{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Matthew, Chapter 24 — 51 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Matthew",
      "slug": "matthew",
      "testament": "NT",
      "order": 47,
      "totalChapters": 28
    },
    "chapter": 24,
    "verseCount": 51,
    "navigation": {
      "htmlUrl": "https://latinprayer.org/latin/matthew/24/",
      "bookIndex": "https://latinprayer.org/latin/matthew/index.json",
      "bookHtmlUrl": "https://latinprayer.org/latin/matthew/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/matthew/23.json",
      "previousChapterHtmlUrl": "https://latinprayer.org/latin/matthew/23/",
      "nextChapter": "https://latinprayer.org/latin/matthew/25.json",
      "nextChapterHtmlUrl": "https://latinprayer.org/latin/matthew/25/"
    },
    "crossReferences": {
      "english": "https://latinprayer.org/bible/matthew/24.json",
      "englishHtmlUrl": "https://latinprayer.org/bible/matthew/24/",
      "german": "https://latinprayer.org/bibel/matthew/24.json",
      "germanHtmlUrl": "https://latinprayer.org/bibel/matthaeus/24/"
    }
  },
  "citation": "Matthew 24 (Clementine Vulgate)",
  "verses": [
    {
      "verse": 1,
      "text": "Et egressus Jesus de templo, ibat. Et accesserunt discipuli ejus, ut ostenderent ei ædificationes templi.",
      "citation": "Matthew 24:1 (Clementine Vulgate)"
    },
    {
      "verse": 2,
      "text": "Ipse autem respondens dixit illis : Videtis hæc omnia ? amen dico vobis, non relinquetur hic lapis super lapidem, qui non destruatur.",
      "citation": "Matthew 24:2 (Clementine Vulgate)"
    },
    {
      "verse": 3,
      "text": "Sedente autem eo super montem Oliveti, accesserunt ad eum discipuli secreto, dicentes : Dic nobis, quando hæc erunt ? et quod signum adventus tui, et consummationis sæculi ?",
      "citation": "Matthew 24:3 (Clementine Vulgate)"
    },
    {
      "verse": 4,
      "text": "Et respondens Jesus, dixit eis : Videte ne quis vos seducat :",
      "citation": "Matthew 24:4 (Clementine Vulgate)"
    },
    {
      "verse": 5,
      "text": "multi enim venient in nomine meo, dicentes : Ego sum Christus : et multos seducent.",
      "citation": "Matthew 24:5 (Clementine Vulgate)"
    },
    {
      "verse": 6,
      "text": "Audituri enim estis prælia, et opiniones præliorum. Videte ne turbemini : oportet enim hæc fieri, sed nondum est finis :",
      "citation": "Matthew 24:6 (Clementine Vulgate)"
    },
    {
      "verse": 7,
      "text": "consurget enim gens in gentem, et regnum in regnum, et erunt pestilentiæ, et fames, et terræmotus per loca :",
      "citation": "Matthew 24:7 (Clementine Vulgate)"
    },
    {
      "verse": 8,
      "text": "hæc autem omnia initia sunt dolorum.",
      "citation": "Matthew 24:8 (Clementine Vulgate)"
    },
    {
      "verse": 9,
      "text": "Tunc tradent vos in tribulationem, et occident vos : et eritis odio omnibus gentibus propter nomen meum.",
      "citation": "Matthew 24:9 (Clementine Vulgate)"
    },
    {
      "verse": 10,
      "text": "Et tunc scandalizabuntur multi, et invicem tradent, et odio habebunt invicem.",
      "citation": "Matthew 24:10 (Clementine Vulgate)"
    },
    {
      "verse": 11,
      "text": "Et multi pseudoprophetæ surgent, et seducent multos.",
      "citation": "Matthew 24:11 (Clementine Vulgate)"
    },
    {
      "verse": 12,
      "text": "Et quoniam abundavit iniquitas, refrigescet caritas multorum :",
      "citation": "Matthew 24:12 (Clementine Vulgate)"
    },
    {
      "verse": 13,
      "text": "qui autem perseveraverit usque in finem, hic salvus erit.",
      "citation": "Matthew 24:13 (Clementine Vulgate)"
