{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Mark, Chapter 14 — 72 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Mark",
      "slug": "mark",
      "testament": "NT",
      "order": 48,
      "totalChapters": 16
    },
    "chapter": 14,
    "verseCount": 72,
    "navigation": {
      "htmlUrl": "https://latinprayer.org/latin/mark/14/",
      "bookIndex": "https://latinprayer.org/latin/mark/index.json",
      "bookHtmlUrl": "https://latinprayer.org/latin/mark/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/mark/13.json",
      "previousChapterHtmlUrl": "https://latinprayer.org/latin/mark/13/",
      "nextChapter": "https://latinprayer.org/latin/mark/15.json",
      "nextChapterHtmlUrl": "https://latinprayer.org/latin/mark/15/"
    },
    "crossReferences": {
      "english": "https://latinprayer.org/bible/mark/14.json",
      "englishHtmlUrl": "https://latinprayer.org/bible/mark/14/",
      "german": "https://latinprayer.org/bibel/mark/14.json",
      "germanHtmlUrl": "https://latinprayer.org/bibel/markus/14/"
    }
  },
  "citation": "Mark 14 (Clementine Vulgate)",
  "verses": [
    {
      "verse": 1,
      "text": "Erat autem Pascha et azyma post biduum : et quærebant summi sacerdotes et scribæ quomodo eum dolo tenerent, et occiderent.",
      "citation": "Mark 14:1 (Clementine Vulgate)"
    },
    {
      "verse": 2,
      "text": "Dicebant autem : Non in die festo, ne forte tumultus fieret in populo.",
      "citation": "Mark 14:2 (Clementine Vulgate)"
    },
    {
      "verse": 3,
      "text": "Et cum esset Bethaniæ in domo Simonis leprosi, et recumberet, venit mulier habens alabastrum unguenti nardi spicati pretiosi : et fracto alabastro, effudit super caput ejus.",
      "citation": "Mark 14:3 (Clementine Vulgate)"
    },
    {
      "verse": 4,
      "text": "Erant autem quidam indigne ferentes intra semetipsos, et dicentes : Ut quid perditio ista unguenti facta est ?",
      "citation": "Mark 14:4 (Clementine Vulgate)"
    },
    {
      "verse": 5,
      "text": "poterat enim unguentum istud venundari plus quam trecentis denariis, et dari pauperibus. Et fremebant in eam.",
      "citation": "Mark 14:5 (Clementine Vulgate)"
    },
    {
      "verse": 6,
      "text": "Jesus autem dixit : Sinite eam, quid illi molesti estis ? Bonum opus operata est in me :",
      "citation": "Mark 14:6 (Clementine Vulgate)"
    },
    {
      "verse": 7,
      "text": "semper enim pauperes habetis vobiscum : et cum volueritis, potestis illis benefacere : me autem non semper habetis.",
      "citation": "Mark 14:7 (Clementine Vulgate)"
    },
    {
      "verse": 8,
      "text": "Quod habuit hæc, fecit : prævenit ungere corpus meum in sepulturam.",
      "citation": "Mark 14:8 (Clementine Vulgate)"
    },
    {
      "verse": 9,
      "text": "Amen dico vobis : Ubicumque prædicatum fuerit Evangelium istud in universo mundo, et quod fecit hæc, narrabitur in memoriam ejus.",
      "citation": "Mark 14:9 (Clementine Vulgate)"
    },
    {
      "verse": 10,
      "text": "Et Judas Iscariotes, unus de duodecim, abiit ad summos sacerdotes, ut proderet eum illis.",
      "citation": "Mark 14:10 (Clementine Vulgate)"
    },
    {
      "verse": 11,
      "text": "Qui audientes gavisi sunt : et promiserunt ei pecuniam se daturos. Et quærebat quomodo illum opportune traderet.",
      "citation": "Mark 14:11 (Clementine Vulgate)"
    },
    {
      "verse": 12,
      "text": "Et primo die azymorum quando Pascha immolabant, dicunt ei discipuli : Quo vis eamus, et paremus tibi ut manduces Pascha ?",
      "citation": "Mark 14:12 (Clementine Vulgate)"
    },
    {
      "verse": 13,
      "text": "Et mittit duos ex discipulis suis, et dicit eis : Ite in civitatem, et occurret vobis homo lagenam aquæ bajulans : sequimini eum,",
      "citation": "Mark 14:13 (Clementine Vulgate)"
    },
    {
      "verse": 14,
