{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Leviticus, Chapter 26 — 45 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Leviticus",
      "slug": "leviticus",
      "testament": "OT",
      "order": 3,
      "totalChapters": 27
    },
    "chapter": 26,
    "verseCount": 45,
    "navigation": {
      "htmlUrl": "https://latinprayer.org/latin/leviticus/26/",
      "bookIndex": "https://latinprayer.org/latin/leviticus/index.json",
      "bookHtmlUrl": "https://latinprayer.org/latin/leviticus/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/leviticus/25.json",
      "previousChapterHtmlUrl": "https://latinprayer.org/latin/leviticus/25/",
      "nextChapter": "https://latinprayer.org/latin/leviticus/27.json",
      "nextChapterHtmlUrl": "https://latinprayer.org/latin/leviticus/27/"
    },
    "crossReferences": {
      "english": "https://latinprayer.org/bible/leviticus/26.json",
      "englishHtmlUrl": "https://latinprayer.org/bible/leviticus/26/",
      "german": "https://latinprayer.org/bibel/leviticus/26.json",
      "germanHtmlUrl": "https://latinprayer.org/bibel/levitikus/26/"
    }
  },
  "citation": "Leviticus 26 (Clementine Vulgate)",
  "verses": [
    {
      "verse": 1,
      "text": "Ego Dominus Deus vester : non facietis vobis idolum, et sculptile, nec titulos erigetis, nec insignem lapidem ponetis in terra vestra, ut adoretis eum. Ego enim sum Dominus Deus vester.",
      "citation": "Leviticus 26:1 (Clementine Vulgate)"
    },
    {
      "verse": 2,
      "text": "Custodite sabbata mea, et pavete ad sanctuarium meum. Ego Dominus.",
      "citation": "Leviticus 26:2 (Clementine Vulgate)"
    },
    {
      "verse": 3,
      "text": "Si in præceptis meis ambulaveritis, et mandata mea custodieritis, et feceritis ea, dabo vobis pluvias temporibus suis,",
      "citation": "Leviticus 26:3 (Clementine Vulgate)"
    },
    {
      "verse": 4,
      "text": "et terra gignet germen suum, et pomis arbores replebuntur.",
      "citation": "Leviticus 26:4 (Clementine Vulgate)"
    },
    {
      "verse": 5,
      "text": "Apprehendet messium tritura vindemiam, et vindemia occupabit sementem : et comedetis panem vestrum in saturitate, et absque pavore habitabitis in terra vestra.",
      "citation": "Leviticus 26:5 (Clementine Vulgate)"
    },
    {
      "verse": 6,
      "text": "Dabo pacem in finibus vestris : dormietis, et non erit qui exterreat. Auferam malas bestias, et gladius non transibit terminos vestros.",
      "citation": "Leviticus 26:6 (Clementine Vulgate)"
    },
    {
      "verse": 7,
      "text": "Persequemini inimicos vestros, et corruent coram vobis.",
      "citation": "Leviticus 26:7 (Clementine Vulgate)"
    },
    {
      "verse": 8,
      "text": "Persequentur quinque de vestris centum alienos, et centum de vobis decem millia : cadent inimici vestri gladio in conspectu vestro.",
      "citation": "Leviticus 26:8 (Clementine Vulgate)"
    },
    {
      "verse": 9,
      "text": "Respiciam vos, et crescere faciam : multiplicabimini, et firmabo pactum meum vobiscum.",
      "citation": "Leviticus 26:9 (Clementine Vulgate)"
    },
    {
      "verse": 10,
      "text": "Comedetis vetustissima veterum, et vetera novis supervenientibus projicietis.",
      "citation": "Leviticus 26:10 (Clementine Vulgate)"
    },
    {
      "verse": 11,
      "text": "Ponam tabernaculum meum in medio vestri, et non abjiciet vos anima mea.",
      "citation": "Leviticus 26:11 (Clementine Vulgate)"
    },
    {
      "verse": 12,
      "text": "Ambulabo inter vos, et ero Deus vester, vosque eritis populus meus.",
      "citation": "Leviticus 26:12 (Clementine Vulgate)"
    },
    {
      "verse": 13,
