{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Luke, Chapter 9 — 62 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Luke",
      "slug": "luke",
      "testament": "NT",
      "order": 49,
      "totalChapters": 24
    },
    "chapter": 9,
    "verseCount": 62,
    "navigation": {
      "htmlUrl": "https://latinprayer.org/latin/luke/9/",
      "bookIndex": "https://latinprayer.org/latin/luke/index.json",
      "bookHtmlUrl": "https://latinprayer.org/latin/luke/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/luke/8.json",
      "previousChapterHtmlUrl": "https://latinprayer.org/latin/luke/8/",
      "nextChapter": "https://latinprayer.org/latin/luke/10.json",
      "nextChapterHtmlUrl": "https://latinprayer.org/latin/luke/10/"
    },
    "crossReferences": {
      "english": "https://latinprayer.org/bible/luke/9.json",
      "englishHtmlUrl": "https://latinprayer.org/bible/luke/9/",
      "german": "https://latinprayer.org/bibel/luke/9.json",
      "germanHtmlUrl": "https://latinprayer.org/bibel/lukas/9/"
    }
  },
  "citation": "Luke 9 (Clementine Vulgate)",
  "verses": [
    {
      "verse": 1,
      "text": "Convocatis autem duodecim Apostolis, dedit illis virtutem et potestatem super omnia dæmonia, et ut languores curarent.",
      "citation": "Luke 9:1 (Clementine Vulgate)"
    },
    {
      "verse": 2,
      "text": "Et misit illos prædicare regnum Dei, et sanare infirmos.",
      "citation": "Luke 9:2 (Clementine Vulgate)"
    },
    {
      "verse": 3,
      "text": "Et ait ad illos : Nihil tuleritis in via, neque virgam, neque peram, neque panem, neque pecuniam, neque duas tunicas habeatis.",
      "citation": "Luke 9:3 (Clementine Vulgate)"
    },
    {
      "verse": 4,
      "text": "Et in quamcumque domum intraveritis, ibi manete, et inde ne exeatis.",
      "citation": "Luke 9:4 (Clementine Vulgate)"
    },
    {
      "verse": 5,
      "text": "Et quicumque non receperint vos : exeuntes de civitate illa, etiam pulverem pedum vestrorum excutite in testimonium supra illos.",
      "citation": "Luke 9:5 (Clementine Vulgate)"
    },
    {
      "verse": 6,
      "text": "Egressi autem circuibant per castella evangelizantes, et curantes ubique.",
      "citation": "Luke 9:6 (Clementine Vulgate)"
    },
    {
      "verse": 7,
      "text": "Audivit autem Herodes tetrarcha omnia quæ fiebant ab eo, et hæsitabat eo quod diceretur",
      "citation": "Luke 9:7 (Clementine Vulgate)"
    },
    {
      "verse": 8,
      "text": "a quibusdam : Quia Joannes surrexit a mortuis : a quibusdam vero : Quia Elias apparuit : ab aliis autem : Quia propheta unus de antiquis surrexit.",
      "citation": "Luke 9:8 (Clementine Vulgate)"
    },
    {
      "verse": 9,
      "text": "Et ait Herodes : Joannem ego decollavi : quis est autem iste, de quo ego talia audio ? Et quærebat videre eum.",
      "citation": "Luke 9:9 (Clementine Vulgate)"
    },
    {
      "verse": 10,
      "text": "Et reversi Apostoli, narraverunt illi quæcumque fecerunt : et assumptis illis secessit seorsum in locum desertum, qui est Bethsaidæ.",
      "citation": "Luke 9:10 (Clementine Vulgate)"
    },
    {
      "verse": 11,
      "text": "Quod cum cognovissent turbæ, secutæ sunt illum : et excepit eos, et loquebatur illis de regno Dei, et eos, qui cura indigebant, sanabat.",
      "citation": "Luke 9:11 (Clementine Vulgate)"
    },
    {
      "verse": 12,
      "text": "Dies autem cœperat declinare, et accedentes duodecim dixerunt illi : Dimitte turbas, ut euntes in castella villasque quæ circa sunt, divertant, et inveniant escas : quia hic in loco deserto sumus.",
