{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Matthew, Chapter 26 — 75 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Matthew",
      "slug": "matthew",
      "testament": "NT",
      "order": 47,
      "totalChapters": 28
    },
    "chapter": 26,
    "verseCount": 75,
    "navigation": {
      "htmlUrl": "https://latinprayer.org/latin/matthew/26/",
      "bookIndex": "https://latinprayer.org/latin/matthew/index.json",
      "bookHtmlUrl": "https://latinprayer.org/latin/matthew/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/matthew/25.json",
      "previousChapterHtmlUrl": "https://latinprayer.org/latin/matthew/25/",
      "nextChapter": "https://latinprayer.org/latin/matthew/27.json",
      "nextChapterHtmlUrl": "https://latinprayer.org/latin/matthew/27/"
    },
    "crossReferences": {
      "english": "https://latinprayer.org/bible/matthew/26.json",
      "englishHtmlUrl": "https://latinprayer.org/bible/matthew/26/",
      "german": "https://latinprayer.org/bibel/matthew/26.json",
      "germanHtmlUrl": "https://latinprayer.org/bibel/matthaeus/26/"
    }
  },
  "citation": "Matthew 26 (Clementine Vulgate)",
  "verses": [
    {
      "verse": 1,
      "text": "Et factum est : cum consummasset Jesus sermones hos omnes, dixit discipulis suis :",
      "citation": "Matthew 26:1 (Clementine Vulgate)"
    },
    {
      "verse": 2,
      "text": "Scitis quia post biduum Pascha fiet, et Filius hominis tradetur ut crucifigatur.",
      "citation": "Matthew 26:2 (Clementine Vulgate)"
    },
    {
      "verse": 3,
      "text": "Tunc congregati sunt principes sacerdotum, et seniores populi, in atrium principis sacerdotum, qui dicebatur Caiphas :",
      "citation": "Matthew 26:3 (Clementine Vulgate)"
    },
    {
      "verse": 4,
      "text": "et consilium fecerunt ut Jesum dolo tenerent, et occiderent.",
      "citation": "Matthew 26:4 (Clementine Vulgate)"
    },
    {
      "verse": 5,
      "text": "Dicebant autem : Non in die festo, ne forte tumultus fieret in populo.",
      "citation": "Matthew 26:5 (Clementine Vulgate)"
    },
    {
      "verse": 6,
      "text": "Cum autem Jesus esset in Bethania in domo Simonis leprosi,",
      "citation": "Matthew 26:6 (Clementine Vulgate)"
    },
    {
      "verse": 7,
      "text": "accessit ad eum mulier habens alabastrum unguenti pretiosi, et effudit super caput ipsius recumbentis.",
      "citation": "Matthew 26:7 (Clementine Vulgate)"
    },
    {
      "verse": 8,
      "text": "Videntes autem discipuli, indignati sunt, dicentes : Ut quid perditio hæc ?",
      "citation": "Matthew 26:8 (Clementine Vulgate)"
    },
    {
      "verse": 9,
      "text": "potuit enim istud venundari multo, et dari pauperibus.",
      "citation": "Matthew 26:9 (Clementine Vulgate)"
    },
    {
      "verse": 10,
      "text": "Sciens autem Jesus, ait illis : Quid molesti estis huic mulieri ? opus enim bonum operata est in me.",
      "citation": "Matthew 26:10 (Clementine Vulgate)"
    },
    {
      "verse": 11,
      "text": "Nam semper pauperes habetis vobiscum : me autem non semper habetis.",
      "citation": "Matthew 26:11 (Clementine Vulgate)"
    },
    {
      "verse": 12,
      "text": "Mittens enim hæc unguentum hoc in corpus meum, ad sepeliendum me fecit.",
      "citation": "Matthew 26:12 (Clementine Vulgate)"
    },
    {
      "verse": 13,
      "text": "Amen dico vobis, ubicumque prædicatum fuerit hoc Evangelium in toto mundo, dicetur et quod hæc fecit in memoriam ejus.",
      "citation": "Matthew 26:13 (Clementine Vulgate)"
    },
    {
      "verse": 14,
      "text": "Tunc abiit unus de duodecim, qui dicebatur Judas Iscariotes, ad principes sacerdotum :",
      "citation": "Matthew 26:14 (Clementine Vulgate)"
    },
    {
      "verse": 15,
      "text": "et ait illis : Quid vultis mihi dare, et ego vobis eum tradam ? At illi constituerunt ei triginta argenteos.",
      "citation": "Matthew 26:15 (Clementine Vulgate)"
    },
    {
      "verse": 16,
      "text": "Et exinde quærebat opportunitatem ut eum traderet.",
      "citation": "Matthew 26:16 (Clementine Vulgate)"
