{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Mark, Chapter 9 — 49 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Mark",
      "slug": "mark",
      "testament": "NT",
      "order": 48,
      "totalChapters": 16
    },
    "chapter": 9,
    "verseCount": 49,
    "navigation": {
      "htmlUrl": "https://latinprayer.org/latin/mark/9/",
      "bookIndex": "https://latinprayer.org/latin/mark/index.json",
      "bookHtmlUrl": "https://latinprayer.org/latin/mark/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/mark/8.json",
      "previousChapterHtmlUrl": "https://latinprayer.org/latin/mark/8/",
      "nextChapter": "https://latinprayer.org/latin/mark/10.json",
      "nextChapterHtmlUrl": "https://latinprayer.org/latin/mark/10/"
    },
    "crossReferences": {
      "english": "https://latinprayer.org/bible/mark/9.json",
      "englishHtmlUrl": "https://latinprayer.org/bible/mark/9/",
      "german": "https://latinprayer.org/bibel/mark/9.json",
      "germanHtmlUrl": "https://latinprayer.org/bibel/markus/9/"
    }
  },
  "citation": "Mark 9 (Clementine Vulgate)",
  "verses": [
    {
      "verse": 1,
      "text": "Et post dies sex assumit Jesus Petrum, et Jacobum, et Joannem, et ducit illos in montem excelsum seorsum solos, et transfiguratus est coram ipsis.",
      "citation": "Mark 9:1 (Clementine Vulgate)"
    },
    {
      "verse": 2,
      "text": "Et vestimenta ejus facta sunt splendentia, et candida nimis velut nix, qualia fullo non potest super terram candida facere.",
      "citation": "Mark 9:2 (Clementine Vulgate)"
    },
    {
      "verse": 3,
      "text": "Et apparuit illis Elias cum Moyse : et erant loquentes cum Jesu.",
      "citation": "Mark 9:3 (Clementine Vulgate)"
    },
    {
      "verse": 4,
      "text": "Et respondens Petrus, ait Jesu : Rabbi, bonum est nos hic esse : et faciamus tria tabernacula, tibi unum, et Moysi unum, et Eliæ unum.",
      "citation": "Mark 9:4 (Clementine Vulgate)"
    },
    {
      "verse": 5,
      "text": "Non enim sciebat quid diceret : erant enim timore exterriti.",
      "citation": "Mark 9:5 (Clementine Vulgate)"
    },
    {
      "verse": 6,
      "text": "Et facta est nubes obumbrans eos : et venit vox de nube, dicens : Hic est Filius meus carissimus : audite illum.",
      "citation": "Mark 9:6 (Clementine Vulgate)"
    },
    {
      "verse": 7,
      "text": "Et statim circumspicientes, neminem amplius viderunt, nisi Jesum tantum secum.",
      "citation": "Mark 9:7 (Clementine Vulgate)"
    },
    {
      "verse": 8,
      "text": "Et descendentibus illis de monte, præcepit illis ne cuiquam quæ vidissent, narrarent : nisi cum Filius hominis a mortuis resurrexerit.",
      "citation": "Mark 9:8 (Clementine Vulgate)"
    },
    {
      "verse": 9,
      "text": "Et verbum continuerunt apud se : conquirentes quid esset, cum a mortuis resurrexerit.",
      "citation": "Mark 9:9 (Clementine Vulgate)"
    },
    {
      "verse": 10,
      "text": "Et interrogabant eum, dicentes : Quid ergo dicunt pharisæi et scribæ, quia Eliam oportet venire primum ?",
      "citation": "Mark 9:10 (Clementine Vulgate)"
    },
    {
      "verse": 11,
      "text": "Qui respondens, ait illis : Elias cum venerit primo, restituet omnia : et quomodo scriptum est in Filium hominis, ut multa patiatur et contemnatur.",
      "citation": "Mark 9:11 (Clementine Vulgate)"
    },
    {
      "verse": 12,
      "text": "Sed dico vobis quia et Elias venit (et fecerunt illi quæcumque voluerunt) sicut scriptum est de eo.",
      "citation": "Mark 9:12 (Clementine Vulgate)"
    },
    {
      "verse": 13,
      "text": "Et veniens ad discipulos suos, vidit turbam magnam circa eos, et scribas conquirentes cum illis.",
