Jesu coróna Vírginum

Jesu, coróna Vírginum, Quem Mater illa cóncipit, Quæ sola Virgo pártum, Hæc vota clemens ácciipe:

2. Qui pergis inter lília Septus choréis Vírginum, Sponsus decórus glória, Sponsísque reddens prǽmia.

3. Quocúmque pergis, Vírgines Sequúntur, atque láudibus Post te canéntes cúrsitant, Hymnósque dulces pérsonant.

4. Te deprecámur lárgius, Nostris adáuge sénsibus Nescíre prorsus ómnia Corruptiónis vúlnera.

5. Laus, honor, virtus, glória Deo Patri, et Fílio, Sancto simul Paráclito In sempitérna sǽcula. Amen.