{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Matthew, Chapter 27 — 66 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Matthew",
      "slug": "matthew",
      "testament": "NT",
      "order": 47,
      "totalChapters": 28
    },
    "chapter": 27,
    "verseCount": 66,
    "navigation": {
      "htmlUrl": "https://latinprayer.org/latin/matthew/27/",
      "bookIndex": "https://latinprayer.org/latin/matthew/index.json",
      "bookHtmlUrl": "https://latinprayer.org/latin/matthew/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/matthew/26.json",
      "previousChapterHtmlUrl": "https://latinprayer.org/latin/matthew/26/",
      "nextChapter": "https://latinprayer.org/latin/matthew/28.json",
      "nextChapterHtmlUrl": "https://latinprayer.org/latin/matthew/28/"
    },
    "crossReferences": {
      "english": "https://latinprayer.org/bible/matthew/27.json",
      "englishHtmlUrl": "https://latinprayer.org/bible/matthew/27/",
      "german": "https://latinprayer.org/bibel/matthew/27.json",
      "germanHtmlUrl": "https://latinprayer.org/bibel/matthaeus/27/"
    }
  },
  "citation": "Matthew 27 (Clementine Vulgate)",
  "verses": [
    {
      "verse": 1,
      "text": "Mane autem facto, consilium inierunt omnes principes sacerdotum et seniores populi adversus Jesum, ut eum morti traderent.",
      "citation": "Matthew 27:1 (Clementine Vulgate)"
    },
    {
      "verse": 2,
      "text": "Et vinctum adduxerunt eum, et tradiderunt Pontio Pilato præsidi.",
      "citation": "Matthew 27:2 (Clementine Vulgate)"
    },
    {
      "verse": 3,
      "text": "Tunc videns Judas, qui eum tradidit, quod damnatus esset, pœnitentia ductus, retulit triginta argenteos principibus sacerdotum, et senioribus,",
      "citation": "Matthew 27:3 (Clementine Vulgate)"
    },
    {
      "verse": 4,
      "text": "dicens : Peccavi, tradens sanguinem justum. At illi dixerunt : Quid ad nos ? tu videris.",
      "citation": "Matthew 27:4 (Clementine Vulgate)"
    },
    {
      "verse": 5,
      "text": "Et projectis argenteis in templo, recessit : et abiens laqueo se suspendit.",
      "citation": "Matthew 27:5 (Clementine Vulgate)"
    },
    {
      "verse": 6,
      "text": "Principes autem sacerdotum, acceptis argenteis, dixerunt : Non licet eos mittere in corbonam : quia pretium sanguinis est.",
      "citation": "Matthew 27:6 (Clementine Vulgate)"
    },
    {
      "verse": 7,
      "text": "Consilio autem inito, emerunt ex illis agrum figuli, in sepulturam peregrinorum.",
      "citation": "Matthew 27:7 (Clementine Vulgate)"
    },
    {
      "verse": 8,
      "text": "Propter hoc vocatus est ager ille, Haceldama, hoc est, Ager sanguinis, usque in hodiernum diem.",
      "citation": "Matthew 27:8 (Clementine Vulgate)"
    },
    {
      "verse": 9,
      "text": "Tunc impletum est quod dictum est per Jeremiam prophetam, dicentem : Et acceperunt triginta argenteos pretium appretiati, quem appretiaverunt a filiis Israël :",
      "citation": "Matthew 27:9 (Clementine Vulgate)"
    },
    {
      "verse": 10,
      "text": "et dederunt eos in agrum figuli, sicut constituit mihi Dominus.",
      "citation": "Matthew 27:10 (Clementine Vulgate)"
    },
    {
      "verse": 11,
      "text": "Jesus autem stetit ante præsidem, et interrogavit eum præses, dicens : Tu es rex Judæorum ? Dicit illi Jesus : Tu dicis.",
      "citation": "Matthew 27:11 (Clementine Vulgate)"
    },
    {
      "verse": 12,
      "text": "Et cum accusaretur a principibus sacerdotum et senioribus, nihil respondit.",
      "citation": "Matthew 27:12 (Clementine Vulgate)"
    },
