{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Numbers, Chapter 21 — 35 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Numbers",
      "slug": "numbers",
      "testament": "OT",
      "order": 4,
      "totalChapters": 36
    },
    "chapter": 21,
    "verseCount": 35,
    "navigation": {
      "htmlUrl": "https://latinprayer.org/latin/numbers/21/",
      "bookIndex": "https://latinprayer.org/latin/numbers/index.json",
      "bookHtmlUrl": "https://latinprayer.org/latin/numbers/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/numbers/20.json",
      "previousChapterHtmlUrl": "https://latinprayer.org/latin/numbers/20/",
      "nextChapter": "https://latinprayer.org/latin/numbers/22.json",
      "nextChapterHtmlUrl": "https://latinprayer.org/latin/numbers/22/"
    },
    "crossReferences": {
      "english": "https://latinprayer.org/bible/numbers/21.json",
      "englishHtmlUrl": "https://latinprayer.org/bible/numbers/21/",
      "german": "https://latinprayer.org/bibel/numbers/21.json",
      "germanHtmlUrl": "https://latinprayer.org/bibel/numeri/21/"
    }
  },
  "citation": "Numbers 21 (Clementine Vulgate)",
  "verses": [
    {
      "verse": 1,
      "text": "Quod cum audisset Chananæus rex Arad, qui habitabat ad meridiem, venisse scilicet Israël per exploratorum viam, pugnavit contra illum, et victor existens, duxit ex eo prædam.",
      "citation": "Numbers 21:1 (Clementine Vulgate)"
    },
    {
      "verse": 2,
      "text": "At Israël voto se Domino obligans, ait : Si tradideris populum istum in manu mea, delebo urbes ejus.",
      "citation": "Numbers 21:2 (Clementine Vulgate)"
    },
    {
      "verse": 3,
      "text": "Exaudivitque Dominus preces Israël, et tradidit Chananæum, quem ille interfecit subversis urbibus ejus : et vocavit nomen loci illius Horma, id est, anathema.",
      "citation": "Numbers 21:3 (Clementine Vulgate)"
    },
    {
      "verse": 4,
      "text": "Profecti sunt autem et de monte Hor, per viam quæ ducit ad mare Rubrum, ut circumirent terram Edom. Et tædere cœpit populum itineris ac laboris :",
      "citation": "Numbers 21:4 (Clementine Vulgate)"
    },
    {
      "verse": 5,
      "text": "locutusque contra Deum et Moysen, ait : Cur eduxisti nos de Ægypto, ut moreremur in solitudine ? deest panis, non sunt aquæ : anima nostra jam nauseat super cibo isto levissimo.",
      "citation": "Numbers 21:5 (Clementine Vulgate)"
    },
    {
      "verse": 6,
      "text": "Quam ob rem misit Dominus in populum ignitos serpentes, ad quorum plagas et mortes plurimorum,",
      "citation": "Numbers 21:6 (Clementine Vulgate)"
    },
    {
      "verse": 7,
      "text": "venerunt ad Moysen, atque dixerunt : Peccavimus, quia locuti sumus contra Dominum et te : ora ut tollat a nobis serpentes. Oravitque Moyses pro populo,",
      "citation": "Numbers 21:7 (Clementine Vulgate)"
    },
    {
      "verse": 8,
      "text": "et locutus est Dominus ad eum : Fac serpentem æneum, et pone eum pro signo : qui percussus aspexerit eum, vivet.",
      "citation": "Numbers 21:8 (Clementine Vulgate)"
    },
    {
      "verse": 9,
      "text": "Fecit ergo Moyses serpentem æneum, et posuit eum pro signo : quem cum percussi aspicerent, sanabantur.",
      "citation": "Numbers 21:9 (Clementine Vulgate)"
    },
    {
      "verse": 10,
      "text": "Profectique filii Israël castrametati sunt in Oboth.",
      "citation": "Numbers 21:10 (Clementine Vulgate)"
    },
    {
      "verse": 11,
      "text": "Unde egressi fixere tentoria in Jeabarim, in solitudine quæ respicit Moab contra orientalem plagam.",
      "citation": "Numbers 21:11 (Clementine Vulgate)"
    },
    {
      "verse": 12,
      "text": "Et inde moventes, venerunt ad torrentem Zared.",
      "citation": "Numbers 21:12 (Clementine Vulgate)"
    },
    {
      "verse": 13,
      "text": "Quem relinquentes castrametati sunt contra Arnon, quæ est in deserto, et prominet in finibus Amorrhæi. Siquidem Arnon terminus est Moab, dividens Moabitas et Amorrhæos.",
      "citation": "Numbers 21:13 (Clementine Vulgate)"
    },
    {
      "verse": 14,
      "text": "Unde dicitur in libro bellorum Domini : Sicut fecit in mari Rubro, sic faciet in torrentibus Arnon.",
      "citation": "Numbers 21:14 (Clementine Vulgate)"
    },
    {
      "verse": 15,
      "text": "Scopuli torrentium inclinati sunt, ut requiescerent in Ar, et recumberent in finibus Moabitarum.",