      "text": "et quocumque introierit, dicite domino domus, quia magister dicit : Ubi est refectio mea, ubi Pascha cum discipulis meis manducem ?",
      "citation": "Mark 14:14 (Clementine Vulgate)"
    },
    {
      "verse": 15,
      "text": "Et ipse vobis demonstrabit cœnaculum grande, stratum : et illic parate nobis.",
      "citation": "Mark 14:15 (Clementine Vulgate)"
    },
    {
      "verse": 16,
      "text": "Et abierunt discipuli ejus, et venerunt in civitatem : et invenerunt sicut dixerat illis, et paraverunt Pascha.",
      "citation": "Mark 14:16 (Clementine Vulgate)"
    },
    {
      "verse": 17,
      "text": "Vespere autem facto, venit cum duodecim.",
      "citation": "Mark 14:17 (Clementine Vulgate)"
    },
    {
      "verse": 18,
      "text": "Et discumbentibus eis, et manducantibus, ait Jesus : Amen dico vobis, quia unus ex vobis tradet me, qui manducat mecum.",
      "citation": "Mark 14:18 (Clementine Vulgate)"
    },
    {
      "verse": 19,
      "text": "At illi cœperunt contristari, et dicere ei singulatim : Numquid ego ?",
      "citation": "Mark 14:19 (Clementine Vulgate)"
    },
    {
      "verse": 20,
      "text": "Qui ait illis : Unus ex duodecim, qui intingit mecum manum in catino.",
      "citation": "Mark 14:20 (Clementine Vulgate)"
    },
    {
      "verse": 21,
      "text": "Et Filius quidem hominis vadit sicut scriptum est de eo : væ autem homini illi per quem Filius hominis tradetur ! bonum erat ei, si non esset natus homo ille.",
      "citation": "Mark 14:21 (Clementine Vulgate)"
    },
    {
      "verse": 22,
      "text": "Et manducantibus illis, accepit Jesus panem : et benedicens fregit, et dedit eis, et ait : Sumite, hoc est corpus meum.",
      "citation": "Mark 14:22 (Clementine Vulgate)"
    },
    {
      "verse": 23,
      "text": "Et accepto calice, gratias agens dedit eis : et biberunt ex illo omnes.",
      "citation": "Mark 14:23 (Clementine Vulgate)"
    },
    {
      "verse": 24,
      "text": "Et ait illis : Hic est sanguis meus novi testamenti, qui pro multis effundetur.",
      "citation": "Mark 14:24 (Clementine Vulgate)"
    },
    {
      "verse": 25,
      "text": "Amen dico vobis, quia jam non bibam de hoc genimine vitis usque in diem illum, cum illud bibam novum in regno Dei.",
      "citation": "Mark 14:25 (Clementine Vulgate)"
    },
    {
      "verse": 26,
      "text": "Et hymno dicto exierunt in montem Olivarum.",
      "citation": "Mark 14:26 (Clementine Vulgate)"
    },
    {
      "verse": 27,
      "text": "Et ait eis Jesus : Omnes scandalizabimini in me in nocte ista : quia scriptum est : Percutiam pastorem, et dispergentur oves.",
      "citation": "Mark 14:27 (Clementine Vulgate)"
    },
    {
      "verse": 28,
      "text": "Sed postquam resurrexero, præcedam vos in Galilæam.",
      "citation": "Mark 14:28 (Clementine Vulgate)"
    },
    {
      "verse": 29,
      "text": "Petrus autem ait illi : Et si omnes scandalizati fuerint in te, sed non ego.",
      "citation": "Mark 14:29 (Clementine Vulgate)"
    },
    {
      "verse": 30,
      "text": "Et ait illi Jesus : Amen dico tibi, quia tu hodie in nocte hac, priusquam gallus vocem bis dederit, ter me es negaturus.",
      "citation": "Mark 14:30 (Clementine Vulgate)"
    },
    {
      "verse": 31,
      "text": "At ille amplius loquebatur : Et si oportuerit me simul commori tibi, non te negabo. Similiter autem et omnes dicebant.",
      "citation": "Mark 14:31 (Clementine Vulgate)"
    },
    {
      "verse": 32,
      "text": "Et veniunt in prædium, cui nomen Gethsemani. Et ait discipulis suis : Sedete hic donec orem.",
      "citation": "Mark 14:32 (Clementine Vulgate)"
    },
    {
      "verse": 33,
      "text": "Et assumit Petrum, et Jacobum, et Joannem secum : et cœpit pavere et tædere.",
      "citation": "Mark 14:33 (Clementine Vulgate)"
    },
    {
      "verse": 34,
