25:1
Respondens autem Baldad Suhites, dixit :
25:2
Potestas et terror apud eum est, qui facit concordiam in sublimibus suis.
25:3
Numquid est numerus militum ejus ? et super quem non surget lumen illius ?
25:4
Numquid justificari potest homo comparatus Deo ? aut apparere mundus natus de muliere ?
25:5
Ecce luna etiam non splendet, et stellæ non sunt mundæ in conspectu ejus :
25:6
quanto magis homo putredo, et filius hominis vermis ?