{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Mark, Chapter 13 — 37 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Mark",
      "slug": "mark",
      "testament": "NT",
      "order": 48,
      "totalChapters": 16
    },
    "chapter": 13,
    "verseCount": 37,
    "navigation": {
      "htmlUrl": "https://latinprayer.org/latin/mark/13/",
      "bookIndex": "https://latinprayer.org/latin/mark/index.json",
      "bookHtmlUrl": "https://latinprayer.org/latin/mark/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/mark/12.json",
      "previousChapterHtmlUrl": "https://latinprayer.org/latin/mark/12/",
      "nextChapter": "https://latinprayer.org/latin/mark/14.json",
      "nextChapterHtmlUrl": "https://latinprayer.org/latin/mark/14/"
    },
    "crossReferences": {
      "english": "https://latinprayer.org/bible/mark/13.json",
      "englishHtmlUrl": "https://latinprayer.org/bible/mark/13/",
      "german": "https://latinprayer.org/bibel/mark/13.json",
      "germanHtmlUrl": "https://latinprayer.org/bibel/markus/13/"
    }
  },
  "citation": "Mark 13 (Clementine Vulgate)",
  "verses": [
    {
      "verse": 1,
      "text": "Et cum egrederetur de templo, ait illi unus ex discipulis suis : Magister, aspice quales lapides, et quales structuræ.",
      "citation": "Mark 13:1 (Clementine Vulgate)"
    },
    {
      "verse": 2,
      "text": "Et respondens Jesus, ait illi : Vides has omnes magnas ædificationes ? Non relinquetur lapis super lapidem, qui non destruatur.",
      "citation": "Mark 13:2 (Clementine Vulgate)"
    },
    {
      "verse": 3,
      "text": "Et cum sederet in monte Olivarum contra templum, interrogabant eum separatim Petrus, et Jacobus, et Joannes, et Andreas :",
      "citation": "Mark 13:3 (Clementine Vulgate)"
    },
    {
      "verse": 4,
      "text": "Dic nobis, quando ista fient ? et quod signum erit, quando hæc omnia incipient consummari ?",
      "citation": "Mark 13:4 (Clementine Vulgate)"
    },
    {
      "verse": 5,
      "text": "Et respondens Jesus cœpit dicere illis : Videte ne quis vos seducat :",
      "citation": "Mark 13:5 (Clementine Vulgate)"
    },
    {
      "verse": 6,
      "text": "multi enim venient in nomine meo, dicentes quia ego sum : et multos seducent.",
      "citation": "Mark 13:6 (Clementine Vulgate)"
    },
    {
      "verse": 7,
      "text": "Cum audieritis autem bella, et opiniones bellorum, ne timueritis : oportet enim hæc fieri : sed nondum finis.",
      "citation": "Mark 13:7 (Clementine Vulgate)"
    },
    {
      "verse": 8,
      "text": "Exsurget enim gens contra gentem, et regnum super regnum, et erunt terræmotus per loca, et fames. Initium dolorum hæc.",
      "citation": "Mark 13:8 (Clementine Vulgate)"
    },
    {
      "verse": 9,
      "text": "Videte autem vosmetipsos. Tradent enim vos in consiliis, et in synagogis vapulabitis, et ante præsides et reges stabitis propter me, in testimonium illis.",
      "citation": "Mark 13:9 (Clementine Vulgate)"
    },
    {
      "verse": 10,
      "text": "Et in omnes gentes primum oportet prædicari Evangelium.",
      "citation": "Mark 13:10 (Clementine Vulgate)"
    },
    {
      "verse": 11,
      "text": "Et cum duxerint vos tradentes, nolite præcogitare quid loquamini : sed quod datum vobis fuerit in illa hora, id loquimini : non enim vos estis loquentes, sed Spiritus Sanctus.",
      "citation": "Mark 13:11 (Clementine Vulgate)"
    },
    {
      "verse": 12,
      "text": "Tradet autem frater fratrem in mortem, et pater filium : et consurgent filii in parentes, et morte afficient eos.",
      "citation": "Mark 13:12 (Clementine Vulgate)"
    },
    {
      "verse": 13,
      "text": "Et eritis odio omnibus propter nomen meum. Qui autem sustinuerit in finem, hic salvus erit.",
      "citation": "Mark 13:13 (Clementine Vulgate)"
    },
    {
      "verse": 14,
      "text": "Cum autem videritis abominationem desolationis stantem, ubi non debet, qui legit, intelligat : tunc qui in Judæa sunt, fugiant in montes :",
      "citation": "Mark 13:14 (Clementine Vulgate)"
    },
    {
      "verse": 15,
      "text": "et qui super tectum, ne descendat in domum, nec introëat ut tollat quid de domo sua :",