    },
    {
      "verse": 17,
      "text": "Prima autem die azymorum accesserunt discipuli ad Jesum, dicentes : Ubi vis paremus tibi comedere Pascha ?",
      "citation": "Matthew 26:17 (Clementine Vulgate)"
    },
    {
      "verse": 18,
      "text": "At Jesus dixit : Ite in civitatem ad quemdam, et dicite ei : Magister dicit : Tempus meum prope est, apud te facio Pascha cum discipulis meis.",
      "citation": "Matthew 26:18 (Clementine Vulgate)"
    },
    {
      "verse": 19,
      "text": "Et fecerunt discipuli sicut constituit illis Jesus, et paraverunt Pascha.",
      "citation": "Matthew 26:19 (Clementine Vulgate)"
    },
    {
      "verse": 20,
      "text": "Vespere autem facto, discumbebat cum duodecim discipulis suis.",
      "citation": "Matthew 26:20 (Clementine Vulgate)"
    },
    {
      "verse": 21,
      "text": "Et edentibus illis, dixit : Amen dico vobis, quia unus vestrum me traditurus est.",
      "citation": "Matthew 26:21 (Clementine Vulgate)"
    },
    {
      "verse": 22,
      "text": "Et contristati valde, cœperunt singuli dicere : Numquid ego sum Domine ?",
      "citation": "Matthew 26:22 (Clementine Vulgate)"
    },
    {
      "verse": 23,
      "text": "At ipse respondens, ait : Qui intingit mecum manum in paropside, hic me tradet.",
      "citation": "Matthew 26:23 (Clementine Vulgate)"
    },
    {
      "verse": 24,
      "text": "Filius quidem hominis vadit, sicut scriptum est de illo : væ autem homini illi, per quem Filius hominis tradetur ! bonum erat ei, si natus non fuisset homo ille.",
      "citation": "Matthew 26:24 (Clementine Vulgate)"
    },
    {
      "verse": 25,
      "text": "Respondens autem Judas, qui tradidit eum, dixit : Numquid ego sum Rabbi ? Ait illi : Tu dixisti.",
      "citation": "Matthew 26:25 (Clementine Vulgate)"
    },
    {
      "verse": 26,
      "text": "Cœnantibus autem eis, accepit Jesus panem, et benedixit, ac fregit, deditque discipulis suis, et ait : Accipite, et comedite : hoc est corpus meum.",
      "citation": "Matthew 26:26 (Clementine Vulgate)"
    },
    {
      "verse": 27,
      "text": "Et accipiens calicem, gratias egit : et dedit illis, dicens : Bibite ex hoc omnes.",
      "citation": "Matthew 26:27 (Clementine Vulgate)"
    },
    {
      "verse": 28,
      "text": "Hic est enim sanguis meus novi testamenti, qui pro multis effundetur in remissionem peccatorum.",
      "citation": "Matthew 26:28 (Clementine Vulgate)"
    },
    {
      "verse": 29,
      "text": "Dico autem vobis : non bibam amodo de hoc genimine vitis usque in diem illum, cum illud bibam vobiscum novum in regno Patris mei.",
      "citation": "Matthew 26:29 (Clementine Vulgate)"
    },
    {
      "verse": 30,
      "text": "Et hymno dicto, exierunt in montem Oliveti.",
      "citation": "Matthew 26:30 (Clementine Vulgate)"
    },
    {
      "verse": 31,
      "text": "Tunc dicit illis Jesus : Omnes vos scandalum patiemini in me in ista nocte. Scriptum est enim : Percutiam pastorem, et dispergentur oves gregis.",
      "citation": "Matthew 26:31 (Clementine Vulgate)"
    },
    {
      "verse": 32,
      "text": "Postquam autem resurrexero, præcedam vos in Galilæam.",
      "citation": "Matthew 26:32 (Clementine Vulgate)"
    },
    {
      "verse": 33,
      "text": "Respondens autem Petrus, ait illi : Et si omnes scandalizati fuerint in te, ego numquam scandalizabor.",
      "citation": "Matthew 26:33 (Clementine Vulgate)"
    },
    {
      "verse": 34,
      "text": "Ait illi Jesus : Amen dico tibi, quia in hac nocte, antequam gallus cantet, ter me negabis.",
      "citation": "Matthew 26:34 (Clementine Vulgate)"
    },
    {
      "verse": 35,
      "text": "Ait illi Petrus : Etiamsi oportuerit me mori tecum, non te negabo. Similiter et omnes discipuli dixerunt.",
      "citation": "Matthew 26:35 (Clementine Vulgate)"
    },
    {
      "verse": 36,
      "text": "Tunc venit Jesus cum illis in villam, quæ dicitur Gethsemani, et dixit discipulis suis : Sedete hic donec vadam illuc, et orem.",
      "citation": "Matthew 26:36 (Clementine Vulgate)"
    },
