{
  "_meta": {
    "project": "Latin Prayer",
    "projectUrl": "https://latinprayer.org",
    "apiDocs": "https://latinprayer.org/llms.txt",
    "content": "Wisdom, Chapter 14 — 31 verses (Clementine Vulgate)",
    "translation": {
      "name": "Clementine Vulgate",
      "language": "la",
      "languageName": "Latin",
      "copyright": "Public Domain"
    },
    "book": {
      "name": "Wisdom",
      "slug": "wisdom",
      "testament": "OT",
      "order": 25,
      "totalChapters": 19
    },
    "chapter": 14,
    "verseCount": 31,
    "navigation": {
      "htmlUrl": "https://latinprayer.org/latin/wisdom/14/",
      "bookIndex": "https://latinprayer.org/latin/wisdom/index.json",
      "bookHtmlUrl": "https://latinprayer.org/latin/wisdom/",
      "translationIndex": "https://latinprayer.org/latin/index.json",
      "translationHtmlUrl": "https://latinprayer.org/latin/",
      "previousChapter": "https://latinprayer.org/latin/wisdom/13.json",
      "previousChapterHtmlUrl": "https://latinprayer.org/latin/wisdom/13/",
      "nextChapter": "https://latinprayer.org/latin/wisdom/15.json",
      "nextChapterHtmlUrl": "https://latinprayer.org/latin/wisdom/15/"
    },
    "crossReferences": {
      "english": "https://latinprayer.org/bible/wisdom/14.json",
      "englishHtmlUrl": "https://latinprayer.org/bible/wisdom/14/",
      "german": "https://latinprayer.org/bibel/wisdom/14.json",
      "germanHtmlUrl": "https://latinprayer.org/bibel/weisheit/14/"
    }
  },
  "citation": "Wisdom 14 (Clementine Vulgate)",
  "verses": [
    {
      "verse": 1,
      "text": "Iterum alius navigare cogitans, et per feros fluctus iter facere incipiens, ligno portante se, fragilius lignum invocat.",
      "citation": "Wisdom 14:1 (Clementine Vulgate)"
    },
    {
      "verse": 2,
      "text": "Illud enim cupiditas acquirendi excogitavit, et artifex sapientia fabricavit sua.",
      "citation": "Wisdom 14:2 (Clementine Vulgate)"
    },
    {
      "verse": 3,
      "text": "Tua autem, Pater, providentia gubernat : quoniam dedisti et in mari viam, et inter fluctus semitam firmissimam,",
      "citation": "Wisdom 14:3 (Clementine Vulgate)"
    },
    {
      "verse": 4,
      "text": "ostendens quoniam potens es ex omnibus salvare, etiam si sine arte aliquis adeat mare.",
      "citation": "Wisdom 14:4 (Clementine Vulgate)"
    },
    {
      "verse": 5,
      "text": "Sed ut non essent vacua sapientiæ tuæ opera, propter hoc etiam et exiguo ligno credunt homines animas suas, et transeuntes mare per ratem liberati sunt.",
      "citation": "Wisdom 14:5 (Clementine Vulgate)"
    },
    {
      "verse": 6,
      "text": "Sed et ab initio cum perirent superbi gigantes, spes orbis terrarum ad ratem confugiens, remisit sæculo semen nativitatis quæ manu tua erat gubernata.",
      "citation": "Wisdom 14:6 (Clementine Vulgate)"
    },
    {
      "verse": 7,
      "text": "Benedictum est enim lignum per quod fit justitia ;",
      "citation": "Wisdom 14:7 (Clementine Vulgate)"
    },
    {
      "verse": 8,
      "text": "per manus autem quod fit idolum, maledictum est et ipsum, et qui fecit illud : quia ille quidem operatus est, illud autem cum esset fragile, deus cognominatus est.",
      "citation": "Wisdom 14:8 (Clementine Vulgate)"
    },
    {
      "verse": 9,
      "text": "Similiter autem odio sunt Deo impius et impietas ejus ;",
      "citation": "Wisdom 14:9 (Clementine Vulgate)"
    },
    {
      "verse": 10,
      "text": "etenim quod factum est, cum illo qui fecit tormenta patietur.",
      "citation": "Wisdom 14:10 (Clementine Vulgate)"
    },
    {
      "verse": 11,
      "text": "Propter hoc et in idolis nationum non erit respectus, quoniam creaturæ Dei in odium factæ sunt, et in tentationem animabus hominum, et in muscipulam pedibus insipientium.",
      "citation": "Wisdom 14:11 (Clementine Vulgate)"
    },
    {
      "verse": 12,
      "text": "Initium enim fornicationis est exquisitio idolorum, et adinventio illorum corruptio vitæ est :",
      "citation": "Wisdom 14:12 (Clementine Vulgate)"
    },
    {
      "verse": 13,
      "text": "neque enim erant ab initio, neque erunt in perpetuum.",