      "text": "Et ait illis : Tristis est anima mea usque ad mortem : sustinete hic, et vigilate.",
      "citation": "Mark 14:34 (Clementine Vulgate)"
    },
    {
      "verse": 35,
      "text": "Et cum processisset paululum, procidit super terram, et orabat ut, si fieri posset, transiret ab eo hora.",
      "citation": "Mark 14:35 (Clementine Vulgate)"
    },
    {
      "verse": 36,
      "text": "Et dixit : Abba pater, omnia tibi possibilia sunt : transfer calicem hunc a me : sed non quod ego volo, sed quod tu.",
      "citation": "Mark 14:36 (Clementine Vulgate)"
    },
    {
      "verse": 37,
      "text": "Et venit, et invenit eos dormientes. Et ait Petro : Simon, dormis ? non potuisti una hora vigilare ?",
      "citation": "Mark 14:37 (Clementine Vulgate)"
    },
    {
      "verse": 38,
      "text": "vigilate et orate, ut non intretis in tentationem. Spiritus quidem promptus est, caro vero infirma.",
      "citation": "Mark 14:38 (Clementine Vulgate)"
    },
    {
      "verse": 39,
      "text": "Et iterum abiens oravit, eumdem sermonem dicens.",
      "citation": "Mark 14:39 (Clementine Vulgate)"
    },
    {
      "verse": 40,
      "text": "Et reversus, denuo invenit eos dormientes (erant enim oculi eorum gravati), et ignorabant quid responderent ei.",
      "citation": "Mark 14:40 (Clementine Vulgate)"
    },
    {
      "verse": 41,
      "text": "Et venit tertio, et ait illis : Dormite jam, et requiescite. Sufficit : venit hora : ecce Filius hominis tradetur in manus peccatorum.",
      "citation": "Mark 14:41 (Clementine Vulgate)"
    },
    {
      "verse": 42,
      "text": "Surgite, eamus : ecce qui me tradet, prope est.",
      "citation": "Mark 14:42 (Clementine Vulgate)"
    },
    {
      "verse": 43,
      "text": "Et, adhuc eo loquente, venit Judas Iscariotes unus de duodecim, et cum eo turba multa cum gladiis et lignis, a summis sacerdotibus, et scribis, et senioribus.",
      "citation": "Mark 14:43 (Clementine Vulgate)"
    },
    {
      "verse": 44,
      "text": "Dederat autem traditor ejus signum eis, dicens : Quemcumque osculatus fuero, ipse est, tenete eum, et ducite caute.",
      "citation": "Mark 14:44 (Clementine Vulgate)"
    },
    {
      "verse": 45,
      "text": "Et cum venisset, statim accedens ad eum, ait : Ave Rabbi : et osculatus est eum.",
      "citation": "Mark 14:45 (Clementine Vulgate)"
    },
    {
      "verse": 46,
      "text": "At illi manus injecerunt in eum, et tenuerunt eum.",
      "citation": "Mark 14:46 (Clementine Vulgate)"
    },
    {
      "verse": 47,
      "text": "Unus autem quidam de circumstantibus educens gladium, percussit servum summi sacerdotis, et amputavit illi auriculam.",
      "citation": "Mark 14:47 (Clementine Vulgate)"
    },
    {
      "verse": 48,
      "text": "Et respondens Jesus, ait illis : Tamquam ad latronem existis cum gladiis et lignis comprehendere me ?",
      "citation": "Mark 14:48 (Clementine Vulgate)"
    },
    {
      "verse": 49,
      "text": "quotidie eram apud vos in templo docens, et non me tenuistis. Sed ut impleantur Scripturæ.",
      "citation": "Mark 14:49 (Clementine Vulgate)"
    },
    {
      "verse": 50,
      "text": "Tunc discipuli ejus relinquentes eum, omnes fugerunt.",
      "citation": "Mark 14:50 (Clementine Vulgate)"
    },
    {
      "verse": 51,
      "text": "Adolescens autem quidam sequebatur eum amictus sindone super nudo : et tenuerunt eum.",
      "citation": "Mark 14:51 (Clementine Vulgate)"
    },
    {
      "verse": 52,
      "text": "At ille rejecta sindone, nudus profugit ab eis.",
      "citation": "Mark 14:52 (Clementine Vulgate)"
    },
    {
      "verse": 53,
      "text": "Et adduxerunt Jesum ad summum sacerdotem : et convenerunt omnes sacerdotes, et scribæ, et seniores.",
      "citation": "Mark 14:53 (Clementine Vulgate)"
    },
    {
      "verse": 54,