    {
      "verse": 37,
      "text": "Et assumpto Petro, et duobus filiis Zebedæi, cœpit contristari et mœstus esse.",
      "citation": "Matthew 26:37 (Clementine Vulgate)"
    },
    {
      "verse": 38,
      "text": "Tunc ait illis : Tristis est anima mea usque ad mortem : sustinete hic, et vigilate mecum.",
      "citation": "Matthew 26:38 (Clementine Vulgate)"
    },
    {
      "verse": 39,
      "text": "Et progressus pusillum, procidit in faciem suam, orans, et dicens : Pater mi, si possibile est, transeat a me calix iste : verumtamen non sicut ego volo, sed sicut tu.",
      "citation": "Matthew 26:39 (Clementine Vulgate)"
    },
    {
      "verse": 40,
      "text": "Et venit ad discipulos suos, et invenit eos dormientes, et dicit Petro : Sic non potuistis una hora vigilare mecum ?",
      "citation": "Matthew 26:40 (Clementine Vulgate)"
    },
    {
      "verse": 41,
      "text": "Vigilate, et orate ut non intretis in tentationem. Spiritus quidem promptus est, caro autem infirma.",
      "citation": "Matthew 26:41 (Clementine Vulgate)"
    },
    {
      "verse": 42,
      "text": "Iterum secundo abiit, et oravit, dicens : Pater mi, si non potest hic calix transire nisi bibam illum, fiat voluntas tua.",
      "citation": "Matthew 26:42 (Clementine Vulgate)"
    },
    {
      "verse": 43,
      "text": "Et venit iterum, et invenit eos dormientes : erant enim oculi eorum gravati.",
      "citation": "Matthew 26:43 (Clementine Vulgate)"
    },
    {
      "verse": 44,
      "text": "Et relictis illis, iterum abiit, et oravit tertio, eumdem sermonem dicens.",
      "citation": "Matthew 26:44 (Clementine Vulgate)"
    },
    {
      "verse": 45,
      "text": "Tunc venit ad discipulos suos, et dicit illis : Dormite jam, et requiescite : ecce appropinquavit hora, et Filius hominis tradetur in manus peccatorum.",
      "citation": "Matthew 26:45 (Clementine Vulgate)"
    },
    {
      "verse": 46,
      "text": "Surgite, eamus : ecce appropinquavit qui me tradet.",
      "citation": "Matthew 26:46 (Clementine Vulgate)"
    },
    {
      "verse": 47,
      "text": "Adhuc eo loquente, ecce Judas unus de duodecim venit, et cum eo turba multa cum gladiis et fustibus, missi a principibus sacerdotum, et senioribus populi.",
      "citation": "Matthew 26:47 (Clementine Vulgate)"
    },
    {
      "verse": 48,
      "text": "Qui autem tradidit eum, dedit illis signum, dicens : Quemcumque osculatus fuero, ipse est, tenete eum.",
      "citation": "Matthew 26:48 (Clementine Vulgate)"
    },
    {
      "verse": 49,
      "text": "Et confestim accedens ad Jesum, dixit : Ave Rabbi. Et osculatus est eum.",
      "citation": "Matthew 26:49 (Clementine Vulgate)"
    },
    {
      "verse": 50,
      "text": "Dixitque illi Jesus : Amice, ad quid venisti ? Tunc accesserunt, et manus injecerunt in Jesum, et tenuerunt eum.",
      "citation": "Matthew 26:50 (Clementine Vulgate)"
    },
    {
      "verse": 51,
      "text": "Et ecce unus ex his qui erant cum Jesu, extendens manum, exemit gladium suum, et percutiens servum principis sacerdotum amputavit auriculam ejus.",
      "citation": "Matthew 26:51 (Clementine Vulgate)"
    },
    {
      "verse": 52,
      "text": "Tunc ait illi Jesus : Converte gladium tuum in locum suum : omnes enim, qui acceperint gladium, gladio peribunt.",
      "citation": "Matthew 26:52 (Clementine Vulgate)"
    },
    {
      "verse": 53,
      "text": "An putas, quia non possum rogare patrem meum, et exhibebit mihi modo plusquam duodecim legiones angelorum ?",
      "citation": "Matthew 26:53 (Clementine Vulgate)"
    },
    {
      "verse": 54,
      "text": "Quomodo ergo implebuntur Scripturæ, quia sic oportet fieri ?",
      "citation": "Matthew 26:54 (Clementine Vulgate)"
    },
    {
      "verse": 55,
      "text": "In illa hora dixit Jesus turbis : Tamquam ad latronem existis cum gladiis et fustibus comprehendere me : quotidie apud vos sedebam docens in templo, et non me tenuistis.",
      "citation": "Matthew 26:55 (Clementine Vulgate)"
    },
    {
      "verse": 56,
