgate)"
    },
    {
      "verse": 7,
      "text": "Erat autem eleganti aspectu nimis, cui vir suus reliquerat divitias multas, et familiam copiosam, ac possessiones armentis boum, et gregibus ovium plenas.",
      "citation": "Judith 8:7 (Clementine Vulgate)"
    },
    {
      "verse": 8,
      "text": "Et erat hæc in omnibus famosissima, quoniam timebat Dominum valde, nec erat qui loqueretur de illa verbum malum.",
      "citation": "Judith 8:8 (Clementine Vulgate)"
    },
    {
      "verse": 9,
      "text": "Hæc itaque cum audisset quoniam Ozias promisisset quod transacto quinto die traderet civitatem, misit ad presbyteros Chabri et Charmi.",
      "citation": "Judith 8:9 (Clementine Vulgate)"
    },
    {
      "verse": 10,
      "text": "Et venerunt ad illam, et dixit illis : Quod est hoc verbum, in quo consensit Ozias, ut tradat civitatem Assyriis si intra quinque dies non venerit vobis adjutorium ?",
      "citation": "Judith 8:10 (Clementine Vulgate)"
    },
    {
      "verse": 11,
      "text": "et qui estis vos, qui tentatis Dominum ?",
      "citation": "Judith 8:11 (Clementine Vulgate)"
    },
    {
      "verse": 12,
      "text": "non est iste sermo qui misericordiam provocet, sed potius qui iram excitet, et furorem accendat.",
      "citation": "Judith 8:12 (Clementine Vulgate)"
    },
    {
      "verse": 13,
      "text": "Posuistis vos tempus miserationis Domini, et in arbitrium vestrum, diem constituistis ei.",
      "citation": "Judith 8:13 (Clementine Vulgate)"
    },
    {
      "verse": 14,
      "text": "Sed quia patiens Dominus est, in hoc ipso pœniteamus, et indulgentiam ejus fusis lacrimis postulemus :",
      "citation": "Judith 8:14 (Clementine Vulgate)"
    },
    {
      "verse": 15,
      "text": "non enim quasi homo sic Deus comminabitur, neque sicut filius hominis ad iracundiam inflammabitur.",
      "citation": "Judith 8:15 (Clementine Vulgate)"
    },
    {
      "verse": 16,
      "text": "Et ideo humiliemus illi animas nostras, et in spiritu constituti humiliato, servientes illi",
      "citation": "Judith 8:16 (Clementine Vulgate)"
    },
    {
      "verse": 17,
      "text": "dicamus flentes Domino, ut secundum voluntatem suam sic faciat nobiscum misericordiam suam : ut sicut conturbatum est cor nostrum in superbia eorum, ita etiam de nostra humilitate gloriemur :",
      "citation": "Judith 8:17 (Clementine Vulgate)"
    },
    {
      "verse": 18,
      "text": "quoniam non sumus secuti peccata patrum nostrorum, qui dereliquerunt Deum suum, et adoraverunt deos alienos,",
      "citation": "Judith 8:18 (Clementine Vulgate)"
    },
    {
      "verse": 19,
      "text": "pro quo scelere dati sunt in gladium, et in rapinam, et in confusionem inimicis suis : nos autem alterum deum nescimus præter ipsum.",
      "citation": "Judith 8:19 (Clementine Vulgate)"
    },
    {
      "verse": 20,
      "text": "Expectemus humiles consolationem ejus, et exquiret sanguinem nostrum de afflictionibus inimicorum nostrorum, et humiliabit omnes gentes, quæcumque insurgunt contra nos, et faciet illas sine honore Dominus Deus noster.",
      "citation": "Judith 8:20 (Clementine Vulgate)"
    },
    {
      "verse": 21,
      "text": "Et nunc fratres, quoniam vos estis presbyteri in populo Dei, et ex vobis pendet anima illorum, ad eloquium vestrum corda eorum erigite, ut memores sint quia tentati sunt patres nostri, ut probarentur si vere colerent Deum suum.",
      "citation": "Judith 8:21 (Clementine Vulgate)"
    },
    {
      "verse": 22,
      "text": "Memores esse debent quomodo pater noster Abraham tentatus est, et per multas tribulationes probatus, Dei amicus effectus est.",
      "citation": "Judith 8:22 (Clementine Vulgate)"
    },
    {
      "verse": 23,
      "text": "Sic Isaac, sic Jacob, sic Moyses, et omnes qui placuerunt Deo, per multas tribulationes transierunt fideles.",
      "citation": "Judith 8:23 (Clementine Vulgate)"
    },
    {
      "verse": 24,
      "text": "Illi autem qui tentationes non susceperunt cum timore Domini, et impatientiam suam et improperium murmurationis suæ contra Dominum protulerunt,",
      "citation": "Judith 8:24 (Clementine Vulgate)"
    },
    {
      "verse": 25,
      "text": "exterminati sunt ab exterminatore, et a serpentibus perierunt.",
      "citation": "Judith 8:25 (Clementine Vulgate)"
    },
    {
      "verse": 26,
      "text": "Et nos ergo non ulciscamur nos pro his quæ patimur,",
      "citation": "Judith 8:26 (Clementine Vulgate)"
    },
    {
      "verse": 27,
      "text": "sed reputantes peccatis nostris hæc ipsa supplicia minora esse flagella Domini, quibus quasi servi corripimur ad emendationem, et non ad perditionem nostram evenisse credamus.",
      "citation": "Judith 8:27 (Clementine Vulgate)"
    },
    {
      "verse": 28,
      "text": "Et dixerunt illi Ozias et presbyteri : Omnia quæ locuta es, vera sunt, et non est in sermonibus tuis ulla reprehensio.",
      "citation": "Judith 8:28 (Clementine Vulgate)"
    },
    {
      "verse": 29,
      "text": "Nunc ergo ora pro nobis, quoniam mulier sancta es, et timens Deum.",
      "citation": "Judith 8:29 (Clementine Vulgate)"
    },
    {
      "verse": 30,
      "text": "Et dixit illis Judith : Sicut quod potui loqui, Dei esse cognoscitis,",
      "citation": "Judith 8:30 (Clementine Vulgate)"
    },
    {
      "verse": 31,
      "text": "ita quod facere disposui, probate si ex Deo est, et orate ut firmum faciat Deus consilium meum.",
      "citation": "Judith 8:31 (Clementine Vulgate)"
    },
    {
      "verse": 32,
      "text": "Stabitis vos ad portam nocte ista, et ego exeam cum abra mea : et orate, ut sicut dixistis, in diebus quinque respiciat Dominus populum suum Israël.",
      "citation": "Judith 8:32 (Clementine Vulgate)"
    },
    {
      "verse": 33,
      "text": "Vos autem nolo ut scrutemini actum meum, et usque dum renuntiem vobis, nihil aliud fiat, nisi oratio pro me ad Dominum Deum nostrum.",
      "citation": "Judith 8:33 (Clementine Vulgate)"
    },
    {
      "verse": 34,
      "text": "Et dixit ad eam Ozias princeps Juda : Vade in pace, et Dominus sit tecum in ultionem inimicorum nostrorum. Et revertentes abierunt.",
      "citation": "Judith 8:34 (Clementine Vulgate)"
    }
  ]
}