{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Matthew, Chapter 13 — 58 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Matthew",
      "slug": "matthew",
      "testament": "NT",
      "order": 47,
      "totalChapters": 28
    },
    "chapter": 13,
    "verseCount": 58,
    "navigation": {
      "htmlUrl": "https://latinprayer.org/latin/matthew/13/",
      "bookIndex": "https://latinprayer.org/latin/matthew/index.json",
      "bookHtmlUrl": "https://latinprayer.org/latin/matthew/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/matthew/12.json",
      "previousChapterHtmlUrl": "https://latinprayer.org/latin/matthew/12/",
      "nextChapter": "https://latinprayer.org/latin/matthew/14.json",
      "nextChapterHtmlUrl": "https://latinprayer.org/latin/matthew/14/"
    },
    "crossReferences": {
      "english": "https://latinprayer.org/bible/matthew/13.json",
      "englishHtmlUrl": "https://latinprayer.org/bible/matthew/13/",
      "german": "https://latinprayer.org/bibel/matthew/13.json",
      "germanHtmlUrl": "https://latinprayer.org/bibel/matthaeus/13/"
    }
  },
  "citation": "Matthew 13 (Clementine Vulgate)",
  "verses": [
    {
      "verse": 1,
      "text": "In illo die exiens Jesus de domo, sedebat secus mare.",
      "citation": "Matthew 13:1 (Clementine Vulgate)"
    },
    {
      "verse": 2,
      "text": "Et congregatæ sunt ad eum turbæ multæ, ita ut naviculam ascendens sederet : et omnis turba stabat in littore,",
      "citation": "Matthew 13:2 (Clementine Vulgate)"
    },
    {
      "verse": 3,
      "text": "et locutus est eis multa in parabolis, dicens : Ecce exiit qui seminat, seminare.",
      "citation": "Matthew 13:3 (Clementine Vulgate)"
    },
    {
      "verse": 4,
      "text": "Et dum seminat, quædam ceciderunt secus viam, et venerunt volucres cæli, et comederunt ea.",
      "citation": "Matthew 13:4 (Clementine Vulgate)"
    },
    {
      "verse": 5,
      "text": "Alia autem ceciderunt in petrosa, ubi non habebant terram multam : et continuo exorta sunt, quia non habebant altitudinem terræ :",
      "citation": "Matthew 13:5 (Clementine Vulgate)"
    },
    {
      "verse": 6,
      "text": "sole autem orto æstuaverunt ; et quia non habebant radicem, aruerunt.",
      "citation": "Matthew 13:6 (Clementine Vulgate)"
    },
    {
      "verse": 7,
      "text": "Alia autem ceciderunt in spinas : et creverunt spinæ, et suffocaverunt ea.",
      "citation": "Matthew 13:7 (Clementine Vulgate)"
    },
    {
      "verse": 8,
      "text": "Alia autem ceciderunt in terram bonam : et dabant fructum, aliud centesimum, aliud sexagesimum, aliud trigesimum.",
      "citation": "Matthew 13:8 (Clementine Vulgate)"
    },
    {
      "verse": 9,
      "text": "Qui habet aures audiendi, audiat.",
      "citation": "Matthew 13:9 (Clementine Vulgate)"
    },
    {
      "verse": 10,
      "text": "Et accedentes discipuli dixerunt ei : Quare in parabolis loqueris eis ?",
      "citation": "Matthew 13:10 (Clementine Vulgate)"
    },
    {
      "verse": 11,
      "text": "Qui respondens, ait illis : Quia vobis datum est nosse mysteria regni cælorum : illis autem non est datum.",
      "citation": "Matthew 13:11 (Clementine Vulgate)"
    },
    {
      "verse": 12,
      "text": "Qui enim habet, dabitur ei, et abundabit : qui autem non habet, et quod habet auferetur ab eo.",
      "citation": "Matthew 13:12 (Clementine Vulgate)"
    },
    {
      "verse": 13,
      "text": "Ideo in parabolis loquor eis : quia videntes non vident, et audientes non audiunt, neque intelligunt.",
      "citation": "Matthew 13:13 (Clementine Vulgate)"
    },
    {
      "verse": 14,
      "text": "Et adimpletur in eis prophetia Isaiæ, dicentis : Auditu audietis, et non intelligetis : et videntes videbitis, et non videbitis.",
      "citation": "Matthew 13:14 (Clementine Vulgate)"
    },
    {
      "verse": 15,
      "text": "Incrassatum est enim cor populi hujus, et auribus graviter audierunt, et oculos suos clauserunt : nequando videant oculis, et auribus audiant, et corde intelligant, et convertantur, et sanem eos.",
      "citation": "Matthew 13:15 (Clementine Vulgate)"
    },
    {
      "verse": 16,
      "text": "Vestri autem beati oculi quia vident, et aures vestræ quia audiunt.",
      "citation": "Matthew 13:16 (Clementine Vulgate)"
    },
    {
      "verse": 17,