      "citation": "Luke 9:12 (Clementine Vulgate)"
    },
    {
      "verse": 13,
      "text": "Ait autem ad illos : Vos date illis manducare. At illi dixerunt : Non sunt nobis plus quam quinque panes et duo pisces : nisi forte nos eamus, et emamus in omnem hanc turbam escas.",
      "citation": "Luke 9:13 (Clementine Vulgate)"
    },
    {
      "verse": 14,
      "text": "Erant autem fere viri quinque millia. Ait autem ad discipulos suos : Facite illos discumbere per convivia quinquagenos.",
      "citation": "Luke 9:14 (Clementine Vulgate)"
    },
    {
      "verse": 15,
      "text": "Et ita fecerunt : et discumbere fecerunt omnes.",
      "citation": "Luke 9:15 (Clementine Vulgate)"
    },
    {
      "verse": 16,
      "text": "Acceptis autem quinque panibus et duobus piscibus, respexit in cælum, et benedixit illis : et fregit, et distribuit discipulis suis, ut ponerent ante turbas.",
      "citation": "Luke 9:16 (Clementine Vulgate)"
    },
    {
      "verse": 17,
      "text": "Et manducaverunt omnes, et saturati sunt. Et sublatum est quod superfuit illis, fragmentorum cophini duodecim.",
      "citation": "Luke 9:17 (Clementine Vulgate)"
    },
    {
      "verse": 18,
      "text": "Et factum est cum solus esset orans, erant cum illo et discipuli : et interrogavit illos, dicens : Quem me dicunt esse turbæ ?",
      "citation": "Luke 9:18 (Clementine Vulgate)"
    },
    {
      "verse": 19,
      "text": "At illi responderunt, et dixerunt : Joannem Baptistam, alii autem Eliam, alii vero quia unus propheta de prioribus surrexit.",
      "citation": "Luke 9:19 (Clementine Vulgate)"
    },
    {
      "verse": 20,
      "text": "Dixit autem illis : Vos autem quem me esse dicitis ? Respondens Simon Petrus, dixit : Christum Dei.",
      "citation": "Luke 9:20 (Clementine Vulgate)"
    },
    {
      "verse": 21,
      "text": "At ille increpans illos, præcepit ne cui dicerent hoc,",
      "citation": "Luke 9:21 (Clementine Vulgate)"
    },
    {
      "verse": 22,
      "text": "dicens : Quia oportet Filium hominis multa pati, et reprobari a senioribus, et principibus sacerdotum, et scribis, et occidi, et tertia die resurgere.",
      "citation": "Luke 9:22 (Clementine Vulgate)"
    },
    {
      "verse": 23,
      "text": "Dicebat autem ad omnes : Si quis vult post me venire, abneget semetipsum, et tollat crucem suam quotidie, et sequatur me.",
      "citation": "Luke 9:23 (Clementine Vulgate)"
    },
    {
      "verse": 24,
      "text": "Qui enim voluerit animam suam salvam facere, perdet illam : nam qui perdiderit animam suam propter me, salvam faciet illam.",
      "citation": "Luke 9:24 (Clementine Vulgate)"
    },
    {
      "verse": 25,
      "text": "Quid enim proficit homo, si lucretur universum mundum, se autem ipsum perdat, et detrimentum sui faciat ?",
      "citation": "Luke 9:25 (Clementine Vulgate)"
    },
    {
      "verse": 26,
      "text": "Nam qui me erubuerit, et meos sermones : hunc Filius hominis erubescet cum venerit in majestate sua, et Patris, et sanctorum angelorum.",
      "citation": "Luke 9:26 (Clementine Vulgate)"
    },
    {
      "verse": 27,
      "text": "Dico autem vobis vere : sunt aliqui hic stantes, qui non gustabunt mortem donec videant regnum Dei.",
      "citation": "Luke 9:27 (Clementine Vulgate)"
    },
    {
      "verse": 28,
      "text": "Factum est autem post hæc verba fere dies octo, et assumpsit Petrum, et Jacobum, et Joannem, et ascendit in montem ut oraret.",
