{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Romans, Chapter 11 — 36 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Romans",
      "slug": "romans",
      "testament": "NT",
      "order": 52,
      "totalChapters": 16
    },
    "chapter": 11,
    "verseCount": 36,
    "navigation": {
      "htmlUrl": "https://latinprayer.org/latin/romans/11/",
      "bookIndex": "https://latinprayer.org/latin/romans/index.json",
      "bookHtmlUrl": "https://latinprayer.org/latin/romans/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/romans/10.json",
      "previousChapterHtmlUrl": "https://latinprayer.org/latin/romans/10/",
      "nextChapter": "https://latinprayer.org/latin/romans/12.json",
      "nextChapterHtmlUrl": "https://latinprayer.org/latin/romans/12/"
    },
    "crossReferences": {
      "english": "https://latinprayer.org/bible/romans/11.json",
      "englishHtmlUrl": "https://latinprayer.org/bible/romans/11/",
      "german": "https://latinprayer.org/bibel/romans/11.json",
      "germanHtmlUrl": "https://latinprayer.org/bibel/roemer/11/"
    }
  },
  "citation": "Romans 11 (Clementine Vulgate)",
  "verses": [
    {
      "verse": 1,
      "text": "Dico ergo : Numquid Deus repulit populum suum ? Absit. Nam et ego Israëlita sum ex semine Abraham, de tribu Benjamin :",
      "citation": "Romans 11:1 (Clementine Vulgate)"
    },
    {
      "verse": 2,
      "text": "non repulit Deus plebem suam, quam præscivit. An nescitis in Elia quid dicit Scriptura ? quemadmodum interpellat Deum adversum Israël :",
      "citation": "Romans 11:2 (Clementine Vulgate)"
    },
    {
      "verse": 3,
      "text": "Domine, prophetas tuos occiderunt, altaria tua suffoderunt : et ego relictus sum solus, et quærunt animam meam.",
      "citation": "Romans 11:3 (Clementine Vulgate)"
    },
    {
      "verse": 4,
      "text": "Sed quid dicit illi divinum responsum ? Reliqui mihi septem millia virorum, qui non curvaverunt genua ante Baal.",
      "citation": "Romans 11:4 (Clementine Vulgate)"
    },
    {
      "verse": 5,
      "text": "Sic ergo et in hoc tempore reliquiæ secundum electionem gratiæ salvæ factæ sunt.",
      "citation": "Romans 11:5 (Clementine Vulgate)"
    },
    {
      "verse": 6,
      "text": "Si autem gratia, jam non ex operibus : alioquin gratia jam non est gratia.",
      "citation": "Romans 11:6 (Clementine Vulgate)"
    },
    {
      "verse": 7,
      "text": "Quid ergo ? Quod quærebat Israël, hoc non est consecutus : electio autem consecuta est : ceteri vero excæcati sunt :",
      "citation": "Romans 11:7 (Clementine Vulgate)"
    },
    {
      "verse": 8,
      "text": "sicut scriptum est : Dedit illis Deus spiritum compunctionis : oculos ut non videant, et aures ut non audiant, usque in hodiernum diem.",
      "citation": "Romans 11:8 (Clementine Vulgate)"
    },
    {
      "verse": 9,
      "text": "Et David dicit : Fiat mensa eorum in laqueum, et in captionem, et in scandalum, et in retributionem illis.",
      "citation": "Romans 11:9 (Clementine Vulgate)"
    },
    {
      "verse": 10,
      "text": "Obscurentur oculi eorum ne videant : et dorsum eorum semper incurva.",
      "citation": "Romans 11:10 (Clementine Vulgate)"
    },
    {
      "verse": 11,
      "text": "Dico ergo : Numquid sic offenderunt ut caderent ? Absit. Sed illorum delicto, salus est gentibus ut illos æmulentur.",
      "citation": "Romans 11:11 (Clementine Vulgate)"
    },
    {
      "verse": 12,
      "text": "Quod si delictum illorum divitiæ sunt mundi, et diminutio eorum divitiæ gentium : quanto magis plenitudo eorum ?",
      "citation": "Romans 11:12 (Clementine Vulgate)"
    },
    {
      "verse": 13,
      "text": "Vobis enim dico gentibus : Quamdiu quidem ego sum gentium Apostolus, ministerium meum honorificabo,",
      "citation": "Romans 11:13 (Clementine Vulgate)"
    },
    {
      "verse": 14,
      "text": "si quomodo ad æmulandum provocem carnem meam, et salvos faciam aliquos ex illis.",
      "citation": "Romans 11:14 (Clementine Vulgate)"
    },
    {
      "verse": 15,
      "text": "Si enim amissio eorum, reconciliatio est mundi : quæ assumptio, nisi vita ex mortuis ?",
      "citation": "Romans 11:15 (Clementine Vulgate)"