      "text": "Amen quippe dico vobis, quia multi prophetæ et justi cupierunt videre quæ videtis, et non viderunt : et audire quæ auditis, et non audierunt.",
      "citation": "Matthew 13:17 (Clementine Vulgate)"
    },
    {
      "verse": 18,
      "text": "Vos ergo audite parabolam seminantis.",
      "citation": "Matthew 13:18 (Clementine Vulgate)"
    },
    {
      "verse": 19,
      "text": "Omnis qui audit verbum regni, et non intelligit, venit malus, et rapit quod seminatum est in corde ejus : hic est qui secus viam seminatus est.",
      "citation": "Matthew 13:19 (Clementine Vulgate)"
    },
    {
      "verse": 20,
      "text": "Qui autem super petrosa seminatus est, hic est qui verbum audit, et continuo cum gaudio accipit illud :",
      "citation": "Matthew 13:20 (Clementine Vulgate)"
    },
    {
      "verse": 21,
      "text": "non habet autem in se radicem, sed est temporalis : facta autem tribulatione et persecutione propter verbum, continuo scandalizatur.",
      "citation": "Matthew 13:21 (Clementine Vulgate)"
    },
    {
      "verse": 22,
      "text": "Qui autem seminatus est in spinis, hic est qui verbum audit, et sollicitudo sæculi istius, et fallacia divitiarum suffocat verbum, et sine fructu efficitur.",
      "citation": "Matthew 13:22 (Clementine Vulgate)"
    },
    {
      "verse": 23,
      "text": "Qui vero in terram bonam seminatus est, hic est qui audit verbum, et intelligit, et fructum affert, et facit aliud quidem centesimum, aliud autem sexagesimum, aliud vero trigesimum.",
      "citation": "Matthew 13:23 (Clementine Vulgate)"
    },
    {
      "verse": 24,
      "text": "Aliam parabolam proposuit illis, dicens : Simile factum est regnum cælorum homini, qui seminavit bonum semen in agro suo :",
      "citation": "Matthew 13:24 (Clementine Vulgate)"
    },
    {
      "verse": 25,
      "text": "cum autem dormirent homines, venit inimicus ejus, et superseminavit zizania in medio tritici, et abiit.",
      "citation": "Matthew 13:25 (Clementine Vulgate)"
    },
    {
      "verse": 26,
      "text": "Cum autem crevisset herba, et fructum fecisset, tunc apparuerunt et zizania.",
      "citation": "Matthew 13:26 (Clementine Vulgate)"
    },
    {
      "verse": 27,
      "text": "Accedentes autem servi patrisfamilias, dixerunt ei : Domine, nonne bonum semen seminasti in agro tuo ? unde ergo habet zizania ?",
      "citation": "Matthew 13:27 (Clementine Vulgate)"
    },
    {
      "verse": 28,
      "text": "Et ait illis : Inimicus homo hoc fecit. Servi autem dixerunt ei : Vis, imus, et colligimus ea ?",
      "citation": "Matthew 13:28 (Clementine Vulgate)"
    },
    {
      "verse": 29,
      "text": "Et ait : Non : ne forte colligentes zizania, eradicetis simul cum eis et triticum.",
      "citation": "Matthew 13:29 (Clementine Vulgate)"
    },
    {
      "verse": 30,
      "text": "Sinite utraque crescere usque ad messem, et in tempore messis dicam messoribus : Colligite primum zizania, et alligate ea in fasciculos ad comburendum : triticum autem congregate in horreum meum.",
      "citation": "Matthew 13:30 (Clementine Vulgate)"
    },
    {
      "verse": 31,
      "text": "Aliam parabolam proposuit eis dicens : Simile est regnum cælorum grano sinapis, quod accipiens homo seminavit in agro suo :",
      "citation": "Matthew 13:31 (Clementine Vulgate)"
    },
    {
      "verse": 32,
      "text": "quod minimum quidem est omnibus seminibus : cum autem creverit, majus est omnibus oleribus, et fit arbor, ita ut volucres cæli veniant, et habitent in ramis ejus.",
      "citation": "Matthew 13:32 (Clementine Vulgate)"
    },
    {
      "verse": 33,
      "text": "Aliam parabolam locutus est eis : Simile est regnum cælorum fermento, quod acceptum mulier abscondit in farinæ satis tribus, donec fermentatum est totum.",
      "citation": "Matthew 13:33 (Clementine Vulgate)"
    },
    {
      "verse": 34,
      "text": "Hæc omnia locutus est Jesus in parabolis ad turbas : et sine parabolis non loquebatur eis :",
      "citation": "Matthew 13:34 (Clementine Vulgate)"
    },
    {
      "verse": 35,
      "text": "ut impleretur quod dictum erat per prophetam dicentem : Aperiam in parabolis os meum ; eructabo abscondita a constitutione mundi.",
      "citation": "Matthew 13:35 (Clementine Vulgate)"
    },
    {
      "verse": 36,
      "text": "Tunc, dimissis turbis, venit in domum : et accesserunt ad eum discipuli ejus, dicentes : Edissere nobis parabolam zizaniorum agri.",