      "citation": "Luke 9:28 (Clementine Vulgate)"
    },
    {
      "verse": 29,
      "text": "Et facta est, dum oraret, species vultus ejus altera : et vestitus ejus albus et refulgens.",
      "citation": "Luke 9:29 (Clementine Vulgate)"
    },
    {
      "verse": 30,
      "text": "Et ecce duo viri loquebantur cum illo. Erant autem Moyses et Elias,",
      "citation": "Luke 9:30 (Clementine Vulgate)"
    },
    {
      "verse": 31,
      "text": "visi in majestate : et dicebant excessum ejus, quem completurus erat in Jerusalem.",
      "citation": "Luke 9:31 (Clementine Vulgate)"
    },
    {
      "verse": 32,
      "text": "Petrus vero, et qui cum illo erant, gravati erant somno. Et evigilantes viderunt majestatem ejus, et duos viros qui stabant cum illo.",
      "citation": "Luke 9:32 (Clementine Vulgate)"
    },
    {
      "verse": 33,
      "text": "Et factum est cum discederent ab illo, ait Petrus ad Jesum : Præceptor, bonum est nos hic esse : et faciamus tria tabernacula, unum tibi, et unum Moysi, et unum Eliæ : nesciens quid diceret.",
      "citation": "Luke 9:33 (Clementine Vulgate)"
    },
    {
      "verse": 34,
      "text": "Hæc autem illo loquente, facta est nubes, et obumbravit eos : et timuerunt, intrantibus illis in nubem.",
      "citation": "Luke 9:34 (Clementine Vulgate)"
    },
    {
      "verse": 35,
      "text": "Et vox facta est de nube, dicens : Hic est Filius meus dilectus, ipsum audite.",
      "citation": "Luke 9:35 (Clementine Vulgate)"
    },
    {
      "verse": 36,
      "text": "Et dum fieret vox, inventus est Jesus solus. Et ipsi tacuerunt, et nemini dixerunt in illis diebus quidquam ex his quæ viderant.",
      "citation": "Luke 9:36 (Clementine Vulgate)"
    },
    {
      "verse": 37,
      "text": "Factum est autem in sequenti die, descendentibus illis de monte, occurrit illis turba multa.",
      "citation": "Luke 9:37 (Clementine Vulgate)"
    },
    {
      "verse": 38,
      "text": "Et ecce vir de turba exclamavit, dicens : Magister, obsecro te, respice in filium meum quia unicus est mihi :",
      "citation": "Luke 9:38 (Clementine Vulgate)"
    },
    {
      "verse": 39,
      "text": "et ecce spiritus apprehendit eum, et subito clamat, et elidit, et dissipat eum cum spuma, et vix discedit dilanians eum :",
      "citation": "Luke 9:39 (Clementine Vulgate)"
    },
    {
      "verse": 40,
      "text": "et rogavi discipulos tuos ut ejicerent illum, et non potuerunt.",
      "citation": "Luke 9:40 (Clementine Vulgate)"
    },
    {
      "verse": 41,
      "text": "Respondens autem Jesus, dixit : O generatio infidelis, et perversa, usquequo ero apud vos, et patiar vos ? adduc huc filium tuum.",
      "citation": "Luke 9:41 (Clementine Vulgate)"
    },
    {
      "verse": 42,
      "text": "Et cum accederet, elisit illum dæmonium, et dissipavit.",
      "citation": "Luke 9:42 (Clementine Vulgate)"
    },
    {
      "verse": 43,
      "text": "Et increpavit Jesus spiritum immundum, et sanavit puerum, et reddidit illum patri ejus.",
      "citation": "Luke 9:43 (Clementine Vulgate)"
    },
    {
      "verse": 44,
      "text": "Stupebant autem omnes in magnitudine Dei : omnibusque mirantibus in omnibus quæ faciebat, dixit ad discipulos suos : Ponite vos in cordibus vestris sermones istos : Filius enim hominis futurum est ut tradatur in manus hominum.",
      "citation": "Luke 9:44 (Clementine Vulgate)"
    },
    {
      "verse": 45,
      "text": "At illi ignorabant verbum istud, et erat velatum ante eos ut non sentirent illud : et timebant eum interrogare de hoc verbo.",
