{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Luke, Chapter 6 — 49 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Luke",
      "slug": "luke",
      "testament": "NT",
      "order": 49,
      "totalChapters": 24
    },
    "chapter": 6,
    "verseCount": 49,
    "navigation": {
      "htmlUrl": "https://latinprayer.org/latin/luke/6/",
      "bookIndex": "https://latinprayer.org/latin/luke/index.json",
      "bookHtmlUrl": "https://latinprayer.org/latin/luke/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/luke/5.json",
      "previousChapterHtmlUrl": "https://latinprayer.org/latin/luke/5/",
      "nextChapter": "https://latinprayer.org/latin/luke/7.json",
      "nextChapterHtmlUrl": "https://latinprayer.org/latin/luke/7/"
    },
    "crossReferences": {
      "english": "https://latinprayer.org/bible/luke/6.json",
      "englishHtmlUrl": "https://latinprayer.org/bible/luke/6/",
      "german": "https://latinprayer.org/bibel/luke/6.json",
      "germanHtmlUrl": "https://latinprayer.org/bibel/lukas/6/"
    }
  },
  "citation": "Luke 6 (Clementine Vulgate)",
  "verses": [
    {
      "verse": 1,
      "text": "Factum est autem in sabbato secundo, primo, cum transiret per sata, vellebant discipuli ejus spicas, et manducabant confricantes manibus.",
      "citation": "Luke 6:1 (Clementine Vulgate)"
    },
    {
      "verse": 2,
      "text": "Quidam autem pharisæorum, dicebant illis : Quid facitis quod non licet in sabbatis ?",
      "citation": "Luke 6:2 (Clementine Vulgate)"
    },
    {
      "verse": 3,
      "text": "Et respondens Jesus ad eos, dixit : Nec hoc legistis quod fecit David, cum esurisset ipse, et qui cum illo erant ?",
      "citation": "Luke 6:3 (Clementine Vulgate)"
    },
    {
      "verse": 4,
      "text": "quomodo intravit in domum Dei, et panes propositionis sumpsit, et manducavit, et dedit his qui cum ipso erant : quos non licet manducare nisi tantum sacerdotibus ?",
      "citation": "Luke 6:4 (Clementine Vulgate)"
    },
    {
      "verse": 5,
      "text": "Et dicebat illis : Quia dominus est Filius hominis etiam sabbati.",
      "citation": "Luke 6:5 (Clementine Vulgate)"
    },
    {
      "verse": 6,
      "text": "Factum est autem in alio sabbato, ut intraret in synagogam, et doceret. Et erat ibi homo, et manus ejus dextra erat arida.",
      "citation": "Luke 6:6 (Clementine Vulgate)"
    },
    {
      "verse": 7,
      "text": "Observabant autem scribæ et pharisæi si in sabbato curaret, ut invenirent unde accusarent eum.",
      "citation": "Luke 6:7 (Clementine Vulgate)"
    },
    {
      "verse": 8,
      "text": "Ipse vero sciebat cogitationes eorum : et ait homini qui habebat manum aridam : Surge, et sta in medium. Et surgens stetit.",
      "citation": "Luke 6:8 (Clementine Vulgate)"
    },
    {
      "verse": 9,
      "text": "Ait autem ad illos Jesus : Interrogo vos si licet sabbatis benefacere, an male : animam salvam facere, an perdere ?",
      "citation": "Luke 6:9 (Clementine Vulgate)"
    },
    {
      "verse": 10,
      "text": "Et circumspectis omnibus dixit homini : Extende manum tuam. Et extendit : et restituta est manus ejus.",
      "citation": "Luke 6:10 (Clementine Vulgate)"
    },
    {
      "verse": 11,
      "text": "Ipsi autem repleti sunt insipientia, et colloquebantur ad invicem, quidnam facerent Jesu.",
      "citation": "Luke 6:11 (Clementine Vulgate)"
    },
    {
      "verse": 12,
      "text": "Factum est autem in illis diebus, exiit in montem orare, et erat pernoctans in oratione Dei.",
      "citation": "Luke 6:12 (Clementine Vulgate)"
    },
    {
      "verse": 13,
      "text": "Et cum dies factus esset, vocavit discipulos suos : et elegit duodecim ex ipsis (quos et apostolos nominavit) :",
      "citation": "Luke 6:13 (Clementine Vulgate)"
    },
    {
      "verse": 14,
