{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Luke, Chapter 11 — 54 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Luke",
      "slug": "luke",
      "testament": "NT",
      "order": 49,
      "totalChapters": 24
    },
    "chapter": 11,
    "verseCount": 54,
    "navigation": {
      "htmlUrl": "https://latinprayer.org/latin/luke/11/",
      "bookIndex": "https://latinprayer.org/latin/luke/index.json",
      "bookHtmlUrl": "https://latinprayer.org/latin/luke/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/luke/10.json",
      "previousChapterHtmlUrl": "https://latinprayer.org/latin/luke/10/",
      "nextChapter": "https://latinprayer.org/latin/luke/12.json",
      "nextChapterHtmlUrl": "https://latinprayer.org/latin/luke/12/"
    },
    "crossReferences": {
      "english": "https://latinprayer.org/bible/luke/11.json",
      "englishHtmlUrl": "https://latinprayer.org/bible/luke/11/",
      "german": "https://latinprayer.org/bibel/luke/11.json",
      "germanHtmlUrl": "https://latinprayer.org/bibel/lukas/11/"
    }
  },
  "citation": "Luke 11 (Clementine Vulgate)",
  "verses": [
    {
      "verse": 1,
      "text": "Et factum est : cum esset in quodam loco orans, ut cessavit, dixit unus ex discipulis ejus ad eum : Domine, doce nos orare, sicut docuit et Joannes discipulos suos.",
      "citation": "Luke 11:1 (Clementine Vulgate)"
    },
    {
      "verse": 2,
      "text": "Et ait illis : Cum oratis, dicite : Pater, sanctificetur nomen tuum. Adveniat regnum tuum.",
      "citation": "Luke 11:2 (Clementine Vulgate)"
    },
    {
      "verse": 3,
      "text": "Panem nostrum quotidianum da nobis hodie.",
      "citation": "Luke 11:3 (Clementine Vulgate)"
    },
    {
      "verse": 4,
      "text": "Et dimitte nobis peccata nostra, siquidem et ipsi dimittimus omni debenti nobis. Et ne nos inducas in tentationem.",
      "citation": "Luke 11:4 (Clementine Vulgate)"
    },
    {
      "verse": 5,
      "text": "Et ait ad illos : Quis vestrum habebit amicum, et ibit ad illum media nocte, et dicet illi : Amice, commoda mihi tres panes,",
      "citation": "Luke 11:5 (Clementine Vulgate)"
    },
    {
      "verse": 6,
      "text": "quoniam amicus meus venit de via ad me, et non habeo quod ponam ante illum,",
      "citation": "Luke 11:6 (Clementine Vulgate)"
    },
    {
      "verse": 7,
      "text": "et ille de intus respondens dicat : Noli mihi molestus esse, jam ostium clausum est, et pueri mei mecum sunt in cubili : non possum surgere, et dare tibi.",
      "citation": "Luke 11:7 (Clementine Vulgate)"
    },
    {
      "verse": 8,
      "text": "Et si ille perseveraverit pulsans : dico vobis, etsi non dabit illi surgens eo quod amicus ejus sit, propter improbitatem tamen ejus surget, et dabit illi quotquot habet necessarios.",
      "citation": "Luke 11:8 (Clementine Vulgate)"
    },
    {
      "verse": 9,
      "text": "Et ego dico vobis : Petite, et dabitur vobis ; quærite, et invenietis ; pulsate, et aperietur vobis.",
      "citation": "Luke 11:9 (Clementine Vulgate)"
    },
    {
      "verse": 10,
      "text": "Omnis enim qui petit, accipit : et qui quærit, invenit : et pulsanti aperietur.",
      "citation": "Luke 11:10 (Clementine Vulgate)"
    },
    {
      "verse": 11,
      "text": "Quis autem ex vobis patrem petit panem, numquid lapidem dabit illi ? aut piscem, numquid pro pisce serpentem dabit illi ?",
      "citation": "Luke 11:11 (Clementine Vulgate)"
    },
    {
      "verse": 12,
      "text": "aut si petierit ovum, numquid porriget illi scorpionem ?",
      "citation": "Luke 11:12 (Clementine Vulgate)"
    },
    {
      "verse": 13,
      "text": "Si ergo vos, cum sitis mali, nostis bona data dare filiis vestris : quanto magis Pater vester de cælo dabit spiritum bonum petentibus se ?",
      "citation": "Luke 11:13 (Clementine Vulgate)"
    },
    {
      "verse": 14,
      "text": "Et erat ejiciens dæmonium, et illud erat mutum. Et cum ejecisset dæmonium, locutus est mutus, et admiratæ sunt turbæ.",
      "citation": "Luke 11:14 (Clementine Vulgate)"
    },
    {
      "verse": 15,
      "text": "Quidam autem ex eis dixerunt : In Beelzebub principe dæmoniorum ejicit dæmonia.",