      "citation": "Numbers 21:15 (Clementine Vulgate)"
    },
    {
      "verse": 16,
      "text": "Ex eo loco apparuit puteus, super quo locutus est Dominus ad Moysen : Congrega populum, et dabo ei aquam.",
      "citation": "Numbers 21:16 (Clementine Vulgate)"
    },
    {
      "verse": 17,
      "text": "Tunc cecinit Israël carmen istud : Ascendat puteus. Concinebant :",
      "citation": "Numbers 21:17 (Clementine Vulgate)"
    },
    {
      "verse": 18,
      "text": "Puteus, quem foderunt principes et paraverunt duces multitudinis in datore legis, et in baculis suis. De solitudine, Matthana.",
      "citation": "Numbers 21:18 (Clementine Vulgate)"
    },
    {
      "verse": 19,
      "text": "De Matthana in Nahaliel : de Nahaliel in Bamoth.",
      "citation": "Numbers 21:19 (Clementine Vulgate)"
    },
    {
      "verse": 20,
      "text": "De Bamoth, vallis est in regione Moab, in vertice Phasga, quod respicit contra desertum.",
      "citation": "Numbers 21:20 (Clementine Vulgate)"
    },
    {
      "verse": 21,
      "text": "Misit autem Israël nuntios ad Sehon regem Amorrhæorum, dicens :",
      "citation": "Numbers 21:21 (Clementine Vulgate)"
    },
    {
      "verse": 22,
      "text": "Obsecro ut transire mihi liceat per terram tuam : non declinabimus in agros et vineas ; non bibemus aquas ex puteis : via regia gradiemur, donec transeamus terminos tuos.",
      "citation": "Numbers 21:22 (Clementine Vulgate)"
    },
    {
      "verse": 23,
      "text": "Qui concedere noluit ut transiret Israël per fines suos : quin potius exercitu congregato, egressus est obviam in desertum, et venit in Jasa, pugnavitque contra eum.",
      "citation": "Numbers 21:23 (Clementine Vulgate)"
    },
    {
      "verse": 24,
      "text": "A quo percussus est in ore gladii, et possessa est terra ejus ab Arnon usque Jeboc, et filios Ammon : quia forti præsidio tenebantur termini Ammonitarum.",
      "citation": "Numbers 21:24 (Clementine Vulgate)"
    },
    {
      "verse": 25,
      "text": "Tulit ergo Israël omnes civitates ejus, et habitavit in urbibus Amorrhæi, in Hesebon scilicet, et viculis ejus.",
      "citation": "Numbers 21:25 (Clementine Vulgate)"
    },
    {
      "verse": 26,
      "text": "Urbs Hesebon fuit Sehon regis Amorrhæi, qui pugnavit contra regem Moab : et tulit omnem terram, quæ ditionis illius fuerat usque Arnon.",
      "citation": "Numbers 21:26 (Clementine Vulgate)"
    },
    {
      "verse": 27,
      "text": "Idcirco dicitur in proverbio : Venite in Hesebon : ædificetur, et construatur civitas Sehon :",
      "citation": "Numbers 21:27 (Clementine Vulgate)"
    },
    {
      "verse": 28,
      "text": "ignis egressus est de Hesebon, flamma de oppido Sehon, et devoravit Ar Moabitarum, et habitatores excelsorum Arnon.",
      "citation": "Numbers 21:28 (Clementine Vulgate)"
    },
    {
      "verse": 29,
      "text": "Væ tibi Moab ; peristi popule Chamos. Dedit filios ejus in fugam, et filias in captivitatem regi Amorrhæorum Sehon.",
      "citation": "Numbers 21:29 (Clementine Vulgate)"
    },
    {
      "verse": 30,
      "text": "Jugum ipsorum disperiit ad Hesebon usque Dibon : lassi pervenerunt in Nophe, et usque Medaba.",
      "citation": "Numbers 21:30 (Clementine Vulgate)"
    },
    {
      "verse": 31,
      "text": "Habitavit itaque Israël in terra Amorrhæi.",
      "citation": "Numbers 21:31 (Clementine Vulgate)"
    },
    {
      "verse": 32,
      "text": "Misitque Moyses qui explorarent Jazer : cujus ceperunt viculos, et possederunt habitatores.",
      "citation": "Numbers 21:32 (Clementine Vulgate)"
    },
    {
      "verse": 33,
      "text": "Verteruntque se, et ascenderunt per viam Basan, et occurrit eis Og, rex Basan, cum omni populo suo, pugnaturus in Edrai.",
      "citation": "Numbers 21:33 (Clementine Vulgate)"
    },
    {
      "verse": 34,
      "text": "Dixitque Dominus ad Moysen : Ne timeas eum, quia in manu tua tradidi illum, et omnem populum ac terram ejus : faciesque illi sicut fecisti Sehon, regi Amorrhæorum habitatori Hesebon.",
      "citation": "Numbers 21:34 (Clementine Vulgate)"
    },
    {
      "verse": 35,
      "text": "Percusserunt igitur et hunc cum filiis suis, universumque populum ejus usque ad internecionem, et possederunt terram illius.",
      "citation": "Numbers 21:35 (Clementine Vulgate)"
    }
  ]
}