{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Luke, Chapter 10 — 42 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Luke",
      "slug": "luke",
      "testament": "NT",
      "order": 49,
      "totalChapters": 24
    },
    "chapter": 10,
    "verseCount": 42,
    "navigation": {
      "htmlUrl": "https://latinprayer.org/latin/luke/10/",
      "bookIndex": "https://latinprayer.org/latin/luke/index.json",
      "bookHtmlUrl": "https://latinprayer.org/latin/luke/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/luke/9.json",
      "previousChapterHtmlUrl": "https://latinprayer.org/latin/luke/9/",
      "nextChapter": "https://latinprayer.org/latin/luke/11.json",
      "nextChapterHtmlUrl": "https://latinprayer.org/latin/luke/11/"
    },
    "crossReferences": {
      "english": "https://latinprayer.org/bible/luke/10.json",
      "englishHtmlUrl": "https://latinprayer.org/bible/luke/10/",
      "german": "https://latinprayer.org/bibel/luke/10.json",
      "germanHtmlUrl": "https://latinprayer.org/bibel/lukas/10/"
    }
  },
  "citation": "Luke 10 (Clementine Vulgate)",
  "verses": [
    {
      "verse": 1,
      "text": "Post hæc autem designavit Dominus et alios septuaginta duos : et misit illos binos ante faciem suam in omnem civitatem et locum, quo erat ipse venturus.",
      "citation": "Luke 10:1 (Clementine Vulgate)"
    },
    {
      "verse": 2,
      "text": "Et dicebat illis : Messis quidem multa, operarii autem pauci. Rogate ergo dominum messis ut mittat operarios in messem suam.",
      "citation": "Luke 10:2 (Clementine Vulgate)"
    },
    {
      "verse": 3,
      "text": "Ite : ecce ego mitto vos sicut agnos inter lupos.",
      "citation": "Luke 10:3 (Clementine Vulgate)"
    },
    {
      "verse": 4,
      "text": "Nolite portare sacculum, neque peram, neque calceamenta, et neminem per viam salutaveritis.",
      "citation": "Luke 10:4 (Clementine Vulgate)"
    },
    {
      "verse": 5,
      "text": "In quamcumque domum intraveritis, primum dicite : Pax huic domui :",
      "citation": "Luke 10:5 (Clementine Vulgate)"
    },
    {
      "verse": 6,
      "text": "et si ibi fuerit filius pacis, requiescet super illum pax vestra : sin autem, ad vos revertetur.",
      "citation": "Luke 10:6 (Clementine Vulgate)"
    },
    {
      "verse": 7,
      "text": "In eadem autem domo manete, edentes et bibentes quæ apud illos sunt : dignus est enim operarius mercede sua. Nolite transire de domo in domum.",
      "citation": "Luke 10:7 (Clementine Vulgate)"
    },
    {
      "verse": 8,
      "text": "Et in quamcumque civitatem intraveritis, et susceperint vos, manducate quæ apponuntur vobis :",
      "citation": "Luke 10:8 (Clementine Vulgate)"
    },
    {
      "verse": 9,
      "text": "et curate infirmos, qui in illa sunt, et dicite illis : Appropinquavit in vos regnum Dei.",
      "citation": "Luke 10:9 (Clementine Vulgate)"
    },
    {
      "verse": 10,
      "text": "In quamcumque autem civitatem intraveritis, et non susceperint vos, exeuntes in plateas ejus, dicite :",
      "citation": "Luke 10:10 (Clementine Vulgate)"
    },
    {
      "verse": 11,
      "text": "Etiam pulverem, qui adhæsit nobis de civitate vestra, extergimus in vos : tamen hoc scitote, quia appropinquavit regnum Dei.",
      "citation": "Luke 10:11 (Clementine Vulgate)"
    },
    {
      "verse": 12,
      "text": "Dico vobis, quia Sodomis in die illa remissius erit, quam illi civitati.",
      "citation": "Luke 10:12 (Clementine Vulgate)"
    },
    {
      "verse": 13,
      "text": "Væ tibi Corozain ! væ tibi Bethsaida ! quia si in Tyro et Sidone factæ fuissent virtutes quæ factæ sunt in vobis, olim in cilicio et cinere sedentes pœniterent.",
      "citation": "Luke 10:13 (Clementine Vulgate)"
    },
    {
      "verse": 14,
      "text": "Verumtamen Tyro et Sidoni remissius erit in judicio, quam vobis.",
      "citation": "Luke 10:14 (Clementine Vulgate)"
    },
    {
      "verse": 15,
      "text": "Et tu Capharnaum, usque ad cælum exaltata, usque ad infernum demergeris.",
      "citation": "Luke 10:15 (Clementine Vulgate)"
    },
    {
      "verse": 16,
      "text": "Qui vos audit, me audit : et qui vos spernit, me spernit. Qui autem me spernit, spernit eum qui misit me.",
      "citation": "Luke 10:16 (Clementine Vulgate)"
    },
    {
      "verse": 17,
      "text": "Reversi sunt autem septuaginta duo cum gaudio, dicentes : Domine, etiam dæmonia subjiciuntur nobis in nomine tuo.",
      "citation": "Luke 10:17 (Clementine Vulgate)"
    },
    {
      "verse": 18,
      "text": "Et ait illis : Videbam Satanam sicut fulgor de cælo cadentem.",
      "citation": "Luke 10:18 (Clementine Vulgate)"
    },
    {
      "verse": 19,
      "text": "Ecce dedi vobis potestatem calcandi supra serpentes, et scorpiones, et super omnem virtutem inimici : et nihil vobis nocebit.",
      "citation": "Luke 10:19 (Clementine Vulgate)"
    },
    {
      "verse": 20,