      "citation": "Mark 9:13 (Clementine Vulgate)"
    },
    {
      "verse": 14,
      "text": "Et confestim omnis populus videns Jesum, stupefactus est, et expaverunt, et accurrentes salutabant eum.",
      "citation": "Mark 9:14 (Clementine Vulgate)"
    },
    {
      "verse": 15,
      "text": "Et interrogavit eos : Quid inter vos conquiritis ?",
      "citation": "Mark 9:15 (Clementine Vulgate)"
    },
    {
      "verse": 16,
      "text": "Et respondens unus de turba, dixit : Magister, attuli filium meum ad te habentem spiritum mutum :",
      "citation": "Mark 9:16 (Clementine Vulgate)"
    },
    {
      "verse": 17,
      "text": "qui ubicumque eum apprehenderit, allidit illum, et spumat, et stridet dentibus, et arescit : et dixi discipulis tuis ut ejicerent illum, et non potuerunt.",
      "citation": "Mark 9:17 (Clementine Vulgate)"
    },
    {
      "verse": 18,
      "text": "Qui respondens eis, dixit : O generatio incredula, quamdiu apud vos ero ? quamdiu vos patiar ? afferte illum ad me.",
      "citation": "Mark 9:18 (Clementine Vulgate)"
    },
    {
      "verse": 19,
      "text": "Et attulerunt eum. Et cum vidisset eum, statim spiritus conturbavit illum : et elisus in terram, volutabatur spumans.",
      "citation": "Mark 9:19 (Clementine Vulgate)"
    },
    {
      "verse": 20,
      "text": "Et interrogavit patrem ejus : Quantum temporis est ex quo ei hoc accidit ? At ille ait : Ab infantia :",
      "citation": "Mark 9:20 (Clementine Vulgate)"
    },
    {
      "verse": 21,
      "text": "et frequenter eum in ignem, et in aquas misit ut eum perderet : sed si quid potes, adjuva nos, misertus nostri.",
      "citation": "Mark 9:21 (Clementine Vulgate)"
    },
    {
      "verse": 22,
      "text": "Jesus autem ait illi : Si potes credere, omnia possibilia sunt credenti.",
      "citation": "Mark 9:22 (Clementine Vulgate)"
    },
    {
      "verse": 23,
      "text": "Et continuo exclamans pater pueri, cum lacrimis aiebat : Credo, Domine ; adjuva incredulitatem meam.",
      "citation": "Mark 9:23 (Clementine Vulgate)"
    },
    {
      "verse": 24,
      "text": "Et cum videret Jesus concurrentem turbam, comminatus est spiritui immundo, dicens illi : Surde et mute spiritus, ego præcipio tibi, exi ab eo : et amplius ne introëas in eum.",
      "citation": "Mark 9:24 (Clementine Vulgate)"
    },
    {
      "verse": 25,
      "text": "Et exclamans, et multum discerpens eum, exiit ab eo, et factus est sicut mortuus, ita ut multi dicerent : Quia mortuus est.",
      "citation": "Mark 9:25 (Clementine Vulgate)"
    },
    {
      "verse": 26,
      "text": "Jesus autem tenens manum ejus elevavit eum, et surrexit.",
      "citation": "Mark 9:26 (Clementine Vulgate)"
    },
    {
      "verse": 27,
      "text": "Et cum introisset in domum, discipuli ejus secreto interrogabant eum : Quare nos non potuimus ejicere eum ?",
      "citation": "Mark 9:27 (Clementine Vulgate)"
    },
    {
      "verse": 28,
      "text": "Et dixit illis : Hoc genus in nullo potest exire, nisi in oratione et jejunio.",
      "citation": "Mark 9:28 (Clementine Vulgate)"
    },
    {
      "verse": 29,
      "text": "Et inde profecti prætergrediebantur Galilæam : nec volebat quemquam scire.",
      "citation": "Mark 9:29 (Clementine Vulgate)"
    },
    {
      "verse": 30,
      "text": "Docebat autem discipulos suos, et dicebat illis : Quoniam Filius hominis tradetur in manus hominum, et occident eum, et occisus tertia die resurget.",
      "citation": "Mark 9:30 (Clementine Vulgate)"
    },
    {
      "verse": 31,
      "text": "At illi ignorabant verbum : et timebant interrogare eum.",
      "citation": "Mark 9:31 (Clementine Vulgate)"
    },