      "citation": "Luke 11:15 (Clementine Vulgate)"
    },
    {
      "verse": 16,
      "text": "Et alii tentantes, signum de cælo quærebant ab eo.",
      "citation": "Luke 11:16 (Clementine Vulgate)"
    },
    {
      "verse": 17,
      "text": "Ipse autem ut vidit cogitationes eorum, dixit eis : Omne regnum in seipsum divisum desolabitur, et domus supra domum cadet.",
      "citation": "Luke 11:17 (Clementine Vulgate)"
    },
    {
      "verse": 18,
      "text": "Si autem et Satanas in seipsum divisus est, quomodo stabit regnum ejus ? quia dicitis in Beelzebub me ejicere dæmonia.",
      "citation": "Luke 11:18 (Clementine Vulgate)"
    },
    {
      "verse": 19,
      "text": "Si autem ego in Beelzebub ejicio dæmonia : filii vestri in quo ejiciunt ? ideo ipsi judices vestri erunt.",
      "citation": "Luke 11:19 (Clementine Vulgate)"
    },
    {
      "verse": 20,
      "text": "Porro si in digito Dei ejicio dæmonia : profecto pervenit in vos regnum Dei.",
      "citation": "Luke 11:20 (Clementine Vulgate)"
    },
    {
      "verse": 21,
      "text": "Cum fortis armatus custodit atrium suum, in pace sunt ea quæ possidet.",
      "citation": "Luke 11:21 (Clementine Vulgate)"
    },
    {
      "verse": 22,
      "text": "Si autem fortior eo superveniens vicerit eum, universa arma ejus auferet, in quibus confidebat, et spolia ejus distribuet.",
      "citation": "Luke 11:22 (Clementine Vulgate)"
    },
    {
      "verse": 23,
      "text": "Qui non est mecum, contra me est : et qui non colligit mecum, dispergit.",
      "citation": "Luke 11:23 (Clementine Vulgate)"
    },
    {
      "verse": 24,
      "text": "Cum immundus spiritus exierit de homine, ambulat per loca inaquosa, quærens requiem : et non inveniens dicit : Revertar in domum meam unde exivi.",
      "citation": "Luke 11:24 (Clementine Vulgate)"
    },
    {
      "verse": 25,
      "text": "Et cum venerit, invenit eam scopis mundatam, et ornatam.",
      "citation": "Luke 11:25 (Clementine Vulgate)"
    },
    {
      "verse": 26,
      "text": "Tunc vadit, et assumit septem alios spiritus secum, nequiores se, et ingressi habitant ibi. Et fiunt novissima hominis illius pejora prioribus.",
      "citation": "Luke 11:26 (Clementine Vulgate)"
    },
    {
      "verse": 27,
      "text": "Factum est autem, cum hæc diceret : extollens vocem quædam mulier de turba dixit illi : Beatus venter qui te portavit, et ubera quæ suxisti.",
      "citation": "Luke 11:27 (Clementine Vulgate)"
    },
    {
      "verse": 28,
      "text": "At ille dixit : Quinimmo beati, qui audiunt verbum Dei et custodiunt illud.",
      "citation": "Luke 11:28 (Clementine Vulgate)"
    },
    {
      "verse": 29,
      "text": "Turbis autem concurrentibus cœpit dicere : Generatio hæc, generatio nequam est : signum quærit, et signum non dabitur ei, nisi signum Jonæ prophetæ.",
      "citation": "Luke 11:29 (Clementine Vulgate)"
    },
    {
      "verse": 30,
      "text": "Nam sicut fuit Jonas signum Ninivitis, ita erit et Filius hominis generationi isti.",
      "citation": "Luke 11:30 (Clementine Vulgate)"
    },
    {
      "verse": 31,
      "text": "Regina austri surget in judicio cum viris generationis hujus, et condemnabit illos : quia venit a finibus terræ audire sapientiam Salomonis : et ecce plus quam Salomon hic.",
      "citation": "Luke 11:31 (Clementine Vulgate)"
    },
    {
      "verse": 32,
      "text": "Viri Ninivitæ surgent in judicio cum generatione hac, et condemnabunt illam : quia pœnitentiam egerunt ad prædicationem Jonæ, et ecce plus quam Jonas hic.",
      "citation": "Luke 11:32 (Clementine Vulgate)"
    },
    {
      "verse": 33,
      "text": "Nemo lucernam accendit, et in abscondito ponit, neque sub modio : sed supra candelabrum, ut qui ingrediuntur, lumen videant.",
      "citation": "Luke 11:33 (Clementine Vulgate)"
    },
    {
      "verse": 34,
      "text": "Lucerna corporis tui est oculus tuus. Si oculus tuus fuerit simplex, totum corpus tuum lucidum erit : si autem nequam fuerit, etiam corpus tuum tenebrosum erit.",
      "citation": "Luke 11:34 (Clementine Vulgate)"
    },
    {