      "citation": "Mark 13:15 (Clementine Vulgate)"
    },
    {
      "verse": 16,
      "text": "et qui in agro erit, non revertatur retro tollere vestimentum suum.",
      "citation": "Mark 13:16 (Clementine Vulgate)"
    },
    {
      "verse": 17,
      "text": "Væ autem prægnantibus et nutrientibus in illis diebus.",
      "citation": "Mark 13:17 (Clementine Vulgate)"
    },
    {
      "verse": 18,
      "text": "Orate vero ut hieme non fiant.",
      "citation": "Mark 13:18 (Clementine Vulgate)"
    },
    {
      "verse": 19,
      "text": "Erunt enim dies illi tribulationes tales quales non fuerunt ab initio creaturæ, quam condidit Deus usque nunc, neque fient.",
      "citation": "Mark 13:19 (Clementine Vulgate)"
    },
    {
      "verse": 20,
      "text": "Et nisi breviasset Dominus dies, non fuisset salva omnis caro : sed propter electos, quos elegit, breviavit dies.",
      "citation": "Mark 13:20 (Clementine Vulgate)"
    },
    {
      "verse": 21,
      "text": "Et tunc si quis vobis dixerit : Ecce hic est Christus, ecce illic, ne credideritis.",
      "citation": "Mark 13:21 (Clementine Vulgate)"
    },
    {
      "verse": 22,
      "text": "Exsurgent enim pseudochristi et pseudoprophetæ, et dabunt signa et portenta ad seducendos, si fieri potest, etiam electos.",
      "citation": "Mark 13:22 (Clementine Vulgate)"
    },
    {
      "verse": 23,
      "text": "Vos ergo videte : ecce prædixi vobis omnia.",
      "citation": "Mark 13:23 (Clementine Vulgate)"
    },
    {
      "verse": 24,
      "text": "Sed in illis diebus, post tribulationem illam, sol contenebrabitur, et luna non dabit splendorem suum :",
      "citation": "Mark 13:24 (Clementine Vulgate)"
    },
    {
      "verse": 25,
      "text": "et stellæ cæli erunt decidentes, et virtutes, quæ in cælis sunt, movebuntur.",
      "citation": "Mark 13:25 (Clementine Vulgate)"
    },
    {
      "verse": 26,
      "text": "Et tunc videbunt Filium hominis venientem in nubibus cum virtute multa et gloria.",
      "citation": "Mark 13:26 (Clementine Vulgate)"
    },
    {
      "verse": 27,
      "text": "Et tunc mittet angelos suos, et congregabit electos suos a quatuor ventis, a summo terræ usque ad summum cæli.",
      "citation": "Mark 13:27 (Clementine Vulgate)"
    },
    {
      "verse": 28,
      "text": "A ficu autem discite parabolam. Cum jam ramus ejus tener fuerit, et nata fuerint folia, cognoscitis quia in proximo sit æstas :",
      "citation": "Mark 13:28 (Clementine Vulgate)"
    },
    {
      "verse": 29,
      "text": "sic et vos cum videritis hæc fieri, scitote quod in proximo sit, in ostiis.",
      "citation": "Mark 13:29 (Clementine Vulgate)"
    },
    {
      "verse": 30,
      "text": "Amen dico vobis, quoniam non transibit generatio hæc, donec omnia ista fiant.",
      "citation": "Mark 13:30 (Clementine Vulgate)"
    },
    {
      "verse": 31,
      "text": "Cælum et terra transibunt, verba autem mea non transibunt.",
      "citation": "Mark 13:31 (Clementine Vulgate)"
    },
    {
      "verse": 32,
      "text": "De die autem illo vel hora nemo scit, neque angeli in cælo, neque Filius, nisi Pater.",
      "citation": "Mark 13:32 (Clementine Vulgate)"
    },
    {
      "verse": 33,
      "text": "Videte, vigilate, et orate : nescitis enim quando tempus sit.",
      "citation": "Mark 13:33 (Clementine Vulgate)"
    },
    {
      "verse": 34,
      "text": "Sicut homo qui peregre profectus reliquit domum suam, et dedit servis suis potestatem cujusque operis, et janitori præcepit ut vigilet,",
      "citation": "Mark 13:34 (Clementine Vulgate)"
    },
    {
      "verse": 35,
      "text": "vigilate ergo (nescitis enim quando dominus domus veniat : sero, an media nocte, an galli cantu, an mane),",
      "citation": "Mark 13:35 (Clementine Vulgate)"
    },
    {
      "verse": 36,
      "text": "ne, cum venerit repente, inveniat vos dormientes.",
      "citation": "Mark 13:36 (Clementine Vulgate)"
    },
    {
      "verse": 37,
      "text": "Quod autem vobis dico, omnibus dico : Vigilate.",
      "citation": "Mark 13:37 (Clementine Vulgate)"
    }
  ]
}