{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Matthew, Chapter 21 — 46 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Matthew",
      "slug": "matthew",
      "testament": "NT",
      "order": 47,
      "totalChapters": 28
    },
    "chapter": 21,
    "verseCount": 46,
    "navigation": {
      "htmlUrl": "https://latinprayer.org/latin/matthew/21/",
      "bookIndex": "https://latinprayer.org/latin/matthew/index.json",
      "bookHtmlUrl": "https://latinprayer.org/latin/matthew/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/matthew/20.json",
      "previousChapterHtmlUrl": "https://latinprayer.org/latin/matthew/20/",
      "nextChapter": "https://latinprayer.org/latin/matthew/22.json",
      "nextChapterHtmlUrl": "https://latinprayer.org/latin/matthew/22/"
    },
    "crossReferences": {
      "english": "https://latinprayer.org/bible/matthew/21.json",
      "englishHtmlUrl": "https://latinprayer.org/bible/matthew/21/",
      "german": "https://latinprayer.org/bibel/matthew/21.json",
      "germanHtmlUrl": "https://latinprayer.org/bibel/matthaeus/21/"
    }
  },
  "citation": "Matthew 21 (Clementine Vulgate)",
  "verses": [
    {
      "verse": 1,
      "text": "Et cum appropinquassent Jerosolymis, et venissent Bethphage ad montem Oliveti : tunc Jesus misit duos discipulos,",
      "citation": "Matthew 21:1 (Clementine Vulgate)"
    },
    {
      "verse": 2,
      "text": "dicens eis : Ite in castellum, quod contra vos est, et statim invenietis asinam alligatam, et pullum cum ea : solvite, et adducite mihi :",
      "citation": "Matthew 21:2 (Clementine Vulgate)"
    },
    {
      "verse": 3,
      "text": "et si quis vobis aliquid dixerit, dicite quia Dominus his opus habet : et confestim dimittet eos.",
      "citation": "Matthew 21:3 (Clementine Vulgate)"
    },
    {
      "verse": 4,
      "text": "Hoc autem totum factum est, ut adimpleretur quod dictum est per prophetam dicentem :",
      "citation": "Matthew 21:4 (Clementine Vulgate)"
    },
    {
      "verse": 5,
      "text": "Dicite filiæ Sion : Ecce rex tuus venit tibi mansuetus, sedens super asinam, et pullum filium subjugalis.",
      "citation": "Matthew 21:5 (Clementine Vulgate)"
    },
    {
      "verse": 6,
      "text": "Euntes autem discipuli fecerunt sicut præcepit illis Jesus.",
      "citation": "Matthew 21:6 (Clementine Vulgate)"
    },
    {
      "verse": 7,
      "text": "Et adduxerunt asinam, et pullum : et imposuerunt super eos vestimenta sua, et eum desuper sedere fecerunt.",
      "citation": "Matthew 21:7 (Clementine Vulgate)"
    },
    {
      "verse": 8,
      "text": "Plurima autem turba straverunt vestimenta sua in via : alii autem cædebant ramos de arboribus, et sternebant in via :",
      "citation": "Matthew 21:8 (Clementine Vulgate)"
    },
    {
      "verse": 9,
      "text": "turbæ autem, quæ præcedebant, et quæ sequebantur, clamabant, dicentes : Hosanna filio David : benedictus, qui venit in nomine Domini : hosanna in altissimis.",
      "citation": "Matthew 21:9 (Clementine Vulgate)"
    },
    {
      "verse": 10,
      "text": "Et cum intrasset Jerosolymam, commota est universa civitas, dicens : Quis est hic ?",
      "citation": "Matthew 21:10 (Clementine Vulgate)"
    },
    {
      "verse": 11,
      "text": "Populi autem dicebant : Hic est Jesus propheta a Nazareth Galilææ.",
      "citation": "Matthew 21:11 (Clementine Vulgate)"
    },
    {
      "verse": 12,
      "text": "Et intravit Jesus in templum Dei, et ejiciebat omnes vendentes et ementes in templo, et mensas numulariorum, et cathedras vendentium columbas evertit :",
      "citation": "Matthew 21:12 (Clementine Vulgate)"
    },
    {
      "verse": 13,
