{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Ruth, Chapter 1 — 22 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Ruth",
      "slug": "ruth",
      "testament": "OT",
      "order": 8,
      "totalChapters": 4
    },
    "chapter": 1,
    "verseCount": 22,
    "navigation": {
      "htmlUrl": "https://latinprayer.org/latin/ruth/1/",
      "bookIndex": "https://latinprayer.org/latin/ruth/index.json",
      "bookHtmlUrl": "https://latinprayer.org/latin/ruth/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": null,
      "previousChapterHtmlUrl": null,
      "nextChapter": "https://latinprayer.org/latin/ruth/2.json",
      "nextChapterHtmlUrl": "https://latinprayer.org/latin/ruth/2/"
    },
    "crossReferences": {
      "english": "https://latinprayer.org/bible/ruth/1.json",
      "englishHtmlUrl": "https://latinprayer.org/bible/ruth/1/",
      "german": "https://latinprayer.org/bibel/ruth/1.json",
      "germanHtmlUrl": "https://latinprayer.org/bibel/rut/1/"
    }
  },
  "citation": "Ruth 1 (Clementine Vulgate)",
  "verses": [
    {
      "verse": 1,
      "text": "In diebus unius judicis, quando judices præerant, facta est fames in terra. Abiitque homo de Bethlehem Juda, ut peregrinaretur in regione Moabitide cum uxore sua ac duobus liberis.",
      "citation": "Ruth 1:1 (Clementine Vulgate)"
    },
    {
      "verse": 2,
      "text": "Ipse vocabatur Elimelech, et uxor ejus Noëmi : et duo filii, alter Mahalon, et alter Chelion, Ephrathæi de Bethlehem Juda. Ingressique regionem Moabitidem, morabantur ibi.",
      "citation": "Ruth 1:2 (Clementine Vulgate)"
    },
    {
      "verse": 3,
      "text": "Et mortuus est Elimelech maritus Noëmi : remansitque ipsa cum filiis.",
      "citation": "Ruth 1:3 (Clementine Vulgate)"
    },
    {
      "verse": 4,
      "text": "Qui acceperunt uxores Moabitidas, quarum una vocabatur Orpha, altera vero Ruth. Manseruntque ibi decem annis,",
      "citation": "Ruth 1:4 (Clementine Vulgate)"
    },
    {
      "verse": 5,
      "text": "et ambo mortui sunt, Mahalon videlicet et Chelion : remansitque mulier orbata duobus liberis ac marito.",
      "citation": "Ruth 1:5 (Clementine Vulgate)"
    },
    {
      "verse": 6,
      "text": "Et surrexit ut in patriam pergeret cum utraque nuru sua de regione Moabitide : audierat enim quod respexisset Dominus populum suum, et dedisset eis escas.",
      "citation": "Ruth 1:6 (Clementine Vulgate)"
    },
    {
      "verse": 7,
      "text": "Egressa est itaque de loco peregrinationis suæ, cum utraque nuru : et jam in via revertendi posita in terram Juda,",
      "citation": "Ruth 1:7 (Clementine Vulgate)"
    },
    {
      "verse": 8,
      "text": "dixit ad eas : Ite in domum matris vestræ : faciat vobiscum Dominus misericordiam, sicut fecistis cum mortuis, et mecum.",
      "citation": "Ruth 1:8 (Clementine Vulgate)"
    },
    {
      "verse": 9,
      "text": "Det vobis invenire requiem in domibus virorum quos sortituræ estis. Et osculata est eas. Quæ elevata voce flere cœperunt,",
      "citation": "Ruth 1:9 (Clementine Vulgate)"
    },
    {
      "verse": 10,
      "text": "et dicere : Tecum pergemus ad populum tuum.",
      "citation": "Ruth 1:10 (Clementine Vulgate)"
    },
    {
      "verse": 11,
      "text": "Quibus illa respondit : Revertimini, filiæ meæ, cur venitis mecum ? num ultra habeo filios in utero meo, ut viros ex me sperare possitis ?",
      "citation": "Ruth 1:11 (Clementine Vulgate)"
    },
    {
      "verse": 12,
      "text": "Revertimini, filiæ meæ, et abite : jam enim senectute confecta sum, nec apta vinculo conjugali : etiamsi possem hac nocte concipere, et parere filios,",
      "citation": "Ruth 1:12 (Clementine Vulgate)"
    },
    {
      "verse": 13,
      "text": "si eos expectare velitis donec crescant, et annos pubertatis impleant, ante eritis vetulæ quam nubatis. Nolite, quæso, filiæ meæ : quia vestra angustia magis me premit, et egressa est manus Domini contra me.",
      "citation": "Ruth 1:13 (Clementine Vulgate)"
    },
    {
      "verse": 14,
      "text": "Elevata igitur voce, rursum flere cœperunt : Orpha osculata est socrum, ac reversa est ; Ruth adhæsit socrui suæ :",
      "citation": "Ruth 1:14 (Clementine Vulgate)"
    },
    {
      "verse": 15,
      "text": "cui dixit Noëmi : En reversa est cognata tua ad populum suum, et ad deos suos, vade cum ea.",
      "citation": "Ruth 1:15 (Clementine Vulgate)"
    },
    {
      "verse": 16,
      "text": "Quæ respondit : Ne adverseris mihi ut relinquam te et abeam : quocumque enim perrexeris, pergam, et ubi morata fueris, et ego pariter morabor. Populus tuus populus meus, et Deus tuus Deus meus.",
      "citation": "Ruth 1:16 (Clementine Vulgate)"
    },
    {
      "verse": 17,
      "text": "Quæ te terra morientem susceperit, in ea moriar : ibique locum accipiam sepulturæ. Hæc mihi faciat Dominus, et hæc addat, si non sola mors me et te separaverit.",
      "citation": "Ruth 1:17 (Clementine Vulgate)"
    },
    {
      "verse": 18,
      "text": "Videns ergo Noëmi quod obstinato animo Ruth decrevisset secum pergere, adversari noluit, nec ad suos ultra reditum persuadere :",
      "citation": "Ruth 1:18 (Clementine Vulgate)"
    },
    {
      "verse": 19,
      "text": "profectæque sunt simul, et venerunt in Bethlehem. Quibus urbem ingressis, velox apud cunctos fama percrebruit : dicebantque mulieres : Hæc est illa Noëmi.",
      "citation": "Ruth 1:19 (Clementine Vulgate)"
    },
    {
      "verse": 20,
      "text": "Quibus ait : Ne vocetis me Noëmi (id est, pulchram), sed vocate me Mara (id est, amaram), quia amaritudine valde replevit me Omnipotens.",
      "citation": "Ruth 1:20 (Clementine Vulgate)"
    },
    {
      "verse": 21,
      "text": "Egressa sum plena, et vacuam reduxit me Dominus. Cur ergo vocatis me Noëmi, quam Dominus humiliavit, et afflixit Omnipotens ?",
      "citation": "Ruth 1:21 (Clementine Vulgate)"
    },
    {
      "verse": 22,
      "text": "Venit ergo Noëmi cum Ruth Moabitide nuru sua, de terra peregrinationis suæ : ac reversa est in Bethlehem, quando primum hordea metebantur.",
      "citation": "Ruth 1:22 (Clementine Vulgate)"
    }
  ]
}