      "citation": "Wisdom 14:13 (Clementine Vulgate)"
    },
    {
      "verse": 14,
      "text": "Supervacuitas enim hominum hæc advenit in orbem terrarum, et ideo brevis illorum finis est inventus.",
      "citation": "Wisdom 14:14 (Clementine Vulgate)"
    },
    {
      "verse": 15,
      "text": "Acerbo enim luctu dolens pater, cito sibi rapti filii fecit imaginem ; et illum qui tunc quasi homo mortuus fuerat, nunc tamquam deum colere cœpit, et constituit inter servos suos sacra et sacrificia.",
      "citation": "Wisdom 14:15 (Clementine Vulgate)"
    },
    {
      "verse": 16,
      "text": "Deinde interveniente tempore, convalescente iniqua consuetudine, hic error tamquam lex custoditus est, et tyrannorum imperio colebantur figmenta.",
      "citation": "Wisdom 14:16 (Clementine Vulgate)"
    },
    {
      "verse": 17,
      "text": "Et hos quos in palam homines honorare non poterant propter hoc quod longe essent, e longinquo figura eorum allata, evidentem imaginem regis quem honorare volebant fecerunt, ut illum qui aberat, tamquam præsentem colerent sua sollicitudine.",
      "citation": "Wisdom 14:17 (Clementine Vulgate)"
    },
    {
      "verse": 18,
      "text": "Provexit autem ad horum culturam et hos qui ignorabant artificis eximia diligentia.",
      "citation": "Wisdom 14:18 (Clementine Vulgate)"
    },
    {
      "verse": 19,
      "text": "Ille enim, volens placere illi qui se assumpsit, elaboravit arte sua ut similitudinem in melius figuraret.",
      "citation": "Wisdom 14:19 (Clementine Vulgate)"
    },
    {
      "verse": 20,
      "text": "Multitudo autem hominum, abducta per speciem operis, eum qui ante tempus tamquam homo honoratus fuerat, nunc deum æstimaverunt.",
      "citation": "Wisdom 14:20 (Clementine Vulgate)"
    },
    {
      "verse": 21,
      "text": "Et hæc fuit vitæ humanæ deceptio, quoniam aut affectui aut regibus deservientes homines, incommunicabile nomen lapidibus et lignis imposuerunt.",
      "citation": "Wisdom 14:21 (Clementine Vulgate)"
    },
    {
      "verse": 22,
      "text": "Et non suffecerat errasse eos circa Dei scientiam, sed et in magno viventes inscientiæ bello, tot et tam magna mala pacem appellant.",
      "citation": "Wisdom 14:22 (Clementine Vulgate)"
    },
    {
      "verse": 23,
      "text": "Aut enim filios suos sacrificantes, aut obscura sacrificia facientes, aut insaniæ plenas vigilias habentes,",
      "citation": "Wisdom 14:23 (Clementine Vulgate)"
    },
    {
      "verse": 24,
      "text": "neque vitam, neque nuptias mundas jam custodiunt : sed alius alium per invidiam occidit, aut adulterans contristat,",
      "citation": "Wisdom 14:24 (Clementine Vulgate)"
    },
    {
      "verse": 25,
      "text": "et omnia commista sunt : sanguis, homicidium, furtum et fictio, corruptio et infidelitas, turbatio et perjurium, tumultus bonorum,",
      "citation": "Wisdom 14:25 (Clementine Vulgate)"
    },
    {
      "verse": 26,
      "text": "Dei immemoratio, animarum inquinatio, nativitatis immutatio, nuptiarum inconstantia, inordinatio mœchiæ et impudicitiæ.",
      "citation": "Wisdom 14:26 (Clementine Vulgate)"
    },
    {
      "verse": 27,
      "text": "Infandorum enim idolorum cultura omnis mali causa est, et initium et finis.",
      "citation": "Wisdom 14:27 (Clementine Vulgate)"
    },
    {
      "verse": 28,
      "text": "Aut enim dum lætantur insaniunt, aut certe vaticinantur falsa, aut vivunt injuste, aut pejerant cito.",
      "citation": "Wisdom 14:28 (Clementine Vulgate)"
    },
    {
      "verse": 29,
      "text": "Dum enim confidunt in idolis quæ sine anima sunt, male jurantes noceri se non sperant.",
      "citation": "Wisdom 14:29 (Clementine Vulgate)"
    },
    {
      "verse": 30,
      "text": "Utraque ergo illis evenient digne, quoniam male senserunt de Deo, attendentes idolis, et juraverunt injuste, in dolo contemnentes justitiam.",
      "citation": "Wisdom 14:30 (Clementine Vulgate)"
    },
    {
      "verse": 31,
      "text": "Non enim juratorum virtus, sed peccantium pœna, perambulat semper injustorum prævaricationem.",
      "citation": "Wisdom 14:31 (Clementine Vulgate)"
    }
  ]
}