      "text": "et dicit eis : Scriptum est : Domus mea domus orationis vocabitur : vos autem fecistis illam speluncam latronum.",
      "citation": "Matthew 21:13 (Clementine Vulgate)"
    },
    {
      "verse": 14,
      "text": "Et accesserunt ad eum cæci, et claudi in templo : et sanavit eos.",
      "citation": "Matthew 21:14 (Clementine Vulgate)"
    },
    {
      "verse": 15,
      "text": "Videntes autem principes sacerdotum et scribæ mirabilia quæ fecit, et pueros clamantes in templo, et dicentes : Hosanna filio David : indignati sunt,",
      "citation": "Matthew 21:15 (Clementine Vulgate)"
    },
    {
      "verse": 16,
      "text": "et dixerunt ei : Audis quid isti dicunt ? Jesus autem dixit eis : Utique. Numquam legistis : Quia ex ore infantium et lactentium perfecisti laudem ?",
      "citation": "Matthew 21:16 (Clementine Vulgate)"
    },
    {
      "verse": 17,
      "text": "Et relictis illis, abiit foras extra civitatem in Bethaniam : ibique mansit.",
      "citation": "Matthew 21:17 (Clementine Vulgate)"
    },
    {
      "verse": 18,
      "text": "Mane autem revertens in civitatem, esuriit.",
      "citation": "Matthew 21:18 (Clementine Vulgate)"
    },
    {
      "verse": 19,
      "text": "Et videns fici arborem unam secus viam, venit ad eam : et nihil invenit in ea nisi folia tantum, et ait illi : Numquam ex te fructus nascatur in sempiternum. Et arefacta est continuo ficulnea.",
      "citation": "Matthew 21:19 (Clementine Vulgate)"
    },
    {
      "verse": 20,
      "text": "Et videntes discipuli, mirati sunt, dicentes : Quomodo continuo aruit ?",
      "citation": "Matthew 21:20 (Clementine Vulgate)"
    },
    {
      "verse": 21,
      "text": "Respondens autem Jesus, ait eis : Amen dico vobis, si habueritis fidem, et non hæsitaveritis, non solum de ficulnea facietis, sed et si monti huic dixeritis : Tolle, et jacta te in mare, fiet.",
      "citation": "Matthew 21:21 (Clementine Vulgate)"
    },
    {
      "verse": 22,
      "text": "Et omnia quæcumque petieritis in oratione credentes, accipietis.",
      "citation": "Matthew 21:22 (Clementine Vulgate)"
    },
    {
      "verse": 23,
      "text": "Et cum venisset in templum, accesserunt ad eum docentem principes sacerdotum, et seniores populi, dicentes : In qua potestate hæc facis ? et quis tibi dedit hanc potestatem ?",
      "citation": "Matthew 21:23 (Clementine Vulgate)"
    },
    {
      "verse": 24,
      "text": "Respondens Jesus dixit eis : Interrogabo vos et ego unum sermonem : quem si dixeritis mihi, et ego vobis dicam in qua potestate hæc facio.",
      "citation": "Matthew 21:24 (Clementine Vulgate)"
    },
    {
      "verse": 25,
      "text": "Baptismus Joannis unde erat ? e cælo, an ex hominibus ? At illi cogitabant inter se, dicentes :",
      "citation": "Matthew 21:25 (Clementine Vulgate)"
    },
    {
      "verse": 26,
      "text": "Si dixerimus, e cælo, dicet nobis : Quare ergo non credidistis illi ? Si autem dixerimus, ex hominibus, timemus turbam : omnes enim habebant Joannem sicut prophetam.",
      "citation": "Matthew 21:26 (Clementine Vulgate)"
    },
    {
      "verse": 27,
      "text": "Et respondentes Jesu, dixerunt : Nescimus. Ait illis et ipse : Nec ego dico vobis in qua potestate hæc facio.",
      "citation": "Matthew 21:27 (Clementine Vulgate)"
    },
    {
      "verse": 28,
      "text": "Quid autem vobis videtur ? Homo quidam habebat duos filios, et accedens ad primum, dixit : Fili, vade hodie, operare in vinea mea.",
      "citation": "Matthew 21:28 (Clementine Vulgate)"
    },
    {
      "verse": 29,
      "text": "Ille autem respondens, ait : Nolo. Postea autem, pœnitentia motus, abiit.",