      "text": "Hoc autem totum factum est, ut adimplerentur Scripturæ prophetarum. Tunc discipuli omnes, relicto eo, fugerunt.",
      "citation": "Matthew 26:56 (Clementine Vulgate)"
    },
    {
      "verse": 57,
      "text": "At illi tenentes Jesum, duxerunt ad Caipham principem sacerdotum, ubi scribæ et seniores convenerant.",
      "citation": "Matthew 26:57 (Clementine Vulgate)"
    },
    {
      "verse": 58,
      "text": "Petrus autem sequebatur eum a longe, usque in atrium principis sacerdotum. Et ingressus intro, sedebat cum ministris, ut videret finem.",
      "citation": "Matthew 26:58 (Clementine Vulgate)"
    },
    {
      "verse": 59,
      "text": "Principes autem sacerdotum, et omne concilium, quærebant falsum testimonium contra Jesum, ut eum morti traderent :",
      "citation": "Matthew 26:59 (Clementine Vulgate)"
    },
    {
      "verse": 60,
      "text": "et non invenerunt, cum multi falsi testes accessissent. Novissime autem venerunt duo falsi testes,",
      "citation": "Matthew 26:60 (Clementine Vulgate)"
    },
    {
      "verse": 61,
      "text": "et dixerunt : Hic dixit : Possum destruere templum Dei, et post triduum reædificare illud.",
      "citation": "Matthew 26:61 (Clementine Vulgate)"
    },
    {
      "verse": 62,
      "text": "Et surgens princeps sacerdotum, ait illi : Nihil respondes ad ea, quæ isti adversum te testificantur ?",
      "citation": "Matthew 26:62 (Clementine Vulgate)"
    },
    {
      "verse": 63,
      "text": "Jesus autem tacebat. Et princeps sacerdotum ait illi : Adjuro te per Deum vivum, ut dicas nobis si tu es Christus Filius Dei.",
      "citation": "Matthew 26:63 (Clementine Vulgate)"
    },
    {
      "verse": 64,
      "text": "Dicit illi Jesus : Tu dixisti. Verumtamen dico vobis, amodo videbitis Filium hominis sedentem a dextris virtutis Dei, et venientem in nubibus cæli.",
      "citation": "Matthew 26:64 (Clementine Vulgate)"
    },
    {
      "verse": 65,
      "text": "Tunc princeps sacerdotum scidit vestimenta sua, dicens : Blasphemavit : quid adhuc egemus testibus ? ecce nunc audistis blasphemiam :",
      "citation": "Matthew 26:65 (Clementine Vulgate)"
    },
    {
      "verse": 66,
      "text": "quid vobis videtur ? At illi respondentes dixerunt : Reus est mortis.",
      "citation": "Matthew 26:66 (Clementine Vulgate)"
    },
    {
      "verse": 67,
      "text": "Tunc exspuerunt in faciem ejus, et colaphis eum ceciderunt, alii autem palmas in faciem ejus dederunt,",
      "citation": "Matthew 26:67 (Clementine Vulgate)"
    },
    {
      "verse": 68,
      "text": "dicentes : Prophetiza nobis Christe, quis est qui te percussit ?",
      "citation": "Matthew 26:68 (Clementine Vulgate)"
    },
    {
      "verse": 69,
      "text": "Petrus vero sedebat foris in atrio : et accessit ad eum una ancilla, dicens : Et tu cum Jesu Galilæo eras.",
      "citation": "Matthew 26:69 (Clementine Vulgate)"
    },
    {
      "verse": 70,
      "text": "At ille negavit coram omnibus, dicens : Nescio quid dicis.",
      "citation": "Matthew 26:70 (Clementine Vulgate)"
    },
    {
      "verse": 71,
      "text": "Exeunte autem illo januam, vidit eum alia ancilla, et ait his qui erant ibi : Et hic erat cum Jesu Nazareno.",
      "citation": "Matthew 26:71 (Clementine Vulgate)"
    },
    {
      "verse": 72,
      "text": "Et iterum negavit cum juramento : Quia non novi hominem.",
      "citation": "Matthew 26:72 (Clementine Vulgate)"
    },
    {
      "verse": 73,
      "text": "Et post pusillum accesserunt qui stabant, et dixerunt Petro : Vere et tu ex illis es : nam et loquela tua manifestum te facit.",
      "citation": "Matthew 26:73 (Clementine Vulgate)"
    },
    {
      "verse": 74,
      "text": "Tunc cœpit detestari et jurare quia non novisset hominem. Et continuo gallus cantavit.",
      "citation": "Matthew 26:74 (Clementine Vulgate)"
    },
    {
      "verse": 75,
      "text": "Et recordatus est Petrus verbi Jesu, quod dixerat : Priusquam gallus cantet, ter me negabis. Et egressus foras, flevit amare.",
      "citation": "Matthew 26:75 (Clementine Vulgate)"
    }
  ]
}