      "citation": "Luke 9:45 (Clementine Vulgate)"
    },
    {
      "verse": 46,
      "text": "Intravit autem cogitatio in eos quis eorum major esset.",
      "citation": "Luke 9:46 (Clementine Vulgate)"
    },
    {
      "verse": 47,
      "text": "At Jesus videns cogitationes cordis illorum, apprehendit puerum, et statuit illum secus se,",
      "citation": "Luke 9:47 (Clementine Vulgate)"
    },
    {
      "verse": 48,
      "text": "et ait illis : Quicumque susceperit puerum istum in nomine meo, me recipit : et quicumque me receperit, recipit eum qui me misit. Nam qui minor est inter vos omnes, hic major est.",
      "citation": "Luke 9:48 (Clementine Vulgate)"
    },
    {
      "verse": 49,
      "text": "Respondens autem Joannes dixit : Præceptor, vidimus quemdam in nomine tuo ejicientem dæmonia, et prohibuimus eum : quia non sequitur nobiscum.",
      "citation": "Luke 9:49 (Clementine Vulgate)"
    },
    {
      "verse": 50,
      "text": "Et ait ad illum Jesus : Nolite prohibere : qui enim non est adversum vos, pro vobis est.",
      "citation": "Luke 9:50 (Clementine Vulgate)"
    },
    {
      "verse": 51,
      "text": "Factum est autem dum complerentur dies assumptionis ejus, et ipse faciem suam firmavit ut iret in Jerusalem.",
      "citation": "Luke 9:51 (Clementine Vulgate)"
    },
    {
      "verse": 52,
      "text": "Et misit nuntios ante conspectum suum : et euntes intraverunt in civitatem Samaritanorum ut parerent illi.",
      "citation": "Luke 9:52 (Clementine Vulgate)"
    },
    {
      "verse": 53,
      "text": "Et non receperunt eum, quia facies ejus erat euntis in Jerusalem.",
      "citation": "Luke 9:53 (Clementine Vulgate)"
    },
    {
      "verse": 54,
      "text": "Cum vidissent autem discipuli ejus Jacobus et Joannes, dixerunt : Domine, vis dicimus ut ignis descendat de cælo, et consumat illos ?",
      "citation": "Luke 9:54 (Clementine Vulgate)"
    },
    {
      "verse": 55,
      "text": "Et conversus increpavit illos, dicens : Nescitis cujus spiritus estis.",
      "citation": "Luke 9:55 (Clementine Vulgate)"
    },
    {
      "verse": 56,
      "text": "Filius hominis non venit animas perdere, sed salvare. Et abierunt in aliud castellum.",
      "citation": "Luke 9:56 (Clementine Vulgate)"
    },
    {
      "verse": 57,
      "text": "Factum est autem : ambulantibus illis in via, dixit quidam ad illum : Sequar te quocumque ieris.",
      "citation": "Luke 9:57 (Clementine Vulgate)"
    },
    {
      "verse": 58,
      "text": "Dixit illi Jesus : Vulpes foveas habent, et volucres cæli nidos : Filius autem hominis non habet ubi caput reclinet.",
      "citation": "Luke 9:58 (Clementine Vulgate)"
    },
    {
      "verse": 59,
      "text": "Ait autem ad alterum : Sequere me : ille autem dixit : Domine, permitte mihi primum ire, et sepelire patrem meum.",
      "citation": "Luke 9:59 (Clementine Vulgate)"
    },
    {
      "verse": 60,
      "text": "Dixitque ei Jesus : Sine ut mortui sepeliant mortuos suos : tu autem vade, et annuntia regnum Dei.",
      "citation": "Luke 9:60 (Clementine Vulgate)"
    },
    {
      "verse": 61,
      "text": "Et ait alter : Sequar te Domine, sed permitte mihi primum renuntiare his quæ domi sunt.",
      "citation": "Luke 9:61 (Clementine Vulgate)"
    },
    {
      "verse": 62,
      "text": "Ait ad illum Jesus : Nemo mittens manum suam ad aratrum, et respiciens retro, aptus est regno Dei.",
      "citation": "Luke 9:62 (Clementine Vulgate)"
    }
  ]
}