      "citation": "Matthew 21:29 (Clementine Vulgate)"
    },
    {
      "verse": 30,
      "text": "Accedens autem ad alterum, dixit similiter. At ille respondens, ait : Eo, domine, et non ivit :",
      "citation": "Matthew 21:30 (Clementine Vulgate)"
    },
    {
      "verse": 31,
      "text": "quis ex duobus fecit voluntatem patris ? Dicunt ei : Primus. Dicit illis Jesus : Amen dico vobis, quia publicani et meretrices præcedent vos in regnum Dei.",
      "citation": "Matthew 21:31 (Clementine Vulgate)"
    },
    {
      "verse": 32,
      "text": "Venit enim ad vos Joannes in via justitiæ, et non credidistis ei : publicani autem et meretrices crediderunt ei : vos autem videntes nec pœnitentiam habuistis postea, ut crederetis ei.",
      "citation": "Matthew 21:32 (Clementine Vulgate)"
    },
    {
      "verse": 33,
      "text": "Aliam parabolam audite : Homo erat paterfamilias, qui plantavit vineam, et sepem circumdedit ei, et fodit in ea torcular, et ædificavit turrim, et locavit eam agricolis, et peregre profectus est.",
      "citation": "Matthew 21:33 (Clementine Vulgate)"
    },
    {
      "verse": 34,
      "text": "Cum autem tempus fructuum appropinquasset, misit servos suos ad agricolas, ut acciperent fructus ejus.",
      "citation": "Matthew 21:34 (Clementine Vulgate)"
    },
    {
      "verse": 35,
      "text": "Et agricolæ, apprehensis servis ejus, alium ceciderunt, alium occiderunt, alium vero lapidaverunt.",
      "citation": "Matthew 21:35 (Clementine Vulgate)"
    },
    {
      "verse": 36,
      "text": "Iterum misit alios servos plures prioribus, et fecerunt illis similiter.",
      "citation": "Matthew 21:36 (Clementine Vulgate)"
    },
    {
      "verse": 37,
      "text": "Novissime autem misit ad eos filium suum, dicens : Verebuntur filium meum.",
      "citation": "Matthew 21:37 (Clementine Vulgate)"
    },
    {
      "verse": 38,
      "text": "Agricolæ autem videntes filium dixerunt intra se : Hic est hæres, venite, occidamus eum, et habebimus hæreditatem ejus.",
      "citation": "Matthew 21:38 (Clementine Vulgate)"
    },
    {
      "verse": 39,
      "text": "Et apprehensum eum ejecerunt extra vineam, et occiderunt.",
      "citation": "Matthew 21:39 (Clementine Vulgate)"
    },
    {
      "verse": 40,
      "text": "Cum ergo venerit dominus vineæ, quid faciet agricolis illis ?",
      "citation": "Matthew 21:40 (Clementine Vulgate)"
    },
    {
      "verse": 41,
      "text": "Aiunt illi : Malos male perdet : et vineam suam locabit aliis agricolis, qui reddant ei fructum temporibus suis.",
      "citation": "Matthew 21:41 (Clementine Vulgate)"
    },
    {
      "verse": 42,
      "text": "Dicit illis Jesus : Numquam legistis in Scripturis : Lapidem quem reprobaverunt ædificantes, hic factus est in caput anguli : a Domino factum est istud, et est mirabile in oculis nostris ?",
      "citation": "Matthew 21:42 (Clementine Vulgate)"
    },
    {
      "verse": 43,
      "text": "Ideo dico vobis, quia auferetur a vobis regnum Dei, et dabitur genti facienti fructus ejus.",
      "citation": "Matthew 21:43 (Clementine Vulgate)"
    },
    {
      "verse": 44,
      "text": "Et qui ceciderit super lapidem istum, confringetur : super quem vero ceciderit, conteret eum.",
      "citation": "Matthew 21:44 (Clementine Vulgate)"
    },
    {
      "verse": 45,
      "text": "Et cum audissent principes sacerdotum et pharisæi parabolas ejus, cognoverunt quod de ipsis diceret.",
      "citation": "Matthew 21:45 (Clementine Vulgate)"
    },
    {
      "verse": 46,
      "text": "Et quærentes eum tenere, timuerunt turbas : quoniam sicut prophetam eum habebant.",
      "citation": "Matthew 21:46 (Clementine Vulgate)"
    }
  ]
}