      "text": "Ego Dominus Deus vester, qui eduxi vos de terra Ægyptiorum, ne serviretis eis : et qui confregi catenas cervicum vestrarum, ut incederetis erecti.",
      "citation": "Leviticus 26:13 (Clementine Vulgate)"
    },
    {
      "verse": 14,
      "text": "Quod si non audieritis me, nec feceritis omnia mandata mea,",
      "citation": "Leviticus 26:14 (Clementine Vulgate)"
    },
    {
      "verse": 15,
      "text": "si spreveritis leges meas, et judicia mea contempseritis, ut non faciatis ea quæ a me constituta sunt, et ad irritum perducatis pactum meum :",
      "citation": "Leviticus 26:15 (Clementine Vulgate)"
    },
    {
      "verse": 16,
      "text": "ego quoque hæc faciam vobis : visitabo vos velociter in egestate, et ardore, qui conficiat oculos vestros, et consumat animas vestras. Frustra seretis sementem, quæ ab hostibus devorabitur.",
      "citation": "Leviticus 26:16 (Clementine Vulgate)"
    },
    {
      "verse": 17,
      "text": "Ponam faciem meam contra vos, et corruetis coram hostibus vestris, et subjiciemini his qui oderunt vos : fugietis, nemine persequente.",
      "citation": "Leviticus 26:17 (Clementine Vulgate)"
    },
    {
      "verse": 18,
      "text": "Sin autem nec sic obedieritis mihi, addam correptiones vestras septuplum propter peccata vestra,",
      "citation": "Leviticus 26:18 (Clementine Vulgate)"
    },
    {
      "verse": 19,
      "text": "et conteram superbiam duritiæ vestræ. Daboque vobis cælum desuper sicut ferrum, et terram æneam.",
      "citation": "Leviticus 26:19 (Clementine Vulgate)"
    },
    {
      "verse": 20,
      "text": "Consumetur incassum labor vester, non proferet terra germen, nec arbores poma præbebunt.",
      "citation": "Leviticus 26:20 (Clementine Vulgate)"
    },
    {
      "verse": 21,
      "text": "Si ambulaveritis ex adverso mihi, nec volueritis audire me, addam plagas vestras in septuplum propter peccata vestra :",
      "citation": "Leviticus 26:21 (Clementine Vulgate)"
    },
    {
      "verse": 22,
      "text": "immittamque in vos bestias agri, quæ consumant vos, et pecora vestra, et ad paucitatem cuncta redigant, desertæque fiant viæ vestræ.",
      "citation": "Leviticus 26:22 (Clementine Vulgate)"
    },
    {
      "verse": 23,
      "text": "Quod si nec sic volueritis recipere disciplinam, sed ambulaveritis ex adverso mihi :",
      "citation": "Leviticus 26:23 (Clementine Vulgate)"
    },
    {
      "verse": 24,
      "text": "ego quoque contra vos adversus incedam, et percutiam vos septies propter peccata vestra,",
      "citation": "Leviticus 26:24 (Clementine Vulgate)"
    },
    {
      "verse": 25,
      "text": "inducamque super vos gladium ultorem fœderis mei. Cumque confugeritis in urbes, mittam pestilentiam in medio vestri, et trademini in manibus hostium,",
      "citation": "Leviticus 26:25 (Clementine Vulgate)"
    },
    {
      "verse": 26,
      "text": "postquam confregero baculum panis vestri : ita ut decem mulieres in uno clibano coquant panes, et reddant eos ad pondus : et comedetis, et non saturabimini.",
      "citation": "Leviticus 26:26 (Clementine Vulgate)"
    },
    {
      "verse": 27,
      "text": "Sin autem nec per hæc audieritis me, sed ambulaveritis contra me :",
      "citation": "Leviticus 26:27 (Clementine Vulgate)"
    },
    {
      "verse": 28,
      "text": "et ego incedam adversus vos in furore contrario, et corripiam vos septem plagis propter peccata vestra :",
      "citation": "Leviticus 26:28 (Clementine Vulgate)"
    },
    {
      "verse": 29,
      "text": "ita ut comedatis carnes filiorum vestrorum et filiarum vestrarum.",
      "citation": "Leviticus 26:29 (Clementine Vulgate)"
    },
    {
      "verse": 30,
      "text": "Destruam excelsa vestra, et simulacra confringam. Cadetis inter ruinas idolorum vestrorum, et abominabitur vos anima mea,",
