{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Judith, Chapter 9 — 19 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Judith",
      "slug": "judith",
      "testament": "OT",
      "order": 18,
      "totalChapters": 16
    },
    "chapter": 9,
    "verseCount": 19,
    "navigation": {
      "htmlUrl": "https://latinprayer.org/latin/judith/9/",
      "bookIndex": "https://latinprayer.org/latin/judith/index.json",
      "bookHtmlUrl": "https://latinprayer.org/latin/judith/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/judith/8.json",
      "previousChapterHtmlUrl": "https://latinprayer.org/latin/judith/8/",
      "nextChapter": "https://latinprayer.org/latin/judith/10.json",
      "nextChapterHtmlUrl": "https://latinprayer.org/latin/judith/10/"
    },
    "crossReferences": {
      "english": "https://latinprayer.org/bible/judith/9.json",
      "englishHtmlUrl": "https://latinprayer.org/bible/judith/9/",
      "german": "https://latinprayer.org/bibel/judith/9.json",
      "germanHtmlUrl": "https://latinprayer.org/bibel/judith/9/"
    }
  },
  "citation": "Judith 9 (Clementine Vulgate)",
  "verses": [
    {
      "verse": 1,
      "text": "Quibus ascendentibus, Judith ingressa est oratorium suum : et induens se cilicio, posuit cinerem super caput suum : et prosternens se Domino, clamabat ad Dominum, dicens :",
      "citation": "Judith 9:1 (Clementine Vulgate)"
    },
    {
      "verse": 2,
      "text": "Domine Deus patris mei Simeon, qui dedisti illi gladium in defensionem alienigenarum, qui violatores extiterunt in coinquinatione sua, et denudaverunt femur virginis in confusionem :",
      "citation": "Judith 9:2 (Clementine Vulgate)"
    },
    {
      "verse": 3,
      "text": "et dedisti mulieres illorum in prædam, et filias illorum in captivitatem : et omnem prædam in divisionem servis tuis, qui zelaverunt zelum tuum : subveni, quæso te, Domine Deus meus, mihi viduæ.",
      "citation": "Judith 9:3 (Clementine Vulgate)"
    },
    {
      "verse": 4,
      "text": "Tu enim fecisti priora, et illa post illa cogitasti : et hoc factum est quod ipse voluisti.",
      "citation": "Judith 9:4 (Clementine Vulgate)"
    },
    {
      "verse": 5,
      "text": "Omnes enim viæ tuæ paratæ sunt, et tua judicia in tua providentia posuisti.",
      "citation": "Judith 9:5 (Clementine Vulgate)"
    },
    {
      "verse": 6,
      "text": "Respice castra Assyriorum nunc, sicut tunc castra Ægyptiorum videre dignatus es, quando post servos tuos armati currebant, confidentes in quadrigis, et in equitatu suo, et in multitudine bellatorum.",
      "citation": "Judith 9:6 (Clementine Vulgate)"
    },
    {
      "verse": 7,
      "text": "Sed aspexisti super castra eorum, et tenebræ fatigaverunt eos.",
      "citation": "Judith 9:7 (Clementine Vulgate)"
    },
    {
      "verse": 8,
      "text": "Tenuit pedes eorum abyssus, et aquæ operuerunt eos.",
      "citation": "Judith 9:8 (Clementine Vulgate)"
    },
    {
      "verse": 9,
      "text": "Sic fiant et isti, Domine, qui confidunt in multitudine sua, et in curribus suis, et in contis, et in scutis, et in sagittis suis, et in lanceis gloriantur,",
      "citation": "Judith 9:9 (Clementine Vulgate)"
    },
    {
      "verse": 10,
      "text": "et nesciunt quia tu ipse es Deus noster, qui conteris bella ab initio, et Dominus nomen est tibi.",
      "citation": "Judith 9:10 (Clementine Vulgate)"
    },
    {
      "verse": 11,
      "text": "Erige brachium tuum sicut ab initio, et allide virtutem illorum in virtute tua : cadat virtus eorum in iracundia tua, qui promittunt se violare sancta tua, et polluere tabernaculum nominis tui, et dejicere gladio suo cornu altaris tui.",
      "citation": "Judith 9:11 (Clementine Vulgate)"
    },
    {
      "verse": 12,
      "text": "Fac, Domine, ut gladio proprio ejus superbia amputetur :",
      "citation": "Judith 9:12 (Clementine Vulgate)"
    },
    {
      "verse": 13,
      "text": "capiatur laqueo oculorum suorum in me, et percuties eum ex labiis caritatis meæ.",
      "citation": "Judith 9:13 (Clementine Vulgate)"
    },
    {
      "verse": 14,
      "text": "Da mihi in animo constantiam ut contemnam illum, et virtutem, ut evertam illum.",
      "citation": "Judith 9:14 (Clementine Vulgate)"
    },
    {
      "verse": 15,
      "text": "Erit enim hoc memoriale nominis tui, cum manus feminæ dejecerit eum.",
      "citation": "Judith 9:15 (Clementine Vulgate)"
    },
    {
      "verse": 16,
      "text": "Non enim in multitudine est virtus tua, Domine, neque in equorum viribus voluntas tua est, nec superbi ab initio placuerunt tibi : sed humilium et mansuetorum semper tibi placuit deprecatio.",
      "citation": "Judith 9:16 (Clementine Vulgate)"
    },
    {
      "verse": 17,
      "text": "Deus cælorum, creator aquarum, et Dominus totius creaturæ, exaudi me miseram deprecantem, et de tua misericordia præsumentem.",
      "citation": "Judith 9:17 (Clementine Vulgate)"
    },
    {
      "verse": 18,
      "text": "Memento, Domine, testamenti tui, et da verbum in ore meo, et in corde meo consilium corrobora, ut domus tua in sanctificatione tua permaneat :",
      "citation": "Judith 9:18 (Clementine Vulgate)"
    },
    {
      "verse": 19,
      "text": "et omnes gentes agnoscant quia tu es Deus, et non est alius præter te.",
      "citation": "Judith 9:19 (Clementine Vulgate)"
    }
  ]
}