      "text": "Verumtamen in hoc nolite gaudere quia spiritus vobis subjiciuntur : gaudete autem, quod nomina vestra scripta sunt in cælis.",
      "citation": "Luke 10:20 (Clementine Vulgate)"
    },
    {
      "verse": 21,
      "text": "In ipsa hora exsultavit Spiritu Sancto, et dixit : Confiteor tibi Pater, Domine cæli et terræ, quod abscondisti hæc a sapientibus et prudentibus, et revelasti ea parvulis. Etiam Pater : quoniam sic placuit ante te.",
      "citation": "Luke 10:21 (Clementine Vulgate)"
    },
    {
      "verse": 22,
      "text": "Omnia mihi tradita sunt a Patre meo. Et nemo scit quis sit Filius, nisi Pater : et quis sit Pater, nisi Filius, et cui voluerit Filius revelare.",
      "citation": "Luke 10:22 (Clementine Vulgate)"
    },
    {
      "verse": 23,
      "text": "Et conversus ad discipulos suos, dixit : Beati oculi qui vident quæ vos videtis.",
      "citation": "Luke 10:23 (Clementine Vulgate)"
    },
    {
      "verse": 24,
      "text": "Dico enim vobis quod multi prophetæ et reges voluerunt videre quæ vos videtis, et non viderunt : et audire quæ auditis, et non audierunt.",
      "citation": "Luke 10:24 (Clementine Vulgate)"
    },
    {
      "verse": 25,
      "text": "Et ecce quidam legisperitus surrexit tentans illum, et dicens : Magister, quid faciendo vitam æternam possidebo ?",
      "citation": "Luke 10:25 (Clementine Vulgate)"
    },
    {
      "verse": 26,
      "text": "At ille dixit ad eum : In lege quid scriptum est ? quomodo legis ?",
      "citation": "Luke 10:26 (Clementine Vulgate)"
    },
    {
      "verse": 27,
      "text": "Ille respondens dixit : Diliges Dominum Deum tuum ex toto corde tuo, et ex tota anima tua, et ex omnibus virtutibus tuis, et ex omni mente tua : et proximum tuum sicut teipsum.",
      "citation": "Luke 10:27 (Clementine Vulgate)"
    },
    {
      "verse": 28,
      "text": "Dixitque illi : Recte respondisti : hoc fac, et vives.",
      "citation": "Luke 10:28 (Clementine Vulgate)"
    },
    {
      "verse": 29,
      "text": "Ille autem volens justificare seipsum, dixit ad Jesum : Et quis est meus proximus ?",
      "citation": "Luke 10:29 (Clementine Vulgate)"
    },
    {
      "verse": 30,
      "text": "Suscipiens autem Jesus, dixit : Homo quidam descendebat ab Jerusalem in Jericho, et incidit in latrones, qui etiam despoliaverunt eum : et plagis impositis abierunt semivivo relicto.",
      "citation": "Luke 10:30 (Clementine Vulgate)"
    },
    {
      "verse": 31,
      "text": "Accidit autem ut sacerdos quidam descenderet eadem via : et viso illo præterivit.",
      "citation": "Luke 10:31 (Clementine Vulgate)"
    },
    {
      "verse": 32,
      "text": "Similiter et Levita, cum esset secus locum, et videret eum, pertransiit.",
      "citation": "Luke 10:32 (Clementine Vulgate)"
    },
    {
      "verse": 33,
      "text": "Samaritanus autem quidam iter faciens, venit secus eum : et videns eum, misericordia motus est.",
      "citation": "Luke 10:33 (Clementine Vulgate)"
    },
    {
      "verse": 34,
      "text": "Et appropians alligavit vulnera ejus, infundens oleum et vinum : et imponens illum in jumentum suum, duxit in stabulum, et curam ejus egit.",
      "citation": "Luke 10:34 (Clementine Vulgate)"
    },
    {
      "verse": 35,
      "text": "Et altera die protulit duos denarios, et dedit stabulario, et ait : Curam illius habe : et quodcumque supererogaveris, ego cum rediero reddam tibi.",
      "citation": "Luke 10:35 (Clementine Vulgate)"
    },
    {
      "verse": 36,
      "text": "Quis horum trium videtur tibi proximus fuisse illi, qui incidit in latrones ?",
      "citation": "Luke 10:36 (Clementine Vulgate)"
    },
    {
      "verse": 37,
      "text": "At ille dixit : Qui fecit misericordiam in illum. Et ait illi Jesus : Vade, et tu fac similiter.",
      "citation": "Luke 10:37 (Clementine Vulgate)"
    },
    {
      "verse": 38,
      "text": "Factum est autem, dum irent, et ipse intravit in quoddam castellum : et mulier quædam, Martha nomine, excepit illum in domum suam,",
      "citation": "Luke 10:38 (Clementine Vulgate)"
    },
    {
      "verse": 39,
      "text": "et huic erat soror nomine Maria, quæ etiam sedens secus pedes Domini, audiebat verbum illius.",
      "citation": "Luke 10:39 (Clementine Vulgate)"
    },
    {
      "verse": 40,
      "text": "Martha autem satagebat circa frequens ministerium : quæ stetit, et ait : Domine, non est tibi curæ quod soror mea reliquit me solam ministrare ? dic ergo illi ut me adjuvet.",
      "citation": "Luke 10:40 (Clementine Vulgate)"
    },
    {
      "verse": 41,
      "text": "Et respondens dixit illi Dominus : Martha, Martha, sollicita es, et turbaris erga plurima,",
      "citation": "Luke 10:41 (Clementine Vulgate)"
    },
    {
      "verse": 42,
      "text": "porro unum est necessarium. Maria optimam partem elegit, quæ non auferetur ab ea.",
      "citation": "Luke 10:42 (Clementine Vulgate)"
    }
  ]
}