    {
      "verse": 13,
      "text": "Tunc dicit illi Pilatus : Non audis quanta adversum te dicunt testimonia ?",
      "citation": "Matthew 27:13 (Clementine Vulgate)"
    },
    {
      "verse": 14,
      "text": "Et non respondit ei ad ullum verbum, ita ut miraretur præses vehementer.",
      "citation": "Matthew 27:14 (Clementine Vulgate)"
    },
    {
      "verse": 15,
      "text": "Per diem autem solemnem consueverat præses populo dimittere unum vinctum, quem voluissent :",
      "citation": "Matthew 27:15 (Clementine Vulgate)"
    },
    {
      "verse": 16,
      "text": "habebat autem tunc vinctum insignem, qui dicebatur Barabbas.",
      "citation": "Matthew 27:16 (Clementine Vulgate)"
    },
    {
      "verse": 17,
      "text": "Congregatis ergo illis, dixit Pilatus : Quem vultis dimittam vobis : Barabbam, an Jesum, qui dicitur Christus ?",
      "citation": "Matthew 27:17 (Clementine Vulgate)"
    },
    {
      "verse": 18,
      "text": "Sciebat enim quod per invidiam tradidissent eum.",
      "citation": "Matthew 27:18 (Clementine Vulgate)"
    },
    {
      "verse": 19,
      "text": "Sedente autem illo pro tribunali, misit ad eum uxor ejus, dicens : Nihil tibi, et justo illi : multa enim passa sum hodie per visum propter eum.",
      "citation": "Matthew 27:19 (Clementine Vulgate)"
    },
    {
      "verse": 20,
      "text": "Principes autem sacerdotum et seniores persuaserunt populis ut peterent Barabbam, Jesum vero perderent.",
      "citation": "Matthew 27:20 (Clementine Vulgate)"
    },
    {
      "verse": 21,
      "text": "Respondens autem præses, ait illis : Quem vultis vobis de duobus dimitti ? At illi dixerunt : Barabbam.",
      "citation": "Matthew 27:21 (Clementine Vulgate)"
    },
    {
      "verse": 22,
      "text": "Dicit illis Pilatus : Quid igitur faciam de Jesu, qui dicitur Christus ?",
      "citation": "Matthew 27:22 (Clementine Vulgate)"
    },
    {
      "verse": 23,
      "text": "Dicunt omnes : Crucifigatur. Ait illis præses : Quid enim mali fecit ? At illi magis clamabant dicentes : Crucifigatur.",
      "citation": "Matthew 27:23 (Clementine Vulgate)"
    },
    {
      "verse": 24,
      "text": "Videns autem Pilatus quia nihil proficeret, sed magis tumultus fieret : accepta aqua, lavit manus coram populo, dicens : Innocens ego sum a sanguine justi hujus : vos videritis.",
      "citation": "Matthew 27:24 (Clementine Vulgate)"
    },
    {
      "verse": 25,
      "text": "Et respondens universus populus, dixit : Sanguis ejus super nos, et super filios nostros.",
      "citation": "Matthew 27:25 (Clementine Vulgate)"
    },
    {
      "verse": 26,
      "text": "Tunc dimisit illis Barabbam : Jesum autem flagellatum tradidit eis ut crucifigeretur.",
      "citation": "Matthew 27:26 (Clementine Vulgate)"
    },
    {
      "verse": 27,
      "text": "Tunc milites præsidis suscipientes Jesum in prætorium, congregaverunt ad eum universam cohortem :",
      "citation": "Matthew 27:27 (Clementine Vulgate)"
    },
    {
      "verse": 28,
      "text": "et exuentes eum, chlamydem coccineam circumdederunt ei,",
      "citation": "Matthew 27:28 (Clementine Vulgate)"
    },
    {
      "verse": 29,
      "text": "et plectentes coronam de spinis, posuerunt super caput ejus, et arundinem in dextera ejus. Et genu flexo ante eum, illudebant ei, dicentes : Ave rex Judæorum.",
      "citation": "Matthew 27:29 (Clementine Vulgate)"
    },
    {
      "verse": 30,
      "text": "Et exspuentes in eum, acceperunt arundinem, et percutiebant caput ejus.",
      "citation": "Matthew 27:30 (Clementine Vulgate)"