      "text": "Simonem, quem cognominavit Petrum, et Andream fratrem ejus, Jacobum, et Joannem, Philippum, et Bartholomæum,",
      "citation": "Luke 6:14 (Clementine Vulgate)"
    },
    {
      "verse": 15,
      "text": "Matthæum, et Thomam, Jacobum Alphæi, et Simonem, qui vocatur Zelotes,",
      "citation": "Luke 6:15 (Clementine Vulgate)"
    },
    {
      "verse": 16,
      "text": "et Judam Jacobi, et Judam Iscariotem, qui fuit proditor.",
      "citation": "Luke 6:16 (Clementine Vulgate)"
    },
    {
      "verse": 17,
      "text": "Et descendens cum illis, stetit in loco campestri, et turba discipulorum ejus, et multitudo copiosa plebis ab omni Judæa, et Jerusalem, et maritima, et Tyri, et Sidonis,",
      "citation": "Luke 6:17 (Clementine Vulgate)"
    },
    {
      "verse": 18,
      "text": "qui venerant ut audirent eum, et sanarentur a languoribus suis. Et qui vexabantur a spiritibus immundis, curabantur.",
      "citation": "Luke 6:18 (Clementine Vulgate)"
    },
    {
      "verse": 19,
      "text": "Et omnis turba quærebat eum tangere : quia virtus de illo exibat, et sanabat omnes.",
      "citation": "Luke 6:19 (Clementine Vulgate)"
    },
    {
      "verse": 20,
      "text": "Et ipse elevatis oculis in discipulis suis, dicebat : Beati pauperes, quia vestrum est regnum Dei.",
      "citation": "Luke 6:20 (Clementine Vulgate)"
    },
    {
      "verse": 21,
      "text": "Beati qui nunc esuritis, quia saturabimini. Beati qui nunc fletis, quia ridebitis.",
      "citation": "Luke 6:21 (Clementine Vulgate)"
    },
    {
      "verse": 22,
      "text": "Beati eritis cum vos oderint homines, et cum separaverint vos, et exprobraverint, et ejicerint nomen vestrum tamquam malum propter Filium hominis.",
      "citation": "Luke 6:22 (Clementine Vulgate)"
    },
    {
      "verse": 23,
      "text": "Gaudete in illa die, et exsultate : ecce enim merces vestra multa est in cælo : secundum hæc enim faciebant prophetis patres eorum.",
      "citation": "Luke 6:23 (Clementine Vulgate)"
    },
    {
      "verse": 24,
      "text": "Verumtamen væ vobis divitibus, quia habetis consolationem vestram.",
      "citation": "Luke 6:24 (Clementine Vulgate)"
    },
    {
      "verse": 25,
      "text": "Væ vobis, qui saturati estis : quia esurietis. Væ vobis, qui ridetis nunc : quia lugebitis et flebitis.",
      "citation": "Luke 6:25 (Clementine Vulgate)"
    },
    {
      "verse": 26,
      "text": "Væ cum benedixerint vobis homines : secundum hæc enim faciebant pseudoprophetis patres eorum.",
      "citation": "Luke 6:26 (Clementine Vulgate)"
    },
    {
      "verse": 27,
      "text": "Sed vobis dico, qui auditis : diligite inimicos vestros, benefacite his qui oderunt vos.",
      "citation": "Luke 6:27 (Clementine Vulgate)"
    },
    {
      "verse": 28,
      "text": "Benedicite maledicentibus vobis, et orate pro calumniantibus vos.",
      "citation": "Luke 6:28 (Clementine Vulgate)"
    },
    {
      "verse": 29,
      "text": "Et qui te percutit in maxillam, præbe et alteram. Et ab eo qui aufert tibi vestimentum, etiam tunicam noli prohibere.",
      "citation": "Luke 6:29 (Clementine Vulgate)"
    },
    {
      "verse": 30,
      "text": "Omni autem petenti te, tribue : et qui aufert quæ tua sunt, ne repetas.",
      "citation": "Luke 6:30 (Clementine Vulgate)"
    },
    {
      "verse": 31,
      "text": "Et prout vultis ut faciant vobis homines, et vos facite illis similiter.",
      "citation": "Luke 6:31 (Clementine Vulgate)"
    },
    {
      "verse": 32,
      "text": "Et si diligitis eos qui vos diligunt, quæ vobis est gratia ? nam et peccatores diligentes se diligunt.",
      "citation": "Luke 6:32 (Clementine Vulgate)"
    },
    {
      "verse": 33,
      "text": "Et si benefeceritis his qui vobis benefaciunt, quæ vobis est gratia ? siquidem et peccatores hoc faciunt.",