    },
    {
      "verse": 16,
      "text": "Quod si delibatio sancta est, et massa : et si radix sancta, et rami.",
      "citation": "Romans 11:16 (Clementine Vulgate)"
    },
    {
      "verse": 17,
      "text": "Quod si aliqui ex ramis fracti sunt, tu autem cum oleaster esses, insertus es in illis, et socius radicis, et pinguedinis olivæ factus es,",
      "citation": "Romans 11:17 (Clementine Vulgate)"
    },
    {
      "verse": 18,
      "text": "noli gloriari adversus ramos. Quod si gloriaris : non tu radicem portas, sed radix te.",
      "citation": "Romans 11:18 (Clementine Vulgate)"
    },
    {
      "verse": 19,
      "text": "Dices ergo : Fracti sunt rami ut ego inserar.",
      "citation": "Romans 11:19 (Clementine Vulgate)"
    },
    {
      "verse": 20,
      "text": "Bene : propter incredulitatem fracti sunt. Tu autem fide stas : noli altum sapere, sed time.",
      "citation": "Romans 11:20 (Clementine Vulgate)"
    },
    {
      "verse": 21,
      "text": "Si enim Deus naturalibus ramis non pepercit : ne forte nec tibi parcat.",
      "citation": "Romans 11:21 (Clementine Vulgate)"
    },
    {
      "verse": 22,
      "text": "Vide ergo bonitatem, et severitatem Dei : in eos quidem qui ceciderunt, severitatem : in te autem bonitatem Dei, si permanseris in bonitate, alioquin et tu excideris.",
      "citation": "Romans 11:22 (Clementine Vulgate)"
    },
    {
      "verse": 23,
      "text": "Sed et illi, si non permanserint in incredulitate, inserentur : potens est enim Deus iterum inserere illos.",
      "citation": "Romans 11:23 (Clementine Vulgate)"
    },
    {
      "verse": 24,
      "text": "Nam si tu ex naturali excisus es oleastro, et contra naturam insertus es in bonam olivam : quanto magis ii qui secundum naturam inserentur suæ olivæ ?",
      "citation": "Romans 11:24 (Clementine Vulgate)"
    },
    {
      "verse": 25,
      "text": "Nolo enim vos ignorare, fratres, mysterium hoc (ut non sitis vobis ipsis sapientes), quia cæcitas ex parte contigit in Israël, donec plenitudo gentium intraret,",
      "citation": "Romans 11:25 (Clementine Vulgate)"
    },
    {
      "verse": 26,
      "text": "et sic omnis Israël salvus fieret, sicut scriptum est : Veniet ex Sion, qui eripiat, et avertat impietatem a Jacob.",
      "citation": "Romans 11:26 (Clementine Vulgate)"
    },
    {
      "verse": 27,
      "text": "Et hoc illis a me testamentum : cum abstulero peccata eorum.",
      "citation": "Romans 11:27 (Clementine Vulgate)"
    },
    {
      "verse": 28,
      "text": "Secundum Evangelium quidem, inimici propter vos : secundum electionem autem, carissimi propter patres.",
      "citation": "Romans 11:28 (Clementine Vulgate)"
    },
    {
      "verse": 29,
      "text": "Sine pœnitentia enim sunt dona et vocatio Dei.",
      "citation": "Romans 11:29 (Clementine Vulgate)"
    },
    {
      "verse": 30,
      "text": "Sicut enim aliquando et vos non credidistis Deo, nunc autem misericordiam consecuti estis propter incredulitatem illorum :",
      "citation": "Romans 11:30 (Clementine Vulgate)"
    },
    {
      "verse": 31,
      "text": "ita et isti nunc non crediderunt in vestram misericordiam : ut et ipsi misericordiam consequantur.",
      "citation": "Romans 11:31 (Clementine Vulgate)"
    },
    {
      "verse": 32,
      "text": "Conclusit enim Deus omnia in incredulitate, ut omnium misereatur.",
      "citation": "Romans 11:32 (Clementine Vulgate)"
    },
    {
      "verse": 33,
      "text": "O altitudo divitiarum sapientiæ, et scientiæ Dei : quam incomprehensibilia sunt judicia ejus, et investigabiles viæ ejus !",
      "citation": "Romans 11:33 (Clementine Vulgate)"
    },
    {
      "verse": 34,
      "text": "Quis enim cognovit sensum Domini ? aut quis consiliarius ejus fuit ?",
      "citation": "Romans 11:34 (Clementine Vulgate)"
    },
    {
      "verse": 35,
      "text": "aut quis prior dedit illi, et retribuetur ei ?",
      "citation": "Romans 11:35 (Clementine Vulgate)"
    },
    {
      "verse": 36,
      "text": "Quoniam ex ipso, et per ipsum, et in ipso sunt omnia : ipsi gloria in sæcula. Amen.",
      "citation": "Romans 11:36 (Clementine Vulgate)"
    }
  ]
}