      "citation": "Matthew 13:36 (Clementine Vulgate)"
    },
    {
      "verse": 37,
      "text": "Qui respondens ait illis : Qui seminat bonum semen, est Filius hominis.",
      "citation": "Matthew 13:37 (Clementine Vulgate)"
    },
    {
      "verse": 38,
      "text": "Ager autem est mundus. Bonum vero semen, hi sunt filii regni. Zizania autem, filii sunt nequam.",
      "citation": "Matthew 13:38 (Clementine Vulgate)"
    },
    {
      "verse": 39,
      "text": "Inimicus autem, qui seminavit ea, est diabolus. Messis vero, consummatio sæculi est. Messores autem, angeli sunt.",
      "citation": "Matthew 13:39 (Clementine Vulgate)"
    },
    {
      "verse": 40,
      "text": "Sicut ergo colliguntur zizania, et igni comburuntur : sic erit in consummatione sæculi.",
      "citation": "Matthew 13:40 (Clementine Vulgate)"
    },
    {
      "verse": 41,
      "text": "Mittet Filius hominis angelos suos, et colligent de regno ejus omnia scandala, et eos qui faciunt iniquitatem :",
      "citation": "Matthew 13:41 (Clementine Vulgate)"
    },
    {
      "verse": 42,
      "text": "et mittent eos in caminum ignis. Ibi erit fletus et stridor dentium.",
      "citation": "Matthew 13:42 (Clementine Vulgate)"
    },
    {
      "verse": 43,
      "text": "Tunc justi fulgebunt sicut sol in regno Patris eorum. Qui habet aures audiendi, audiat.",
      "citation": "Matthew 13:43 (Clementine Vulgate)"
    },
    {
      "verse": 44,
      "text": "Simile est regnum cælorum thesauro abscondito in agro : quem qui invenit homo, abscondit, et præ gaudio illius vadit, et vendit universa quæ habet, et emit agrum illum.",
      "citation": "Matthew 13:44 (Clementine Vulgate)"
    },
    {
      "verse": 45,
      "text": "Iterum simile est regnum cælorum homini negotiatori, quærenti bonas margaritas.",
      "citation": "Matthew 13:45 (Clementine Vulgate)"
    },
    {
      "verse": 46,
      "text": "Inventa autem una pretiosa margarita, abiit, et vendidit omnia quæ habuit, et emit eam.",
      "citation": "Matthew 13:46 (Clementine Vulgate)"
    },
    {
      "verse": 47,
      "text": "Iterum simile est regnum cælorum sagenæ missæ in mare, et ex omni genere piscium congreganti.",
      "citation": "Matthew 13:47 (Clementine Vulgate)"
    },
    {
      "verse": 48,
      "text": "Quam, cum impleta esset, educentes, et secus littus sedentes, elegerunt bonos in vasa, malos autem foras miserunt.",
      "citation": "Matthew 13:48 (Clementine Vulgate)"
    },
    {
      "verse": 49,
      "text": "Sic erit in consummatione sæculi : exibunt angeli, et separabunt malos de medio justorum,",
      "citation": "Matthew 13:49 (Clementine Vulgate)"
    },
    {
      "verse": 50,
      "text": "et mittent eos in caminum ignis : ibi erit fletus, et stridor dentium.",
      "citation": "Matthew 13:50 (Clementine Vulgate)"
    },
    {
      "verse": 51,
      "text": "Intellexistis hæc omnia ? Dicunt ei : Etiam.",
      "citation": "Matthew 13:51 (Clementine Vulgate)"
    },
    {
      "verse": 52,
      "text": "Ait illis : Ideo omnis scriba doctus in regno cælorum, similis est homini patrifamilias, qui profert de thesauro suo nova et vetera.",
      "citation": "Matthew 13:52 (Clementine Vulgate)"
    },
    {
      "verse": 53,
      "text": "Et factum est, cum consummasset Jesus parabolas istas, transiit inde.",
      "citation": "Matthew 13:53 (Clementine Vulgate)"
    },
    {
      "verse": 54,
      "text": "Et veniens in patriam suam, docebat eos in synagogis eorum, ita ut mirarentur, et dicerent : Unde huic sapientia hæc, et virtutes ?",
      "citation": "Matthew 13:54 (Clementine Vulgate)"
    },
    {
      "verse": 55,
      "text": "Nonne hic est fabri filius ? nonne mater ejus dicitur Maria, et fratres ejus, Jacobus, et Joseph, et Simon, et Judas ?",
      "citation": "Matthew 13:55 (Clementine Vulgate)"
    },
    {
      "verse": 56,
      "text": "et sorores ejus, nonne omnes apud nos sunt ? unde ergo huic omnia ista ?",
      "citation": "Matthew 13:56 (Clementine Vulgate)"
    },
    {
      "verse": 57,
      "text": "Et scandalizabantur in eo. Jesus autem dixit eis : Non est propheta sine honore, nisi in patria sua, et in domo sua.",
      "citation": "Matthew 13:57 (Clementine Vulgate)"
    },
    {
      "verse": 58,
      "text": "Et non fecit ibi virtutes multas propter incredulitatem illorum.",
      "citation": "Matthew 13:58 (Clementine Vulgate)"
    }
  ]
}