    {
      "verse": 32,
      "text": "Et venerunt Capharnaum. Qui cum domi essent, interrogabat eos : Quid in via tractabatis ?",
      "citation": "Mark 9:32 (Clementine Vulgate)"
    },
    {
      "verse": 33,
      "text": "At illi tacebant : siquidem in via inter se disputaverunt : quis eorum major esset.",
      "citation": "Mark 9:33 (Clementine Vulgate)"
    },
    {
      "verse": 34,
      "text": "Et residens vocavit duodecim, et ait illis : Si quis vult primus esse, erit omnium novissimus, et omnium minister.",
      "citation": "Mark 9:34 (Clementine Vulgate)"
    },
    {
      "verse": 35,
      "text": "Et accipiens puerum, statuit eum in medio eorum : quem cum complexus esset, ait illis :",
      "citation": "Mark 9:35 (Clementine Vulgate)"
    },
    {
      "verse": 36,
      "text": "Quisquis unum ex hujusmodi pueris receperit in nomine meo, me recipit : et quicumque me susceperit, non me suscipit, sed eum qui misit me.",
      "citation": "Mark 9:36 (Clementine Vulgate)"
    },
    {
      "verse": 37,
      "text": "Respondit illi Joannes, dicens : Magister, vidimus quemdam in nomine tuo ejicientem dæmonia, qui non sequitur nos, et prohibuimus eum.",
      "citation": "Mark 9:37 (Clementine Vulgate)"
    },
    {
      "verse": 38,
      "text": "Jesus autem ait : Nolite prohibere eum : nemo est enim qui faciat virtutem in nomine meo, et possit cito male loqui de me :",
      "citation": "Mark 9:38 (Clementine Vulgate)"
    },
    {
      "verse": 39,
      "text": "qui enim non est adversum vos, pro vobis est.",
      "citation": "Mark 9:39 (Clementine Vulgate)"
    },
    {
      "verse": 40,
      "text": "Quisquis enim potum dederit vobis calicem aquæ in nomine meo, quia Christi estis : amen dico vobis, non perdet mercedem suam.",
      "citation": "Mark 9:40 (Clementine Vulgate)"
    },
    {
      "verse": 41,
      "text": "Et quisquis scandalizaverit unum ex his pusillis credentibus in me : bonum est ei magis si circumdaretur mola asinaria collo ejus, et in mare mitteretur.",
      "citation": "Mark 9:41 (Clementine Vulgate)"
    },
    {
      "verse": 42,
      "text": "Et si scandalizaverit te manus tua, abscide illam : bonum est tibi debilem introire in vitam, quam duas manus habentem ire in gehennam, in ignem inextinguibilem,",
      "citation": "Mark 9:42 (Clementine Vulgate)"
    },
    {
      "verse": 43,
      "text": "ubi vermis eorum non moritur, et ignis non extinguitur.",
      "citation": "Mark 9:43 (Clementine Vulgate)"
    },
    {
      "verse": 44,
      "text": "Et si pes tuus te scandalizat, amputa illum : bonum est tibi claudum introire in vitam æternam, quam duos pedes habentem mitti in gehennam ignis inextinguibilis,",
      "citation": "Mark 9:44 (Clementine Vulgate)"
    },
    {
      "verse": 45,
      "text": "ubi vermis eorum non moritur, et ignis non extinguitur.",
      "citation": "Mark 9:45 (Clementine Vulgate)"
    },
    {
      "verse": 46,
      "text": "Quod si oculus tuus scandalizat te, ejice eum : bonum est tibi luscum introire in regnum Dei, quam duos oculos habentem mitti in gehennam ignis,",
      "citation": "Mark 9:46 (Clementine Vulgate)"
    },
    {
      "verse": 47,
      "text": "ubi vermis eorum non moritur, et ignis non extinguitur.",
      "citation": "Mark 9:47 (Clementine Vulgate)"
    },
    {
      "verse": 48,
      "text": "Omnis enim igne salietur, et omnis victima sale salietur.",
      "citation": "Mark 9:48 (Clementine Vulgate)"
    },
    {
      "verse": 49,
      "text": "Bonum est sal : quod si sal insulsum fuerit, in quo illud condietis ? Habete in vobis sal, et pacem habete inter vos.",
      "citation": "Mark 9:49 (Clementine Vulgate)"
    }
  ]
}