    },
    {
      "verse": 14,
      "text": "Et prædicabitur hoc Evangelium regni in universo orbe, in testimonium omnibus gentibus : et tunc veniet consummatio.",
      "citation": "Matthew 24:14 (Clementine Vulgate)"
    },
    {
      "verse": 15,
      "text": "Cum ergo videritis abominationem desolationis, quæ dicta est a Daniele propheta, stantem in loco sancto, qui legit, intelligat :",
      "citation": "Matthew 24:15 (Clementine Vulgate)"
    },
    {
      "verse": 16,
      "text": "tunc qui in Judæa sunt, fugiant ad montes :",
      "citation": "Matthew 24:16 (Clementine Vulgate)"
    },
    {
      "verse": 17,
      "text": "et qui in tecto, non descendat tollere aliquid de domo sua :",
      "citation": "Matthew 24:17 (Clementine Vulgate)"
    },
    {
      "verse": 18,
      "text": "et qui in agro, non revertatur tollere tunicam suam.",
      "citation": "Matthew 24:18 (Clementine Vulgate)"
    },
    {
      "verse": 19,
      "text": "Væ autem prægnantibus et nutrientibus in illis diebus !",
      "citation": "Matthew 24:19 (Clementine Vulgate)"
    },
    {
      "verse": 20,
      "text": "Orate autem ut non fiat fuga vestra in hieme, vel sabbato :",
      "citation": "Matthew 24:20 (Clementine Vulgate)"
    },
    {
      "verse": 21,
      "text": "erit enim tunc tribulatio magna, qualis non fuit ab initio mundi usque modo, neque fiet.",
      "citation": "Matthew 24:21 (Clementine Vulgate)"
    },
    {
      "verse": 22,
      "text": "Et nisi breviati fuissent dies illi, non fieret salva omnis caro : sed propter electos breviabuntur dies illi.",
      "citation": "Matthew 24:22 (Clementine Vulgate)"
    },
    {
      "verse": 23,
      "text": "Tunc si quis vobis dixerit : Ecce hic est Christus, aut illic : nolite credere.",
      "citation": "Matthew 24:23 (Clementine Vulgate)"
    },
    {
      "verse": 24,
      "text": "Surgent enim pseudochristi, et pseudoprophetæ : et dabunt signa magna, et prodigia, ita ut in errorem inducantur (si fieri potest) etiam electi.",
      "citation": "Matthew 24:24 (Clementine Vulgate)"
    },
    {
      "verse": 25,
      "text": "Ecce prædixi vobis.",
      "citation": "Matthew 24:25 (Clementine Vulgate)"
    },
    {
      "verse": 26,
      "text": "Si ergo dixerint vobis : Ecce in deserto est, nolite exire ; Ecce in penetralibus, nolite credere.",
      "citation": "Matthew 24:26 (Clementine Vulgate)"
    },
    {
      "verse": 27,
      "text": "Sicut enim fulgur exit ab oriente, et paret usque in occidentem : ita erit et adventus Filii hominis.",
      "citation": "Matthew 24:27 (Clementine Vulgate)"
    },
    {
      "verse": 28,
      "text": "Ubicumque fuerit corpus, illic congregabuntur et aquilæ.",
      "citation": "Matthew 24:28 (Clementine Vulgate)"
    },
    {
      "verse": 29,
      "text": "Statim autem post tribulationem dierum illorum sol obscurabitur, et luna non dabit lumen suum, et stellæ cadent de cælo, et virtutes cælorum commovebuntur :",
      "citation": "Matthew 24:29 (Clementine Vulgate)"
    },
    {
      "verse": 30,
      "text": "et tunc parebit signum Filii hominis in cælo : et tunc plangent omnes tribus terræ : et videbunt Filium hominis venientem in nubibus cæli cum virtute multa et majestate.",
      "citation": "Matthew 24:30 (Clementine Vulgate)"
    },
    {
      "verse": 31,
      "text": "Et mittet angelos suos cum tuba, et voce magna : et congregabunt electos ejus a quatuor ventis, a summis cælorum usque ad terminos eorum.",
      "citation": "Matthew 24:31 (Clementine Vulgate)"
    },
    {
      "verse": 32,
      "text": "Ab arbore autem fici discite parabolam : cum jam ramus ejus tener fuerit, et folia nata, scitis quia prope est æstas :",