      "citation": "Leviticus 26:30 (Clementine Vulgate)"
    },
    {
      "verse": 31,
      "text": "in tantum ut urbes vestras redigam in solitudinem, et deserta faciam sanctuaria vestra, nec recipiam ultra odorem suavissimum.",
      "citation": "Leviticus 26:31 (Clementine Vulgate)"
    },
    {
      "verse": 32,
      "text": "Disperdamque terram vestram, et stupebunt super ea inimici vestri, cum habitatores illius fuerint.",
      "citation": "Leviticus 26:32 (Clementine Vulgate)"
    },
    {
      "verse": 33,
      "text": "Vos autem dispergam in gentes, et evaginabo post vos gladium, eritque terra vestra deserta, et civitates vestræ dirutæ.",
      "citation": "Leviticus 26:33 (Clementine Vulgate)"
    },
    {
      "verse": 34,
      "text": "Tunc placebunt terræ sabbata sua cunctis diebus solitudinis suæ : quando fueritis",
      "citation": "Leviticus 26:34 (Clementine Vulgate)"
    },
    {
      "verse": 35,
      "text": "in terra hostili, sabbatizabit, et requiescet in sabbatis solitudinis suæ, eo quod non requieverit in sabbatis vestris quando habitabatis in ea.",
      "citation": "Leviticus 26:35 (Clementine Vulgate)"
    },
    {
      "verse": 36,
      "text": "Et qui de vobis remanserint, dabo pavorem in cordibus eorum in regionibus hostium, terrebit eos sonitus folii volantis, et ita fugient quasi gladium : cadent, nullo persequente,",
      "citation": "Leviticus 26:36 (Clementine Vulgate)"
    },
    {
      "verse": 37,
      "text": "et corruent singuli super fratres suos, quasi bella fugientes, nemo vestrum inimicis audebit resistere.",
      "citation": "Leviticus 26:37 (Clementine Vulgate)"
    },
    {
      "verse": 38,
      "text": "Peribitis inter gentes, et hostilis vos terra consumet.",
      "citation": "Leviticus 26:38 (Clementine Vulgate)"
    },
    {
      "verse": 39,
      "text": "Quod si et de iis aliqui remanserint, tabescent in iniquitatibus suis, in terra inimicorum suorum, et propter peccata patrum suorum et sua affligentur :",
      "citation": "Leviticus 26:39 (Clementine Vulgate)"
    },
    {
      "verse": 40,
      "text": "donec confiteantur iniquitates suas, et majorum suorum, quibus prævaricati sunt in me, et ambulaverunt ex adverso mihi.",
      "citation": "Leviticus 26:40 (Clementine Vulgate)"
    },
    {
      "verse": 41,
      "text": "Ambulabo igitur et ego contra eos, et inducam illos in terram hostilem, donec erubescat incircumcisa mens eorum : tunc orabunt pro impietatibus suis.",
      "citation": "Leviticus 26:41 (Clementine Vulgate)"
    },
    {
      "verse": 42,
      "text": "Et recordabor fœderis mei, quod pepigi cum Jacob, et Isaac, et Abraham. Terræ quoque memor ero :",
      "citation": "Leviticus 26:42 (Clementine Vulgate)"
    },
    {
      "verse": 43,
      "text": "quæ cum relicta fuerit ab eis, complacebit sibi in sabbatis suis, patiens solitudinem propter illos. Ipsi vero rogabunt pro peccatis suis, eo quod abjecerint judicia mea, et leges meas despexerint.",
      "citation": "Leviticus 26:43 (Clementine Vulgate)"
    },
    {
      "verse": 44,
      "text": "Et tamen etiam cum essent in terra hostili, non penitus abjeci eos, neque sic despexi ut consumerentur, et irritum facerent pactum meum cum eis. Ego enim sum Dominus Deus eorum,",
      "citation": "Leviticus 26:44 (Clementine Vulgate)"
    },
    {
      "verse": 45,
      "text": "et recordabor fœderis mei pristini, quando eduxi eos de terra Ægypti in conspectu gentium, ut essem Deus eorum. Ego Dominus. Hæc sunt judicia atque præcepta et leges quas dedit Dominus inter se et filios Israël in monte Sinai per manum Moysi.",
      "citation": "Leviticus 26:45 (Clementine Vulgate)"
    }
  ]
}