      "text": "Petrus autem a longe secutus est eum usque intro in atrium summi sacerdotis : et sedebat cum ministris ad ignem, et calefaciebat se.",
      "citation": "Mark 14:54 (Clementine Vulgate)"
    },
    {
      "verse": 55,
      "text": "Summi vero sacerdotes et omne concilium quærebant adversus Jesum testimonium ut eum morti traderent : nec inveniebant.",
      "citation": "Mark 14:55 (Clementine Vulgate)"
    },
    {
      "verse": 56,
      "text": "Multi enim testimonium falsum dicebant adversus eum : et convenientia testimonia non erant.",
      "citation": "Mark 14:56 (Clementine Vulgate)"
    },
    {
      "verse": 57,
      "text": "Et quidam surgentes, falsum testimonium ferebant adversus eum, dicentes :",
      "citation": "Mark 14:57 (Clementine Vulgate)"
    },
    {
      "verse": 58,
      "text": "Quoniam nos audivimus eum dicentem : Ego dissolvam templum hoc manu factum, et per triduum aliud non manu factum ædificabo.",
      "citation": "Mark 14:58 (Clementine Vulgate)"
    },
    {
      "verse": 59,
      "text": "Et non erat conveniens testimonium illorum.",
      "citation": "Mark 14:59 (Clementine Vulgate)"
    },
    {
      "verse": 60,
      "text": "Et exsurgens summus sacerdos in medium, interrogavit Jesum, dicens : Non respondes quidquam ad ea quæ tibi objiciuntur ab his ?",
      "citation": "Mark 14:60 (Clementine Vulgate)"
    },
    {
      "verse": 61,
      "text": "Ille autem tacebat, et nihil respondit. Rursum summus sacerdos interrogabat eum, et dixit ei : Tu es Christus Filius Dei benedicti ?",
      "citation": "Mark 14:61 (Clementine Vulgate)"
    },
    {
      "verse": 62,
      "text": "Jesus autem dixit illi : Ego sum : et videbitis Filium hominis sedentem a dextris virtutis Dei, et venientem cum nubibus cæli.",
      "citation": "Mark 14:62 (Clementine Vulgate)"
    },
    {
      "verse": 63,
      "text": "Summus autem sacerdos scindens vestimenta sua, ait : Quid adhuc desideramus testes ?",
      "citation": "Mark 14:63 (Clementine Vulgate)"
    },
    {
      "verse": 64,
      "text": "Audistis blasphemiam : quid vobis videtur ? Qui omnes condemnaverunt eum esse reum mortis.",
      "citation": "Mark 14:64 (Clementine Vulgate)"
    },
    {
      "verse": 65,
      "text": "Et cœperunt quidam conspuere eum, et velare faciem ejus, et colaphis eum cædere, et dicere ei : Prophetiza : et ministri alapis eum cædebant.",
      "citation": "Mark 14:65 (Clementine Vulgate)"
    },
    {
      "verse": 66,
      "text": "Et cum esset Petrus in atrio deorsum, venit una ex ancillis summi sacerdotis :",
      "citation": "Mark 14:66 (Clementine Vulgate)"
    },
    {
      "verse": 67,
      "text": "et cum vidisset Petrum calefacientem se, aspiciens illum, ait : Et tu cum Jesu Nazareno eras.",
      "citation": "Mark 14:67 (Clementine Vulgate)"
    },
    {
      "verse": 68,
      "text": "At ille negavit, dicens : Neque scio, neque novi quid dicas. Et exiit foras ante atrium, et gallus cantavit.",
      "citation": "Mark 14:68 (Clementine Vulgate)"
    },
    {
      "verse": 69,
      "text": "Rursus autem cum vidisset illum ancilla, cœpit dicere circumstantibus : Quia hic ex illis est.",
      "citation": "Mark 14:69 (Clementine Vulgate)"
    },
    {
      "verse": 70,
      "text": "At ille iterum negavit. Et post pusillum rursus qui astabant, dicebant Petro : Vere ex illis es : nam et Galilæus es.",
      "citation": "Mark 14:70 (Clementine Vulgate)"
    },
    {
      "verse": 71,
      "text": "Ille autem cœpit anathematizare et jurare : Quia nescio hominem istum, quem dicitis.",
      "citation": "Mark 14:71 (Clementine Vulgate)"
    },
    {
      "verse": 72,
      "text": "Et statim gallus iterum cantavit. Et recordatus est Petrus verbi quod dixerat ei Jesus : Priusquam gallus cantet bis, ter me negabis. Et cœpit flere.",
      "citation": "Mark 14:72 (Clementine Vulgate)"
    }
  ]
}