      "citation": "Matthew 24:32 (Clementine Vulgate)"
    },
    {
      "verse": 33,
      "text": "ita et vos cum videritis hæc omnia, scitote quia prope est, in januis.",
      "citation": "Matthew 24:33 (Clementine Vulgate)"
    },
    {
      "verse": 34,
      "text": "Amen dico vobis, quia non præteribit generatio hæc, donec omnia hæc fiant.",
      "citation": "Matthew 24:34 (Clementine Vulgate)"
    },
    {
      "verse": 35,
      "text": "Cælum et terra transibunt, verba autem mea non præteribunt.",
      "citation": "Matthew 24:35 (Clementine Vulgate)"
    },
    {
      "verse": 36,
      "text": "De die autem illa et hora nemo scit, neque angeli cælorum, nisi solus Pater.",
      "citation": "Matthew 24:36 (Clementine Vulgate)"
    },
    {
      "verse": 37,
      "text": "Sicut autem in diebus Noë, ita erit et adventus Filii hominis :",
      "citation": "Matthew 24:37 (Clementine Vulgate)"
    },
    {
      "verse": 38,
      "text": "sicut enim erant in diebus ante diluvium comedentes et bibentes, nubentes et nuptum tradentes, usque ad eum diem, quo intravit Noë in arcam,",
      "citation": "Matthew 24:38 (Clementine Vulgate)"
    },
    {
      "verse": 39,
      "text": "et non cognoverunt donec venit diluvium, et tulit omnes : ita erit et adventus Filii hominis.",
      "citation": "Matthew 24:39 (Clementine Vulgate)"
    },
    {
      "verse": 40,
      "text": "Tunc duo erunt in agro : unus assumetur, et unus relinquetur.",
      "citation": "Matthew 24:40 (Clementine Vulgate)"
    },
    {
      "verse": 41,
      "text": "Duæ molentes in mola : una assumetur, et una relinquetur.",
      "citation": "Matthew 24:41 (Clementine Vulgate)"
    },
    {
      "verse": 42,
      "text": "Vigilate ergo, quia nescitis qua hora Dominus vester venturus sit.",
      "citation": "Matthew 24:42 (Clementine Vulgate)"
    },
    {
      "verse": 43,
      "text": "Illud autem scitote, quoniam si sciret paterfamilias qua hora fur venturus esset, vigilaret utique, et non sineret perfodi domum suam.",
      "citation": "Matthew 24:43 (Clementine Vulgate)"
    },
    {
      "verse": 44,
      "text": "Ideo et vos estote parati : quia qua nescitis hora Filius hominis venturus est.",
      "citation": "Matthew 24:44 (Clementine Vulgate)"
    },
    {
      "verse": 45,
      "text": "Quis, putas, est fidelis servus, et prudens, quem constituit dominus suus super familiam suam ut det illis cibum in tempore ?",
      "citation": "Matthew 24:45 (Clementine Vulgate)"
    },
    {
      "verse": 46,
      "text": "Beatus ille servus, quem cum venerit dominus ejus, invenerit sic facientem.",
      "citation": "Matthew 24:46 (Clementine Vulgate)"
    },
    {
      "verse": 47,
      "text": "Amen dico vobis, quoniam super omnia bona sua constituet eum.",
      "citation": "Matthew 24:47 (Clementine Vulgate)"
    },
    {
      "verse": 48,
      "text": "Si autem dixerit malus servus ille in corde suo : Moram fecit dominus meus venire :",
      "citation": "Matthew 24:48 (Clementine Vulgate)"
    },
    {
      "verse": 49,
      "text": "et cœperit percutere conservos suos, manducet autem et bibat cum ebriosis :",
      "citation": "Matthew 24:49 (Clementine Vulgate)"
    },
    {
      "verse": 50,
      "text": "veniet dominus servi illius in die qua non sperat, et hora qua ignorat :",
      "citation": "Matthew 24:50 (Clementine Vulgate)"
    },
    {
      "verse": 51,
      "text": "et dividet eum, partemque ejus ponet cum hypocritis : illic erit fletus et stridor dentium.",
      "citation": "Matthew 24:51 (Clementine Vulgate)"
    }
  ]
}