    },
    {
      "verse": 31,
      "text": "Et postquam illuserunt ei, exuerunt eum chlamyde, et induerunt eum vestimentis ejus, et duxerunt eum ut crucifigerent.",
      "citation": "Matthew 27:31 (Clementine Vulgate)"
    },
    {
      "verse": 32,
      "text": "Exeuntes autem invenerunt hominem Cyrenæum, nomine Simonem : hunc angariaverunt ut tolleret crucem ejus.",
      "citation": "Matthew 27:32 (Clementine Vulgate)"
    },
    {
      "verse": 33,
      "text": "Et venerunt in locum qui dicitur Golgotha, quod est Calvariæ locus.",
      "citation": "Matthew 27:33 (Clementine Vulgate)"
    },
    {
      "verse": 34,
      "text": "Et dederunt ei vinum bibere cum felle mistum. Et cum gustasset, noluit bibere.",
      "citation": "Matthew 27:34 (Clementine Vulgate)"
    },
    {
      "verse": 35,
      "text": "Postquam autem crucifixerunt eum, diviserunt vestimenta ejus, sortem mittentes : ut impleretur quod dictum est per prophetam dicentem : Diviserunt sibi vestimenta mea, et super vestem meam miserunt sortem.",
      "citation": "Matthew 27:35 (Clementine Vulgate)"
    },
    {
      "verse": 36,
      "text": "Et sedentes servabant eum.",
      "citation": "Matthew 27:36 (Clementine Vulgate)"
    },
    {
      "verse": 37,
      "text": "Et imposuerunt super caput ejus causam ipsius scriptam : Hic est Jesus rex Judæorum.",
      "citation": "Matthew 27:37 (Clementine Vulgate)"
    },
    {
      "verse": 38,
      "text": "Tunc crucifixi sunt cum eo duo latrones : unus a dextris, et unus a sinistris.",
      "citation": "Matthew 27:38 (Clementine Vulgate)"
    },
    {
      "verse": 39,
      "text": "Prætereuntes autem blasphemabant eum moventes capita sua,",
      "citation": "Matthew 27:39 (Clementine Vulgate)"
    },
    {
      "verse": 40,
      "text": "et dicentes : Vah ! qui destruis templum Dei, et in triduo illud reædificas : salva temetipsum : si Filius Dei es, descende de cruce.",
      "citation": "Matthew 27:40 (Clementine Vulgate)"
    },
    {
      "verse": 41,
      "text": "Similiter et principes sacerdotum illudentes cum scribis et senioribus dicebant :",
      "citation": "Matthew 27:41 (Clementine Vulgate)"
    },
    {
      "verse": 42,
      "text": "Alios salvos fecit, seipsum non potest salvum facere : si rex Israël est, descendat nunc de cruce, et credimus ei :",
      "citation": "Matthew 27:42 (Clementine Vulgate)"
    },
    {
      "verse": 43,
      "text": "confidit in Deo : liberet nunc, si vult eum : dixit enim : Quia Filius Dei sum.",
      "citation": "Matthew 27:43 (Clementine Vulgate)"
    },
    {
      "verse": 44,
      "text": "Idipsum autem et latrones, qui crucifixi erant cum eo, improperabant ei.",
      "citation": "Matthew 27:44 (Clementine Vulgate)"
    },
    {
      "verse": 45,
      "text": "A sexta autem hora tenebræ factæ sunt super universam terram usque ad horam nonam.",
      "citation": "Matthew 27:45 (Clementine Vulgate)"
    },
    {
      "verse": 46,
      "text": "Et circa horam nonam clamavit Jesus voce magna, dicens : Eli, Eli, lamma sabacthani ? hoc est : Deus meus, Deus meus, ut quid dereliquisti me ?",
      "citation": "Matthew 27:46 (Clementine Vulgate)"
    },
    {
      "verse": 47,
      "text": "Quidam autem illic stantes, et audientes, dicebant : Eliam vocat iste.",
      "citation": "Matthew 27:47 (Clementine Vulgate)"
    },
    {
      "verse": 48,
      "text": "Et continuo currens unus ex eis, acceptam spongiam implevit aceto, et imposuit arundini, et dabat ei bibere.",
      "citation": "Matthew 27:48 (Clementine Vulgate)"
    },
    {