      "citation": "Luke 6:33 (Clementine Vulgate)"
    },
    {
      "verse": 34,
      "text": "Et si mutuum dederitis his a quibus speratis recipere, quæ gratia est vobis ? nam et peccatores peccatoribus fœnerantur, ut recipiant æqualia.",
      "citation": "Luke 6:34 (Clementine Vulgate)"
    },
    {
      "verse": 35,
      "text": "Verumtamen diligite inimicos vestros : benefacite, et mutuum date, nihil inde sperantes : et erit merces vestra multa, et eritis filii Altissimi, quia ipse benignus est super ingratos et malos.",
      "citation": "Luke 6:35 (Clementine Vulgate)"
    },
    {
      "verse": 36,
      "text": "Estote ergo misericordes sicut et Pater vester misericors est.",
      "citation": "Luke 6:36 (Clementine Vulgate)"
    },
    {
      "verse": 37,
      "text": "Nolite judicare, et non judicabimini : nolite condemnare, et non condemnabimini. Dimittite, et dimittemini.",
      "citation": "Luke 6:37 (Clementine Vulgate)"
    },
    {
      "verse": 38,
      "text": "Date, et dabitur vobis : mensuram bonam, et confertam, et coagitatam, et supereffluentem dabunt in sinum vestrum. Eadem quippe mensura, qua mensi fueritis, remetietur vobis.",
      "citation": "Luke 6:38 (Clementine Vulgate)"
    },
    {
      "verse": 39,
      "text": "Dicebat autem illis et similitudinem : Numquid potest cæcus cæcum ducere ? nonne ambo in foveam cadunt ?",
      "citation": "Luke 6:39 (Clementine Vulgate)"
    },
    {
      "verse": 40,
      "text": "Non est discipulus super magistrum : perfectus autem omnis erit, si sit sicut magister ejus.",
      "citation": "Luke 6:40 (Clementine Vulgate)"
    },
    {
      "verse": 41,
      "text": "Quid autem vides festucam in oculo fratris tui, trabem autem, quæ in oculo tuo est, non consideras ?",
      "citation": "Luke 6:41 (Clementine Vulgate)"
    },
    {
      "verse": 42,
      "text": "aut quomodo potes dicere fratri tuo : Frater, sine ejiciam festucam de oculo tuo : ipse in oculo tuo trabem non videns ? Hypocrita, ejice primum trabem de oculo tuo : et tunc perspicies ut educas festucam de oculo fratris tui.",
      "citation": "Luke 6:42 (Clementine Vulgate)"
    },
    {
      "verse": 43,
      "text": "Non est enim arbor bona, quæ facit fructus malos : neque arbor mala, faciens fructum bonum.",
      "citation": "Luke 6:43 (Clementine Vulgate)"
    },
    {
      "verse": 44,
      "text": "Unaquæque enim arbor de fructu suo cognoscitur. Neque enim de spinis colligunt ficus : neque de rubo vindemiant uvam.",
      "citation": "Luke 6:44 (Clementine Vulgate)"
    },
    {
      "verse": 45,
      "text": "Bonus homo de bono thesauro cordis sui profert bonum : et malus homo de malo thesauro profert malum. Ex abundantia enim cordis os loquitur.",
      "citation": "Luke 6:45 (Clementine Vulgate)"
    },
    {
      "verse": 46,
      "text": "Quid autem vocatis me Domine, Domine : et non facitis quæ dico ?",
      "citation": "Luke 6:46 (Clementine Vulgate)"
    },
    {
      "verse": 47,
      "text": "Omnis qui venit ad me, et audit sermones meos, et facit eos, ostendam vobis cui similis sit :",
      "citation": "Luke 6:47 (Clementine Vulgate)"
    },
    {
      "verse": 48,
      "text": "similis est homini ædificanti domum, qui fodit in altum, et posuit fundamentum super petram : inundatione autem facta, illisum est flumen domui illi, et non potuit eam movere : fundata enim erat super petram.",
      "citation": "Luke 6:48 (Clementine Vulgate)"
    },
    {
      "verse": 49,
      "text": "Qui autem audit, et non facit, similis est homini ædificanti domum suam super terram sine fundamento : in quam illisus est fluvius, et continuo cecidit : et facta est ruina domus illius magna.",
      "citation": "Luke 6:49 (Clementine Vulgate)"
    }
  ]
}