Auróra jam spargit polum

✠

Auróra jam spargit polum:

Terris dies illábitur:

Lucis resúltat spículum:

Discédat omne lúbricum.

Phantásma noctis éxsulet:

Mentis reátus córruat:

Quidquid ténebris hórridum

Nox áttulit culpæ, cadat.

Ut mane, quod nos últimum

Hic deprecámur cérnui,

Cum luce nobis éffluat,

Hoc dum canóre cóncrepat.

Deo Patri sit glória,

Ejúsque soli Fílio,

Cum Spíritu Paráclito,

Nunc et per omne sǽculum.

Amen.

Hymn for Lauds on Saturday (Per Annum cycle).