      "verse": 49,
      "text": "Ceteri vero dicebant : Sine, videamus an veniat Elias liberans eum.",
      "citation": "Matthew 27:49 (Clementine Vulgate)"
    },
    {
      "verse": 50,
      "text": "Jesus autem iterum clamans voce magna, emisit spiritum.",
      "citation": "Matthew 27:50 (Clementine Vulgate)"
    },
    {
      "verse": 51,
      "text": "Et ecce velum templi scissum est in duas partes a summo usque deorsum : et terra mota est, et petræ scissæ sunt,",
      "citation": "Matthew 27:51 (Clementine Vulgate)"
    },
    {
      "verse": 52,
      "text": "et monumenta aperta sunt : et multa corpora sanctorum, qui dormierant, surrexerunt.",
      "citation": "Matthew 27:52 (Clementine Vulgate)"
    },
    {
      "verse": 53,
      "text": "Et exeuntes de monumentis post resurrectionem ejus, venerunt in sanctam civitatem, et apparuerunt multis.",
      "citation": "Matthew 27:53 (Clementine Vulgate)"
    },
    {
      "verse": 54,
      "text": "Centurio autem, et qui cum eo erant, custodientes Jesum, viso terræmotu, et his quæ fiebant, timuerunt valde, dicentes : Vere Filius Dei erat iste.",
      "citation": "Matthew 27:54 (Clementine Vulgate)"
    },
    {
      "verse": 55,
      "text": "Erant autem ibi mulieres multæ a longe, quæ secutæ erant Jesum a Galilæa, ministrantes ei :",
      "citation": "Matthew 27:55 (Clementine Vulgate)"
    },
    {
      "verse": 56,
      "text": "inter quas erat Maria Magdalene, et Maria Jacobi, et Joseph mater, et mater filiorum Zebedæi.",
      "citation": "Matthew 27:56 (Clementine Vulgate)"
    },
    {
      "verse": 57,
      "text": "Cum autem sero factum esset, venit quidam homo dives ab Arimathæa, nomine Joseph, qui et ipse discipulus erat Jesu :",
      "citation": "Matthew 27:57 (Clementine Vulgate)"
    },
    {
      "verse": 58,
      "text": "hic accessit ad Pilatum, et petiit corpus Jesu. Tunc Pilatus jussit reddi corpus.",
      "citation": "Matthew 27:58 (Clementine Vulgate)"
    },
    {
      "verse": 59,
      "text": "Et accepto corpore, Joseph involvit illud in sindone munda,",
      "citation": "Matthew 27:59 (Clementine Vulgate)"
    },
    {
      "verse": 60,
      "text": "et posuit illud in monumento suo novo, quod exciderat in petra. Et advolvit saxum magnum ad ostium monumenti, et abiit.",
      "citation": "Matthew 27:60 (Clementine Vulgate)"
    },
    {
      "verse": 61,
      "text": "Erant autem ibi Maria Magdalene, et altera Maria, sedentes contra sepulchrum.",
      "citation": "Matthew 27:61 (Clementine Vulgate)"
    },
    {
      "verse": 62,
      "text": "Altera autem die, quæ est post Parasceven, convenerunt principes sacerdotum et pharisæi ad Pilatum,",
      "citation": "Matthew 27:62 (Clementine Vulgate)"
    },
    {
      "verse": 63,
      "text": "dicentes : Domine, recordati sumus, quia seductor ille dixit adhuc vivens : Post tres dies resurgam.",
      "citation": "Matthew 27:63 (Clementine Vulgate)"
    },
    {
      "verse": 64,
      "text": "Jube ergo custodiri sepulchrum usque in diem tertium : ne forte veniant discipuli ejus, et furentur eum, et dicant plebi : Surrexit a mortuis : et erit novissimus error pejor priore.",
      "citation": "Matthew 27:64 (Clementine Vulgate)"
    },
    {
      "verse": 65,
      "text": "Ait illis Pilatus : Habetis custodiam, ite, custodite sicut scitis.",
      "citation": "Matthew 27:65 (Clementine Vulgate)"
    },
    {
      "verse": 66,
      "text": "Illi autem abeuntes, munierunt sepulchrum, signantes lapidem, cum custodibus.",
      "citation": "Matthew 27:66 (Clementine Vulgate)"
    }
  ]
}