      "verse": 35,
      "text": "Vide ergo ne lumen quod in te est, tenebræ sint.",
      "citation": "Luke 11:35 (Clementine Vulgate)"
    },
    {
      "verse": 36,
      "text": "Si ergo corpus tuum totum lucidum fuerit, non habens aliquam partem tenebrarum, erit lucidum totum, et sicut lucerna fulgoris illuminabit te.",
      "citation": "Luke 11:36 (Clementine Vulgate)"
    },
    {
      "verse": 37,
      "text": "Et cum loqueretur, rogavit illum quidam pharisæus ut pranderet apud se. Et ingressus recubuit.",
      "citation": "Luke 11:37 (Clementine Vulgate)"
    },
    {
      "verse": 38,
      "text": "Pharisæus autem cœpit intra se reputans dicere, quare non baptizatus esset ante prandium.",
      "citation": "Luke 11:38 (Clementine Vulgate)"
    },
    {
      "verse": 39,
      "text": "Et ait Dominus ad illum : Nunc vos pharisæi, quod deforis est calicis et catini, mundatis : quod autem intus est vestrum, plenum est rapina et iniquitate.",
      "citation": "Luke 11:39 (Clementine Vulgate)"
    },
    {
      "verse": 40,
      "text": "Stulti ! nonne qui fecit quod deforis est, etiam id quod deintus est fecit ?",
      "citation": "Luke 11:40 (Clementine Vulgate)"
    },
    {
      "verse": 41,
      "text": "Verumtamen quod superest, date eleemosynam : et ecce omnia munda sunt vobis.",
      "citation": "Luke 11:41 (Clementine Vulgate)"
    },
    {
      "verse": 42,
      "text": "Sed væ vobis, pharisæis, quia decimatis mentham, et rutam, et omne olus, et præteritis judicium et caritatem Dei : hæc autem oportuit facere, et illa non omittere.",
      "citation": "Luke 11:42 (Clementine Vulgate)"
    },
    {
      "verse": 43,
      "text": "Væ vobis, pharisæis, quia diligitis primas cathedras in synagogis, et salutationes in foro.",
      "citation": "Luke 11:43 (Clementine Vulgate)"
    },
    {
      "verse": 44,
      "text": "Væ vobis, quia estis ut monumenta, quæ non apparent, et homines ambulantes supra, nesciunt.",
      "citation": "Luke 11:44 (Clementine Vulgate)"
    },
    {
      "verse": 45,
      "text": "Respondens autem quidam ex legisperitis, ait illi : Magister, hæc dicens etiam contumeliam nobis facis.",
      "citation": "Luke 11:45 (Clementine Vulgate)"
    },
    {
      "verse": 46,
      "text": "At ille ait : Et vobis legisperitis væ : quia oneratis homines oneribus, quæ portare non possunt, et ipsi uno digito vestro non tangitis sarcinas.",
      "citation": "Luke 11:46 (Clementine Vulgate)"
    },
    {
      "verse": 47,
      "text": "Væ vobis, qui ædificatis monumenta prophetarum : patres autem vestri occiderunt illos.",
      "citation": "Luke 11:47 (Clementine Vulgate)"
    },
    {
      "verse": 48,
      "text": "Profecto testificamini quod consentitis operibus patrum vestrorum : quoniam ipsi quidem eos occiderunt, vos autem ædificatis eorum sepulchra.",
      "citation": "Luke 11:48 (Clementine Vulgate)"
    },
    {
      "verse": 49,
      "text": "Propterea et sapientia Dei dixit : Mittam ad illos prophetas, et apostolos, et ex illis occident, et persequentur :",
      "citation": "Luke 11:49 (Clementine Vulgate)"
    },
    {
      "verse": 50,
      "text": "ut inquiratur sanguis omnium prophetarum, qui effusus est a constitutione mundi a generatione ista,",
      "citation": "Luke 11:50 (Clementine Vulgate)"
    },
    {
      "verse": 51,
      "text": "a sanguine Abel, usque ad sanguinem Zachariæ, qui periit inter altare et ædem. Ita dico vobis, requiretur ab hac generatione.",
      "citation": "Luke 11:51 (Clementine Vulgate)"
    },
    {
      "verse": 52,
      "text": "Væ vobis, legisperitis, quia tulistis clavem scientiæ : ipsi non introistis, et eos qui introibant, prohibuistis.",
      "citation": "Luke 11:52 (Clementine Vulgate)"
    },
    {
      "verse": 53,
      "text": "Cum autem hæc ad illos diceret, cœperunt pharisæi et legisperiti graviter insistere, et os ejus opprimere de multis,",
      "citation": "Luke 11:53 (Clementine Vulgate)"
    },
    {
      "verse": 54,
      "text": "insidiantes ei, et quærentes aliquid capere de ore ejus, ut accusarent eum.",
      "citation": "Luke 11:54 (Clementine Vulgate)"
    }
  ]
}